Efesios 5:21 - Li Santil hu

²¹ Chepa̱bak e̱rib chi ribil e̱rib re xqꞌuebal xlokꞌal li Cristo.

Q'eqchi Bible

²¹ Chepaab'aq eerib' cherib'il eerib' sa' xk'ab'a' roxloq'inkil li Kriist.

Efesios 5:21 ပူးပေါင်းရင်းမြစ်များ

Filipenses 2:3

Incꞌaꞌ te̱ba̱nu cꞌaꞌak re ru yal xban nak cuan li cꞌaꞌru te̱ra, chi moco te̱ba̱nu yal re xnimobresinquil e̱rib. Checubsihak ban e̱rib. Me̱cꞌoxla nak kꞌaxal nim e̱cuanquil chiruheb le̱ ras e̱ri̱tzꞌin.

Efesios 5:24

Joꞌ nak nequeꞌpa̱ban laj pa̱banel chiru li Cristo, joꞌcan ajcuiꞌ nak li ixakilbej teꞌpa̱ba̱nk chiruheb lix be̱lom riqꞌuin chixjunil.

Efesios 5:22

Ex ixakilbej, chepa̱bak le̱ be̱lom joꞌ nak nequepa̱b li Ka̱cuaꞌ Jesucristo.

1 Pedro 5:5

Ut anakcuan, ex herma̱n, tinye cuib oxibak a̱tin e̱re la̱ex li toj sa̱jex. Chex-abi̱nk chiruheb li nequeꞌcꞌamoc be saꞌ e̱ya̱nk. Me̱nimobresi e̱rib che̱ribil e̱rib. Chetenkꞌa ban e̱rib che̱ribil e̱rib che̱junilex joꞌ tzꞌi̱banbil saꞌ li Santil Hu: Li Dios naxtzꞌekta̱naheb li kꞌetkꞌeteb ut naxba̱nu usilal reheb li nequeꞌxcubsi ribeb. (Prov. 3:34)

Hebreos 13:17

Chex-abi̱nk chiruheb laj cꞌamol be che̱ru, ut cheba̱nuhak li cꞌaꞌru nequeꞌxye e̱re xban nak eb aꞌan nequeꞌtenkꞌan e̱re saꞌ le̱ pa̱ba̱l. Aꞌaneb li teꞌxkꞌaxtesi xcue̱nt che̱rix chiru li Dios. Chetenkꞌaheb re nak sahakeb saꞌ xchꞌo̱l saꞌ lix cꞌanjeleb xban nak cui rahakeb saꞌ xchꞌo̱l, rahak ajcuiꞌ chokꞌ e̱re la̱ex.

1 Pedro 2:17

La̱ex aj pa̱banel, chera e̱rib che̱ribil e̱rib. Chexucua̱k ru li Ka̱cuaꞌ Dios. Che-oxlokꞌi le̱ ras e̱ri̱tzꞌin. Ut cheqꞌuehak xlokꞌal li acuabej.

1 Timoteo 3:4

Tento nak tixnau takla̱nc saꞌ li rochoch re nak li ralal xcꞌajol teꞌx-oxlokꞌi ut teꞌabi̱nk chiru.

Gálatas 5:13

Ex inherma̱n, la̱ex sicꞌbil e̱ru re nak libre chic cua̱nkex. Abanan moco xban ta nak libre chic cuanquex nak tex-oc chixba̱nunquil li naxrahi ru le̱ chꞌo̱l. Chera ban e̱rib ut chetenkꞌa e̱rib chi ribil e̱rib.

1 Timoteo 2:11

Nak te̱chꞌutub e̱rib, eb li ixk incꞌaꞌ teꞌserakꞌik. Teꞌxqꞌue ban xchꞌo̱l chi tzoloc ut cheꞌpa̱ba̱nk chiruheb li cuanqueb xcuanquil.

1 Corintios 16:16

Joꞌcan nak tintzꞌa̱ma che̱ru nak tex-abi̱nk chiru laj Estéfanas joꞌqueb ajcuiꞌ chixjunileb li nequeꞌtenkꞌan ut nequeꞌcꞌanjelac saꞌ e̱ya̱nk.

Proverbios 24:21

Ex cualal incꞌajol, chexucua ru li Ka̱cuaꞌ ut chexucua ajcuiꞌ ru li rey. Me̱cꞌam e̱rib riqꞌuineb li xicꞌ nequeꞌiloc reheb.

Nehemías 5:15

Eb li queꞌcuan chi takla̱nc saꞌ xbe̱neb li tenamit nak toj ma̱jiꞌ nin-oc la̱in, kꞌaxal cuiꞌchic nabal li tumin queꞌxpatzꞌ reheb li tenamit. Rajlal cutan numenak caꞌcꞌa̱l chi tumin plata queꞌxpatzꞌ re xcuaheb ut xvino. Ut eb li nequeꞌcꞌanjelac chiruheb queꞌxrahobtesi li tenamit. Abanan la̱in incꞌaꞌ quinba̱nu chi joꞌcan xban nak ninxucua ru li Dios.

2 Crónicas 19:7

Chexucua ru li Ka̱cuaꞌ ut cheqꞌuehak retal li cꞌaꞌru te̱ba̱nu xban nak li Ka̱cuaꞌ li kaDios incꞌaꞌ naraj nak te̱sicꞌ ru ani te̱col rix chi moco naraj nak ta̱tumina̱k e̱ru. Naraj ban nak texrakok a̱tin saꞌ xya̱lal, chan.

1 Pedro 2:13

Saꞌ xcꞌabaꞌ li Cristo chepa̱bak chixjunileb li chakꞌrab qꞌuebil xbaneb li cui̱nk li nequeꞌtaklan saꞌ e̱be̱n. Chexpa̱ba̱nk chiru li acuabej xban nak aꞌan cuan saꞌ xcuanquil.

2 Corintios 7:1

Joꞌcan ut ex inherma̱n, chixjunil aꞌin yechiꞌinbil ke la̱o. Joꞌcan nak chikacanabak chixjunil li ma̱usilal li namuxuc ru li katibel ut li ka̱m. Xban nak nakaxucua ru li Dios chikaqꞌue kachꞌo̱l chi cua̱nc saꞌ santilal.

Nehemías 5:9

Ut quinye ajcuiꞌ reheb: —Li cꞌaꞌru yo̱quex chixba̱nunquil, aꞌan incꞌaꞌ us. La̱ex incꞌaꞌ nequexucua ru li Dios. Yo̱quex ban chixba̱nunquil joꞌ nequeꞌxba̱nu li jalan tenamit li xicꞌ nequeꞌiloc ke, re nak incꞌaꞌ texrahobtesi̱k xban eb aꞌan.

1 Crónicas 29:24

Chixjunileb li cuanqueb xcuanquil joꞌ eb ajcuiꞌ li cauheb rib chi pletic ut chixjunileb li ralal laj David queꞌxqꞌue xlokꞌal li rey Salomón.

Génesis 16:9

Lix ángel li Dios quixye re: —Sukꞌin cuiꞌchic riqꞌuin la̱ patrón. Tatcua̱nk saꞌ xya̱lal riqꞌuin ut ta̱pa̱b li cꞌaꞌru tixye a̱cue.

2 Corintios 5:11

Joꞌcan nak nakaxucua ru li Dios ut nakaqꞌue kachꞌo̱l chixchꞌolobanquil lix ya̱lal. Ut li Dios naxnau chi tzꞌakal nak ti̱c li kachꞌo̱l. Ut la̱in nacuaj nak te̱nau ajcuiꞌ la̱ex.