Efesios 4:30 - Li Santil hu

³⁰ Me̱ba̱nu chic li incꞌaꞌ us re nak incꞌaꞌ ta̱rahokꞌ xchꞌo̱l li Santil Musikꞌej e̱ban. Li Dios quixqꞌue e̱re li Santil Musikꞌej chokꞌ e̱retalil nak rehex chic aꞌan toj saꞌ li cutan nak tixtzꞌakobresi le̱ colbal.

Q'eqchi Bible

³⁰ Meerahob'tesi xch'ool li xSantil Musiq' li Yos li kaaxtinb'ilex wi' rik'in loq'laj eetalil cho'q re xkutankil li kolb'a ib'.

Efesios 4:30 ပူးပေါင်းရင်းမြစ်များ

1 Ts 5:19

Me̱risi xcuanquil li Santil Musikꞌej e̱riqꞌuin. Cheqꞌuehak ban chi cꞌanjelac e̱riqꞌuin, joꞌ naraj aꞌan.

Isaías 63:10

Usta quirosobtesiheb, abanan eb laj Israel queꞌxtzꞌekta̱na toj retal nak quirahoꞌ xchꞌo̱l lix Santil Musikꞌ. Joꞌcan nak li Ka̱cuaꞌ quijoskꞌoꞌ ut xicꞌ chic queꞌileꞌ xban. Ut quixqꞌueheb chi rahobtesi̱c.

Génesis 6:6

Ut quiyotꞌeꞌ xchꞌo̱l li Dios nak quixyi̱beb li cristian saꞌ ruchichꞌochꞌ ut cꞌajoꞌ nak quirahoꞌ saꞌ xchꞌo̱l.

Hechos 7:51

La̱ex incꞌaꞌ nequetau xya̱lal. Kꞌaxal cau e̱chꞌo̱l. Chanchanex li incꞌaꞌ nequeꞌpa̱ban re li Dios. Junelic nequekꞌetkꞌeti e̱rib chiru li Santil Musikꞌej joꞌ queꞌxba̱nu le̱ xeꞌto̱nil yucuaꞌ.

Romanos 8:23

Ma̱cuaꞌ caꞌaj cuiꞌ li ruchichꞌochꞌ naxcꞌul li raylal. Nayotꞌeꞌ ajcuiꞌ li kachꞌo̱l la̱o aj pa̱banel xban li raylal nakacꞌul, usta ac xkacꞌul li Santil Musikꞌej. Li Santil Musikꞌej aꞌan xbe̱n li kama̱tan naxqꞌue ke li Dios. Yo̱co chiroybeninquil nak li Dios toxcꞌul joꞌ tzꞌakal ralal xcꞌajol ut ta̱jala̱k li katzꞌejcual ut tixqꞌue li kalokꞌal.

Romanos 8:11

Li Santil Musikꞌej, aꞌan li quicuaclesin cuiꞌchic re chi yoꞌyo li Cristo saꞌ xya̱nkeb li camenak. Cui li Santil Musikꞌej quicuaclesin re li Cristo, aꞌan ajcuiꞌ ta̱cuaclesi̱nk re le̱ tzꞌejcual chi yoꞌyo re li junelic yuꞌam xban nak li Santil Musikꞌej cuan e̱riqꞌuin.

San Marcos 3:5

Quijoskꞌoꞌ li Jesús saꞌ xbe̱neb, abanan quiril cuiꞌchic xtokꞌoba̱l ruheb xban nak incꞌaꞌ queꞌraj xtaubal xya̱lal. Ut li Jesús quixye re li cui̱nk li sic rukꞌ: —Yeꞌ la̱ cuukꞌ, chan. Ut li cui̱nk quixyeꞌ li rukꞌ ut saꞌ junpa̱t quiqꞌuira.

Isaías 43:24

Ut la̱ex incꞌaꞌ xelokꞌ li incienso re te̱cꞌat chicuu, chi moco xecꞌat lix xe̱bul le̱ xul. Xexma̱cob ban chicuu toj retal xintitzꞌ xban le̱ ma̱usilal.

Salmos 78:40

Nabal sut queꞌxkꞌetkꞌeti ribeb chiru li Dios nak cuanqueb saꞌ li chaki chꞌochꞌ ut queꞌxqꞌue xrahil xchꞌo̱l.

Génesis 6:3

Li Ka̱cuaꞌ Dios quixye: —Lin musikꞌ incꞌaꞌ ta̱cua̱nk riqꞌuineb chi junelic xban nak yal cristianeb. Incꞌaꞌ najt rok lix yuꞌameb tinqꞌue. Jun ciento riqꞌuin junmay (120) chihab ajcuiꞌ teꞌcua̱nk li cristian junju̱nk saꞌ ruchichꞌochꞌ, chan li Dios.

Isaías 7:13

Tojoꞌnak laj Isaías quixye: —Abihomak la̱ex li ralal xcꞌajol laj David. ¿Ma incꞌaꞌ ta biꞌ tzꞌakal nak yo̱quex chixchꞌiꞌchꞌiꞌinquileb li profeta? ¿Ma toj te̱raj xchꞌiꞌchꞌiꞌinquil li Ka̱cuaꞌ lin Dios?

Ezequiel 16:43

La̱at xsach saꞌ a̱chꞌo̱l cꞌaꞌru quinba̱nu a̱cue saꞌ a̱caꞌchꞌinal. Ut cachikꞌ injoskꞌil riqꞌuin chixjunil li caba̱nu. Xban aꞌan nak tatinqꞌue chixtojbal rix la̱ ma̱usilal. Ut incꞌaꞌ xcꞌojla a̱chꞌo̱l riqꞌuin li caba̱nu toj retal camux ru la̱ sumlajic ut caba̱nu li moco uxc ta naraj.

Salmos 95:10

Caꞌcꞌa̱l chihab yo̱ injoskꞌil saꞌ xbe̱neb li tenamit aꞌan ut quinye, “Eb li tenamit aꞌin incꞌaꞌ nequextau xya̱lal chi moco queꞌraj xtaubal.”

Hebreos 3:10

Xban aꞌan nak quinpoꞌ inchꞌo̱l saꞌ xbe̱neb li tenamit aꞌin. Ut quinye: Junelic nequeꞌxcuiba xchꞌo̱leb ut incꞌaꞌ nequeꞌraj xba̱nunquil lix ya̱lal. Incꞌaꞌ nequeꞌxba̱nu li cꞌaꞌru nacuaj.

1 Corintios 1:30

Yal xban rusilal li Dios nak junajex chic riqꞌuin li Jesucristo. Li Jesucristo quixakaba̱c xban li Dios re xqꞌuebal kanaꞌleb. Quixakaba̱c chixti̱cobresinquil li kachꞌo̱l chiru li Dios ut chikasantobresinquil. Ut saꞌ xcꞌabaꞌ li Cristo cuybil sachbil li kama̱c.

Hebreos 3:17

¿Ani saꞌ aj be̱n quijoskꞌoꞌ li Dios chiru li caꞌcꞌa̱l chihab? Saꞌ xbe̱neb li queꞌma̱cob ut queꞌcam saꞌ li chaki chꞌochꞌ.

1 Corintios 15:54

Nak acak xjalanoꞌ li katibel li nakꞌa, ut nak acak xjalanoꞌ li kayuꞌam li na-osoꞌ, aran ta̱tzꞌaklok ru li quitzꞌi̱ba̱c chak najter xbaneb li profeta nak queꞌxye chak chi joꞌcaꞌin: Sachbil xcuanquil li ca̱mc chi junaj cua xban nak xnumta xcuanquil li Cristo saꞌ xbe̱n. (Isa. 25:8)

Oseas 13:14

¿Ma tebincol ta biꞌ chiru li ca̱mc saꞌ e̱chꞌo̱l? ¿Ma ta̱ru̱k ta biꞌ tebincol chiru xcuanquil li ca̱mc cui incꞌaꞌ nequeꞌraj eb aꞌan? Lix cuanquil li ca̱mc tenebanbil saꞌ xbe̱neb. La̱in tinqꞌuehok li ca̱mc saꞌ xbe̱neb. Incꞌaꞌ chic teꞌcuil xtokꞌoba̱l ruheb.

Jueces 10:16

Ut queꞌrisi eb li jalanil dios saꞌ xya̱nkeb ut queꞌxlokꞌoni li Ka̱cuaꞌ. Ut li Dios quirahoꞌ xchꞌo̱l chirilbal li raylal li cuanqueb cuiꞌ.

San Lucas 21:28

Nak acak xticla xcꞌulbal chixjunil li cꞌaꞌak re ru aꞌin, cacuubresihomak e̱chꞌo̱l ut yoꞌon cua̱nkex. Chisahokꞌ saꞌ e̱chꞌo̱l xban nak cuulac re xkꞌehil nak texcolekꞌ, chan li Jesús.

San Juan 3:33

Abanan li ani naxpa̱b li cꞌaꞌru naxye, riqꞌuin aꞌan naxcꞌut nak naxpa̱b nak tzꞌakal ya̱l li cꞌaꞌru yebil xban li Dios.

Hebreos 10:29

Numtajenak cuiꞌchic ra teꞌxcꞌul li nequeꞌtzꞌekta̱nan re li Ralal li Dios ut nequeꞌxsach xcuanquil lix quiqꞌuel xban nak riqꞌuin xquiqꞌuel li Jesucristo xakabanbil xcuanquil li acꞌ contrato ut santobresinbilo la̱o. Numtajenak cuiꞌchic ra teꞌxcꞌul li nequeꞌxmajecua li Santil Musikꞌej li naqꞌuehoc ke li rusilal li Dios.