Efesios 4:31 - Li Santil hu

³¹ Isihomak saꞌ le̱ chꞌo̱l chi junaj cua li cꞌahi̱nc, li joskꞌil, ut li poꞌoc ib. Joꞌcan ajcuiꞌ li choki̱nc ib ut li majecua̱nc. Checanabak chi junaj cua chixjunil li ma̱usilal.

Q'eqchi Bible

³¹ Chixjunil li k'ahink, josq'il, po'ok ch'oolej, choqink, majewank isinb'ilaq taxaq eerik'in, jo' ajwi' chixjunil li maa'usilal.

Efesios 4:31 ပူးပေါင်းရင်းမြစ်များ

Colosenses 3:8

Aban anakcuan me̱ba̱nu chic chixjunil li cꞌaꞌ re ru aꞌin: mexjoskꞌoꞌ, me̱poꞌ e̱rib chi ribil e̱rib, me̱ba̱nu li ma̱usilal, mexkꞌaban, ut mex-a̱tinac saꞌ yibru a̱tin.

Eclesiastés 7:9

Ut incꞌaꞌ tatjoskꞌokꞌ saꞌ junpa̱t joꞌ nequeꞌxba̱nu li ma̱cꞌaꞌeb xnaꞌleb. Eb aꞌan nequeꞌjoskꞌoꞌ saꞌ junpa̱t.

1 Pedro 2:1

Xban nak acꞌ chic le̱ yuꞌam, cherisihak saꞌ le̱ chꞌo̱l chixjunil li ma̱usilal. Mexbalakꞌic chic. Te̱canab li caꞌ pacꞌal u. Mexcakalin chic ut te̱canab ajcuiꞌ li yoꞌoba̱nc a̱tin.

Santiago 1:19

Ex inherma̱n, raro̱quex inban. La̱ex ac nequenau lix ya̱lal aꞌin. Joꞌcan nak cheqꞌuehak e̱chꞌo̱l chi abi̱nc. Checꞌoxla chi us li oc e̱re chixyebal ut mexjoskꞌoꞌ.

Colosenses 3:19

Ut la̱ex be̱lomej, cherahak le̱ rixakil ut mexjoskꞌoꞌ riqꞌuineb.

Santiago 3:14

Cui toj cuan li cꞌahi̱nc ut li cakali̱nc e̱riqꞌuin, me̱nimobresi e̱rib chixyebal nak cuan e̱naꞌleb. Riqꞌuin xba̱nunquil aꞌan yo̱quex chi ticꞌtiꞌic ut xmukbal lix ya̱lal.

Efesios 4:26

Cuan nak nequexjoskꞌoꞌ. Abanan me̱numsi li cutan chi toj cuan le̱ joskꞌil saꞌ le̱ chꞌo̱l re nak incꞌaꞌ texma̱cobk xban.

1 Juan 3:12

Mikata̱ke xnaꞌleb laj Caín xban nak aꞌan re laj tza. Aꞌan quixcamsi li ri̱tzꞌin. ¿Cꞌaꞌut nak quixcamsi li ri̱tzꞌin? Xban nak ti̱c xchꞌo̱l li ri̱tzꞌin chiru li Dios ut laj Caín junes ma̱usilal naxba̱nu.

Salmos 101:5

La̱in tinye reheb nak teꞌxcanab a̱tinac li nequeꞌxyoꞌob a̱tin chirixeb li ras ri̱tzꞌin. Ut incꞌaꞌ tincuy xma̱queb li nequeꞌxkꞌetkꞌeti ribeb ut nequeꞌxnimobresi ribeb.

Santiago 4:11

Ex inherma̱n, me̱cuechꞌi rix le̱ rech aj pa̱banelil xban nak ani naxcuechꞌi rix li rech aj pa̱banelil naxcuechꞌi ajcuiꞌ rix lix chakꞌrab li Dios ut naxqꞌue rib chokꞌ aj rakol a̱tin. Li kacꞌanjel ma̱cuaꞌ re xcuechꞌbal rix li chakꞌrab; re ban xpa̱banquil.

Proverbios 26:20

Chi ma̱cꞌaꞌ xsiꞌil li xam nachup. Ut nak ma̱cꞌaꞌeb aj molol a̱tin, ma̱cꞌaꞌ chic ple̱t.

Tito 1:7

Li ani nacꞌamoc be chiruheb laj pa̱banel, li jun aꞌan aj cꞌanjel chiru li Dios. Joꞌcan nak tento nak ti̱cak xchꞌo̱l re nak ma̱ ani ta̱a̱tinak chirix. Moco kꞌetkꞌetak ta ut moco chꞌinpoꞌak ta, chi moco ta̱cala̱k, chi moco ta̱pletik. Ut ma̱cuaꞌak aj rahol ru biomal, chi moco tixsicꞌ xtumin riqꞌuin balakꞌic.

1 Timoteo 3:11

Joꞌcan ajcuiꞌ li rixakileb li nequeꞌcꞌanjelac saꞌ xya̱nkeb laj pa̱banel. Cha̱bilakeb lix naꞌleb. Ma̱cuaꞌakeb aj molol a̱tin. Ma̱cuaꞌakeb aj calajenak. Ti̱cakeb ban xchꞌo̱l ut ti̱cakeb lix cꞌaꞌux riqꞌuin chixjunil.

2 Corintios 12:20

Nincꞌoxla nak tincuulak e̱riqꞌuin ma̱re incꞌaꞌ sahak e̱chꞌo̱l cuiqꞌuin, ut la̱in ma̱re incꞌaꞌ sahak inchꞌo̱l e̱riqꞌuin xban nak toj cuan li cꞌaꞌak re ru incꞌaꞌ us saꞌ e̱ya̱nk. Ma̱re toj cuan li pletic ut li cakali̱nc saꞌ e̱ya̱nk ut ma̱re toj cuan li joskꞌil ut li nimobresi̱nc ib, malaj ut li kꞌaba̱nc ut li xicꞌ iloc ut ma̱re toj cuan li kꞌetkꞌetil e̱riqꞌuin malaj ut li poꞌoj ib.

1 Corintios 14:20

Ex inherma̱n, chanchanakex li cꞌulaꞌal xban nak eb li cꞌulaꞌal incꞌaꞌ nequeꞌxba̱nu li ma̱usilal. Abanan mexcꞌoxlac joꞌ nequeꞌcꞌoxlac li cocꞌal. Tzꞌakalak ban re ru le̱ cꞌaꞌux xban nak moco cocꞌalex ta chic.

Proverbios 29:22

Li ani chꞌinpoꞌ naxyoꞌob ra xi̱cꞌ. Ut li ani najoskꞌoꞌ, nabal sut nama̱cob.

Proverbios 14:17

Li ani najoskꞌoꞌ saꞌ junpa̱t incꞌaꞌ naxcꞌoxla chi us li cꞌaꞌru naxba̱nu. Ut li ani incꞌaꞌ us xnaꞌleb xicꞌ ta̱ilekꞌ.

Proverbios 10:18

Li ani xicꞌ na-iloc chi mukmu, aꞌan aj ticꞌtiꞌ. Ut li ani nacuulac chiru moloc ticꞌtiꞌ, aꞌan ma̱cꞌaꞌ xnaꞌleb.

Proverbios 10:12

Li ani xicꞌ na-iloc nayoꞌoban ple̱t. Abanan li ani narahoc, aꞌan nacuyuc ma̱c.

1 Timoteo 5:13

Ut joꞌ cuiꞌ anchal nequeꞌxtzol ribeb chi subuc cutan nak nequeꞌxic saꞌ li junju̱nk chi cab. Ut ma̱cuaꞌ caꞌaj cuiꞌ subuc cutan nequeꞌxba̱nu. Nequeꞌxtzol aj ban cuiꞌ li moloc a̱tin ut li qꞌuehoc etal ut nequeꞌxye li moco yehecꞌ ta naraj.

Gálatas 5:20

lokꞌoni̱nc yi̱banbil dios, tu̱lac, xi̱qꞌuil u̱chi̱nc, pletic, cakali̱nc, joskꞌi̱nc, yoꞌoba̱nc ra xi̱cꞌ, cuechꞌij ib, poꞌoc ru pa̱ba̱l,

1 Corintios 5:8

Joꞌcan nak chikacanabak li najter naꞌleb li naqꞌuehoc ke chi ma̱cobc. Li najter naꞌleb aꞌan chanchan lix chꞌamal li caxlan cua. Ut la̱o chanchanako li xkꞌemal li caxlan cua ma̱cꞌaꞌ xchꞌamal. Naraj naxye nak ti̱cak chic li kachꞌo̱l ut tzꞌakal re ru li kayuꞌam.

Romanos 3:14

Riqꞌuin xtzꞌu̱maleb re nequeꞌmajecuan ut junes xicꞌ aj a̱tin na-el saꞌ reheb. (Sal. 10:7)

Proverbios 25:23

Li ikꞌ li nachal saꞌ li norte naxcꞌam chak li hab. Joꞌcan ajcuiꞌ nak li ani naa̱tinac saꞌ joskꞌil naxchikꞌ xjoskꞌil li yo̱ chi abi̱nc re.

Proverbios 18:8

Li ticꞌtiꞌ, aꞌan chanchan li cocꞌ cab chiruheb li nequeꞌcuulac chiru ticꞌtiꞌic chirix li ras ri̱tzꞌin. Abanan ra nanak cuiꞌ li cꞌaꞌru nequeꞌxye.

Proverbios 6:19

li ani nakꞌaban ut li ani nayoꞌoban pletic saꞌ xya̱nkeb li ras ri̱tzꞌin.

Salmos 140:11

Incꞌaꞌ ta najt teꞌcua̱nk saꞌ ruchichꞌochꞌ li nequeꞌyoꞌoban a̱tin. Aꞌ ta li raylal li nequeꞌxba̱nu chisachok ruheb li nequeꞌxrahobtesi ras ri̱tzꞌin.

Salmos 64:3

Kꞌaxal kꞌes ruꞌuj rakꞌeb chi a̱tinac. Chanchan li kꞌesnal chꞌi̱chꞌ. Ut li a̱tin nequeꞌxye kꞌaxal ra nanak cuiꞌ. Chanchan nanak cuiꞌ li tzimaj li nacamsin.

Salmos 50:20

Nequeyoꞌob a̱tin chirix le̱ ras e̱ri̱tzꞌin ut nequeyoꞌob ajcuiꞌ a̱tin chirix li tzꞌakal e̱ras.

Salmos 15:3

Eb aꞌan incꞌaꞌ nequeꞌxba̱nu ma̱usilal reheb li ras ri̱tzꞌin chi moco nequeꞌxyoꞌob a̱tin chirixeb ut incꞌaꞌ nequeꞌxsume xhobbaleb.

2 Samuel 19:27

Lin mo̱s xyoꞌob ticꞌtiꞌ chicuix cha̱cuu, at rey. Abanan, la̱at chanchanat lix ángel li Dios. La̱at ta̱ba̱nu li cꞌaꞌru nacanau nak us xba̱nunquil.

Génesis 37:4

Eb li asbej queꞌril nak laj José, aꞌan li kꞌaxal raro xban li yucuaꞌbej. Joꞌcan nak xicꞌ nequeꞌril laj José ut incꞌaꞌ chic nequeꞌa̱tinac saꞌ xya̱lal riqꞌuin.

Génesis 27:41

Cꞌajoꞌ nak quijoskꞌoꞌ laj Esaú saꞌ xbe̱n laj Jacob xban nak qui-osobtesi̱c xban lix yucuaꞌ. Quixye saꞌ xchꞌo̱l: —Chi se̱b nacuulac xkꞌehil nak ta̱ca̱mk lin yucuaꞌ. Chirix aꞌan tincamsi li cui̱tzꞌin, chan laj Esaú.

Génesis 4:8

Saꞌ jun li cutan laj Caín quixye re li ri̱tzꞌin: —Yoꞌo saꞌ cꞌaleba̱l, chan re. Ut nak ac cuanqueb saꞌ li cꞌaleba̱l laj Caín quixcamsi laj Abel.

Apocalipsis 12:10

Ut quicuabi jun xya̱b cux yo̱ chi a̱tinac chi cau saꞌ choxa ut quixye: Anakcuan xcꞌulun chak li kacolbal. Anakcuan li Ka̱cuaꞌ chic ta̱cua̱nk xcuanquil ut aꞌan chic ta̱takla̱nk. Quicꞌutun lix cuanquilal li Cristo nak qui-isi̱c saꞌ choxa laj tza li quijitoc reheb li kech aj pa̱banelil chiru li Dios chi kꞌek chi cutan.

1 Juan 3:15

Li ani xicꞌ naril lix herma̱n, aꞌan chanchan aj camsinel ras ri̱tzꞌin. La̱ex nequenau nak junak aj camsinel ras ri̱tzꞌin ma̱cꞌaꞌ xyuꞌam chi junelic.

Tito 2:3

Ut chaqꞌueheb ajcuiꞌ xnaꞌlebeb li che̱quel ixk. Chicꞌutu̱nk lix lokꞌaleb riqꞌuin lix ti̱quilal xchꞌo̱leb. Incꞌaꞌ teꞌxyoꞌob a̱tin chirixeb li ras ri̱tzꞌin ut incꞌaꞌ teꞌcala̱k. Aꞌanakeb ban chic aj cꞌamol be saꞌ li ti̱quilal.

2 Timoteo 2:23

Ma̱cuaꞌakat jun saꞌ xya̱nkeb li nequeꞌxcuechꞌi rib chirix to̱ntil a̱tin li ma̱cꞌaꞌ aj e. La̱at ac nacanau nak li cuechꞌi̱nc ib junes ra xi̱cꞌ naxqꞌue.

1 Timoteo 3:3

Laj cꞌamol be ma̱cuaꞌak aj calajenak ut ma̱cuaꞌak aj sicꞌol ple̱t. Ma̱cuaꞌak aj rahol ru tumin. Tu̱lanak ban ut cua̱nk saꞌ xya̱lal.

Hechos 21:30

Joꞌcan nak kꞌaxal cuiꞌchic quichal xjoskꞌileb li tenamit. Japjo̱queb re nak queꞌxchap laj Pablo ut quelonbil queꞌxba̱nu re, nak queꞌrisi saꞌ li templo. Ut queꞌxtzꞌap li oqueba̱l chi junpa̱t.

Jeremías 6:28

Kꞌaxal cauheb xchꞌo̱l. Chanchan xcacuil li chꞌi̱chꞌ bronce ut hierro. Kꞌetkꞌeteb ut junes ticꞌtiꞌic nequeꞌxba̱nu. Chixjunileb incꞌaꞌ useb xnaꞌleb.

Proverbios 29:9

Cui li ani cuan xnaꞌleb naxcꞌam saꞌ rakleb a̱tin junak li ma̱cꞌaꞌ xnaꞌleb, li ani ma̱cꞌaꞌ xnaꞌleb junes hoboc naxba̱nu. Ma̱cꞌaꞌ naru xyi̱banquil ru riqꞌuin.

Proverbios 19:12

Nak najoskꞌoꞌ li rey, chanchan nak najoskꞌoꞌ li cakcoj. Abanan nak naxba̱nu junak usil aꞌan chanchan li hab li naxtꞌakresi li acui̱mk.

2 Samuel 19:43

Eb li ralal xcꞌajol laj Israel queꞌxye reheb: —La̱o yal ke saꞌ xbe̱n li rey. ¿Cꞌaꞌut nak nocoe̱tzꞌekta̱na? ¿Ma ma̱cuaꞌ ta biꞌ la̱o kꞌaxal nabalo che̱ru la̱ex? Ut la̱o li xbe̱n li xkaye nak ta̱sukꞌi̱k cuiꞌchic li rey, chanqueb. Ut eb li ralal xcꞌajol laj Judá kꞌaxal cau cuiꞌchic queꞌa̱tinac chiruheb li ralal xcꞌajol laj Israel.

2 Samuel 13:22

Laj Absalón xicꞌ chic quiril laj Amnón xban nak quixchap chi pue̱rs lix Tamar, li ranab. Abanan chi ti̱c ma̱cꞌaꞌ quixye re.

Génesis 37:21

Nak laj Rubén quirabi aꞌin, quiraj raj xcolbal laj José saꞌ rukꞌeb. Ut quixye reheb: —Incꞌaꞌ naru takacamsi li ki̱tzꞌin, chan.

2 Timoteo 3:3

Ma̱cꞌaꞌak rahoc riqꞌuineb. Ma̱cꞌaꞌak usilal riqꞌuineb. Telajeꞌxyoꞌob a̱tin chi ribileb rib. Aj kꞌabanelakeb. Incꞌaꞌ teꞌxcuy rib. Joskꞌakeb ut xicꞌ teꞌril li cha̱bilal.

Jeremías 9:4

Incꞌaꞌ naru te̱cꞌojob e̱chꞌo̱l riqꞌuineb le̱ ras e̱ri̱tzꞌin, usta nequeꞌxye nak eb aꞌan tzꞌakal e̱rami̱g. Chi moco ta̱ru̱k te̱cꞌojob e̱chꞌo̱l riqꞌuin le̱ ras ut le̱ ri̱tzꞌin xban nak li asbej ut li i̱tzꞌinbej nequeꞌbalakꞌin. Eb li amigo nequeꞌyoꞌoban ticꞌtiꞌ.

Salmos 37:8

Mexjoskꞌoꞌ ut me̱cꞌa̱hi e̱rib xban nak li joskꞌil naqꞌuehoc e̱re chi ma̱cobc.

Efesios 4:22

Joꞌcan nak chetzꞌekta̱na chi junaj cua le̱ najter naꞌleb. Me̱qꞌue chic e̱rib chi balakꞌi̱c xban li ma̱usilal li quixrahi ru le̱ chꞌo̱l junxil.

Efesios 4:25

Incꞌaꞌ chic chexticꞌtiꞌik. Saꞌ xya̱lal ban tex-a̱tinak chi ribil e̱rib xban nak junaj chic ku ut kachaꞌal chic kib chi kibil kib.