Efesios 6:10 - Li Santil hu

¹⁰ Toj cuan cꞌaꞌru nacuaj xyebal e̱re ut aꞌan aꞌin: Cheꞌcacuubresi̱k le̱ chꞌo̱l saꞌ le̱ pa̱ba̱l riqꞌuin lix nimal xcuanquilal li Ka̱cuaꞌ li cuan e̱riqꞌuin.

Q'eqchi Bible

¹⁰ Sa' xraqik, kawub'resiiq leech'ool rik'in li xnimal xwankil li Qaawa'.

Efesios 6:10 ပူးပေါင်းရင်းမြစ်များ

Filipenses 4:13

La̱in nincuy xnumsinquil chixjunil li raylal xban nak li Cristo naxqꞌue xcacuilal inchꞌo̱l re nak tincuy xnumsinquil.

Isaías 40:31

Aꞌut eb li nequeꞌyoꞌonin riqꞌuin li Ka̱cuaꞌ teꞌqꞌuehekꞌ lix metzꞌe̱u. Cua̱nkeb xmetzꞌe̱u joꞌ xmetzꞌe̱u li tꞌiu li naxicꞌan chi najt ut incꞌaꞌ nalub. Teꞌa̱linak ut incꞌaꞌ teꞌlubk; teꞌbe̱k ut incꞌaꞌ teꞌtacua̱k. Incꞌaꞌ teꞌchꞌina̱nk xchꞌo̱l xban nak li Ka̱cuaꞌ cua̱nk riqꞌuineb.

Josué 1:9

La̱in li yo̱quin chi takla̱nc a̱cue. Yal a̱kꞌe ut cacuubresi a̱chꞌo̱l. Matxucuac chi moco ta̱chꞌina̱nk a̱chꞌo̱l xban nak la̱in li Ka̱cuaꞌ la̱ Dios cua̱nkin a̱cuiqꞌuin yalak bar tatxic, chan li Dios.

1 Corintios 16:13

Michꞌinan e̱chꞌo̱l saꞌ le̱ pa̱ba̱l. Cauhak taxak e̱chꞌo̱l chi pa̱ba̱nc ut me̱qꞌue e̱rib chi a̱le̱c. Yoꞌon cua̱nkex ut chepa̱bak li Ka̱cuaꞌ chi anchal e̱chꞌo̱l, usta nachal raylal saꞌ e̱be̱n.

1 Pedro 5:10

La̱ex te̱cꞌul li raylal. Cuyomak cuan caꞌchꞌinak xban nak chi se̱b ajcuiꞌ nocoxtenkꞌa li Dios. Aꞌan ta̱tzꞌakobresi̱nk e̱ru. Aꞌan ta̱tenkꞌa̱nk e̱re re nak incꞌaꞌ ta̱chꞌina̱nk e̱chꞌo̱l. Tixqꞌue ban xcacuil e̱chꞌo̱l. Li Dios, li naqꞌuehoc ke li usilal, aꞌan quibokoc ke chi tzꞌako̱nc riqꞌuin lix nimal xlokꞌal saꞌ choxa kochben li Cristo.

Colosenses 1:11

Nakatzꞌa̱ma chiru li Dios re nak cua̱nk xcacuil e̱chꞌo̱l xban xnimal xcuanquil li Dios. Chisahokꞌ saꞌ e̱chꞌo̱l ut checuyak xnumsinquil li cꞌaꞌak re ru nachal saꞌ e̱be̱n ut incꞌaꞌ ta̱chꞌina̱nk e̱chꞌo̱l.

Efesios 1:19

Ut nintzꞌa̱ma ajcuiꞌ chiru li Dios nak tixqꞌue e̱naꞌleb re nak te̱nau nak kꞌaxal nim lix cuanquil saꞌ kabe̱n la̱o li nocopa̱ban re.

Efesios 3:16

Kꞌaxal nim li rusilal li Dios. Joꞌcan nak nintzꞌa̱ma chiru nak li Santil Musikꞌej chiqꞌuehok e̱cuanquilal ut xcacuilal e̱chꞌo̱l saꞌ le̱ pa̱ba̱l.

2 Timoteo 4:17

Abanan li Ka̱cuaꞌ quitenkꞌan cue ut quixqꞌue xcacuilal inchꞌo̱l re xjulticanquil chi tzꞌakal resil li colba-ib re nak chixjunileb li ma̱cuaꞌeb aj judío teꞌrabi resil li evangelio. Joꞌcan nak quincoleꞌ saꞌ rukꞌ li cakcoj.

Isaías 40:28

¿Ma incꞌaꞌ ta biꞌ nequenau nak li Ka̱cuaꞌ ac aꞌan ajcuiꞌ chalen chak najter kꞌe cutan? Ut, ¿Ma incꞌaꞌ ta biꞌ e̱rabiom nak li Ka̱cuaꞌ, aꞌan li quiyoꞌobtesin re li cꞌaꞌru cuan saꞌ chixjunil li ruchichꞌochꞌ? Aꞌan incꞌaꞌ nalub chi moco nalaj lix metzꞌe̱u. Lix cꞌaꞌux ma̱ ani nataꞌoc re.

2 Timoteo 2:1

Aꞌut anakcuan, at Timoteo, cauhak a̱chꞌo̱l riqꞌuin li usilal qꞌuebil ke xban nak reho chic li Cristo Jesús.

2 Crónicas 15:7

Anakcuan ut la̱ex, michꞌinan e̱chꞌo̱l. Cauhak ban e̱chꞌo̱l xban nak le̱ cꞌanjel, aꞌan cuan xkꞌajca̱munquil, chan laj Azarías.

Hageo 2:4

Anakcuan, cacuubresi a̱chꞌo̱l, at Zorobabel. Cacuubresi ajcuiꞌ a̱chꞌo̱l la̱at at Josué li xbe̱nil aj tij. Cacuubresihomak e̱chꞌo̱l che̱junilex li cuanquex arin ut chexcꞌanjelak ut la̱in cua̱nkin e̱riqꞌuin, chan li nimajcual Dios.

Salmos 138:3

Nak quintzꞌa̱ma intenkꞌanquil cha̱cuu, la̱at casume li cꞌaꞌru quintzꞌa̱ma cha̱cuu. Caqꞌue incacuilal ut caqꞌue inmetzꞌe̱u.

Filipenses 4:8

Ut anakcuan, jun chic nacuaj xyebal e̱re. Aꞌan aꞌin: junelic chexcꞌoxlak chirix li cꞌaꞌru ya̱l ut li cꞌaꞌru cha̱bil. Chexcꞌoxlak chirix li ti̱quilal, li santilal, ut li usilal. Junelic chexcꞌoxlak chirix li kꞌaxal cha̱bil ut li naru naxqꞌue xlokꞌal li Dios.

Zacarías 8:13

La̱ex li ralal xcꞌajol laj Judá ut li ralal xcꞌajol laj Israel, junxil majecuanbilex ut tzꞌekta̱nanbilex xbaneb li jalanil tenamit. Abanan, anakcuan texincol ut saꞌ e̱cꞌabaꞌ la̱ex nak osobtesinbilakeb li jalanil tenamit. Mexxucuac. Cacuubresihomak ban e̱chꞌo̱l chi cꞌanjelac.—

1 Crónicas 28:10

Qꞌue retal. Li Ka̱cuaꞌ Dios, aꞌan li xsicꞌoc a̱cuu re nak ta̱yi̱b lix templo li Ka̱cuaꞌ re ta̱cua̱nk cuiꞌ lix Lokꞌlaj Ca̱x. Cauhak a̱chꞌo̱l ut ba̱nu li cꞌanjel, chan li rey David.

1 Samuel 23:16

Saꞌ jun li cutan laj Jonatán, li ralal laj Saúl, co̱ chirilbal laj David aran Zif saꞌ li naꞌajej Hores. Quixqꞌue xcacuil xchꞌo̱l saꞌ xcꞌabaꞌ li Ka̱cuaꞌ.

Zacarías 8:9

Joꞌcaꞌin xye li Ka̱cuaꞌ, li nimajcual Dios: —Cacuubresihomak le̱ chꞌo̱l chixyi̱banquil lin templo. La̱ex ac querabi li cꞌaꞌru queꞌxye li profeta chalen nak queꞌxtiquib chak xqꞌuebal li cimiento, chan.

Deuteronomio 31:23

Ut li Ka̱cuaꞌ quia̱tinac riqꞌuin laj Josué li ralal laj Nun ut quixye re: —Cacuubresi a̱chꞌo̱l ut chicua̱nk a̱metzꞌe̱u xban nak la̱at tatcꞌamok reheb laj Israel saꞌ li naꞌajej li xinyechiꞌi reheb riqꞌuin juramento. Ut la̱in tincua̱nk a̱cuiqꞌuin, chan.

1 Crónicas 28:20

Cauhak taxak la̱ chꞌo̱l ut yal a̱kꞌe chixba̱nunquil li cꞌanjel. Matxucuac chi moco ta̱chꞌina̱nk la̱ chꞌo̱l xban nak li Ka̱cuaꞌ lin Dios cua̱nk a̱cuiqꞌuin. Aꞌan incꞌaꞌ tatxcanab a̱junes toj retal ta̱choy xyi̱banquil lix templo li Ka̱cuaꞌ.

2 Corintios 13:11

Anakcuan ex inherma̱n, texinchakꞌrabi riqꞌuin a a̱tin aꞌin: Jalomak le̱ cꞌaꞌux re nak tzꞌakalak e̱re e̱ru. Cheqꞌuehak retal li joꞌ qꞌuial xinye e̱re. Junajak taxak le̱ cꞌaꞌux ut chexcua̱nk saꞌ xya̱lal chi ribil e̱rib. Ut cua̱nk e̱riqꞌuin li Dios li narahoc ke ut naxqꞌue ke li tuktu̱quil usilal.

1 Pedro 3:8

Ut tinye ajcuiꞌ e̱re, chexcua̱nk che̱junilex chi junajak le̱ chꞌo̱l ut chi junajak le̱ cꞌaꞌux. Cherahak e̱rib che̱ribil e̱rib. Chetokꞌoba e̱ru che̱ribil e̱rib ut kꞌunak le̱ chꞌo̱l.

Filipenses 3:1

Anakcuan ut, ex inherma̱n, chisahokꞌ taxak saꞌ le̱ chꞌo̱l xban nak rehex chic li Cristo. Li cꞌaꞌru yo̱quin chixtzꞌi̱banquil, ac xinye ajcuiꞌ e̱re. Usta ac xinye e̱re, tinye cuiꞌchic e̱re. Incꞌaꞌ nintitzꞌ xyebal xban nak ninnau nak ta̱cꞌanjelak che̱ru.

1 Pedro 4:11

Cui ani cuan xma̱tan chi a̱tinac, chixyehak ra̱tin li Dios. Cui ani naraj cꞌanjelac, chi cꞌanjelac aꞌ yal chanru lix cacuilal qꞌuebil re xban li Dios. Riqꞌuin chixjunil li cꞌaꞌak re ru ta̱uxma̱nk, nimanbilak taxak xcꞌabaꞌ li Dios saꞌ xcꞌabaꞌ li Jesucristo. Aꞌan laj e̱chal re li nimajcual cuanquilal ut lokꞌoninbilak taxak chi junelic kꞌe cutan. Joꞌcan taxak.

1 Juan 2:14

Xintzꞌi̱bac e̱riqꞌuin la̱ex yucuaꞌbej, xban nak ac xepa̱b li Dios Cꞌajolbej li cuan chalen chak najter nak toj ma̱jiꞌ naxyoꞌobtesi chak li ruchichꞌochꞌ. Xintzꞌi̱bac e̱riqꞌuin la̱ex li toj sa̱jex, xban nak cau e̱rib ut li ra̱tin li Dios nacana chi junelic e̱riqꞌuin ut xecuy xnumsinquil li a̱le̱c li naxqꞌue laj tza.