Efesios 5:5 - Li Santil hu

⁵ Te̱nau chi tzꞌakal nak li nequeꞌxba̱nu ma̱usilal incꞌaꞌ teꞌtzꞌako̱nk saꞌ lix nimajcual xcuanquilal li Cristo ut li Dios. Chi moco eb laj coꞌbe̱t ut eb laj yumbe̱t chi moco li nequeꞌxrahi li jalan aj e xban nak li ma̱c aꞌan juntakꞌe̱t riqꞌuin xlokꞌoninquil li jalanil dios.

Q'eqchi Bible

⁵ Chiwanq sa' eech'ool naq maajun aj ko'b'eet aj yumb'eet, aj muxul rib' malaj aj rahol ru b'ihomal (a'an juntaq'eet rik'in li jalan loq'onink) taatz'aqonq sa' li xnimajwal awab'ejihom li Kriist jo'wi' re li Yos.

Efesios 5:5 ပူးပေါင်းရင်းမြစ်များ

Gálatas 5:21

socue̱nc, camsi̱nc ras ri̱tzꞌin, cala̱c, numcuaꞌac num ucꞌac, ut cꞌaꞌak chic re ru joꞌ eb aꞌin. Yo̱quin cuiꞌchic xyebal e̱re aꞌin, usta ac inyehom ajcuiꞌ e̱re, nak li nequeꞌba̱nun re li cꞌaꞌak re ru aꞌin incꞌaꞌ teꞌre̱chani lix nimajcual cuanquilal li Dios.

Apocalipsis 22:15

Abanan li incꞌaꞌ useb xnaꞌleb incꞌaꞌ ta̱ru̱k teꞌoc saꞌ li tenamit aꞌan, chi moco laj tu̱l, chi moco laj coꞌbe̱t laj yumbe̱t, chi moco li nequeꞌxcamsi ras ri̱tzꞌineb ut eb li nequeꞌlokꞌonin jalanil dios joꞌqueb ajcuiꞌ li nequeꞌcuulac chiru balakꞌic ut ticꞌtiꞌic.

Colosenses 3:5

Xban nak acꞌ chic le̱ yuꞌam, canabomak chi junaj cua xrahinquil ru li incꞌaꞌ us joꞌ li coꞌbe̱tac yumbe̱tac, ut li ma̱us aj naꞌleb. Ut canabomak xrahinquil ru li ma̱usilal. Ut me̱rahi ru li biomal xban nak li xrahinquil ru li biomal, aꞌan chanchan ajcuiꞌ xlokꞌoninquil li jalanil dios.

Efesios 5:3

La̱ex chic li ralal xcꞌajol li Dios. Joꞌcan nak incꞌaꞌ chic chicua̱nk li coꞌbe̱tac yumbe̱tac saꞌ e̱ya̱nk chi moco tex-a̱tinak chirix. Incꞌaꞌ ta̱cua̱nk li ma̱usilal saꞌ e̱ya̱nk. Ut incꞌaꞌ te̱rahi ru li jalan aj e. Moco xcꞌulub ta chic laj pa̱banel xba̱nunquil aꞌan.

Apocalipsis 21:8

Abanan li cꞌaꞌru teꞌre̱chani li incꞌaꞌ useb xnaꞌleb, aꞌan li xxamlel li azufre li chanchan palau, aꞌan lix naꞌajeb li nequeꞌxucuac, ut eb li incꞌaꞌ nequeꞌpa̱ban, ut eb li queꞌxmux ru lix pa̱ba̱leb, ut eb li nequeꞌxcamsi ras ri̱tzꞌin, ut eb laj coꞌbe̱t laj yumbe̱t, ut eb laj tu̱l, ut eb li nequeꞌlokꞌonin jalanil dios, joꞌqueb ajcuiꞌ laj ticꞌtiꞌ. Li cꞌaꞌru teꞌre̱chani eb aꞌan, aꞌan li xcab camic nak teꞌcutekꞌ saꞌ li xam.—

Gálatas 5:19

Cutan saken cꞌaꞌru li incꞌaꞌ us li nakarahi ru xba̱nunquil kajunes. Aꞌan eb aꞌin: muxuc caxa̱r, coꞌbe̱tac yumbe̱tac, ut li xuta̱nalil naꞌleb,

Hebreos 13:4

Us li sumla̱c aban tento che-oxlokꞌi le̱ sumlajic. Ma̱cꞌaꞌ cꞌaꞌru chebalakꞌi cuiꞌ e̱rib. Li Dios ta̱rakok a̱tin saꞌ xbe̱neb li nequeꞌxmux ru lix sumlajiqueb, joꞌ ajcuiꞌ saꞌ xbe̱neb laj coꞌbe̱t laj yumbe̱t.

1 Timoteo 6:10

Li xrahinquil ru li tumin, aꞌan xxeꞌ xto̱nal chixjunil li ma̱usilal. Cuanqueb li queꞌxtzꞌekta̱na lix pa̱ba̱l xban xrahinquil ru li tumin. Ut qꞌuila raylal queꞌxbok saꞌ xbe̱neb. Ut nequeꞌyotꞌotꞌnac saꞌ xchꞌo̱leb riqꞌuin li incꞌaꞌ us nequeꞌxba̱nu.

1 Timoteo 6:17

Ta̱chꞌolob xya̱lal chiruheb li biom nak incꞌaꞌ teꞌxkꞌetkꞌeti ribeb chi moco teꞌxcꞌojob xchꞌo̱l saꞌ xbe̱n li biomal li na-osoꞌ. Cheꞌxqꞌue ban xchꞌo̱l chixyoꞌoninquil li yoꞌyo̱quil Dios. Aꞌan naqꞌuehoc ke chi nabal chixjunil li cꞌaꞌak re ru.

Éxodo 20:17

Me̱ra ru rochoch le̱ ras e̱ri̱tzꞌin. Me̱ra ru rixakil le̱ ras e̱ri̱tzꞌin chi moco lix mo̱s cui̱nk, chi moco lix mo̱s ixk. Me̱ra ru lix bo̱yx chi moco lix xul nai̱kan. Ma̱cꞌaꞌ cꞌaꞌ chic re ru re le̱ ras e̱ri̱tzꞌin te̱ra ru.

Josué 7:21

Nak xo-oc aran Jericó, xcuil saꞌ xya̱nkeb li cꞌaꞌak re ru jun cha̱bil tꞌicr xcomon li akꞌej li nequeꞌrocsi laj Babilonia. Xcuil ajcuiꞌ cuib ciento chi tumin plata ut numenak na jun libra li oro. La̱in quinra ru. Joꞌcan nak quinxoc chokꞌ cue. Xinbec jun li jul saꞌ li naꞌajej li cuanquin cuiꞌ chi hila̱nc ut aran xinmuk. Xinqꞌue li tumin rubel li tꞌicr, chan laj Acán.

Hechos 8:21

La̱at incꞌaꞌ ta̱ru̱k ta̱cꞌul li ma̱tan aꞌin xban nak moco ti̱c ta la̱ chꞌo̱l chiru li Dios.

Hechos 20:32

Anakcuan ut ex herma̱n, texinkꞌaxtesi saꞌ rukꞌ li Dios ut li ra̱tin li quixqꞌue chak e̱re xban lix rahom chitenkꞌa̱nk e̱re chi qꞌui̱c saꞌ le̱ pa̱ba̱l. Ut aꞌan ajcuiꞌ ta̱qꞌuehok e̱naꞌaj saꞌ xya̱nkeb li sicꞌbileb ru xban li Dios.

Colosenses 1:13

Li Dios corisi rubel xcuanquil laj tza ut coxkꞌaxtesi rubel xcuanquil li Cꞌajolbej li kꞌaxal raro xban li Dios.