Efesios 5:10 - Li Santil hu

¹⁰ Chetauhak xya̱lal li cꞌaꞌru naraj li Ka̱cuaꞌ.

Q'eqchi Bible

¹⁰ K'ehomaq reetal k'aru nawulak chiru li Qaawa',

Efesios 5:10 ပူးပေါင်းရင်းမြစ်များ

Hebreos 12:28

Chikabantioxi chiru nak tocua̱nk riqꞌuin li Dios chi junelic saꞌ lix nimajcual cuanquilal. Aꞌan ma̱ jaruj ta̱osokꞌ. Cua̱nk ban chi junelic. Takalokꞌoni li Dios chi anchal kachꞌo̱l xban nak caꞌaj cuiꞌ aꞌan xcꞌulub lokꞌoni̱c. Kaqꞌuehak kachꞌo̱l chixba̱nunquil li cꞌaꞌru naraj aꞌan ut takaxucua ru.

Salmos 19:14

Chicuulak taxak cha̱cuu chixjunil li ninye ut li nincꞌoxla. At Ka̱cuaꞌ, at inDios, la̱at nacaqꞌue xcacuilal inchꞌo̱l ut la̱at laj Colol cue.

1 Pedro 2:20

Cui nequexsaqꞌueꞌ xban nak xesicꞌ e̱ma̱c, ut nequecuy xnumsinquil, ma̱cꞌaꞌ xlokꞌal aꞌan. Abanan cui nequecꞌul li raylal riqꞌuin xba̱nunquil li us ut nequecuy, aꞌan lokꞌ chiru li Dios.

1 Pedro 2:5

Ut la̱ex chanchanex li cocꞌ pec li na-oc saꞌ li tzꞌac. Xban li rusilal li Jesucristo, naru texcꞌanjelak chiru li Dios joꞌ eb laj tij li nequeꞌmayejac chiru li Dios. Li mayej li kꞌaxal lokꞌ, aꞌan nak te̱kꞌaxtesi e̱rib saꞌ rukꞌ li Dios. Ut le̱ mayej nacꞌuleꞌ xban li Dios saꞌ xcꞌabaꞌ li Jesucristo.

1 Ts 5:21

Cheqꞌuehak ban retal chixjunil ut checꞌu̱lahak saꞌ e̱chꞌo̱l li cꞌaꞌru us.

1 Timoteo 2:3

Chextijok chirixeb chixjunileb xban nak aꞌan li us xba̱nunquil ut aꞌan li nacuulac chiru li Dios laj Colol ke.

Filipenses 1:10

Nintzꞌa̱ma chiru li Dios nak textenkꞌa re nak junelic te̱nau cꞌaꞌru li us ut cꞌaꞌru li incꞌaꞌ us. Ut ti̱cak taxak le̱ chꞌo̱l re nak ma̱ ani ta̱cuechꞌi̱nk e̱rix chalen nak tol-e̱lk cuiꞌchic li Jesucristo.

Romanos 14:18

Joꞌcan nak li ani nacꞌanjelac chiru li Cristo saꞌ ti̱quilal ut chi sa saꞌ xchꞌo̱l, li Dios nasahoꞌ xchꞌo̱l riqꞌuin. Ut naqꞌueheꞌ ajcuiꞌ xlokꞌal xbaneb li ras ri̱tzꞌin.

Proverbios 21:3

Chexcua̱nk saꞌ cha̱bilal ut saꞌ ti̱quilal xban nak aꞌan li kꞌaxal lokꞌ chiru li Dios chiru li cꞌatbil mayej.

1 Timoteo 5:4

Abanan cui cuan ralal xcꞌajol, aꞌan eb chic teꞌtenkꞌa̱nk reheb. Tento nak teꞌxtzol rib chixba̱nunquil chi joꞌcaꞌin re nak teꞌxnau rilbal lix jun cablaleb. Teꞌxnau xkꞌajca̱munquil lix naꞌ xyucuaꞌ joꞌ nacuulac chiru li Dios.

Jeremías 6:20

¿Cꞌaꞌru aj e nak teꞌxcꞌam chak li pom toj saꞌ li tenamit Sabá? ¿Cꞌaꞌru rajbal nak teꞌxic chi najt chixsicꞌbal li sununquil ban? La̱in incꞌaꞌ nacuulac chicuu lix mayej chi moco tincꞌuleb ta lix cꞌatbil mayej.

Filipenses 4:18

Anakcuan cuan chixjunil li cꞌaꞌru nacuaj. Tzꞌakal ajcuiꞌ li cꞌaꞌru cuan cue xban nak xincꞌul lin ra̱bal li xetakla chak cue chirix laj Epafrodito. Li ma̱tan aꞌan li xetakla cue, aꞌan jun cha̱bil mayej li nacuulac chiru li Dios.

1 Samuel 17:39

Ut quixqꞌue lix kꞌesnal chꞌi̱chꞌ saꞌ xcꞌa̱mal xsaꞌ saꞌ xbe̱n li rakꞌ. Ut laj David qui-oc chi be̱c, abanan incꞌaꞌ quiru chi be̱c xban nak toj ma̱jiꞌ cꞌaynak chi be̱c riqꞌuin rakꞌ soldado. Laj David quixye re laj Saúl: —La̱in incꞌaꞌ ninru chi be̱c riqꞌuin li akꞌej aꞌin xban nak moco cꞌaynakin ta, chan. Ut quirisi chirix li rakꞌ chꞌi̱chꞌ.

Isaías 58:5

¿Ma aꞌin ta biꞌ li ayunic li nacuulac chicuu la̱in? ¿Ma jun cutan ajcuiꞌ naru te̱cubsi e̱rib? ¿Ma riqꞌuin xxulubanquil le̱ jolom joꞌ na-ecꞌan li caxlan aj te̱ba̱nu li us? ¿Ma nequecꞌoxla la̱ex nak riqꞌuin xqꞌuebal li kꞌes ru tꞌicr che̱rix ut riqꞌuin xyocobanquil e̱rib saꞌ li cha te̱ba̱nu li us? ¿Ma aꞌan xya̱lal li ayunic che̱ru la̱ex? ¿Ma nacuulac chicuu li ayunic chi joꞌcan nak nequecꞌoxla la̱ex?

Colosenses 1:10

Nocotijoc che̱rix re nak ti̱cak le̱ yuꞌam xban nak rehex chic li Ka̱cuaꞌ ut sahak saꞌ xchꞌo̱l li Dios e̱riqꞌuin. Junelic cheba̱nuhak li us ut chetauhak ru chi tzꞌakal lix lokꞌal li Dios.