Efesios 4:25 - Li Santil hu

²⁵ Incꞌaꞌ chic chexticꞌtiꞌik. Saꞌ xya̱lal ban tex-a̱tinak chi ribil e̱rib xban nak junaj chic ku ut kachaꞌal chic kib chi kibil kib.

Q'eqchi Bible

²⁵ Jo'kan utan, tz'eqtaanahomaq li tik'ti', cheye li yaal chejunjunqal reheb' leeras eeriitz'in, xb'aan naq qacha'al qib' chiqib'il qib'.

Efesios 4:25 ပူးပေါင်းရင်းမြစ်များ

Colosenses 3:9

Mexticꞌtiꞌic. Me̱ba̱nu chic chixjunil li ma̱usilal aꞌin xban nak chixjunil li cꞌaꞌak re ru queba̱nu chak najter ac xerisi saꞌ le̱ chꞌo̱l.

Zacarías 8:16

Aꞌan aꞌin li tento te̱ba̱nu la̱ex. Ya̱l chex-a̱tinak riqꞌuineb le̱ ras e̱ri̱tzꞌin. Ut chexrakok a̱tin saꞌ ti̱quilal ut saꞌ xya̱lal re nak cua̱nk li tuktu̱quil usilal saꞌ e̱ya̱nk.

Proverbios 12:22

Li Ka̱cuaꞌ xicꞌ narileb li nequeꞌticꞌtiꞌic. Abanan nasahoꞌ riqꞌuineb li nequeꞌxye li ya̱l.

Romanos 12:5

Joꞌcan ajcuiꞌ la̱o aj pa̱banel. Junajo chi tzꞌejcualej nak cuanco riqꞌuin li Cristo. Nabalo, abanan junajo saꞌ li kapa̱ba̱l. Ut chikajunilo kachaꞌal kib chi kibil kib.

Efesios 4:15

Ut chixjunil li nakaba̱nu, chikaba̱nu xban nak nocorahoc. Ut junajak chic ku riqꞌuin li Cristo.

Proverbios 12:17

Li ani ti̱c xchꞌo̱l naxye li ya̱l nak naxic chi a̱tinac chirix li ras ri̱tzꞌin. Abanan eb li incꞌaꞌ ti̱queb xchꞌo̱l incꞌaꞌ nequeꞌxye li ya̱l nak nequeꞌxic chi a̱tinac chirixeb li ras ri̱tzꞌin.

Proverbios 8:7

La̱in junelic ya̱l nina̱tinac. Incꞌaꞌ nacuulac chicuu li ma̱usilal.

Proverbios 12:19

Li ani naxye li ya̱l ta̱cua̱nk chi junelic. Abanan li ani naticꞌtiꞌic incꞌaꞌ najt ta̱cua̱nk.

Apocalipsis 21:8

Abanan li cꞌaꞌru teꞌre̱chani li incꞌaꞌ useb xnaꞌleb, aꞌan li xxamlel li azufre li chanchan palau, aꞌan lix naꞌajeb li nequeꞌxucuac, ut eb li incꞌaꞌ nequeꞌpa̱ban, ut eb li queꞌxmux ru lix pa̱ba̱leb, ut eb li nequeꞌxcamsi ras ri̱tzꞌin, ut eb laj coꞌbe̱t laj yumbe̱t, ut eb laj tu̱l, ut eb li nequeꞌlokꞌonin jalanil dios, joꞌqueb ajcuiꞌ laj ticꞌtiꞌ. Li cꞌaꞌru teꞌre̱chani eb aꞌan, aꞌan li xcab camic nak teꞌcutekꞌ saꞌ li xam.—

Tito 1:2

Ninchꞌolob lix ya̱lal aꞌin chiruheb re nak teꞌpa̱ba̱nk ut teꞌxyoꞌoni li junelic yuꞌam. Najter kꞌe cutan li Dios quixyechiꞌi chak li junelic yuꞌam. Li Dios incꞌaꞌ naticꞌtiꞌic.

1 Timoteo 4:2

Ticꞌtiꞌ li nequeꞌxcꞌut eb laj balakꞌ. Incꞌaꞌ chic nequeꞌrecꞌa nak incꞌaꞌ us yo̱queb. Chanchan nak cꞌatbil riqꞌuin chꞌi̱chꞌ lix cꞌaꞌuxeb xban li ticꞌtiꞌ li nequeꞌxye. Joꞌcan nak incꞌaꞌ nequeꞌxqꞌue retal nak incꞌaꞌ us yo̱queb chixba̱nunquil.

Levítico 19:11

Mex-elkꞌac, mexbalakꞌic, ut me̱ticꞌtiꞌi e̱rib chi ribil e̱rib.

Apocalipsis 22:15

Abanan li incꞌaꞌ useb xnaꞌleb incꞌaꞌ ta̱ru̱k teꞌoc saꞌ li tenamit aꞌan, chi moco laj tu̱l, chi moco laj coꞌbe̱t laj yumbe̱t, chi moco li nequeꞌxcamsi ras ri̱tzꞌineb ut eb li nequeꞌlokꞌonin jalanil dios joꞌqueb ajcuiꞌ li nequeꞌcuulac chiru balakꞌic ut ticꞌtiꞌic.

1 Timoteo 1:10

Li chakꞌrab reheb laj coꞌbe̱t laj yumbe̱t ut reheb li nequeꞌma̱cob riqꞌuin rech cui̱nkilal rech ixkilal. Reheb ajcuiꞌ li nequeꞌelkꞌac cristian. Reheb ajcuiꞌ li nequeꞌticꞌtiꞌic ut li nequeꞌxpatzꞌ xcꞌabaꞌ li Dios riqꞌuin yoꞌobanbil a̱tin. Li chakꞌrab reheb chixjunileb li nequeꞌxba̱nu li cꞌaꞌak chic re ru chi ma̱usilal li napoꞌoc ru li katijbal li tzꞌakal ya̱l.

2 Corintios 7:14

Nequenau nak junelic ninye e̱re lix ya̱lal. Ut incꞌaꞌ xincꞌut inxuta̱n nak xinye re laj Tito nak la̱ex cha̱bilex xban nak x-el ajcuiꞌ chi ya̱l li cꞌaꞌru xinye re laj Tito nak xecꞌut le̱ cha̱bilal chiru.

Tito 1:12

Eb laj Creta queꞌxqꞌue jun li cui̱nk aj kꞌe chokꞌ xprofeteb. Li cui̱nk aꞌan quixye chi joꞌcaꞌin chirixeb li rech tenamitil: laj Creta junes ticꞌtiꞌic nequeꞌxba̱nu. Chanchaneb li joskꞌ aj xul. Eb aꞌan aj num cuaꞌineleb ut incꞌaꞌ nequeꞌraj trabajic, chan.

1 Corintios 10:17

Usta nabalo, jun ajcuiꞌ li caxlan cua najachiman ut nakacuotzi. Aꞌan retalil nak la̱o junajo chic riqꞌuin li Cristo.

San Juan 8:44

La̱ex ralal xcꞌajol laj tza. Aꞌan li nataklan saꞌ e̱be̱n. La̱ex nequeba̱nu li cꞌaꞌru naraj aꞌan xban nak cuanquex rubel xcuanquil. Aꞌan aj camsinel chalen saꞌ xticlajic. Incꞌaꞌ nacuulac chiru li ya̱l xban nak aꞌan aj ticꞌtiꞌ. Ac re nak naticꞌtiꞌic. Aꞌan li xyucuaꞌil li ticꞌtiꞌ.

Zacarías 8:19

—Li ayu̱n li nequeba̱nu rajlal chihab saꞌ xca̱ li po, saꞌ roꞌ li po, saꞌ xcuuk li po ut saꞌ xlaje li po ta̱sukꞌisi̱k chokꞌ ninkꞌe re sahil chꞌo̱lejil chokꞌ e̱re la̱ex li ralal xcꞌajol laj Judá. Joꞌcan nak qꞌuehomak e̱chꞌo̱l chi cua̱nc saꞌ xya̱lal ut saꞌ tuktu̱quil usilal, chan li Ka̱cuaꞌ.

Oseas 4:2

Nequeꞌxba̱nu li juramento ut incꞌaꞌ nequeꞌxba̱nu li cꞌaꞌru nequeꞌxye. Nequeꞌticꞌtiꞌic ut nequeꞌcamsin. Nequeꞌelkꞌac ut nequeꞌmuxuc caxa̱r. Yo̱ chi numta̱c lix ma̱usilaleb ut junes xcamsinquil ribeb nequeꞌxba̱nu rajlal.

Isaías 63:8

Li Ka̱cuaꞌ quixye: —Aꞌaneb li cualal incꞌajol. Incꞌaꞌ tineꞌxbalakꞌi, chan. Joꞌcan nak quixcoleb.

Isaías 9:15

Eb li nequeꞌcꞌamoc be ut eb li cuanqueb xcuanquil, aꞌaneb li queꞌjuntakꞌe̱ta̱c riqꞌuin lix jolom li xul. Ut eb li queꞌjuntakꞌe̱ta̱c riqꞌuin lix ye li xul, aꞌaneb lix profeta li nequeꞌticꞌtiꞌic.

Proverbios 21:6

Ma̱cꞌaꞌ na-oc cuiꞌ li biomal sicꞌbil riqꞌuin balakꞌic. Yal nanumeꞌ. Xban li balakꞌic nequeꞌxba̱nu yo̱queb chixbokbal li ca̱mc saꞌ xbe̱neb.

Proverbios 6:17

li ani naxnimobresi rib ut li ani naticꞌtiꞌic, ut li ani naxcamsi ras ri̱tzꞌin chi ma̱cꞌaꞌ xma̱c,

Salmos 119:29

China̱tenkꞌa taxak re nak incꞌaꞌ tinbalakꞌik. Riqꞌuin taxak xnimal la̱ cuuxta̱n, ta̱cꞌutbesi chicuu lix ya̱lal la̱ chakꞌrab.

Salmos 52:3

Aꞌ chic li incꞌaꞌ us, aꞌan li nacara. Ut li us, aꞌan li nacatzꞌekta̱na. Aꞌ chic li ticꞌtiꞌic nacuulac cha̱cuu, ut li ya̱l incꞌaꞌ nacuulac cha̱cuu.

Efesios 5:30

Nocoxra ut nocoril xban nak la̱o joꞌ rok rukꞌ li Cristo. La̱o joꞌ lix quiqꞌuel ut joꞌ lix bakel.

1 Reyes 13:18

Abanan li profeta jun chic quixticꞌtiꞌi ut quixye re: —La̱in profetin ajcuiꞌ joꞌ la̱at. Ut jun lix ángel li Ka̱cuaꞌ x-a̱tinac cuiqꞌuin ut xye cue, “Li Ka̱cuaꞌ xye, Cꞌam saꞌ la̱ cuochoch li profeta re ta̱cuaꞌak ut ta̱ucꞌak”, chan.

Éxodo 23:7

Cherisihak ban e̱rib saꞌ xya̱nkeb li nequeꞌticꞌtiꞌic ut incꞌaꞌ te̱qꞌue chi camsi̱c li ti̱c xchꞌo̱l li ma̱cꞌaꞌ xma̱c xban nak la̱in tinye nak li incꞌaꞌ useb xnaꞌleb, aꞌan cuanqueb xma̱c.

Salmos 15:2

Caꞌaj cuiꞌ eb li nequeꞌxba̱nu li us ut li cuanqueb saꞌ ti̱quilal ut li nequeꞌxye li ya̱l, aꞌaneb li teꞌcua̱nk chi sum a̱tin riqꞌuin li Dios.

Proverbios 24:28

Me̱ye nak cuan xma̱c le̱ ras e̱ri̱tzꞌin cui ma̱cꞌaꞌ xma̱c, chi moco te̱yoꞌob a̱tin chirix.

Efesios 4:22

Joꞌcan nak chetzꞌekta̱na chi junaj cua le̱ najter naꞌleb. Me̱qꞌue chic e̱rib chi balakꞌi̱c xban li ma̱usilal li quixrahi ru le̱ chꞌo̱l junxil.

Efesios 4:31

Isihomak saꞌ le̱ chꞌo̱l chi junaj cua li cꞌahi̱nc, li joskꞌil, ut li poꞌoc ib. Joꞌcan ajcuiꞌ li choki̱nc ib ut li majecua̱nc. Checanabak chi junaj cua chixjunil li ma̱usilal.

Colosenses 3:8

Aban anakcuan me̱ba̱nu chic chixjunil li cꞌaꞌ re ru aꞌin: mexjoskꞌoꞌ, me̱poꞌ e̱rib chi ribil e̱rib, me̱ba̱nu li ma̱usilal, mexkꞌaban, ut mex-a̱tinac saꞌ yibru a̱tin.

Hebreos 12:1

Numtajenak xqꞌuialeb laj pa̱banel li queꞌcuan chak najter. Kaqꞌuehak retal chanru lix pa̱ba̱leb. Chanru nak queꞌpa̱ban chak aꞌan, joꞌcan ajcuiꞌ takaba̱nu la̱o. Cui junak naraj a̱linac, narisi chixjunil li naa̱lobresin re ut naxyal xkꞌe chi a̱linac. Joꞌcan ajcuiꞌ takaba̱nu la̱o. Takacanab chixjunil li cꞌaꞌak re ru nachꞌiꞌchꞌiꞌin ke saꞌ li kapa̱ba̱l ut takacanab ajcuiꞌ li ma̱c li nachapoc ke. Chikacuyak taxak li cꞌaꞌak re ru tento xcuybal re nak takaba̱nu joꞌ naraj li Dios.

Santiago 1:21

Joꞌcan ut nak checanabak xba̱nunquil li cꞌaꞌru incꞌaꞌ us ut chixjunil li ma̱usilal. Ut checꞌulak saꞌ xya̱lal li ra̱tin li Dios li qꞌuebil e̱re. Chicana̱k saꞌ e̱chꞌo̱l xban nak li ra̱tin cuan xcuanquil re e̱colbal.

1 Pedro 2:1

Xban nak acꞌ chic le̱ yuꞌam, cherisihak saꞌ le̱ chꞌo̱l chixjunil li ma̱usilal. Mexbalakꞌic chic. Te̱canab li caꞌ pacꞌal u. Mexcakalin chic ut te̱canab ajcuiꞌ li yoꞌoba̱nc a̱tin.

Jueces 16:11

Laj Sansón quixye re: —Cui tineꞌxbacꞌ riqꞌuin li laso li toj acꞌ, li toj ma̱jiꞌ ocsinbil, ma̱cꞌaꞌak chic inmetzꞌe̱u. Chanchanakin chic joꞌ chixjunileb li cui̱nk, chan.