Efesios 6:1 - Li Santil hu

¹ Joꞌcan ajcuiꞌ la̱ex, alalbej. Chex-abi̱nk chiru le̱ naꞌ e̱yucuaꞌ saꞌ xcꞌabaꞌ li Ka̱cuaꞌ xban nak aꞌan kꞌaxal us xba̱nunquil.

Q'eqchi Bible

¹ Ex alalb'ej, chepaab' leena' leeyuwa' sa' xk'ab'a' li Qaawa' xb'aan naq a'an eek'ulub' xb'aanunkil.

Efesios 6:1 ပူးပေါင်းရင်းမြစ်များ

Proverbios 23:22

Chex-abi̱nk chiru le̱ yucuaꞌ xban nak cui ta ma̱cꞌaꞌ aꞌan, ma̱cꞌaꞌex ajcuiꞌ raj la̱ex. Me̱tzꞌekta̱na le̱ naꞌ nak ac xchecoꞌ. Cheqꞌue ban xlokꞌal.

Proverbios 6:20

Ex cualal incꞌajol, cheqꞌuehak saꞌ e̱chꞌo̱l le̱ kꞌusbal li nequeꞌxqꞌue le̱ naꞌ e̱yucuaꞌ. Me̱tzꞌekta̱na li naꞌleb nequeꞌxqꞌue.

Proverbios 1:8

Ex cualal incꞌajol, cheqꞌuehak saꞌ e̱chꞌo̱l le̱ kꞌusbal naxqꞌue le̱ yucuaꞌ. Ut me̱tzꞌekta̱na le̱ tijbal naxqꞌue le̱ naꞌ.

Deuteronomio 21:18

Ma̱re cua̱nk junak cui̱nk cua̱nk junak ralal li incꞌaꞌ na-abin. Naxkꞌetkꞌeti ban rib. Usta nakꞌuseꞌ, incꞌaꞌ naxcꞌul lix kꞌusbal xbaneb lix naꞌ xyucuaꞌ.

Levítico 19:3

Chexucua̱k ru le̱ naꞌ e̱yucuaꞌ. Ut te̱oxlokꞌi li hiloba̱l cutan. La̱in li Ka̱cuaꞌ le̱ Dios xinyehoc re aꞌin.

1 Timoteo 5:4

Abanan cui cuan ralal xcꞌajol, aꞌan eb chic teꞌtenkꞌa̱nk reheb. Tento nak teꞌxtzol rib chixba̱nunquil chi joꞌcaꞌin re nak teꞌxnau rilbal lix jun cablaleb. Teꞌxnau xkꞌajca̱munquil lix naꞌ xyucuaꞌ joꞌ nacuulac chiru li Dios.

Romanos 12:2

Me̱ba̱nu chic joꞌ nequeꞌxba̱nu li toj ma̱jiꞌ nequeꞌpa̱ban. Kꞌaxtesihomak ban e̱rib rubel rok rukꞌ li Dios re nak aꞌan tix-acꞌobresi le̱ chꞌo̱l ut le̱ cꞌaꞌux, ut te̱nau chic li cꞌaꞌru naraj li Dios. Chexcua̱nk saꞌ cha̱bilal, ut chi tzꞌakalak re ru le̱ yuꞌam re nak sahak xchꞌo̱l li Dios e̱riqꞌuin.

Proverbios 30:17

Li ani tixhob lix yucuaꞌ ut li ani tixtzꞌekta̱na lix naꞌleb li ta̱qꞌuehekꞌ xban lix naꞌ, aꞌ ta eb li soꞌsol cheꞌisi̱nk lix nakꞌ ruheb ut teꞌxtiu lix tibeleb.

Romanos 7:12

Relic chi ya̱l nak li chakꞌrab qꞌuebil chak xban li Dios, aꞌan santil chakꞌrab, ut li kataklanquil xban li Dios santo ajcuiꞌ, ti̱c ut cha̱bil.

San Lucas 2:51

Li Jesús quisukꞌi Jerusalén rochbeneb lix naꞌ xyucuaꞌ ut na-abin chiruheb. Ut lix naꞌ quixcꞌu̱la saꞌ xchꞌo̱l chixjunil li quicꞌulman.

Li xHu LAJ JOB 33:27

Tixye, “La̱in xinma̱cob. La̱in xinba̱nu li incꞌaꞌ us. Abanan li Dios incꞌaꞌ xinixqꞌue chixtojbal lin ma̱c joꞌ incꞌulub.

1 Pedro 2:13

Saꞌ xcꞌabaꞌ li Cristo chepa̱bak chixjunileb li chakꞌrab qꞌuebil xbaneb li cui̱nk li nequeꞌtaklan saꞌ e̱be̱n. Chexpa̱ba̱nk chiru li acuabej xban nak aꞌan cuan saꞌ xcuanquil.

Oseas 14:9

Cui cuan junak saꞌ e̱ya̱nk cuan xnaꞌleb chixtaubal ru li tzꞌi̱banbil arin, chixqꞌuehak retal lix ya̱lal. Li cꞌaꞌru naxba̱nu li Ka̱cuaꞌ, aꞌan ti̱c ut cha̱bil. Ut eb li ti̱queb xchꞌo̱l nequeꞌxba̱nu li cꞌaꞌru naraj li Dios. Aꞌut li kꞌetkꞌeteb teꞌosokꞌ xban nak incꞌaꞌ nequeꞌxba̱nu li cꞌaꞌru naraj li Dios.

Proverbios 30:11

Cuanqueb cristian nequeꞌxtzꞌekta̱na xyucuaꞌeb ut incꞌaꞌ nequeꞌxqꞌue xlokꞌal lix naꞌeb.

Génesis 28:7

Quixqꞌue retal nak laj Jacob quixpa̱b li ra̱tin lix naꞌ ut lix yucuaꞌ. Quiril nak laj Jacob co̱ saꞌ li tenamit Padan-aram.

Salmos 19:8

Lix chakꞌrab li Ka̱cuaꞌ Dios, aꞌan tzꞌakal ti̱c ut incꞌaꞌ najala, ut naxqꞌue sahil chꞌo̱lej. Li chakꞌrab canabanbil xban li Ka̱cuaꞌ Dios, aꞌan tzꞌakal ya̱l ut naxcutanobresi li kanaꞌleb.

Ester 2:20

Lix Ester incꞌaꞌ quixye reheb bar xtenamit chi moco quixye reheb nak aꞌan xcomoneb laj judío xban nak joꞌcan quiyeheꞌ re xban laj Mardoqueo. Aꞌan naxba̱nu li cꞌaꞌru naxye laj Mardoqueo joꞌ quixba̱nu nak toj cuan chiru.

1 Corintios 15:58

Joꞌcan ut ex inherma̱n, raro̱quex inban, cauhak taxak e̱chꞌo̱l saꞌ le̱ pa̱ba̱l. Michꞌinan le̱ chꞌo̱l. Cheqꞌuehak ban e̱chꞌo̱l chi cꞌanjelac chiru li Ka̱cuaꞌ. Ut chenauhak nak li joꞌ qꞌuial te̱ba̱nu saꞌ xcꞌabaꞌ li Ka̱cuaꞌ cuan rajbal.

Romanos 16:2

Ut nak ta̱cuulak aran e̱riqꞌuin, checꞌulak aꞌan saꞌ xcꞌabaꞌ li Ka̱cuaꞌ joꞌ xcꞌulubeb laj pa̱banel. Ut chetenkꞌahak riqꞌuin cꞌaꞌak re ru ta̱raj cuiꞌ tenkꞌa̱c xban nak ac xtenkꞌaheb ajcuiꞌ nabal li herma̱n ut xinixtenkꞌa ajcuiꞌ la̱in.

Salmos 119:75

At nimajcual Dios, la̱in ninnau nak nacatrakoc a̱tin saꞌ ti̱quilal. Ut xban nak cha̱bilat cuiqꞌuin, niquina̱kꞌus.

Génesis 37:13

Laj Israel quixye re laj José: —Eb la̱ cuas yo̱queb chak chixberesinquil lin queto̱mk aran Siquem. La̱in tincuaj nak tatxic chirilbaleb, chan. Ut laj José quixye: —Us. La̱in tinxic, chan.

Jeremías 35:14

Laj Jonadab li ralal laj Recab quixye reheb li ralal xcꞌajol nak incꞌaꞌ teꞌrucꞌ li vino ut queꞌxba̱nu joꞌ quixye. Toj chalen anakcuan incꞌaꞌ nequeꞌrucꞌ li vino xban nak nequeꞌxba̱nu li cꞌaꞌru quixye lix xeꞌto̱nil yucuaꞌeb. Abanan la̱in nabal sut yo̱quin chixyebal e̱re cꞌaꞌru te̱ba̱nu ut incꞌaꞌ nequex-abin chicuu.

Nehemías 9:13

Saꞌ xbe̱n li tzu̱l Sinaí cat-a̱tinac riqꞌuineb. Toj saꞌ choxa cacua̱tinaheb chak. Caqꞌue la̱ chakꞌrab reheb re nak teꞌcua̱nk saꞌ ti̱quilal. Tzꞌakal re ru ut cha̱bil li chakꞌrab li caqꞌue reheb.

1 Samuel 17:20

Cuulajak chic nak toj ekꞌela laj David quicuacli ut quixcanabeb li carner saꞌ rukꞌ jalan chic re nak aꞌan chic ta̱ilok reheb. Quixcꞌam li tzacae̱mk ut co̱ joꞌ quiyeheꞌ re xban laj Isaí lix yucuaꞌ. Nak quicuulac cuanqueb cuiꞌ lix muheba̱leb li soldados, ac xiqueb re chi pletic ut yo̱queb chixjapbal reheb.

Salmos 119:128

La̱in xinqꞌue retal nak tzꞌakal re ru chixjunil li cꞌaꞌru naxye saꞌ la̱ chakꞌrab. Joꞌcan nak xicꞌ nacuil li ma̱usilal.

Li xHu LIX RUT 3:5

Lix Rut quichakꞌoc ut quixye: —Tinba̱nu chixjunil li cꞌaꞌru xaye cue, chan.

Jeremías 35:8

Yo̱co xba̱nunquil chixjunil li quixye ke laj Jonadab li ralal laj Recab, li kaxeꞌto̱nil yucuaꞌ. La̱o incꞌaꞌ noco-ucꞌac vino, chi moco eb li kixakil chi moco eb li kalal kacꞌajol.

Jeremías 35:18

Ut li profeta Jeremías quixye reheb li ralal xcꞌajol laj Recab: —Li Ka̱cuaꞌ lix Dioseb laj Israel naxye e̱re chi joꞌcaꞌin: La̱ex xeba̱nu li cꞌaꞌru quixye e̱re laj Jonadab le̱ xeꞌto̱nil yucuaꞌ. Xeba̱nu le̱ chakꞌrabinquil li quixqꞌue ut xeba̱nu chixjunil li quixye e̱re.

Génesis 48:12

Ut laj José quirisiheb lix cocꞌal chixbe̱n li ruch raꞌ lix yucuaꞌchin, ut quixcuikꞌib rib aꞌan chiru lix yucuaꞌ.

Génesis 50:12

Queꞌxba̱nu li ralal laj Jacob joꞌ li quixtzꞌa̱ma chiruheb.