Efesios 4:32 - Li Santil hu

³² Cha̱bilakex che̱ribil e̱rib. Cheruxta̱na e̱ru chi ribil e̱rib. Ut checuyak e̱ma̱c chi ribil e̱rib joꞌ nak li Dios quixcuy e̱ma̱c saꞌ xcꞌabaꞌ li Cristo.

Q'eqchi Bible

³² Chaab'ilaqex b'an cherib'il eerib', aj uxtaanaqex, chekuyaq eemaak cherib'il eerib', jo' ajwi' naq li Yos kixkuy eemaak sa' xk'ab'a' li Kriist.

Efesios 4:32 ပူးပေါင်းရင်းမြစ်များ

San Marcos 11:25

Nak yo̱kex chi tijoc, checuy xma̱c li ani cuan xma̱c che̱ru re nak li kaYucuaꞌ li cuan saꞌ choxa tixcuy ajcuiꞌ e̱ma̱c la̱ex.

2 Corintios 2:10

Cui te̱cuy xma̱c aꞌan la̱in tincuy ajcuiꞌ xma̱c. Li ani te̱cuy xma̱c la̱ex, tincuy ajcuiꞌ xma̱c la̱in. Cui ani nincuy xma̱c, aꞌan ninba̱nu re e̱tenkꞌanquil ajcuiꞌ la̱ex. Ut li Cristo naxnau nak ninba̱nu chi anchal inchꞌo̱l.

Efesios 5:1

La̱ex chic li ralal xcꞌajol li Dios ut raro̱quex xban. Joꞌcan nak chetzolak e̱rib riqꞌuin li Dios re nak te̱ba̱nu joꞌ naraj aꞌan.

San Lucas 6:35

Joꞌcan ut nak cherahakeb li ani xicꞌ nequeꞌiloc e̱re. Cheba̱nuhak usilal reheb. Ut cheqꞌuehak chi toꞌ re li cꞌaꞌru tixpatzꞌ e̱re chi incꞌaꞌ te̱roybeni re̱kaj. Cui te̱ba̱nu aꞌan, kꞌaxal nim le̱ kꞌajca̱munquil li ta̱qꞌuehekꞌ e̱re ut la̱exak li ralal xcꞌajol li nimajcual Dios. Aꞌan kꞌaxal nim xcuyum saꞌ xbe̱neb li incꞌaꞌ useb xnaꞌleb li incꞌaꞌ nequeꞌxnau bantioxi̱nc.

San Lucas 6:37

Mextzꞌiloc a̱tin chirixeb le̱ ras e̱ri̱tzꞌin re nak li Dios incꞌaꞌ ta̱tzꞌilok a̱tin che̱rix la̱ex. Me̱tzꞌekta̱na le̱ ras e̱ri̱tzꞌin re nak li Dios incꞌaꞌ textzꞌekta̱na la̱ex. Checuyak xma̱queb le̱ ras e̱ri̱tzꞌin re nak li Dios tixcuy e̱ma̱c la̱ex.

1 Corintios 13:4

Li ani narahoc, naxcuy li raylal ut kꞌaxal cha̱bil. Li ani narahoc incꞌaꞌ nacakalin, incꞌaꞌ naxnimobresi rib ut incꞌaꞌ naxkꞌetkꞌeti rib.

San Lucas 17:4

Usta ta̱ma̱cobk cha̱cuu cuukubak sut chiru li jun cutan ut cuukub sut tixpatzꞌ xcuybal cha̱cuu ut tixye nak incꞌaꞌ chic tixba̱nu, tento nak ta̱cuy xma̱c, chan li Jesús.

San Mateo 6:12

Ut chacuy chasach ta li kama̱c joꞌ nak nakacuyeb xma̱c li nequeꞌma̱cob chiku.

Salmos 145:9

Li Ka̱cuaꞌ, aꞌan cha̱bil riqꞌuin chixjunil ut nim li ruxta̱n saꞌ xbe̱n chixjunil li cꞌaꞌru quixyi̱b.

1 Juan 2:12

Nintzꞌi̱bac e̱riqꞌuin, ex herma̱n, xban nak cuybil sachbil chic le̱ ma̱c xban li Dios saꞌ xcꞌabaꞌ li Jesucristo.

Romanos 12:10

Cherahak e̱rib chi ribil e̱rib chi anchal e̱chꞌo̱l xban nak e̱comon e̱rib saꞌ le̱ pa̱ba̱l. Ut che-oxlokꞌi e̱rib chi ribil e̱rib.

1 Juan 1:9

Cui nakaxo̱to li kama̱c chiru li Dios, relic chi ya̱l nak aꞌan ti̱c xchꞌo̱l chixcuybal chixsachbal li kama̱c, ut ta̱risi chixjunil li kama̱usilal.

2 Corintios 2:7

Us cui te̱cuy xma̱c anakcuan ut te̱cꞌojob xchꞌo̱l xban nak naru nachꞌinan cuiꞌchic xchꞌo̱l.

Santiago 5:11

La̱o nakaye nak us xak reheb li nequeꞌcuyuc raylal. Xerabi resil chanru nak laj Job quixcuy xnumsinquil li raylal. Ut nequenau nak mokon li Dios quirosobtesi. Li Ka̱cuaꞌ Dios na-uxta̱nan ut natokꞌoban u.

2 Corintios 6:6

Riqꞌuin aꞌin nequenau nak la̱o aj cꞌanjelo chiru li Dios. Saꞌ ti̱quilal yo̱co chixba̱nunquil. Nakanau lix ya̱lal. Nabal li raylal nakacuy ut cuanco saꞌ usilal. Li Santil Musikꞌej cuan kiqꞌuin ut chi anchal kachꞌo̱l nocorahoc.

San Lucas 11:4

Ut chacuy chasach ta li kama̱c joꞌ nak nakacuyeb xma̱c li nequeꞌma̱cob chiku. Ut moa̱qꞌue chi a̱le̱c. Choa̱col ban chiru li incꞌaꞌ us.—

San Lucas 1:78

Xban nak kꞌaxal nim ruxta̱n li Ka̱cuaꞌ Dios, xtakla chak li Jun li ta̱cutanobresi̱nk re li kacꞌaꞌux.

Isaías 57:1

Nak nequeꞌcam li ti̱queb xchꞌo̱l, ma̱ ani naxcꞌoxla cꞌaꞌut nak nequeꞌcam. Nak nequeꞌcam li cha̱bileb xnaꞌleb, ma̱ ani naqꞌuehoc retal nak yal xeꞌisi̱c saꞌ li raylal li cha̱lc re.

Proverbios 19:22

Cuan xsahil xchꞌo̱leb li nequeꞌuxta̱nan u. Joꞌcan nak kꞌaxal us li nebaꞌil chiru li balakꞌic.

Proverbios 12:10

Li ani ti̱c xchꞌo̱l naxnau xra̱baleb lix xul. Abanan eb li incꞌaꞌ useb xnaꞌleb ma̱cꞌaꞌ nequeꞌril xtokꞌoba̱l ru.

Salmos 112:9

Naxtenkꞌaheb li nebaꞌ ut junelic ti̱c xchꞌo̱l. Ta̱qꞌuehekꞌ xcuanquil ut ta̱qꞌuehekꞌ xlokꞌal.

Li xHu LIX RUT 2:20

Lix Noemí quixye re li ralib: —Aꞌ taxak li Ka̱cuaꞌ chi-osobtesi̱nk re li cui̱nk aꞌan. Li Ka̱cuaꞌ quiruxta̱na ku joꞌ quixba̱nu junxil riqꞌuineb li queꞌcam. Tento saꞌ xbe̱n li cui̱nk aꞌan katenkꞌanquil xban nak aꞌan kechꞌalal, chan lix Noemí.

2 Pedro 1:7

Ma̱cuaꞌ caꞌaj cuiꞌ aꞌan takaba̱nu. Chisahokꞌ ban ajcuiꞌ kachꞌo̱l riqꞌuineb li kas ki̱tzꞌin ut chikaraheb.

Hechos 28:2

Li cuanqueb aran cꞌajoꞌ li usilal queꞌxba̱nu ke. Coeꞌxcꞌul saꞌ xya̱lal chikajunilo ut queꞌxtzꞌab jun xam xban nak cꞌajoꞌ li hab ut cꞌajoꞌ li que.

2 Samuel 7:21

La̱at xaba̱nu chixjunil li xni̱nkal ru naꞌleb aꞌin joꞌ xaye ut joꞌ xacuaj la̱at. Ut anakcuan la̱at xaye cue re nak la̱in tinnau.

Proverbios 19:11

Li ani naxnau cꞌoxlac, naxnau xcuybal rib ut incꞌaꞌ najoskꞌoꞌ saꞌ junpa̱t. Ut lix lokꞌal, aꞌan nak incꞌaꞌ naxqꞌue saꞌ xchꞌo̱l nak naba̱nu̱c ma̱usilal re.

Jeremías 38:12

Ut laj Ebed-melec laj Etiopía quixye re laj Jeremías: —Qꞌue chak li kꞌel tꞌicr aꞌan saꞌ la̱ tel re nak incꞌaꞌ tatxtacuasi li cꞌa̱m nak tatkisi saꞌ li jul, chan. Ut laj Jeremías quixba̱nu joꞌ quiyeheꞌ re.