Efesios 4:5 - Li Santil hu

⁵ Jun ajcuiꞌ li Ka̱cuaꞌ cuan ut jun ajcuiꞌ li kapa̱ba̱l cuan ut jun ajcuiꞌ li cubi haꞌ nakacꞌul saꞌ xcꞌabaꞌ li Cristo.

Q'eqchi Bible

⁵ Jun ajwi' chi Qaawa', jun chi paab'aal, jun chi kub'iha',

Efesios 4:5 ပူးပေါင်းရင်းမြစ်များ

1 Corintios 8:6

Abanan la̱o aj pa̱banel nakanau nak jun ajcuiꞌ li Dios cuan. Ut li Dios Acuabej aꞌan li quiyi̱ban re chixjunil li cꞌaꞌru cuan. Coxyoꞌobtesi la̱o re nak takalokꞌoni aꞌan. Ut jun ajcuiꞌ li Ka̱cuaꞌ cuan, aꞌ li Jesucristo. Ut saꞌ xcꞌabaꞌ aꞌan cuan chixjunil ut saꞌ xcꞌabaꞌ aꞌan nak cuan li colba-ib.

1 Corintios 12:13

Chikajunilo junajo riqꞌuin li Cristo usta aj judío, usta ma̱cuaꞌ aj judío, usta lokꞌbil mo̱s, usta incꞌaꞌ. Xkacꞌul li cubi haꞌ saꞌ xcꞌabaꞌ li jun chi Santil Musikꞌej ut chikajunilo cuan li Santil Musikꞌej kiqꞌuin. Joꞌcan nak junajo riqꞌuin li Cristo.

1 Pedro 3:21

Li butꞌi haꞌ, aꞌan retalil li cubi haꞌ colbilex cuiꞌ anakcuan. Li cubi haꞌ, aꞌan ma̱cuaꞌ re risinquil lix tzꞌajnil li katibel. Cuan ban xya̱lal. Aꞌan retalil nak cuybil sachbil chic li kama̱c. Ut nakatzꞌa̱ma chiru li Dios nak cha̱bilak li kacꞌaꞌux. Colbilo xban nak quicuacli cuiꞌchic chi yoꞌyo li Jesucristo.

Romanos 3:30

Nakanau nak jun ajcuiꞌ li Dios. Ut aꞌan naxti̱cobresi xchꞌo̱leb laj judío xban lix pa̱ba̱leb joꞌ ajcuiꞌ li ma̱cuaꞌeb aj judío.

San Mateo 28:19

Joꞌcan utan texxic saꞌ chixjunil li ruchichꞌochꞌ ut te̱chꞌolob lix ya̱lal chiruheb chixjunileb li tenamit re nak teꞌpa̱ba̱nk. Te̱cubsiheb xhaꞌ saꞌ xcꞌabaꞌ li Dios Acuabej, saꞌ xcꞌabaꞌ li Dios Cꞌajolbej ut saꞌ xcꞌabaꞌ li Dios Santil Musikꞌej.

1 Corintios 1:13

Abanan la̱in tinpatzꞌ e̱re, ¿ma nabal ta biꞌ li Cristo? Incꞌaꞌ. Jun ajcuiꞌ. ¿Ma quinqꞌueheꞌ ta biꞌ la̱in chiru cruz saꞌ e̱cꞌabaꞌ la̱ex? ¿Ma saꞌ incꞌabaꞌ ta biꞌ la̱in quecꞌul li cubi haꞌ?

San Judas 1:3

Ex inherma̱n, anchal inchꞌo̱l nak yo̱quin chixcꞌoxlanquil tzꞌi̱bac e̱riqꞌuin chirix li kacolbal saꞌ comonil. Aban xinqꞌue retal nak ta̱ajma̱nk ru nak tintzꞌi̱bak e̱riqꞌuin re xtzꞌa̱manquil che̱ru nak te̱yal e̱kꞌe chixcolbal rix le̱ pa̱ba̱l. Aꞌan li junaj chi pa̱ba̱l kꞌaxtesinbil chak ke xban li Dios.

2 Corintios 11:4

Nincꞌoxlac che̱rix xban nak cuan li nequeꞌcuulac saꞌ e̱ya̱nk ut nequeqꞌue e̱chꞌo̱l chirabinquil li cꞌaꞌru nequeꞌxye, usta jalan nequeꞌxcꞌut che̱ru chirix li Jesucristo. Ut nequepa̱b li cꞌaꞌru nequeꞌxye usta jalan nequeꞌxye chirix li Santil Musikꞌej. Ut naxcꞌul e̱chꞌo̱l nak jalan nequeꞌxcꞌut che̱ru chirix li colba-ib li ac xepa̱b xbe̱n cua.

Zacarías 14:9

Ut li Ka̱cuaꞌ, aꞌanak chic li tzꞌakal Rey saꞌ chixjunil li ruchichꞌochꞌ. Saꞌ eb li cutan aꞌan, jun ajcuiꞌ li Ka̱cuaꞌ teꞌxlokꞌoni. Aꞌan li Ka̱cuaꞌ Dios. Ut caꞌaj chic lix cꞌabaꞌ aꞌan teꞌxqꞌue xlokꞌal.

Filipenses 2:11

Li Dios quixqꞌue xlokꞌal li Jesucristo re nak chixjunileb teꞌxchꞌolob xya̱lal riqꞌuin xtzꞌu̱mal re nak li Jesucristo, aꞌan li Ka̱cuaꞌ ut teꞌxqꞌue xlokꞌal li Acuabej Dios.

Efesios 4:13

Qꞌuebil ke li kama̱tan re nak takatenkꞌaheb laj pa̱banel chi cacuu̱c saꞌ lix pa̱ba̱leb toj ta̱cuulak xkꞌehil nak ta̱tzꞌaklok ke ku riqꞌuin lix cuanquil li Cristo ut junajak chic ku xban nak nakapa̱b li Ralal li Dios. Tzꞌakalak ke ku joꞌ li Cristo tzꞌakal re ru.

Gálatas 5:6

Cui la̱o reho chic li Jesucristo, ma̱cꞌaꞌ naxye cui takacꞌul li circuncisión malaj ut incꞌaꞌ. Li kꞌaxal tento xba̱nunquil, aꞌan xpa̱banquil li Jesucristo. Ut cui ya̱l nak nakapa̱b li Cristo, ta̱cꞌutu̱nk li kapa̱ba̱l xban nak nocorahoc.

1 Corintios 12:5

Jalan jala̱nk li kacꞌanjel chiru li Ka̱cuaꞌ abanan jun ajcuiꞌ li Ka̱cuaꞌ cuan saꞌ kabe̱n ut caꞌaj cuiꞌ chiru aꞌan nococꞌanjelac.

1 Corintios 1:2

Yo̱quin chixtzꞌi̱banquil li hu aꞌin e̱riqꞌuin la̱ex aj pa̱banel li cuanquex saꞌ li tenamit Corinto. Santobresinbilex saꞌ xcꞌabaꞌ li Jesucristo ut sicꞌbil e̱ru xban li Dios chokꞌ ralal xcꞌajol. Ut sicꞌbil ajcuiꞌ ruheb chixjunileb li cuanqueb yalak bar li nequeꞌxya̱ba xcꞌabaꞌ li Jesucristo. Aꞌan li kaDios chikajunilo la̱o li nocopa̱ban re.

San Judas 1:20

Aꞌut la̱ex, ex inherma̱n, cauhak taxak e̱chꞌo̱l saꞌ le̱ santil pa̱ba̱l. Ut chextijok riqꞌuin xcuanquil li Santil Musikꞌej.

Hebreos 13:7

Chijulticokꞌ e̱re eb li queꞌcꞌamoc be che̱ru. Aꞌan queꞌxchꞌolob xya̱lal li ra̱tin li Dios. Cheqꞌuehak retal lix pa̱ba̱l ut lix yuꞌameb nak queꞌcuan saꞌ ruchichꞌochꞌ. Joꞌcan ajcuiꞌ cheba̱nuhak la̱ex.

Hebreos 6:6

Cuan li ac xeꞌtzꞌakon riqꞌuin li rusilal li Dios ut nequeꞌxtzꞌekta̱na chirix xchꞌo̱l. Chanchan nak yo̱queb cuiꞌchic chixqꞌuebal chiru cruz li Jesucristo, li Ralal li Dios. Yo̱queb chixqꞌuebal chi hobecꞌ ut chi seꞌe̱c xbaneb li tenamit. Eb aꞌan incꞌaꞌ chic naru teꞌyotꞌekꞌ xchꞌo̱l ut incꞌaꞌ chic teꞌxjal xcꞌaꞌux xban nak yo̱queb chixtzꞌekta̱nanquil li Jesucristo.

Tito 1:4

Yo̱quin chi tzꞌi̱bac a̱cuiqꞌuin, at Tito. La̱at chanchanat tzꞌakal cualal saꞌ xcꞌabaꞌ li kapa̱ba̱l. Chicua̱nk taxak a̱cuiqꞌuin li usilal ut li tuktu̱quilal li naxqꞌue li Dios li kaYucuaꞌ ut li naxqꞌue li Jesucristo laj Colol ke.

Tito 1:1

La̱in laj Pablo. Yo̱quin chi tzꞌi̱bac a̱cuiqꞌuin, at Tito. Nincꞌanjelac chiru li Dios ut la̱in x-apóstol li Jesucristo. Xakabanbilin xban li Jesucristo re xtenkꞌanquileb li sicꞌbileb ru xban li Dios re nak tzꞌakalak re ru lix pa̱ba̱leb. Ut xakabanbilin re xtenkꞌanquileb re nak teꞌxtau ru chi tzꞌakal lix ya̱lal li colba-ib ut ta̱ti̱cobresi̱k lix chꞌo̱leb.

Filipenses 3:8

Relic chi ya̱l chixjunil li cꞌaꞌak re ru xinba̱nu chak junxil ma̱cꞌaꞌ chic na-oc cuiꞌ chicuu anakcuan xban nak kꞌaxal cuiꞌchic nim xlokꞌal xpa̱banquil li Ka̱cuaꞌ Jesucristo. Re nak la̱inak chic re li Cristo, xintzꞌekta̱na chixjunil li xinba̱nu chak junxil. Aꞌan yal mul aj chic chicuu anakcuan.

Hechos 10:36

La̱ex nequenau nak li Dios quixtakla resil li colba-ib reheb laj Israel. Li colba-ib, aꞌan li naqꞌuehoc tuktu̱quil usilal saꞌ xcꞌabaꞌ li Jesucristo. Ut li Jesucristo, aꞌan li Ka̱cuaꞌ, ut nim xcuanquil saꞌ xbe̱n chixjunil.

Hechos 2:36

Chenauhak che̱junilex la̱ex aj Israel nak li Jesús li queqꞌue la̱ex chiru cruz, aꞌan li quiqꞌueheꞌ chokꞌ Ka̱cuaꞌ ut chokꞌ Cristo xban li Dios, chan laj Pedro.

2 Pedro 1:1

La̱in laj Simón Pedro. La̱in x-apóstol li Jesucristo ut nincꞌanjelac chiru. Nintzꞌi̱ba li hu aꞌin e̱riqꞌuin, la̱ex aj pa̱banel. Ac xetau lix chakꞌal ru li pa̱ba̱l joꞌ li kapa̱ba̱l la̱o. Li pa̱ba̱l aꞌin natauman riqꞌuin li Ka̱cuaꞌ Jesucristo laj Colol ke, li ti̱c xchꞌo̱l.

Santiago 2:18

Ma̱re cuan junak tixye: Cuan li nequeꞌxpa̱b li Cristo ut cuan ajcuiꞌ li nequeꞌxye nak tzꞌakal riqꞌuin xba̱nunquil li us. Abanan la̱in tincꞌut cha̱cuu nak ninpa̱b li Cristo riqꞌuin li us ninba̱nu. Ut la̱at, ¿chanru nak ta̱cꞌut chicuu nak cuan a̱pa̱ba̱l cui incꞌaꞌ nacaba̱nu li us?