Efesios 5:15 - Li Santil hu

¹⁵ Cheqꞌuehak retal chanru le̱ yuꞌam. Me̱ba̱nu joꞌ nequeꞌxba̱nu li incꞌaꞌ useb xnaꞌleb. Cheba̱nuhak ban joꞌ nequeꞌxba̱nu li cuanqueb xnaꞌleb.

Q'eqchi Bible

¹⁵ Jo'kan utan, k'ehomaq reetal chi us chanru leeyu'am: ink'a' jo'kaqex li maak'a'eb' xna'leb', jo'kaqex b'an li wankeb' xna'leb'.

Efesios 5:15 ပူးပေါင်းရင်းမြစ်များ

Colosenses 4:5

Chexcua̱nk saꞌ xya̱lal riqꞌuineb li ma̱cuaꞌeb aj pa̱banel ut yalak bar cua̱nkex chi kꞌek chi cutan junelic te̱chꞌolob xya̱lal li colba-ib chiruheb.

Santiago 3:13

Li ani cuanqueb xnaꞌleb saꞌ e̱ya̱nk ut nequeꞌxnau xya̱lal chi us, cheꞌxcꞌutak saꞌ tu̱lanil lix cha̱bilaleb aꞌ yal chanru lix naꞌlebeb.

Filipenses 1:27

Li kꞌaxal lokꞌ xba̱nunquil, aꞌan aꞌin: Chexcua̱nk saꞌ xya̱lal riqꞌuineb le̱ ras e̱ri̱tzꞌin joꞌ e̱cꞌulub xban nak la̱ex ac xepa̱b li Jesucristo. Usta cuanquin e̱riqꞌuin, usta ma̱ anihin, nacuaj rabinquil resil nak cau e̱chꞌo̱l saꞌ le̱ pa̱ba̱l. Ut nacuaj ajcuiꞌ rabinquil nak junaj le̱ chꞌo̱l ut junaj e̱cꞌaꞌux chixyebal resil li colba-ib saꞌ xcꞌabaꞌ li Jesucristo.

1 Corintios 14:20

Ex inherma̱n, chanchanakex li cꞌulaꞌal xban nak eb li cꞌulaꞌal incꞌaꞌ nequeꞌxba̱nu li ma̱usilal. Abanan mexcꞌoxlac joꞌ nequeꞌcꞌoxlac li cocꞌal. Tzꞌakalak ban re ru le̱ cꞌaꞌux xban nak moco cocꞌalex ta chic.

Proverbios 14:8

Li ani se̱b xchꞌo̱l cuan xnaꞌleb chixqꞌuebal retal chanru lix yuꞌam. Abanan li ma̱cꞌaꞌeb xnaꞌleb incꞌaꞌ nequeꞌxnau xqꞌuebal retal chanru lix yuꞌameb. Xjuneseb nequeꞌxbalakꞌi rib.

1 Timoteo 6:9

Abanan eb li nequeꞌrahoc ru li biomal, nequeꞌxqꞌue rib chi a̱le̱c ut nequeꞌxba̱nu li yibru aj naꞌleb. Aꞌan napoꞌoc ru lix cꞌaꞌuxeb ut riqꞌuin chixjunil li incꞌaꞌ us nequeꞌxba̱nu, nequeꞌxsach lix pa̱ba̱leb.

1 Pedro 1:22

Saꞌ xcꞌabaꞌ li Santil Musikꞌej chꞌajobresinbil le̱ ra̱m riqꞌuin nak nequepa̱b li tzꞌakal ya̱l. Riqꞌuin aꞌin naru te̱raheb li herma̱n ut incꞌaꞌ te̱ra e̱rib chi yal xcab rix e̱chꞌo̱l. Te̱ra ban e̱rib chi tzꞌakal.

San Mateo 10:16

Chenauhak nak la̱in tintakla̱nk e̱re saꞌ xya̱nkeb li xicꞌ nequeꞌiloc e̱re. Chanchanakex li carner saꞌ xya̱nkeb laj xoj. Se̱bak e̱chꞌo̱l joꞌcakex li cꞌantiꞌ ut ti̱cak e̱chꞌo̱l joꞌcakex li paloma.

1 Ts 5:15

Cheqꞌuehak retal nak ma̱ ani junak saꞌ e̱ya̱nk chixqꞌue re̱kaj li ma̱usilal qui-ux re riqꞌuin ma̱usilal. Cheba̱nuhak ban chi junelic li cꞌaꞌru us che̱ribil e̱rib ut riqꞌuin chixjunileb.

San Lucas 24:25

Ut li Jesús quixye reheb: —¡La̱ex ma̱cꞌaꞌ e̱naꞌleb ut a̱l le̱ chꞌo̱l chixpa̱banquil chixjunil li cꞌaꞌru queꞌxye chak li profeta!

Gálatas 3:3

¿Ma kꞌaxal cuiꞌchic ma̱cꞌaꞌ e̱naꞌleb? Cui riqꞌuin li Santil Musikꞌej xetiquib chak xpa̱banquil li Jesucristo, ¿ma nequecꞌoxla anakcuan nak ta̱tzꞌaklok ru le̱ pa̱ba̱l yal riqꞌuin li cꞌaꞌak re ru nequeba̱nu e̱junes?

Li xHu LAJ JOB 2:10

Laj Job quixye re li rixakil: —¿Cꞌaꞌut nak nacat-a̱tinac chi joꞌcan? La̱at to̱ntil naꞌleb nacaye. Cui nakacꞌul li us li naxqꞌue ke li Dios, ¿cꞌaꞌut nak incꞌaꞌ takacꞌul li raylal li nachal saꞌ kabe̱n? chan re. Ut riqꞌuin chixjunil li raylal li quixcꞌul ma̱ jun a̱tin quixye re xtzꞌekta̱nanquil li Dios.

Hebreos 12:25

Me̱tzꞌekta̱na li ra̱tin li Dios joꞌ queꞌxba̱nu eb laj Israel. Eb aꞌan incꞌaꞌ queꞌxcuy rabinquil xchakꞌrab li Dios ut queꞌxtzꞌekta̱na li ra̱tin nak quichꞌoloba̱c chak xya̱lal chiruheb aran saꞌ li tzu̱l. Ut quirakeꞌ a̱tin saꞌ xbe̱neb. Cui incꞌaꞌ queꞌcoleꞌ eb aꞌan, ¿ma tojaꞌ ta chic la̱o tocolekꞌ cui takatzꞌekta̱na li Dios li naa̱tinac chak toj saꞌ choxa?

San Mateo 27:24

Ut laj Pilato quiril nak incꞌaꞌ qui-el chi us li quiraj xba̱nunquil ut quixqꞌue retal nak kꞌaxal cuiꞌchic nak queꞌpoꞌ xchꞌo̱l li tenamit. Tojoꞌnak quixtakla xcꞌambal lix haꞌ re xchꞌajbal li rukꞌ chiruheb li tenamit ut quixye: —Ma̱cꞌaꞌ inma̱c la̱in riqꞌuin xcamic li cui̱nk aꞌin li ma̱cꞌaꞌ xma̱c. La̱ex chic yal e̱re saꞌ xbe̱n, chan.

Apocalipsis 19:10

La̱in quincuikꞌib cuib chiru chixlokꞌoninquil. Ut aꞌan quixye cue: —Ma̱ba̱nu aꞌan. La̱in yal aj cꞌanjelin chiru li Dios joꞌ la̱at, ut joꞌ eb ajcuiꞌ la̱ cuech aj pa̱banelil, li nequeꞌxpa̱b lix ya̱lal li quixchꞌolob li Jesús. Li Dios, aꞌan li ta̱lokꞌoni, chan cue, xban nak li quixchꞌolob li Jesús, aꞌan ajcuiꞌ li musikꞌanbil reheb li profeta.—

San Mateo 8:4

Tojoꞌnak li Jesús quixye re: —Abi li tinye a̱cue. Ma̱ ani aj e ta̱serakꞌi li xacꞌul. Ayu ban ut cꞌut a̱cuib chiru laj tij. Ut ta̱qꞌue li mayej joꞌ naxye saꞌ lix chakꞌrab laj Moisés re xcꞌutbal chiruheb nak xatqꞌuira.— (Lev. 13:49)

Efesios 5:33

Joꞌcan nak tinye cuiꞌchic e̱re nak li be̱lomej chixrahak li rixakil joꞌ nak naxra rib aꞌan. Ut li ixakilbej chix-oxlokꞌi lix be̱lom.

2 Samuel 24:10

Nak ac queꞌajla̱c chixjunileb laj Israel, quiyotꞌeꞌ xchꞌo̱l laj David. Quitijoc ut quixye re li Dios: —At Ka̱cuaꞌ, nimla ma̱c li xinba̱nu la̱in. Nintzꞌa̱ma cha̱cuu nak ta̱cuy ta̱sach taxak lin ma̱c. Xma̱cꞌaꞌil innaꞌleb xinba̱nu cuiꞌ, chan.

Éxodo 23:13

Cheba̱nu chixjunil li xinye e̱re. Incꞌaꞌ te̱lokꞌoni li jalanil dios chi moco te̱patzꞌ xcꞌabaꞌeb.

Colosenses 1:9

Ut chalen nak quikabi resil nak xexpa̱ban, joꞌcan nak junelic nocotijoc che̱rix. Nakatzꞌa̱ma chiru li Dios nak tixcꞌut che̱ru cꞌaꞌru naraj te̱ba̱nu. Ut nakatzꞌa̱ma ajcuiꞌ chiru li Dios nak li Santil Musikꞌej tixqꞌue e̱naꞌleb chixtaubal ru lix ya̱lal.

Gálatas 3:1

La̱ex aj Galacia, ma̱cꞌaꞌ e̱naꞌleb. ¿Ani xbalakꞌin e̱re nak incꞌaꞌ chic yo̱quex xpa̱banquil lix ya̱lal? Nak xkachꞌolob che̱ru chanru nak quiqꞌueheꞌ li Jesucristo chiru cruz, chanchan nak tzꞌakal yo̱quex chirilbal.

San Mateo 27:4

Quixye reheb: —Xinma̱cob nak xinkꞌaxtesi e̱re li cui̱nk aꞌin xban nak ma̱cꞌaꞌ xma̱c, chan. Aꞌut eb aꞌan queꞌxye re: —¿Cꞌaꞌ takaj re la̱o? Il cꞌaꞌru ta̱ba̱nu.—

San Mateo 25:2

O̱b cuanqueb xnaꞌleb ut li o̱b chic ma̱cꞌaꞌ xnaꞌlebeb.

Salmos 73:22

Kꞌaxal cau inchꞌo̱l. Joꞌcan nak incꞌaꞌ xintau xya̱lal. Chanchanin li xul cha̱cuu.

Proverbios 15:21

Li ani ma̱cꞌaꞌ xnaꞌlebeb saheb saꞌ xchꞌo̱l nak ma̱cꞌaꞌeb xnaꞌleb. Abanan li se̱b xchꞌo̱leb nequeꞌxqꞌue retal chi us li cꞌaꞌru nequeꞌxba̱nu.

Efesios 5:2

Cherahak e̱rib chi ribil e̱rib joꞌ nak coxra la̱o li Cristo ut quixmayeja rib chiru li cruz re kacolbal. Ut li Dios quisahoꞌ xchꞌo̱l riqꞌuin xban nak chanchan li sununquil ban chiru.