Efesios 4:15 - Li Santil hu

¹⁵ Ut chixjunil li nakaba̱nu, chikaba̱nu xban nak nocorahoc. Ut junajak chic ku riqꞌuin li Cristo.

Q'eqchi Bible

¹⁵ tqak'anjela b'an li yaal rik'in li rahok, ut chi jo'kan took'iiq sa' chixjunil toj reetal toowulaq rik'in li jolomej, a'an li Kriist.

Efesios 4:15 ပူးပေါင်းရင်းမြစ်များ

1 Juan 3:18

Ex inherma̱n, morahoc yal chi a̱tin. Chorahok ban chi tzꞌakal ya̱l ut chicꞌutu̱nk li karahom riqꞌuin li usilal nakaba̱nu.

Efesios 4:25

Incꞌaꞌ chic chexticꞌtiꞌik. Saꞌ xya̱lal ban tex-a̱tinak chi ribil e̱rib xban nak junaj chic ku ut kachaꞌal chic kib chi kibil kib.

Zacarías 8:16

Aꞌan aꞌin li tento te̱ba̱nu la̱ex. Ya̱l chex-a̱tinak riqꞌuineb le̱ ras e̱ri̱tzꞌin. Ut chexrakok a̱tin saꞌ ti̱quilal ut saꞌ xya̱lal re nak cua̱nk li tuktu̱quil usilal saꞌ e̱ya̱nk.

1 Pedro 1:22

Saꞌ xcꞌabaꞌ li Santil Musikꞌej chꞌajobresinbil le̱ ra̱m riqꞌuin nak nequepa̱b li tzꞌakal ya̱l. Riqꞌuin aꞌin naru te̱raheb li herma̱n ut incꞌaꞌ te̱ra e̱rib chi yal xcab rix e̱chꞌo̱l. Te̱ra ban e̱rib chi tzꞌakal.

2 Pedro 3:18

Aꞌ taxak li rusilal li Ka̱cuaꞌ chicꞌutu̱nk saꞌ le̱ yuꞌam ut chesicꞌ chanru nak te̱nau lix ya̱lal li Ka̱cuaꞌ Jesucristo laj Colol ke. Aꞌ taxak li Ka̱cuaꞌ Jesucristo chilokꞌoni̱k anakcuan ut chi junelic toj saꞌ rosoꞌjiqueb li cutan. Joꞌcan taxak.

Efesios 2:21

La̱o aj pa̱banel chanchano li rochoch li Dios. Junajo chic saꞌ xcꞌabaꞌ li Jesucristo li tzꞌakal xakxo saꞌ kabe̱n re nak tzꞌakalak ke ku ut kꞌaxtesinbilo chiru li Dios.

Efesios 1:22

Li Dios quixqꞌue chixjunil rubel xcuanquil li Cristo ut quixqꞌue li Cristo chi jolomi̱nc reheb laj pa̱banel ut aꞌan chic yal re saꞌ xbe̱neb.

1 Pedro 2:2

Li cꞌulaꞌal nak toj nayoꞌla naraj ru tuꞌuc. Us raj nak joꞌcano taxak la̱o riqꞌuin ra̱tin li Dios. Takaj taxak ru xtzolbal ra̱tin li Dios xban nak aꞌan li tzꞌakal ya̱l. Tocacuu̱k taxak saꞌ li kapa̱ba̱l ut tzꞌakalako taxak chiru li Dios re nak tocolekꞌ.

Romanos 12:9

Mexrahoc chi yal xcab rix e̱chꞌo̱l. Chera ban e̱rib chi ribil e̱rib chi anchal e̱chꞌo̱l. Chetzꞌekta̱na chi junaj cua li incꞌaꞌ us ut cheqꞌuehak e̱chꞌo̱l chixba̱nunquil li us.

San Juan 1:47

Li Jesús quiril nak laj Natanael yo̱ chak chi cha̱lc riqꞌuin ut quixye: —Cueꞌ chak jun cui̱nk tzꞌakal aj Israel. Cha̱bil xnaꞌleb. Aꞌan incꞌaꞌ nabalakꞌic, chan li Jesús.

Efesios 5:23

Chexpa̱ba̱nk chiru xban nak aꞌan li najolomin re li rixakil joꞌ nak li Cristo najolomin reheb laj pa̱banel. Abanan li Cristo, aꞌan ajcuiꞌ laj Colol reheb laj pa̱banel ut eb laj pa̱banel joꞌ li rok rukꞌ li Cristo.

2 Corintios 4:2

Nakatzꞌekta̱na chi junaj cua xba̱nunquil li ma̱usilal li moco uxc ta naraj li nequeꞌxba̱nu li jun chꞌol chic. Incꞌaꞌ nocobalakꞌin. Ut incꞌaꞌ nakapoꞌ ru li ra̱tin li Dios. Nakachꞌolob ban chi tzꞌakal lix ya̱lal re nak chixjunileb teꞌxqꞌue retal nak saꞌ xya̱lal cuanco chiru li Dios.

Salmos 32:2

Us xak re li ani incꞌaꞌ nabalakꞌic, li nayeheꞌ re xban li Dios nak ma̱cꞌaꞌ xma̱c.

Jueces 16:15

Ut lix Dalila quixye re laj Sansón: —¿Cꞌaꞌut nak nacaye cue nak niquina̱ra? La̱at moco la̱in ta niquina̱cꞌoxla xban nak ac xina̱balakꞌi oxib sut ut toj ma̱jiꞌ ajcuiꞌ nacaye cue cꞌaꞌut nak kꞌaxal cau a̱cuib, chan.

2 Corintios 8:8

La̱in incꞌaꞌ yo̱quin xminbal e̱ru. Yo̱quin ban chixyebal e̱re chanru nak eb laj Macedonia nequeꞌxqꞌue xmayej chi anchaleb xchꞌo̱l ut nacuaj ajcuiꞌ xnaubal ma chi anchal e̱chꞌo̱l nequexrahoc la̱ex.

Malaquías 4:2

Abanan chokꞌ e̱re la̱ex li nequexucua cuu, lix cꞌulunic li tintakla chanchan nak yo̱ chi e̱lc chak li sakꞌe xban li ti̱quilal li tixcꞌam chak chokꞌ e̱re. Texpiscꞌok xban xsahil le̱ chꞌo̱l joꞌ nak nequeꞌpiscꞌoc li queto̱mk nak nequeꞌel saꞌ lix corraleb.

1 Corintios 11:3

Abanan cuan chic cꞌaꞌ re ru nacuaj xyebal e̱re. Aꞌan aꞌin: li be̱lomej, aꞌan najolomin re li rixakil ut li Cristo, aꞌan najolomin re li cui̱nk ut li Dios, aꞌan najolomin re li Cristo.

Efesios 1:4

Nak toj ma̱jiꞌ naxyi̱b chak li ruchichꞌochꞌ li Dios, ac sicꞌbil chak ku xban saꞌ xcꞌabaꞌ li Jesucristo, re nak ti̱cak li kayuꞌam ut ma̱cꞌaꞌak chic kama̱c.