Efesios 4:19 - Li Santil hu

¹⁹ Incꞌaꞌ nequeꞌxnau xuta̱nac ut nequeꞌxqꞌue rib chixba̱nunquil li ma̱usilal. Nequeꞌxba̱nu chixjunil li joꞌ ma̱joꞌil aj naꞌleb.

Q'eqchi Bible

¹⁹ Eb' a'an maak'a' chik neke'reek'a sa' li raanmeb', xe'xq'axtesi b'an rib' chi wank sa' li jo'maajo'il na'leb', k'ajo' naq neke'xyal xq'e chi xb'aanunkil chixjunil li k'a'aq re ru chi maa'usilal.

Efesios 4:19 ပူးပေါင်းရင်းမြစ်များ

1 Timoteo 4:2

Ticꞌtiꞌ li nequeꞌxcꞌut eb laj balakꞌ. Incꞌaꞌ chic nequeꞌrecꞌa nak incꞌaꞌ us yo̱queb. Chanchan nak cꞌatbil riqꞌuin chꞌi̱chꞌ lix cꞌaꞌuxeb xban li ticꞌtiꞌ li nequeꞌxye. Joꞌcan nak incꞌaꞌ nequeꞌxqꞌue retal nak incꞌaꞌ us yo̱queb chixba̱nunquil.

Colosenses 3:5

Xban nak acꞌ chic le̱ yuꞌam, canabomak chi junaj cua xrahinquil ru li incꞌaꞌ us joꞌ li coꞌbe̱tac yumbe̱tac, ut li ma̱us aj naꞌleb. Ut canabomak xrahinquil ru li ma̱usilal. Ut me̱rahi ru li biomal xban nak li xrahinquil ru li biomal, aꞌan chanchan ajcuiꞌ xlokꞌoninquil li jalanil dios.

San Judas 1:11

Ra teꞌxcꞌul. Lix naꞌlebeb aꞌan joꞌ lix naꞌleb laj Caín. Chanchaneb laj Balaam, xban nak nequeꞌxrahi ru li tumin ut junes aꞌan chic nequeꞌxcꞌoxla. Nequeꞌxtzꞌekta̱na lix chakꞌrab li Dios ut nequeꞌxnimobresi rib joꞌ quixba̱nu laj Coré. Xban aꞌan nak teꞌosokꞌ.

Apocalipsis 18:3

Xsacheꞌ xcuanquil xban nak numtajenak li ma̱c nequeꞌxba̱nu. Chixjunileb li rey li cuanqueb saꞌ ruchichꞌochꞌ nequeꞌcuulac Babilonia chixba̱nunquil li ma̱usilal riqꞌuineb. Chanchan calajenakeb xban li ma̱usilal yo̱queb chixba̱nunquil. Ut eb laj cꞌay queꞌbiomoꞌ aran xban nak nabal li cꞌaꞌak re ru queꞌxcꞌayi chi terto xtzꞌak, chan.

2 Pedro 2:22

Cuan jun li a̱tin nayeman naxye: Li tzꞌiꞌ naxlou cuiꞌchic lix xaꞌau xcaꞌ sut, ut nayeman ajcuiꞌ nak li a̱k li atesinbil, naxtolcꞌosi cuiꞌchic rib saꞌ sulul. (Prov. 26:11) Eb li cui̱nk aj balakꞌ chanchaneb li xul aꞌan xban nak queꞌoc cuiꞌchic xba̱nunquil li ma̱usilal.

1 Pedro 4:3

Tzꞌakal taxak li ma̱c li xeba̱nu chak. Xeba̱nu joꞌ nequeꞌxba̱nu li incꞌaꞌ nequeꞌpa̱ban chiru li Dios. Junxil nasemsot le̱ chꞌo̱l riqꞌuin li joꞌ ma̱joꞌil naꞌleb. Xeba̱nu chak li cala̱c ut li ninkꞌei̱c. Xeba̱nu chak li numcuaꞌac num ucꞌac. Ut xeba̱nu ajcuiꞌ li tzꞌekbe̱talil aj naꞌleb. Xuta̱nal xeba̱nu chak junxil nak xenima chak ruheb li yi̱banbil dios.

Efesios 4:17

Aꞌan aꞌin li tento tinye e̱re. Saꞌ xcꞌabaꞌ li Ka̱cuaꞌ ninye e̱re nak me̱ba̱nu chic joꞌ nequeꞌxba̱nu li incꞌaꞌ nequeꞌpa̱ban. Eb aꞌan nequeꞌxqꞌue xchꞌo̱l chirix li ma̱cꞌaꞌ na-oc cuiꞌ.

Isaías 56:11

Chanchaneb li tzꞌiꞌ li junes cuaꞌac nequeꞌraj ut incꞌaꞌ nacꞌojla xchꞌo̱leb. Chanchaneb laj ilol xul li incꞌaꞌ nequeꞌxtau xya̱lal. Chixjunileb nequeꞌxba̱nu li cꞌaꞌru nequeꞌraj ut junes li cꞌaꞌru us chokꞌ reheb nequeꞌxcꞌoxla.

Li xHu LAJ JOB 15:16

¿Ma tojaꞌ ta chic saꞌ xbe̱n li cristian tixcꞌojob xchꞌo̱l? Eb aꞌan ma̱cꞌaꞌeb xnaꞌleb. Nequeꞌxba̱nu li ma̱usilal rajlal joꞌ nak na-uqꞌueꞌ li haꞌ.

San Marcos 7:22

Ut saꞌ xcꞌaꞌux ajcuiꞌ nachal li elkꞌac, lix rahinquil ru cꞌaꞌru re ras ri̱tzꞌin, li ma̱usilal, li balakꞌi̱nc, li xba̱nunquil li xuta̱nalil naꞌleb, li cakali̱nc, li majecua̱nc, li kꞌetkꞌetil, ut lix majelil naꞌleb.