Efesios 5:19 - Li Santil hu

¹⁹ Cheserakꞌi chi ribil e̱rib lix lokꞌal li Dios, ut te̱ye li salmos ut texbicha̱nk re xlokꞌoninquil li Ka̱cuaꞌ. Chexbicha̱nk ut chelokꞌoni li Ka̱cuaꞌ chi anchal e̱chꞌo̱l.

Q'eqchi Bible

¹⁹ Naq wanqex chi ch'utch'u, yehomaq saalm, himno ut loq'laj b'ich; chexb'ichanq ut chexwajb'aq chiru li Qaawa' chi anchal eech'ool.

Efesios 5:19 ပူးပေါင်းရင်းမြစ်များ

Colosenses 3:16

Li ra̱tin li Cristo chicana̱k saꞌ e̱chꞌo̱l chi junelic re nak cua̱nk e̱naꞌleb. Chetzolak e̱rib che̱ribil e̱rib ut chetenkꞌa e̱rib che̱ribil e̱rib saꞌ le̱ pa̱ba̱l. Chexbicha̱nk re xlokꞌoninquil li Dios. Chexbicha̱nk joꞌ naxcꞌut che̱ru li Santil Musikꞌej ut junelic chexbantioxi̱nk chiru li Dios.

1 Corintios 14:26

Ex herma̱n, aꞌan aꞌin li nacuaj xyebal e̱re. Nak te̱chꞌutub e̱rib chixlokꞌoninquil li Dios, jalan jala̱nk te̱ba̱nu che̱ju̱nkalex. Cuan tixcꞌam chak junak bich; cuan li ta̱qꞌuehok naꞌleb; cuan li ta̱yehok re li quicꞌuteꞌ chiru xban li Dios; cuan li ta̱yehok junak naꞌleb riqꞌuin jalanil a̱tin ut cuan ajcuiꞌ li ta̱jalok ru li ta̱yema̱nk saꞌ li jalanil a̱tin. Abanan chixjunil li te̱ba̱nu, cheba̱nuhak re xtenkꞌanquileb laj pa̱banel chi qꞌui̱c saꞌ lix pa̱ba̱leb.

Salmos 95:2

Ut chobantioxi̱nk chiru xban li usilal li naxba̱nu ke. Chobicha̱nk chi sa saꞌ kachꞌo̱l re xlokꞌoninquil li Ka̱cuaꞌ.

Hechos 16:25

Tuktu chic kꞌojyi̱n nak laj Pablo ut laj Silas yo̱queb chi tijoc ut yo̱queb chi bicha̱nc re xlokꞌoninquil li Dios. Ut eb li cuanqueb chi pre̱xil yo̱queb chi abi̱nc.

Salmos 147:7

Chexbicha̱nk chiru li Ka̱cuaꞌ re xqꞌuebal xlokꞌal. Chexbicha̱nk riqꞌuin li arpa re xlokꞌoninquil li Dios.

Santiago 5:13

Cui cuan junak saꞌ e̱ya̱nk cuan saꞌ raylal, chitijok chiru li Dios. Ut cui cuan junak sa saꞌ xchꞌo̱l, chixbicha xlokꞌal li Dios.

Salmos 62:8

Ex intenamit, cauhak taxak e̱chꞌo̱l riqꞌuin li Dios chi junelic. Ut chextijok chi anchal e̱chꞌo̱l chiru li Dios ut te̱ye re chixjunil le̱ raylal xban nak caꞌaj cuiꞌ riqꞌuin aꞌan naru nakacol kib.

Isaías 65:14

Eb li nequeꞌcꞌanjelac chicuu teꞌbicha̱nk xban xsahileb xchꞌo̱l. Abanan la̱ex, li nequeba̱nu li incꞌaꞌ us, texya̱bak xban li raylal li te̱cꞌul. Ta̱yotꞌekꞌ e̱chꞌo̱l ut japjo̱k e̱re xban li raylal.

Salmos 86:12

At Ka̱cuaꞌ, at inDios, chi anchal inchꞌo̱l tatinlokꞌoni ut junelic tinqꞌue xlokꞌal la̱ cꞌabaꞌ.

San Mateo 26:30

Nak ac xeꞌrakeꞌ xbichanquil jun li bich re xlokꞌoninquil li Dios, queꞌco̱eb saꞌ li tzu̱l Olivos.

San Mateo 15:8

Li tenamit aꞌin niquineꞌxlokꞌoni caꞌaj cuiꞌ riqꞌuin xtzꞌu̱mal reheb. Moco nequeꞌxba̱nu ta chi anchal xchꞌo̱leb.

1 Corintios 14:15

¿Cꞌaꞌru tinba̱nu chi joꞌcanan? Tintijok riqꞌuin lin musikꞌ chi incꞌaꞌ tintau ru li tinye ut tento ajcuiꞌ nak tintijok riqꞌuin lin cꞌaꞌux re nak ta̱tauma̱nk ru li cꞌaꞌru tinye. Ut tinbicha̱nk riqꞌuin lin musikꞌ chi incꞌaꞌ tintau ru li tinye ut tinbicha̱nk ajcuiꞌ riqꞌuin lin cꞌaꞌux re nak ta̱tauma̱nk ru li cꞌaꞌru tinye.

Apocalipsis 5:9

Queꞌxbicha jun li acꞌ bich ut queꞌxye: A̱cꞌulub xchapbal li botbil hu ut xtebal li sello xban nak la̱at catcamsi̱c. Riqꞌuin la̱ quiqꞌuel xalokꞌeb nabal re nak teꞌoc chokꞌ ralal xcꞌajol li Dios. Yalak ani xacoleb aꞌ yal ani xte̱paleb xxeꞌto̱nil yucuaꞌeb, ut aꞌ yal bar xtenamiteb ut aꞌ yal chanru li ra̱tinoba̱leb.