Efesios 4:4 - Li Santil hu

⁴ La̱o li ralal xcꞌajol li Dios chanchan nak jun chi tzꞌejcualej nak cuanco ut jun ajcuiꞌ li Santil Musikꞌej naberesin ke. Jun ajcuiꞌ li kama̱tan li nakayoꞌoni saꞌ comonil, la̱o li sicꞌbil ku.

Q'eqchi Bible

⁴ Jun ajwi' chi tz'ejwalej ut jun chi Musiq'ej, kama' naq jun ajwi' leeroyb'enihom b'oqb'ilex wi'.

Efesios 4:4 ပူးပေါင်းရင်းမြစ်များ

Efesios 2:18

Anakcuan chikajunilo, usta la̱o aj judío usta ma̱cuaꞌo aj judío, naru nococuan chi sum a̱tin riqꞌuin li Yucuaꞌbej Dios saꞌ xcꞌabaꞌ li Cristo. Ut li junaj chi Santil Musikꞌej natenkꞌan ke.

Efesios 4:1

La̱in cuanquin chi pre̱xil xban xyebal resil li Ka̱cuaꞌ Jesucristo. La̱in xintijoc che̱rix ut anakcuan nintzꞌa̱ma che̱ru nak cha̱bilak le̱ yuꞌam joꞌ xcꞌulubeb li ralal xcꞌajol li Dios.

Efesios 1:18

Nintzꞌa̱ma chiru li Dios nak tixqꞌue e̱naꞌleb re nak te̱tau ru cꞌaꞌru le̱ lokꞌlaj ma̱tan li yo̱quex chiroybeninquil xban nak sicꞌbil e̱ru xban li Dios. Te̱cꞌul le̱ ma̱tan e̱rochbeneb chixjunileb laj pa̱banel.

1 Corintios 12:20

Abanan nabal pa̱y xchaꞌal li tzꞌejcualej cuan, ut li tzꞌejcualej jun ajcuiꞌ.

Colosenses 1:5

Nak xerabi resil li colba-ib, xerabi ajcuiꞌ resil li sahil chꞌo̱lejil cꞌu̱lanbil saꞌ choxa chokꞌ e̱re. Xban nak yo̱quex chixyoꞌoninquil aꞌan, nequexpa̱ban ut nequera le̱ rech aj pa̱banelil.

Efesios 5:30

Nocoxra ut nocoril xban nak la̱o joꞌ rok rukꞌ li Cristo. La̱o joꞌ lix quiqꞌuel ut joꞌ lix bakel.

1 Juan 3:3

Li ani yo̱ chiroybeninquil lix cꞌulunic li Cristo, aꞌan naxsakobresi li ra̱m saꞌ ti̱quilal joꞌ li Ka̱cuaꞌ Jesucristo ti̱c xchꞌo̱l.

1 Pedro 1:21

Saꞌ xcꞌabaꞌ li Cristo yo̱quex chixpa̱banquil li Dios, li quicuaclesin cuiꞌchic re li Cristo chi yoꞌyo saꞌ xya̱nkeb li camenak ut quixqꞌue xlokꞌal. Joꞌcan nak xepa̱b ut caꞌaj cuiꞌ riqꞌuin li Dios nequexyoꞌonin.

Tito 2:13

Joꞌcan taxak yo̱ko nak yo̱ko chiroybeninquil li lokꞌlaj cutan nak tol-e̱lk cuiꞌchic li Jesucristo li nakayoꞌoni. Saꞌ li cutan aꞌan ta̱cꞌutbesi̱k chiku lix lokꞌal li kanimajcual Dios, li Jesucristo laj Colol ke.

Tito 1:2

Ninchꞌolob lix ya̱lal aꞌin chiruheb re nak teꞌpa̱ba̱nk ut teꞌxyoꞌoni li junelic yuꞌam. Najter kꞌe cutan li Dios quixyechiꞌi chak li junelic yuꞌam. Li Dios incꞌaꞌ naticꞌtiꞌic.

2 Ts 2:16

Li Ka̱cuaꞌ Jesucristo ut li Dios li kaYucuaꞌ, li narahoc ke, xban xnimal rusilal naxcꞌojob kachꞌo̱l chi junelic ut naxqꞌue xcacuilal kachꞌo̱l chi oybeni̱nc.

Colosenses 3:15

Junajakex taxak saꞌ le̱ pa̱ba̱l xban nak sicꞌbil e̱ru xban li Dios. Chicua̱nk li tuktu̱quilal saꞌ le̱ chꞌo̱l li naxqꞌue li Cristo re nak texcua̱nk saꞌ xya̱lal. Ut junelic chebantioxi chiru li Dios li usilal xba̱nu e̱re.

Efesios 2:22

Joꞌcan ajcuiꞌ la̱ex. Xban nak rehex chic li Cristo, junajex chic riqꞌuineb laj pa̱banel. Ut la̱ex ajcuiꞌ li rochoch li Dios xban nak li Santil Musikꞌej cuan e̱riqꞌuin.

Efesios 2:16

Riqꞌuin lix camic chiru li cruz li Cristo quirisi lix joskꞌinquil kib chi kibil kib ut coxcꞌam cuiꞌchic saꞌ usilal riqꞌuin li Dios ut junaj chic ku.

San Mateo 28:19

Joꞌcan utan texxic saꞌ chixjunil li ruchichꞌochꞌ ut te̱chꞌolob lix ya̱lal chiruheb chixjunileb li tenamit re nak teꞌpa̱ba̱nk. Te̱cubsiheb xhaꞌ saꞌ xcꞌabaꞌ li Dios Acuabej, saꞌ xcꞌabaꞌ li Dios Cꞌajolbej ut saꞌ xcꞌabaꞌ li Dios Santil Musikꞌej.

Jeremías 14:8

At Ka̱cuaꞌ, la̱at li kayoꞌon la̱o aj Israel. La̱at li nacatcoloc ke chiru li raylal. ¿Cꞌaꞌut nak chanchanat jun li jalan xtenamit? ¿Cꞌaꞌut nak chanchanat jun li yal numecꞌ yo̱?

Tito 3:7

Joꞌcaꞌin quixba̱nu re nak ta̱ti̱cokꞌ li kachꞌo̱l xban xnimal rusilal li Dios ut take̱chani li junelic yuꞌam li yo̱co chiroybeninquil.

1 Timoteo 1:1

La̱in laj Pablo. Taklanbilin xban li Jesucristo chi cꞌanjelac chiru xban nak joꞌcan quiraj li Dios laj Colol ke. Ut joꞌcan ajcuiꞌ quiraj li Ka̱cuaꞌ Jesucristo li kayoꞌon.

1 Corintios 10:17

Usta nabalo, jun ajcuiꞌ li caxlan cua najachiman ut nakacuotzi. Aꞌan retalil nak la̱o junajo chic riqꞌuin li Cristo.

2 Corintios 11:4

Nincꞌoxlac che̱rix xban nak cuan li nequeꞌcuulac saꞌ e̱ya̱nk ut nequeqꞌue e̱chꞌo̱l chirabinquil li cꞌaꞌru nequeꞌxye, usta jalan nequeꞌxcꞌut che̱ru chirix li Jesucristo. Ut nequepa̱b li cꞌaꞌru nequeꞌxye usta jalan nequeꞌxye chirix li Santil Musikꞌej. Ut naxcꞌul e̱chꞌo̱l nak jalan nequeꞌxcꞌut che̱ru chirix li colba-ib li ac xepa̱b xbe̱n cua.

Hechos 15:11

Yal xban rusilal li Ka̱cuaꞌ Jesús nak xopa̱ban ut xocoleꞌ joꞌ eb ajcuiꞌ aꞌan, chan laj Pedro.

Jeremías 17:7

Abanan osobtesinbil li ani naxcꞌojob xchꞌo̱l riqꞌuin li Dios ut naxsicꞌ xcacuilal xchꞌo̱l riqꞌuin.

Romanos 11:29

Li Dios incꞌaꞌ naxjal xcꞌaꞌux riqꞌuin li cꞌaꞌru naxyechiꞌi ke, chi moco naxjal xcꞌaꞌux nak quixsicꞌ ku.

Salmos 122:8

Xban nak ninraheb lin tenamit Israel, nintzꞌa̱ma cha̱cuu, at Ka̱cuaꞌ. Chicua̱nk taxak li tuktu̱quil usilal saꞌ li tenamit Jerusalén.