Efesios 4:23 - Li Santil hu

²³ Ut acꞌobresinbilak taxak le̱ ra̱m ut le̱ cꞌaꞌux.

Q'eqchi Bible

²³ Ak'ob'resinb'ilaq taxaq leek'a'uxl xb'aan li Musiq'ej

Efesios 4:23 ပူးပေါင်းရင်းမြစ်များ

Romanos 12:2

Me̱ba̱nu chic joꞌ nequeꞌxba̱nu li toj ma̱jiꞌ nequeꞌpa̱ban. Kꞌaxtesihomak ban e̱rib rubel rok rukꞌ li Dios re nak aꞌan tix-acꞌobresi le̱ chꞌo̱l ut le̱ cꞌaꞌux, ut te̱nau chic li cꞌaꞌru naraj li Dios. Chexcua̱nk saꞌ cha̱bilal, ut chi tzꞌakalak re ru le̱ yuꞌam re nak sahak xchꞌo̱l li Dios e̱riqꞌuin.

Romanos 8:6

Cui caꞌaj cuiꞌ li naxrahi ru li kachꞌo̱l nakacꞌoxla, aꞌan naxcꞌam chak li ca̱mc saꞌ kabe̱n. Cui nakaqꞌue kachꞌo̱l chixba̱nunquil li naraj li Santil Musikꞌej, aꞌan naxqꞌue ke li kayuꞌam chi junelic ut naxqꞌue ajcuiꞌ ke li tuktu̱quil usilal.

Salmos 51:10

Chajal taxak li cua̱m ut ta̱ti̱cobresi taxak lin chꞌo̱l. Cha-acꞌobresi taxak lin cꞌaꞌux re nak cha̱bilak chic lin naꞌleb.

Colosenses 3:10

Anakcuan acꞌ chic le̱ yuꞌam. Li Dios, aꞌan li quijaloc re le̱ yuꞌam ut aꞌan ta̱tenkꞌa̱nk e̱re cuulaj cuulaj chixtzolbal e̱rib riqꞌuin re nak te̱tau ru chi tzꞌakal chanru li Dios ut te̱ba̱nu li naraj aꞌan.

1 Pedro 1:13

Xban nak yo̱quex chiroybeninquil le̱ kꞌajca̱munquil, chi-ajk ru le̱ cꞌaꞌux. Chicua̱nk chi tuktu le̱ chꞌo̱l. Ut chi anchal e̱chꞌo̱l cheroybeni li usilal li tixqꞌue e̱re li Jesucristo nak tixcꞌutbesi cuiꞌchic rib.

Ezequiel 36:26

La̱in tinacꞌobresi le̱ ra̱m ut tinjal le̱ cꞌaꞌux. Tinkꞌunobresi le̱ ra̱m ut tincuisi li cacuil chꞌo̱lej li cuan e̱riqꞌuin, li chanchan pec.

Tito 3:5

Li Dios xoxcol ut xorisi saꞌ li kanajter naꞌleb. Ma̱cuaꞌ xban kayehom kaba̱nuhom chi moco xban lix ti̱quilal li kachꞌo̱l. Yal xban lix nimal ruxta̱n li Dios nak coxcol. Cuybil sachbil chic li kama̱c ut acꞌobresinbil chic li kayuꞌam xban li Santil Musikꞌej.

Ezequiel 18:31

Canabomak chixjunil le̱ kꞌetba a̱tin li xexma̱cob cuiꞌ. Jalomak e̱cꞌaꞌux ut acꞌak chic le̱ yuꞌam. ¿Cꞌaꞌut nak te̱qꞌue e̱rib chi ca̱mc xban le̱ ma̱c, ex aj Israel?

Ezequiel 11:19

La̱in tinacꞌobresi li ra̱meb ut tinjal lix cꞌaꞌuxeb. Tinkꞌunobresi li ra̱meb ut tincuisi li cacuil chꞌo̱lej li cuan riqꞌuineb.

Efesios 2:10

Li Dios coxyoꞌobtesi ut quixqꞌue ke li acꞌ yuꞌam saꞌ xcꞌabaꞌ li Jesucristo re nak cha̱bilak li kayuꞌam xban nak ac joꞌcan cꞌu̱banbil chak xban li Dios junxil re nak cha̱bilak li kayehom kaba̱nuhom.

Romanos 6:4

Joꞌcan nak riqꞌuin xcꞌulbal li cubi haꞌ, chanchan nak ac xocam ut xomukeꞌ kochben li Cristo re nak tocuacli̱k cuiꞌchic chi yoꞌyo ut tocua̱nk saꞌ li aqꞌuil yuꞌam, joꞌ nak li Jesucristo quicuacli cuiꞌchic chi yoꞌyo saꞌ xya̱nkeb li camenak riqꞌuin xnimal xlokꞌal ut xcuanquilal li Dios Acuabej.