Efesios 5:6 - Li Santil hu

⁶ Me̱qꞌue e̱rib chi balakꞌi̱c xbaneb li nequeꞌa̱tinac ut nequeꞌxye nak moco nimla ma̱c ta xba̱nunquil li cꞌaꞌak re ru aꞌin, xban nak nachal xjoskꞌil li Dios saꞌ xbe̱neb li nequeꞌkꞌetoc re li ra̱tin.

Q'eqchi Bible

⁶ Maa'ani chib'alaq'inq eere rik'ineb' li aatin maak'a'eb' xyaalalil, xb'aan naq a'in nachalk wi' xjosq'il li Yos sa' xb'eeneb' laj q'etol aatin.

Efesios 5:6 ပူးပေါင်းရင်းမြစ်များ

Romanos 1:18

Li Dios yo̱ chak xjoskꞌil toj saꞌ choxa saꞌ xbe̱neb laj ma̱c. Riqꞌuin lix ma̱usilaleb nequeꞌxtzꞌekta̱na lix ya̱lal ut nequeꞌxmuk ajcuiꞌ chiruheb li ras ri̱tzꞌin.

San Mateo 24:4

Quichakꞌoc li Jesús ut quixye reheb: —Cheqꞌuehak retal re nak ma̱ ani chibalakꞌi̱nk e̱re.

Colosenses 2:8

Me̱qꞌue e̱rib chi balakꞌi̱c xbaneb li nequeꞌxye nak cuan xnaꞌlebeb. Ma̱cꞌaꞌ na-oc cuiꞌ li cꞌaꞌru nequeꞌxye xban nak lix naꞌlebeb moco riqꞌuin li Cristo ta nachal. Aꞌan yal xnaꞌleb li ruchichꞌochꞌ ut yal xnaꞌlebeb li kaxeꞌ kato̱n.

1 Juan 4:1

Ex herma̱n, qꞌuehomak retal nak moco chixjunil ta aj iqꞌuin cuan li Santil Musikꞌej. Nabaleb laj tzolonel aj balakꞌ cuanqueb saꞌ ruchichꞌochꞌ. Me̱pa̱b chixjunil li cꞌaꞌak re ru nequerabi riqꞌuineb, usta ta̱yehekꞌ e̱re nak riqꞌuin li Dios xchal. Tento nak te̱tzꞌil rix li te̱rabi re xnaubal ma riqꞌuin li Dios xchal li nequeꞌxye malaj incꞌaꞌ.

Colosenses 3:6

Riqꞌuin xba̱nunquil li ma̱usilal aꞌin nachal xjoskꞌil li Dios ut naxteneb li tojba ma̱c saꞌ xbe̱neb li nequeꞌkꞌetoc re li ra̱tin.

San Marcos 13:5

Li Jesús quichakꞌoc ut quixye: —Cheqꞌue retal re nak ma̱ ani ta̱balakꞌi̱nk e̱re.

San Mateo 24:24

Nabaleb aj balakꞌ teꞌcꞌulu̱nk ut teꞌxye nak aꞌaneb li Cristo. Ut cuan teꞌxye nak aꞌaneb profeta. Nabal li cꞌaꞌak re ru teꞌxcꞌutbesi ut sachba chꞌo̱lej telajeꞌxba̱nu re xyalbal xbalakꞌinquileb li tenamit, joꞌqueb ajcuiꞌ li sicꞌbileb ru xban li Dios.

1 Pedro 2:8

Ut tzꞌi̱banbil ajcuiꞌ saꞌ li Santil Hu chi joꞌcaꞌin: Aꞌan ut li pec li queꞌxtich cuiꞌ li rokeb. Aꞌan li pec li natꞌanoc. (Isa. 8:14-15) Li cristian li nequeꞌxtich rokeb chiru, aꞌaneb laj kꞌetol ra̱tin li Dios. Ac chꞌolchꞌo nak teꞌxcꞌul lix tojbal lix ma̱c xban nak nequeꞌxtzꞌekta̱na li Cristo.

2 Ts 2:3

Ma̱cꞌaꞌ ta cꞌaꞌru chexbalakꞌi̱k cuiꞌ. Li Ka̱cuaꞌ Jesucristo incꞌaꞌ ta̱cha̱lk chi ma̱jiꞌak natzꞌekta̱na̱c li Dios xbaneb nabal chi tenamit. Ut ta̱cha̱lk ajcuiꞌ li cui̱nk laj kꞌetol chakꞌrab. Aꞌan li ta̱cꞌuluk re li sachc chi junaj cua.

Colosenses 2:4

Nintakla xyebal e̱re aꞌin re nak incꞌaꞌ texbalakꞌi̱k xbaneb li nequeꞌtacchiꞌin e̱re. Chanchan cha̱bil a̱tin nequeꞌxye, abanan moco ya̱l ta li nequeꞌxye.

San Marcos 13:22

Nabaleb aj balakꞌ teꞌcꞌulu̱nk ut teꞌxye nak aꞌaneb li Cristo. Ut cuan teꞌxye nak aꞌaneb li profeta. Nabal li cꞌaꞌak re ru teꞌxcꞌutbesi ut sachba chꞌo̱lej telajeꞌxba̱nu re xbalakꞌinquileb li sicꞌbileb ru xban li Dios.

Colosenses 2:18

Cuan li nequeꞌxye nak cha̱bileb ut chanchan nak nequeꞌxcubsi ribeb. Abanan moco ya̱l ta. Lix naꞌlebeb moco qꞌuebil ta xban li Dios. Li cꞌaꞌru nequeꞌxba̱nu, aꞌan yal cꞌoxlanbil. Nequeꞌxlokꞌoni li ángel ut nequeꞌxye cui incꞌaꞌ te̱ba̱nu joꞌ nequeꞌxba̱nu eb aꞌan, incꞌaꞌ te̱cꞌul li yechiꞌinbil e̱re xban li Dios. Abanan me̱pa̱b li cꞌaꞌru nequeꞌxye xban nak moco ya̱l ta.

Salmos 78:31

Xban li numcuaꞌac queꞌxba̱nu, quichal xjoskꞌil li Dios saꞌ xbe̱neb ut quixcanabeb chi ca̱mc eb li cui̱nk li toj sa̱jeb, li cauheb rib saꞌ xya̱nkeb laj Israel.

Hebreos 3:19

Ut relic chi ya̱l xbaneb lix kꞌetba a̱tin, incꞌaꞌ queꞌoc chi hila̱nc saꞌ li cha̱bil naꞌajej.

Miqueas 3:5

Joꞌcaꞌin quixye li Ka̱cuaꞌ chirixeb li profeta li nequeꞌqꞌuehoc reheb lin tenamit chi ma̱cobc: —Tuktu̱quil usilal nequeꞌxtzꞌa̱ma saꞌ xbe̱neb li nequeꞌqꞌuehoc xcuaheb. Ut raylal nequeꞌxtzꞌa̱ma saꞌ xbe̱neb li ani incꞌaꞌ nequeꞌqꞌuehoc xcuaheb.

Jeremías 29:31

—Takla li esilal aꞌin reheb chixjunileb li queꞌcꞌameꞌ Babilonia ut ta̱ye reheb: Joꞌcaꞌin xye li Ka̱cuaꞌ chirix laj Semaías, Nehelam xtenamit. Laj Semaías xexbalakꞌi nak xye e̱re nak saꞌ incꞌabaꞌ x-a̱tinac. Ut aꞌan moco ya̱l ta xban nak ma̱cuaꞌ la̱in xintaklan re.

2 Reyes 18:20

Ma̱re nacacꞌoxla nak riqꞌuin a̱tinac naru ta̱col a̱cuib chicuu. ¿Ma aꞌan ta̱qꞌuehok xcacuil a̱chꞌo̱l nak nacacꞌoxla? ¿Ani aj iqꞌuin cau a̱chꞌo̱l nak incꞌaꞌ nacatxucuac chicuu?

Jeremías 27:9

Joꞌcan nak me̱pa̱b li cꞌaꞌru nequeꞌxye li profetas, chi moco laj kꞌe, chi moco li naxye xya̱lal li matcꞌ, chi moco te̱rabi li cꞌaꞌru nequeꞌxye li nequeꞌa̱tinac chirix li cꞌaꞌru ta̱cꞌulma̱nk. Incꞌaꞌ tex-abi̱nk chiruheb li nequeꞌyehoc e̱re nak incꞌaꞌ te̱cubsi e̱rib rubel xcuanquil laj Nabucodonosor, lix reyeb laj Babilonia.

Jeremías 37:9

La̱in li Ka̱cuaꞌ ninye e̱re nak incꞌaꞌ te̱balakꞌi e̱rib riqꞌuin xcꞌoxlanquil nak eb laj Babilonia incꞌaꞌ chic teꞌsukꞌi̱k chi pletic e̱riqꞌuin. Eb aꞌan cha̱lqueb re. Incꞌaꞌ texcanab.

Hebreos 13:9

Me̱qꞌue e̱rib chi balakꞌi̱c xbaneb laj balakꞌ, xban nak jalan jala̱nk li tijleb nequeꞌxye. Ma̱cuaꞌ li cꞌaꞌru nakatzaca li najaloc re li kayuꞌam. Aꞌ ban li rusilal li Dios najaloc re ut naxqꞌue xcacuil kachꞌo̱l.