Efesios 4:16 - Li Santil hu

¹⁶ Li Cristo, aꞌan najolomin ke la̱o aj pa̱banel ut la̱o joꞌ li rok rukꞌ. Li Cristo, aꞌan nacꞌamoc be chiku ut junajo chic. Chikajunilo chikatenkꞌa kib chi kibil kib re nak toqꞌui̱k saꞌ li kapa̱ba̱l xban nak nakara kib chi kibil kib.

Q'eqchi Bible

¹⁶ A'an naxk'e naq chixjunil li tz'ejwalej, k'uub'k'u ru ut xchapom rib' chi us sa' xk'ab'a' chixjunil li xtiqam li roq ruq' nach'oolaniik wi', a' yaal chanru li junjunq chi cha'alej, taak'iiq jo' tz'ejwalej re xkab'lankil rib' sa' li rahok.

Efesios 4:16 ပူးပေါင်းရင်းမြစ်များ

Colosenses 2:19

Eb aꞌan moco cuanqueb ta rubel xcuanquil li Cristo. Joꞌcan nak nequeꞌxba̱nu li bar cuan nequeꞌraj eb aꞌan. Abanan la̱o aj pa̱banel, junajo riqꞌuin li Cristo ut cau kachꞌo̱l riqꞌuin xban nak aꞌan najolomin ke. Ut aꞌan ajcuiꞌ natenkꞌan ke chi qꞌui̱c saꞌ li kapa̱ba̱l joꞌ naraj li Dios.

San Juan 15:5

La̱in joꞌ li xto̱nal li uvas ut la̱ex joꞌ li rukꞌ. Cui cua̱nkex cuiqꞌuin ut la̱in cua̱nkin e̱riqꞌuin, la̱ex texcua̱nk saꞌ ti̱quilal ut texqꞌui̱k saꞌ le̱ pa̱ba̱l. Yal e̱junes ma̱cꞌaꞌ naru te̱ba̱nu.

Colosenses 2:2

Ut nintzꞌa̱ma ajcuiꞌ chiru li Dios nak cauhak le̱ chꞌo̱l saꞌ le̱ pa̱ba̱l. Cherahak taxak e̱rib che̱ribil e̱rib re nak junajak e̱chꞌo̱l. Lix naubal li naꞌleb aꞌin naxqꞌue xcacuilal le̱ chꞌo̱l. Chetauhak taxak ru chi tzꞌakal lix ya̱lal li mukmu nak quicuan chak. Li xya̱lal li mukmu nak quicuan chak, aꞌan nak li Cristo cuan e̱riqꞌuin.

Efesios 4:12

Quiqꞌueheꞌ xma̱taneb re nak tzꞌakalakeb ru saꞌ xpa̱ba̱leb ut re nak teꞌcꞌanjelak chiru li Dios ut re nak teꞌxtenkꞌaheb laj pa̱banel chi qꞌui̱c saꞌ xpa̱ba̱leb.

1 Corintios 13:13

Joꞌcan nak li pa̱ba̱l, li yoꞌoni̱nc ut li rahoc cua̱nk chi junelic. Abanan li kꞌaxal nim xcuanquil saꞌ xya̱nkeb li oxib aꞌin, aꞌan li rahoc.

Efesios 4:15

Ut chixjunil li nakaba̱nu, chikaba̱nu xban nak nocorahoc. Ut junajak chic ku riqꞌuin li Cristo.

1 Timoteo 1:5

At Timoteo, lix ya̱lal li cꞌaꞌru yo̱quin chixyebal a̱cue, aꞌan aꞌin. Xcanabakeb li balakꞌi̱nc. Cheꞌxqꞌue ban xchꞌo̱l chixra̱baleb li rech aj pa̱banelil. Ut teꞌxraheb cui teꞌcua̱nk saꞌ ti̱quilal chi ma̱cꞌaꞌak li cꞌaꞌak re ru nachꞌiꞌchꞌiꞌin reheb saꞌ xcꞌaꞌuxeb ut cui teꞌpa̱ba̱nk chi anchaleb xchꞌo̱l.

1 Ts 2:13

Junelic nakabantioxi chiru li Dios nak quepa̱b li ra̱tin li Dios li xkachꞌolob che̱ru. Moco ra̱tin cui̱nk ta quepa̱b. Ra̱tin li Dios ban quepa̱b. Ut ya̱l ajcuiꞌ nak aꞌan ra̱tin li Dios. Ut aꞌan li yo̱ chi jaloc re le̱ yuꞌam la̱ex aj pa̱banel.

Filipenses 1:9

Ut li nintzꞌa̱ma chiru li Dios nak nintijoc che̱rix, aꞌan aꞌin: nak kꞌaxal cuiꞌchic cherahak e̱rib chi ribil e̱rib. Ut chinumta̱k taxak li rahoc ut chiqꞌuehekꞌ taxak e̱naꞌleb re xtaubal bar cuan li tzꞌakal ya̱l.

Efesios 3:17

Ut nintzꞌa̱ma ajcuiꞌ chiru nak chicua̱nk le̱ pa̱ba̱l re nak cua̱nk li Cristo e̱riqꞌuin chi tzꞌakal. Te̱tau taxak xcacuil le̱ chꞌo̱l riqꞌuin xra̱bal li Dios joꞌ eb ajcuiꞌ le̱ ras e̱ri̱tzꞌin.

1 Pedro 1:22

Saꞌ xcꞌabaꞌ li Santil Musikꞌej chꞌajobresinbil le̱ ra̱m riqꞌuin nak nequepa̱b li tzꞌakal ya̱l. Riqꞌuin aꞌin naru te̱raheb li herma̱n ut incꞌaꞌ te̱ra e̱rib chi yal xcab rix e̱chꞌo̱l. Te̱ra ban e̱rib chi tzꞌakal.

Efesios 3:7

Yal rusilal li Dios nak quixqꞌue saꞌ inbe̱n xyebal resil li colba-ib ut quixqꞌue incuanquil re tinba̱nu lix cꞌanjel.

Efesios 1:4

Nak toj ma̱jiꞌ naxyi̱b chak li ruchichꞌochꞌ li Dios, ac sicꞌbil chak ku xban saꞌ xcꞌabaꞌ li Jesucristo, re nak ti̱cak li kayuꞌam ut ma̱cꞌaꞌak chic kama̱c.

Gálatas 5:22

Abanan li cꞌaꞌru naxqꞌue li Santil Musikꞌej saꞌ li kayuꞌam, aꞌan li rahoc, sahil chꞌo̱lejil, tuktu̱quil usilal, cuyuc, cha̱bilal, usilal, ti̱quil chꞌo̱lej,

1 Juan 4:16

La̱o nakapa̱b nak li Dios, aꞌan aj rahonel ut nakanau nak ya̱l aꞌan. Li rahoc nachal riqꞌuin li Dios. Li ani narahoc, aꞌan cuan riqꞌuin li Dios ut li Dios cuan riqꞌuin aꞌan.

2 Ts 1:3

Ex inherma̱n, incꞌaꞌ nakacanab xbantioxinquil chiru li Dios saꞌ e̱cꞌabaꞌ la̱ex. Tento takabantioxi chiru li Dios xban nak yo̱ chi cacuu̱c e̱chꞌo̱l saꞌ le̱ pa̱ba̱l ut kꞌaxal cuiꞌchic nequera e̱rib che̱ribil e̱rib.

1 Ts 3:12

Aꞌ taxak li Ka̱cuaꞌ chitenkꞌa̱nk e̱re re nak te̱ra e̱rib che̱ribil e̱rib ut chi anchal e̱chꞌo̱l cherahak taxak le̱ ras e̱ri̱tzꞌin joꞌ nak nequexkara la̱ex.

1 Ts 1:3

Nak nocotijoc chiru li Dios, junelic cuan saꞌ kachꞌo̱l chanru le̱ cha̱bilal xban le̱ pa̱ba̱l. Cuan saꞌ kachꞌo̱l le̱ cha̱bil cꞌanjel xban nak nequexrahoc ut cuan ajcuiꞌ saꞌ kachꞌo̱l nak kꞌaxal cau e̱chꞌo̱l chixyoꞌoninquil li Ka̱cuaꞌ Jesucristo.

Gálatas 5:6

Cui la̱o reho chic li Jesucristo, ma̱cꞌaꞌ naxye cui takacꞌul li circuncisión malaj ut incꞌaꞌ. Li kꞌaxal tento xba̱nunquil, aꞌan xpa̱banquil li Jesucristo. Ut cui ya̱l nak nakapa̱b li Cristo, ta̱cꞌutu̱nk li kapa̱ba̱l xban nak nocorahoc.

1 Corintios 8:1

Cuan cuib oxib cua̱tin tinye e̱re chirix li tzacae̱mk mayejanbil chiruheb li yi̱banbil dios. Nakanau nak chikajunilo ac xkatzol kib chirix aꞌin. Abanan toj cuan saꞌ e̱ya̱nk nequeꞌxcꞌoxla nak nequeꞌxnau chixjunil ut riqꞌuin aꞌan nequeꞌxkꞌetkꞌeti rib. Aban li ani narahoc, aꞌan naxtenkꞌa li rech aj pa̱banelil chi qꞌui̱c saꞌ lix pa̱ba̱l.

Romanos 12:4

Nabal pa̱y ru xchaꞌal li junju̱nk chi tzꞌejcualej, ut jalan jala̱nk xcꞌanjel li junju̱nk.

1 Corintios 10:17

Usta nabalo, jun ajcuiꞌ li caxlan cua najachiman ut nakacuotzi. Aꞌan retalil nak la̱o junajo chic riqꞌuin li Cristo.