Efesios 4:26 - Li Santil hu

²⁶ Cuan nak nequexjoskꞌoꞌ. Abanan me̱numsi li cutan chi toj cuan le̱ joskꞌil saꞌ le̱ chꞌo̱l re nak incꞌaꞌ texma̱cobk xban.

Q'eqchi Bible

²⁶ Wi texjosq'oq, k'ehomaq reetal naq mexmaakob'k; mixulq'i li saq'e chi toj yooq leejosq'il,

Efesios 4:26 ပူးပေါင်းရင်းမြစ်များ

Santiago 1:19

Ex inherma̱n, raro̱quex inban. La̱ex ac nequenau lix ya̱lal aꞌin. Joꞌcan nak cheqꞌuehak e̱chꞌo̱l chi abi̱nc. Checꞌoxla chi us li oc e̱re chixyebal ut mexjoskꞌoꞌ.

Salmos 4:4

Chexucua ru li Dios ut canabomak li ma̱cobc. Nak yo̱kex chi hila̱nc ut nak ma̱cꞌaꞌ chic choki̱nc cheqꞌuehak retal chanru le̱ yuꞌam chiru li Dios.

Salmos 37:8

Mexjoskꞌoꞌ ut me̱cꞌa̱hi e̱rib xban nak li joskꞌil naqꞌuehoc e̱re chi ma̱cobc.

Eclesiastés 7:9

Ut incꞌaꞌ tatjoskꞌokꞌ saꞌ junpa̱t joꞌ nequeꞌxba̱nu li ma̱cꞌaꞌeb xnaꞌleb. Eb aꞌan nequeꞌjoskꞌoꞌ saꞌ junpa̱t.

Proverbios 14:29

Li ani cuan xnaꞌleb incꞌaꞌ najoskꞌoꞌ chi junpa̱t. Ut li ani incꞌaꞌ nacuyuc naxcꞌutbesi nak ma̱cꞌaꞌ xnaꞌleb.

Proverbios 19:11

Li ani naxnau cꞌoxlac, naxnau xcuybal rib ut incꞌaꞌ najoskꞌoꞌ saꞌ junpa̱t. Ut lix lokꞌal, aꞌan nak incꞌaꞌ naxqꞌue saꞌ xchꞌo̱l nak naba̱nu̱c ma̱usilal re.

San Mateo 5:22

Aban la̱in tinye e̱re lix ya̱lal aꞌan. Li ani ta̱joskꞌokꞌ riqꞌuin li ras ri̱tzꞌin ta̱rakekꞌ a̱tin saꞌ xbe̱n. Ut li ani tixtzꞌekta̱na li ras ri̱tzꞌin cuan xma̱c chiru laj rakol a̱tin. Ut li ani tixye xyaj tiox re li ras ri̱tzꞌin, ma̱re anchal ta̱xic saꞌ xxamlel li xbalba.

San Marcos 3:5

Quijoskꞌoꞌ li Jesús saꞌ xbe̱neb, abanan quiril cuiꞌchic xtokꞌoba̱l ruheb xban nak incꞌaꞌ queꞌraj xtaubal xya̱lal. Ut li Jesús quixye re li cui̱nk li sic rukꞌ: —Yeꞌ la̱ cuukꞌ, chan. Ut li cui̱nk quixyeꞌ li rukꞌ ut saꞌ junpa̱t quiqꞌuira.

Números 20:24

—Laj Aarón ta̱ca̱mk. Incꞌaꞌ ta̱oc saꞌ li naꞌajej li tinqꞌue reheb laj Israel xban nak chixcabichalex quekꞌet lin chakꞌrab nak cuanquex chire li haꞌ li cuan Meriba li quineꞌxcuechꞌi cuiꞌ li tenamit.

San Marcos 10:14

Nak li Jesús quixqꞌue retal li yo̱queb chixba̱nunquil, cꞌajoꞌ nak quipoꞌ ut quixye reheb lix tzolom: —Canabomakeb li cocꞌal chi cha̱lc cuiqꞌuin. Me̱ram chiruheb xban nak lix nimajcual cuanquilal li Dios, aꞌan reheb li nequeꞌpa̱ban joꞌ nak nequeꞌpa̱ban li cocꞌal.

Proverbios 25:23

Li ikꞌ li nachal saꞌ li norte naxcꞌam chak li hab. Joꞌcan ajcuiꞌ nak li ani naa̱tinac saꞌ joskꞌil naxchikꞌ xjoskꞌil li yo̱ chi abi̱nc re.

Éxodo 11:8

Laj Moisés quixye ajcuiꞌ re laj faraón: —Chixjunileb laj cꞌanjel cha̱cuu teꞌcuulak cuiqꞌuin ut teꞌxcuikꞌib rib chicuu chixtzꞌa̱manquil. Teꞌxye cue, “Ba̱nu usilal, ayu la̱at a̱cuochbeneb chixjunileb laj Israel.” Ut chirix aꞌan tine̱lk saꞌ e̱ya̱nk, chan laj Moisés. Ut ma̱ caꞌchꞌin xjoskꞌil laj Moisés nak qui-el riqꞌuin laj faraón.

Deuteronomio 24:15

Te̱toj le̱ mo̱s rajlal cutan nak toj ma̱jiꞌ na-oc li sakꞌe. Me̱canab chokꞌ re cuulaj xban nak nebaꞌ ut naraj ru lix tojbal re xnumsinquil li cutan. Ma̱re anchal tixya̱ba xcꞌabaꞌ li Ka̱cuaꞌ xban nak incꞌaꞌ xe̱toj chi ticto ut saꞌ e̱be̱n ta̱cana̱k li ma̱c.

Santiago 1:20

Xban nak cui nocojoskꞌoꞌ, incꞌaꞌ nakaba̱nu li cꞌaꞌru naraj li Dios.

1 Samuel 20:34

Ma̱ caꞌchꞌin xjoskꞌil laj Jonatán nak qui-el saꞌ li me̱x ut incꞌaꞌ quicuaꞌac saꞌ xcab li cutan nak yo̱queb chixninkꞌeinquil li xyoꞌlajic li po. Cꞌajoꞌ nak yo̱ chi cꞌoxlac chirix laj David xban nak lix yucuaꞌ ta̱raj xcamsinquil.