Efesios 6:12 - Li Santil hu

¹² Moco yo̱co ta chixyalbal kakꞌe riqꞌuin cui̱nk. Yo̱co ban chi pletic riqꞌuin qꞌuila pa̱y ru chi ma̱us aj musikꞌej li cuanqueb xcuanquil saꞌ eb li cutan aꞌin, li nequeꞌtaklan saꞌ ikꞌ ut saꞌ li ruchichꞌochꞌ li cuan saꞌ xkꞌojyi̱nal ru li ma̱c.

Q'eqchi Bible

¹² Xb'aan naq moko yooko ta chi xyalb'al qametz'ew yal rik'in winq, rik'ineb' b'an li wankeb' xwankil, eb' li neke'taqlank ut neke'awab'ejink sa' xb'een li ruuchich'och' a'in li wank sa' aak'ab', rik'ineb' li maa'us aj musiq'ej li wankatqeb' taqe'q.

Efesios 6:12 ပူးပေါင်းရင်းမြစ်များ

Colosenses 1:13

Li Dios corisi rubel xcuanquil laj tza ut coxkꞌaxtesi rubel xcuanquil li Cꞌajolbej li kꞌaxal raro xban li Dios.

2 Corintios 4:4

Incꞌaꞌ nequeꞌxtau ru xban nak laj tza naramoc re lix ya̱lal chiruheb li incꞌaꞌ nequeꞌpa̱ban. Naxba̱nu aꞌan re nak incꞌaꞌ teꞌxtau ru lix ya̱lal li colba-ib li nacꞌutuc chiku lix lokꞌal li Cristo, ut lix lokꞌal li Dios.

Efesios 2:2

Xeba̱nu chak li ma̱usilal saꞌ ruchichꞌochꞌ ut xeqꞌue e̱rib chi takla̱c xban laj tza li nataklan saꞌ xbe̱neb li ma̱us aj musikꞌej. Aꞌan li nataklan saꞌ xbe̱neb li nequeꞌkꞌetoc ra̱tin li Dios.

Colosenses 2:15

Nak quicam chiru li cruz li Jesucristo, li Dios quirisi xcuanquileb li nequeꞌtaklan ut quirisi ajcuiꞌ xcuanquileb li ma̱us aj musikꞌej. Ut quixcꞌut xxuta̱neb nak quinumta saꞌ xbe̱neb.

Hechos 26:18

Chanchan nak ta̱teo̱nk li xnakꞌ ruheb nak ta̱chꞌolob lix ya̱lal chiruheb. Chanchan nak teꞌe̱lk saꞌ li kꞌojyi̱n ut teꞌoc saꞌ cutan nak teꞌxtau ru lix ya̱lal. Teꞌe̱lk rubel xcuanquil laj tza ut teꞌoc rubel xcuanquil li Dios. Riqꞌuin inpa̱banquil la̱in, ta̱cuyekꞌ ta̱sachekꞌ lix ma̱queb, ut ta̱cua̱nk xnaꞌajeb saꞌ xya̱nkeb li sicꞌbileb ru xban li Dios,” chan cue li Ka̱cuaꞌ.

Efesios 1:21

Kꞌaxal nim xcuanquil li Cristo saꞌ xbe̱neb chixjunileb li ángel ut li ma̱us aj musikꞌej ut saꞌ xbe̱neb li cuanqueb xcuanquil chi takla̱nc saꞌ choxa joꞌ saꞌ ruchichꞌochꞌ. Kꞌaxal nim saꞌ xbe̱n chixjunil li cꞌaꞌak re ru li cuanqueb xcuanquil anakcuan ut chi junelic kꞌe cutan.

Romanos 8:38

Ninnau chi tzꞌakal nak ma̱cꞌaꞌ naru ta̱isi̱nk ke riqꞌuin lix rahom li Dios. Li ca̱mc incꞌaꞌ naru torisi riqꞌuin lix rahom chi moco li cꞌaꞌak re ru nakacꞌul saꞌ li kayuꞌam. Eb li ángel incꞌaꞌ naru toeꞌrisi chi moco eb li cuanqueb xcuanquil saꞌ ruchichꞌochꞌ, chi moco lix cuanquil li cꞌaꞌak re ru chi musikꞌejil. Li cꞌaꞌak re ru nakacꞌul anakcuan incꞌaꞌ naru torisi riqꞌuin xrahom li Dios chi moco li cꞌaꞌak re ru ta̱cha̱lk.

Efesios 3:10

Li Dios quixba̱nu chi joꞌcaꞌin re xcꞌutbal chiruheb li cuanqueb xcuanquil saꞌ choxa nak numtajenak xnaꞌleb li Dios. Teꞌxnau nak numtajenak xnaꞌleb nak teꞌxqꞌue retal nak quixjunaji ruheb laj judío riqꞌuineb li ma̱cuaꞌeb aj judío chokꞌ ralal xcꞌajol.

Efesios 1:3

Lokꞌoninbil taxak li Dios lix Yucuaꞌ li Ka̱cuaꞌ Jesucristo. Xban nak junajo chic riqꞌuin li Cristo, li Dios naxqꞌue chak ke chixjunil li kosobtesinquil li nachal chak saꞌ choxa.

1 Corintios 15:50

Ex inherma̱n, li nacuaj xyebal e̱re, aꞌan aꞌin: li katibel ut li kaquiqꞌuel incꞌaꞌ ta̱oc saꞌ lix nimajcual cuanquilal li Dios xban nak aꞌan nakꞌa. Li bar cuan nakꞌa incꞌaꞌ naru ta̱re̱chani lix nimajcual cuanquilal li Dios xban nak aꞌan incꞌaꞌ nakꞌa.

1 Pedro 3:22

Li Jesucristo, aꞌan quitakeꞌ saꞌ choxa ut anakcuan cuan saꞌ xnim ukꞌ li Dios Acuabej xban nak kꞌaxal nim lix cuanquil. Li Cristo cuan xcuanquil saꞌ xbe̱neb li ángel. Ut cuan ajcuiꞌ xcuanquil saꞌ xbe̱neb chixjunileb li musikꞌej li cuanqueb xcuanquil.

Hebreos 12:1

Numtajenak xqꞌuialeb laj pa̱banel li queꞌcuan chak najter. Kaqꞌuehak retal chanru lix pa̱ba̱leb. Chanru nak queꞌpa̱ban chak aꞌan, joꞌcan ajcuiꞌ takaba̱nu la̱o. Cui junak naraj a̱linac, narisi chixjunil li naa̱lobresin re ut naxyal xkꞌe chi a̱linac. Joꞌcan ajcuiꞌ takaba̱nu la̱o. Takacanab chixjunil li cꞌaꞌak re ru nachꞌiꞌchꞌiꞌin ke saꞌ li kapa̱ba̱l ut takacanab ajcuiꞌ li ma̱c li nachapoc ke. Chikacuyak taxak li cꞌaꞌak re ru tento xcuybal re nak takaba̱nu joꞌ naraj li Dios.

San Juan 14:30

Incꞌaꞌ chic ta̱ru̱k tina̱tinak chi nabal e̱riqꞌuin xban nak yo̱ chi cha̱lc li nataklan saꞌ li ruchichꞌochꞌ, usta aꞌan ma̱cꞌaꞌ xcuanquil saꞌ inbe̱n la̱in.

San Juan 12:31

Anakcuan xcuulac xkꞌehil nak li Dios ta̱rakok a̱tin saꞌ xbe̱neb li cuanqueb saꞌ ruchichꞌochꞌ. Anakcuan ta̱sachekꞌ xcuanquil laj tza li nataklan saꞌ ruchichꞌochꞌ.

San Juan 16:11

Incꞌaꞌ nequeꞌxtau ru cꞌaꞌru li rakba a̱tin. Cui ta queꞌxtau ru, teꞌxnau raj nak ac tenebanbil li rakba a̱tin saꞌ xbe̱n laj tza li nataklan saꞌ ruchichꞌochꞌ.

Li xHu LAJ JOB 2:2

Ut li Ka̱cuaꞌ Dios quixye re laj tza: —¿Bar xatchal chak? chan re. Ut laj tza quixye re li Dios: —Yo̱quin chak chixsutinquil li ruchichꞌochꞌ. Yo̱quin chixbeninquil cuib yalak bar, chan.

San Lucas 22:53

Rajlal cutan cuanquin saꞌ e̱ya̱nk che̱tzolbal saꞌ li templo ut incꞌaꞌ quine̱chap aran. Abanan anakcuan xcuulac xkꞌehil nak te̱ba̱nu li cꞌaꞌru te̱raj la̱ex riqꞌuin xcuanquil laj tza, chan li Jesús.

San Lucas 13:24

Li Jesús quichakꞌoc ut quixye: —Joꞌcan nak qꞌuehomak e̱chꞌo̱l chi oc saꞌ li oqueba̱l li caꞌchꞌin ru. Nabaleb raj li teꞌraj oc, abanan incꞌaꞌ teꞌru̱k chi oc.

2 Timoteo 2:5

Ut joꞌcan ajcuiꞌ li naxyal xkꞌe chi a̱linac, incꞌaꞌ naxcꞌul lix ma̱tan cui incꞌaꞌ naxba̱nu chi tzꞌakal re ru.

San Mateo 16:17

Tojoꞌnak quichakꞌoc li Jesús ut quixye re: —Us xak a̱cue, at Simón, ralalat laj Jonás, xban nak moco cui̱nk ta xcꞌutbesin cha̱cuu lix ya̱lal aꞌin. Lin Yucuaꞌ cuan saꞌ choxa, aꞌan ban li xcꞌutbesin cha̱cuu.

Hebreos 12:4

La̱ex toj ma̱jiꞌ nequexcamsi̱c xban nak nequeqꞌue e̱chꞌo̱l chixcolbal e̱rib chiru li ma̱c.

Gálatas 1:16

Ut nak li Dios quiraj xcꞌutbesinquil li Ralal chicuu re nak tinchꞌolob resil chiruheb li ma̱cuaꞌeb aj judío, incꞌaꞌ xinpatzꞌ innaꞌleb re junak cui̱nk.

San Marcos 4:19

Abanan caꞌaj cuiꞌ li cꞌaꞌak re ru cuan saꞌ ruchichꞌochꞌ nequeꞌxcꞌoxla, joꞌ li biomal ut xra̱bal ru li cꞌaꞌak chic re ru. Ut aꞌan li naramoc lix ya̱lal chiruheb. Ma̱cꞌaꞌ na-oc cuiꞌ li ra̱tin li Dios reheb.

2 Corintios 11:14

Misach e̱chꞌo̱l chirabinquil aꞌan. Joꞌcan ajcuiꞌ naxba̱nu laj tza. Cuan nak naxcꞌutbesi rib joꞌ ángel ut chanchan naxcutanobresi li kanaꞌleb.