Efesios 5:14 - Li Santil hu

¹⁴ Nak ta̱cutanobresi̱k lix chꞌo̱leb cutan saken chic chanru nak cuanqueb. Joꞌcaꞌin tzꞌi̱banbil saꞌ li Santil Hu: Ajsi a̱cuu, la̱at li yo̱cat chi cua̱rc. Matcana chi camenak saꞌ la̱ ma̱c, ut li Cristo tixcutanobresi la̱ cꞌaꞌux. (Isa. 60:1)

Q'eqchi Bible

¹⁴ xb'aan naq chixjunil li k'utk'u, sa' kutan saqenk chik wank. Jo'kan naq nayeemank: “Ajsi aawu laa'at li yookat chi wark, waklin sa' xyanqeb' li kamenaq ut sa' aab'een taakutano'q li Kriist”.

Efesios 5:14 ပူးပေါင်းရင်းမြစ်များ

Isaías 60:1

La̱ex li cuanquex Jerusalén, cuaclinkex. Chicutanobresi̱k le̱ naꞌleb joꞌ nak nacutanobresin li sakꞌe. Li Ka̱cuaꞌ xqꞌuehoc re le̱ lokꞌal.

Isaías 26:19

Abanan eb la̱ tenamit li queꞌcam teꞌcuacli̱k cuiꞌchic chi yoꞌyo. Chixjunileb li cuanqueb saꞌ li mukleba̱l teꞌcuacli̱k cuiꞌchic chi yoꞌyo ut teꞌxjap reheb xban xsahil xchꞌo̱leb. Li Ka̱cuaꞌ tixcuaclesiheb cuiꞌchic chi yoꞌyo li camenak joꞌ nak li xchuꞌque naxqꞌueheb chi yoꞌla̱c li acui̱mk.

1 Ts 5:6

Junelic yoꞌon taxak cua̱nko ut yo̱ko taxak chiroybeninquil lix cꞌulunic li Jesucristo. Incꞌaꞌ takaba̱nu joꞌ nequeꞌxba̱nu li jun chꞌol chic. Aj-ajak ban ku saꞌ li kapa̱ba̱l.

Isaías 52:1

Chi-ajk e̱ru la̱ex li cuanquex Sión. Cacuubresihomak e̱chꞌo̱l. Qꞌuehomak le̱ cha̱bil akꞌ che̱rix xban nak eb li incꞌaꞌ useb xnaꞌleb li ma̱jiꞌ nequeꞌxcꞌul li circuncisión, incꞌaꞌ chic teꞌoc saꞌ li santil tenamit Jerusalén.

2 Corintios 4:6

Nak toj kꞌojyi̱n chak ru li ruchichꞌochꞌ, li Dios quixye, “Chicua̱nk li cutan re xcutanobresinquil ru li ruchichꞌochꞌ.” Ut aꞌan ajcuiꞌ li nacutanobresin re li kacꞌaꞌux re nak naru takanau chanru lix lokꞌal li Dios. Ut li Jesucristo naxcꞌut chiku lix lokꞌal li Dios.

Colosenses 3:1

Chanchan nak xexcuacli cuiꞌchic chi yoꞌyo e̱rochben li Cristo nak xexpa̱ban. Acꞌ chic le̱ yuꞌam. Joꞌcan nak qꞌuehomak e̱chꞌo̱l chixba̱nunquil li cha̱bil naꞌleb ut chexcꞌoxlak chirix li cuan saꞌ choxa bar cuan cuiꞌ li Cristo cꞌojcꞌo saꞌ xnim ukꞌ li Dios xban nak kꞌaxal nim xcuanquil.

Isaías 51:17

Chi-ajk e̱ru la̱ex aj Jerusalén ut cheqꞌuehak retal. La̱ex xecꞌul li raylal xban li ma̱c xeba̱nu nak xeqꞌue xjoskꞌil li Dios. Chanchan nak xerucꞌ xsaꞌ li secꞌ toj retal xechoy ut chanchan nak xexcaltesi̱c xban.

Romanos 6:13

Chi moco cheqꞌue e̱rib chixba̱nunquil li ma̱usilal. Chekꞌaxtesi ban e̱rib saꞌ rukꞌ li Dios. Xban nak ac xecꞌul li acꞌ yuꞌam chanchan nak xexcuacli cuiꞌchic chi yoꞌyo saꞌ xya̱nkeb li camenak. Joꞌcan nak cheqꞌue le̱ rok e̱rukꞌ chi cꞌanjelac chiru li Dios re xba̱nunquil li us.

San Juan 9:5

Nak toj cua̱nkin saꞌ ruchichꞌochꞌ, la̱in tincutanobresi lix cꞌaꞌuxeb li cuanqueb saꞌ ruchichꞌochꞌ, chan.

San Juan 8:12

Li Jesús quia̱tinac cuiꞌchic riqꞌuineb li tenamit ut quixye reheb: —La̱in lix cutan saken li ruchichꞌochꞌ. Li ani ta̱pa̱ba̱nk cue la̱in, incꞌaꞌ chic ta̱cua̱nk saꞌ xkꞌojyi̱nal ru li ma̱c. Ta̱cua̱nk ban saꞌ cutan saken ut ta̱cua̱nk xyuꞌam chi junelic, chan.

Efesios 2:5

Nak toj camenako chak saꞌ li kama̱c, riqꞌuin lix cuaclijic cuiꞌchic chi yoꞌyo li Cristo, li Dios quixqꞌue ke jun acꞌ yuꞌam. Yal xban rusilal li Dios nak colbilo.

1 Corintios 15:34

Checꞌoxla chi us li yo̱quex chixba̱nunquil ut mexma̱cob chic. Cuanqueb saꞌ e̱ya̱nk li toj ma̱jiꞌ nequeꞌxpa̱b li Dios. Re xcꞌutbal e̱xuta̱n nak ninye e̱re chi joꞌcaꞌin.

2 Timoteo 1:10

Li usilal aꞌin quicꞌutbesi̱c chiku riqꞌuin lix cꞌulunic saꞌ ruchichꞌochꞌ li Ka̱cuaꞌ Jesucristo laj Colol ke. Ut aꞌan qui-isin re xcuanquil li ca̱mc ut quixcꞌut chiku li acꞌ yuꞌam li ma̱cꞌaꞌ rosoꞌjic.

2 Timoteo 2:26

Ut teꞌrisi rib saꞌ rukꞌ laj tza li yo̱ chi a̱le̱nc reheb re nak incꞌaꞌ chic teꞌxba̱nu li cꞌaꞌru naraj aꞌan. Ut teꞌsukꞌi̱k taxak saꞌ li tzꞌakal xya̱lal.

Hechos 13:47

Tento takaye xban nak joꞌcan coxtakla cuiꞌ chak li Ka̱cuaꞌ Dios nak quixye: Xatinxakab re ta̱chꞌolob xya̱lal chiruheb li ma̱cuaꞌeb aj judío ut ta̱ye resil li colba-ib jun sut saꞌ ruchichꞌochꞌ.— (Isa. 49:6)

San Lucas 1:78

Xban nak kꞌaxal nim ruxta̱n li Ka̱cuaꞌ Dios, xtakla chak li Jun li ta̱cutanobresi̱nk re li kacꞌaꞌux.

San Lucas 15:24

xban nak li cualal aꞌin chanchan camenak nak xcuan chak. Aꞌut anakcuan xsukꞌi cuiꞌchic chi yoꞌyo. Sachenak nak xcuan ut xtauman cuiꞌchic, chan. Ut queꞌoc chi ninkꞌei̱c.

Efesios 2:1

Junxil la̱ex li ma̱cuaꞌex aj judío chanchan camenakex xban li ma̱usilal ut li ma̱c li xeba̱nu chak.