Efesios 5:20 - Li Santil hu

²⁰ Ut junelic chexbantioxi̱nk chiru li Acuabej Dios saꞌ xcꞌabaꞌ li Ka̱cuaꞌ Jesucristo riqꞌuin chixjunil li cꞌaꞌru nequecꞌul.

Q'eqchi Bible

²⁰ Sa' xk'ab'a' li Qaawa' Jesukriist chexyoxinq junelik chiru li Yos Yuwa'b'ej rik'in chixjunil.

Efesios 5:20 ပူးပေါင်းရင်းမြစ်များ

Colosenses 3:17

Ut chixjunil li cꞌaꞌru te̱ye ut te̱ba̱nu, cheba̱nuhak re xqꞌuebal xlokꞌal li Jesucristo. Ut junelic chexbantioxi̱nk chiru li Acuabej Dios saꞌ xcꞌabaꞌ li Ka̱cuaꞌ Jesucristo.

1 Ts 5:18

Chextioxi̱nk riqꞌuin chixjunil li cꞌaꞌru nequecꞌul xban nak joꞌcan naraj li Dios e̱riqꞌuin la̱ex xban nak junajex chic riqꞌuin li Jesucristo.

Hebreos 13:15

Joꞌcan ut junelic chikalokꞌonihak li Dios saꞌ xcꞌabaꞌ li Jesucristo, ut chikanima̱k ru. Cui takaba̱nu chi joꞌcan, aꞌan li kamayej chiru li Dios.

Filipenses 4:6

Ma̱cꞌaꞌ cꞌaꞌak re ru yo̱k cuiꞌ e̱cꞌaꞌux. Cheye ban re li Ka̱cuaꞌ cꞌaꞌru le̱ chꞌaꞌajquilal. Ut junelic nak textijok ut nak textzꞌa̱ma̱nk chiru li Ka̱cuaꞌ, chexbantioxi̱nk ajcuiꞌ chiru li Dios.

Efesios 5:4

Incꞌaꞌ ta̱yema̱nk saꞌ e̱ya̱nk li yibru aj a̱tin chi moco li to̱ntil a̱tin chi moco cheye li ma̱yehecꞌ naraj xban nak incꞌaꞌ us. Chexbantioxi̱nk ban chiru li Dios.

2 Ts 1:3

Ex inherma̱n, incꞌaꞌ nakacanab xbantioxinquil chiru li Dios saꞌ e̱cꞌabaꞌ la̱ex. Tento takabantioxi chiru li Dios xban nak yo̱ chi cacuu̱c e̱chꞌo̱l saꞌ le̱ pa̱ba̱l ut kꞌaxal cuiꞌchic nequera e̱rib che̱ribil e̱rib.

Salmos 34:1

La̱in tinlokꞌoni li Ka̱cuaꞌ chi junelic. Ut incꞌaꞌ tincanab xqꞌuebal lix lokꞌal.

2 Ts 2:13

Ex inherma̱n, tento nak la̱o tobantioxi̱nk chiru li Dios che̱rix la̱ex. Raro̱quex xban li Ka̱cuaꞌ Jesucristo. Li Dios quisicꞌoc chak e̱ru chalen chak saꞌ xticlajic re nak texcolekꞌ xban nak santobresinbilex chic xban li Santil Musikꞌej ut xban nak nequepa̱b li ya̱l.

1 Pedro 2:5

Ut la̱ex chanchanex li cocꞌ pec li na-oc saꞌ li tzꞌac. Xban li rusilal li Jesucristo, naru texcꞌanjelak chiru li Dios joꞌ eb laj tij li nequeꞌmayejac chiru li Dios. Li mayej li kꞌaxal lokꞌ, aꞌan nak te̱kꞌaxtesi e̱rib saꞌ rukꞌ li Dios. Ut le̱ mayej nacꞌuleꞌ xban li Dios saꞌ xcꞌabaꞌ li Jesucristo.

Isaías 63:7

La̱in tinye resil li rusilal li Dios li nacuan chi junelic. Tinbicha lix lokꞌal xban li cꞌaꞌru naxba̱nu. Quirosobtesiheb laj Israel xban nak junelic na-uxta̱nan u ut junelic narahoc.

Li xHu LAJ JOB 1:21

Ut quixye: —Ma̱cꞌaꞌ cuan cue saꞌ li ruchichꞌochꞌ aꞌin nak quinyoꞌla ut ma̱cꞌaꞌ ajcuiꞌ tincꞌam chicuix nak tinca̱mk. Li Ka̱cuaꞌ xqꞌuehoc cue chixjunil li cꞌaꞌru cuan cue ut aꞌan x-isin re chicuu. Lokꞌoninbil taxak xcꞌabaꞌ li Ka̱cuaꞌ, chan.

1 Corintios 1:4

Junelic ninbantioxi chiru li Dios nak nintijoc che̱rix la̱ex ut ninbantioxi ajcuiꞌ chiru li Dios nak xema̱tani li rusilal li Dios saꞌ xcꞌabaꞌ li Jesucristo.

San Juan 15:16

Ma̱cuaꞌ la̱ex xexsicꞌoc cuu la̱in. La̱in ban xinsicꞌoc e̱ru la̱ex ut xexinxakab chixba̱nunquil li ti̱quilal. Le̱ ti̱quilal incꞌaꞌ ta̱osokꞌ. Ta̱cua̱nk ban chi junelic. Ut lin Yucuaꞌ tixqꞌue e̱re chixjunil li te̱tzꞌa̱ma saꞌ incꞌabaꞌ la̱in.

1 Pedro 4:11

Cui ani cuan xma̱tan chi a̱tinac, chixyehak ra̱tin li Dios. Cui ani naraj cꞌanjelac, chi cꞌanjelac aꞌ yal chanru lix cacuilal qꞌuebil re xban li Dios. Riqꞌuin chixjunil li cꞌaꞌak re ru ta̱uxma̱nk, nimanbilak taxak xcꞌabaꞌ li Dios saꞌ xcꞌabaꞌ li Jesucristo. Aꞌan laj e̱chal re li nimajcual cuanquilal ut lokꞌoninbilak taxak chi junelic kꞌe cutan. Joꞌcan taxak.

Filipenses 1:3

Rajlal nak nequexjulticoꞌ cue, ninbantioxi chiru li Dios.

Hechos 5:41

Ut eb li apóstol queꞌel chiruheb chi kꞌaxal sa saꞌ xchꞌo̱leb xban nak chiruheb aꞌan lokꞌ xcꞌulbal li raylal saꞌ xcꞌabaꞌ li Jesús.

1 Ts 3:9

Incꞌaꞌ nakatau chanru nak takabantioxi chiru li Dios riqꞌuin lix sahil li kachꞌo̱l nequeqꞌue ke saꞌ xcꞌabaꞌ le̱ pa̱ba̱l. Li Dios naxnau nak cꞌajoꞌ xsahil li kachꞌo̱l e̱ban la̱ex.

Romanos 1:8

Xbe̱n cua ninbantioxi chiru li Dios saꞌ xcꞌabaꞌ li Ka̱cuaꞌ Jesucristo xban nak yalak bar na-abiman resil nak tzꞌakal nequepa̱b li Cristo.

1 Corintios 15:24

Ut chirix chic aꞌan acaꞌ chic li rosoꞌjic li ruchichꞌochꞌ ut li Cristo tixsacheb xcuanquil chixjunileb li nequeꞌtaklan saꞌ ruchichꞌochꞌ ut tixsach ajcuiꞌ xcuanquileb li musikꞌej. Ut chirix aꞌan li Cristo tixkꞌaxtesi lix cuanquil saꞌ rukꞌ li Dios Acuabej.