Efesios 6:11 - Li Santil hu

¹¹ Joꞌcan ut chetikibak e̱rib riqꞌuin chixjunil lix cꞌanjeleba̱l li Dios re nak xakxo̱kex chi tzꞌakal ut yo̱kex chixcolbal e̱rib chiru laj tza nak yo̱k che̱balakꞌinquil.

Q'eqchi Bible

¹¹ Tiqib'omaq eerib' rik'in chixjunil li xk'anjelob'aal li Yos re naq xaqxooqex chi kaw chiru leeraalenkil xb'aan laj tza.

Efesios 6:11 ပူးပေါင်းရင်းမြစ်များ

2 Corintios 10:4

Ut li kacꞌanjeleba̱l re pletic riqꞌuin li ma̱usilal ma̱cuaꞌ joꞌ li cꞌanjeleba̱l re ruchichꞌochꞌ. Re ban li Dios ut kꞌaxal nim xcuanquil re xsachbal chixjunil lix cꞌanjel li ma̱usilal.

Romanos 13:12

Chanchan nak yo̱ chi numecꞌ li kꞌojyi̱n ut yo̱ chi sake̱uc. Chikacanabak xba̱nunquil li incꞌaꞌ us li nequeꞌxba̱nu li toj cuanqueb saꞌ xkꞌojyi̱nal ru li ma̱c. Chikacolak kib chiru li incꞌaꞌ us riqꞌuin xcuanquil li Jesucristo.

1 Ts 5:8

Aꞌut la̱o, li ac nakanau chic xya̱lal, yoꞌon taxak cua̱nko. Li rahoc ut li kapa̱ba̱l, aꞌan taxak ta̱cꞌanjelak ke re kacolbal joꞌ nak li soldado naxcol rib riqꞌuin li chꞌi̱chꞌ li naxqꞌue chire xchꞌo̱l. Ut li kacolbal li yo̱co chiroybeninquil, aꞌan ta̱cꞌanjelak ke joꞌ nak nacꞌanjelac li punit chꞌi̱chꞌ chiru li soldado re xcolbal rib.

Efesios 6:13

Xban nak nocopletic riqꞌuin li ma̱us aj musikꞌej, joꞌcan nak cua̱nk e̱riqꞌuin chixjunil le̱ cꞌanjeleba̱l li qꞌuebil e̱re xban li Dios re nak cauhak e̱rib chixcolbal e̱rib chiru laj tza yalak jokꞌe tixyal e̱ra̱lenquil.

1 Pedro 5:8

Chicua̱nk e̱naꞌleb re xcolbal e̱rib chiru laj tza xban nak laj tza yo̱ chixsicꞌbal ani ta̱ra̱le. Laj tza aꞌan chanchan li cakcoj ca̱mc re xban xtzꞌocajic ut yo̱ chixsutinquil rib yalak bar re xsicꞌbal ani tixcamsi re tixtiu.

2 Corintios 2:11

Takacuy xma̱c re nak laj tza incꞌaꞌ ta̱numta̱k saꞌ kabe̱n xban nak chikajunilo ac nakanau nak aꞌan cuan xnaꞌleb chi balakꞌic.

Efesios 4:14

Moco joꞌcakex ta chic li cocꞌal. Li cocꞌal nequeꞌxpa̱b li cꞌaꞌak re ru nequeꞌyeheꞌ re. La̱ex ma̱cuaꞌex chic cocꞌal. Joꞌcan nak me̱qꞌue e̱rib chi balakꞌi̱c xbaneb li nequeꞌbalakꞌin riqꞌuin jalanil tijleb.

Colosenses 3:10

Anakcuan acꞌ chic le̱ yuꞌam. Li Dios, aꞌan li quijaloc re le̱ yuꞌam ut aꞌan ta̱tenkꞌa̱nk e̱re cuulaj cuulaj chixtzolbal e̱rib riqꞌuin re nak te̱tau ru chi tzꞌakal chanru li Dios ut te̱ba̱nu li naraj aꞌan.

Romanos 13:14

Kakꞌaxtesihak ban kib chi tzꞌakal rubel rok rukꞌ li Ka̱cuaꞌ Jesucristo re nak aꞌan chic ta̱tenkꞌa̱nk ke riqꞌuin lix nimal xcuanquil. Ut incꞌaꞌ chic takaba̱nu li ma̱usilal li naxrahi ru li kachꞌo̱l nak toj ma̱jiꞌ nakapa̱b li Cristo.

2 Corintios 11:3

Abanan yo̱quin chi cꞌoxlac che̱rix xban nak ninnau chanru nak quibalakꞌi̱c lix Eva xban li cꞌantiꞌ. Ma̱re anchal texbalakꞌi̱k la̱ex ut ma̱re incꞌaꞌ chic te̱pa̱b li Cristo chi anchal e̱chꞌo̱l ut ma̱re incꞌaꞌ chic te̱lokꞌoni.

2 Corintios 6:7

Nakachꞌolob lix ya̱lal che̱ru. Chixjunil li nakaba̱nu, nakaba̱nu riqꞌuin lix cuanquil li Dios. Junak li soldado cuan xchꞌi̱chꞌ re pletic saꞌ lix nim ukꞌ ut cuan xchꞌi̱chꞌ saꞌ lix tzꞌe re xcolbal rib. Ut li kachꞌi̱chꞌ la̱o, aꞌan xti̱quilal li kachꞌo̱l.

Apocalipsis 2:24

Ma̱cꞌaꞌ tinye e̱re re e̱kꞌusbal la̱ex aj Tiatira li joꞌ qꞌuialex incꞌaꞌ xetzol e̱rib riqꞌuin li tijleb li nequeꞌxchꞌolob eb aꞌan, xban nak aꞌan xma̱us aj naꞌleb laj tza.

Efesios 4:24

Acꞌobresinbilak le̱ yuꞌam ut chexcua̱nk taxak joꞌ naraj li Dios. Santakex ut cha̱bilakex xban nak nequenau chic lix ya̱lal.

Hebreos 7:25

Li Jesucristo aꞌan tzꞌakal ta̱colok reheb chixjunileb li nequeꞌpa̱ban re li Dios saꞌ xcꞌabaꞌ aꞌan. Li Jesucristo yoꞌyo chi junelic ut naa̱tinac chirixeb chiru li Dios.

San Judas 1:24

Ut anakcuan lokꞌoninbil taxak li nimajcual Dios. Aꞌan kꞌaxal nim xcuanquil che̱colbal re nak incꞌaꞌ texma̱cobk. Nim ajcuiꞌ xcuanquil che̱kꞌaxtesinquil saꞌ xnimal xlokꞌal li Dios chi ma̱cꞌaꞌak e̱ma̱c ut chi sa saꞌ e̱chꞌo̱l.

2 Corintios 4:4

Incꞌaꞌ nequeꞌxtau ru xban nak laj tza naramoc re lix ya̱lal chiruheb li incꞌaꞌ nequeꞌpa̱ban. Naxba̱nu aꞌan re nak incꞌaꞌ teꞌxtau ru lix ya̱lal li colba-ib li nacꞌutuc chiku lix lokꞌal li Cristo, ut lix lokꞌal li Dios.

1 Corintios 10:13

Moco jalan ta chic li a̱le̱c nequecꞌul la̱ex chiru li nequeꞌxcꞌul chixjunileb. Abanan li Dios ti̱c xchꞌo̱l. Aꞌan incꞌaꞌ nocoxcanab chi a̱le̱c cui incꞌaꞌ takacuy xnumsinquil. Aꞌan ban natenkꞌan ke chixcuybal xnumsinquil.

San Marcos 13:22

Nabaleb aj balakꞌ teꞌcꞌulu̱nk ut teꞌxye nak aꞌaneb li Cristo. Ut cuan teꞌxye nak aꞌaneb li profeta. Nabal li cꞌaꞌak re ru teꞌxcꞌutbesi ut sachba chꞌo̱lej telajeꞌxba̱nu re xbalakꞌinquileb li sicꞌbileb ru xban li Dios.

Apocalipsis 12:9

Quicuteꞌ saꞌ ruchichꞌochꞌ xban li Dios li joskꞌ aj dragón. Li dragón, aꞌan li cꞌantiꞌ li ac cuan ajcuiꞌ chak najter. Aꞌan laj tza li nabalakꞌin reheb li cuanqueb saꞌ ruchichꞌochꞌ. Satanás nayeman re. Quicuteꞌ saꞌ ruchichꞌochꞌ laj tza ut queꞌcuteꞌ ajcuiꞌ li ángel li queꞌta̱ken re.

Apocalipsis 19:20

Li joskꞌ aj xul quichapeꞌ xban li Ti̱c Xchꞌo̱l li cuan chirix li cacua̱y sak rix ut quichapeꞌ ajcuiꞌ li profeta aj balakꞌ, li quixba̱nu li sachba chꞌo̱lej saꞌ xcꞌabaꞌ li joskꞌ aj xul. Riqꞌuin li sachba chꞌo̱lej quixba̱nu quixbalakꞌi nabaleb li tenamit chixcꞌulbal li retalil li joskꞌ aj xul ut queꞌxlokꞌoni lix jalam u̱ch. Chi xcabichaleb li joskꞌ aj xul ut li profeta aj balakꞌ queꞌcuteꞌ chi yoꞌyo̱queb saꞌ li xxamlel li azufre li chanchan nimla palau.

Santiago 4:7

Joꞌcan nak chekꞌaxtesihak e̱rib re li Dios. Chexnumta̱k saꞌ xbe̱n laj tza ut aꞌan ta̱e̱lelik che̱ru.

Jueces 3:2

Quixba̱nu chi joꞌcan yal re nak teꞌxtzol rib chi pletic eb laj Israel, li ma̱jiꞌ nequeꞌyoꞌla nak quicuan li ple̱t junxil.

Nehemías 4:13

La̱in quebintakla li junju̱nk cabal re nak teꞌxakli̱k chirix li tzꞌac bar cubenak cuiꞌ xteram joꞌ ajcuiꞌ saꞌ xya̱nk li tzꞌac li toj ma̱jiꞌ naxcꞌul rib. Cua̱nkeb xchꞌi̱chꞌ re camsi̱nc, cua̱nkeb xla̱ns ut cua̱nkeb ajcuiꞌ xtzimaj saꞌ rukꞌeb.