Efesios 4:14 - Li Santil hu

¹⁴ Moco joꞌcakex ta chic li cocꞌal. Li cocꞌal nequeꞌxpa̱b li cꞌaꞌak re ru nequeꞌyeheꞌ re. La̱ex ma̱cuaꞌex chic cocꞌal. Joꞌcan nak me̱qꞌue e̱rib chi balakꞌi̱c xbaneb li nequeꞌbalakꞌin riqꞌuin jalanil tijleb.

Q'eqchi Bible

¹⁴ Ink'a' chik kama'aqo li kok'al, chi moko eek'asinb'ilaqo ut k'amb'ilaqo xb'aan li iq' yalaq b'ar xb'aan k'a'aq re ru chi na'leb'il li yal naraj xch'ooleb' li winq aj tik'ti' ut aj lab'al, a'eb' li junes b'alaq'il neke'xyoob',

Efesios 4:14 ပူးပေါင်းရင်းမြစ်များ

Hebreos 13:9

Me̱qꞌue e̱rib chi balakꞌi̱c xbaneb laj balakꞌ, xban nak jalan jala̱nk li tijleb nequeꞌxye. Ma̱cuaꞌ li cꞌaꞌru nakatzaca li najaloc re li kayuꞌam. Aꞌ ban li rusilal li Dios najaloc re ut naxqꞌue xcacuil kachꞌo̱l.

1 Corintios 14:20

Ex inherma̱n, chanchanakex li cꞌulaꞌal xban nak eb li cꞌulaꞌal incꞌaꞌ nequeꞌxba̱nu li ma̱usilal. Abanan mexcꞌoxlac joꞌ nequeꞌcꞌoxlac li cocꞌal. Tzꞌakalak ban re ru le̱ cꞌaꞌux xban nak moco cocꞌalex ta chic.

1 Juan 4:1

Ex herma̱n, qꞌuehomak retal nak moco chixjunil ta aj iqꞌuin cuan li Santil Musikꞌej. Nabaleb laj tzolonel aj balakꞌ cuanqueb saꞌ ruchichꞌochꞌ. Me̱pa̱b chixjunil li cꞌaꞌak re ru nequerabi riqꞌuineb, usta ta̱yehekꞌ e̱re nak riqꞌuin li Dios xchal. Tento nak te̱tzꞌil rix li te̱rabi re xnaubal ma riqꞌuin li Dios xchal li nequeꞌxye malaj incꞌaꞌ.

2 Corintios 2:17

Caꞌaj cuiꞌ la̱o li taklanbilo xban li Dios. Chi anchal kachꞌo̱l nococꞌanjelac chiru li Dios saꞌ xcꞌabaꞌ li Cristo xban nak reho chic. Moco juntakꞌe̱to ta riqꞌuineb li jun chꞌol chic li incꞌaꞌ nequeꞌxqꞌue xlokꞌal li ra̱tin li Dios. Chanchaneb aj yaconel nak nequeꞌxsicꞌ xtumineb riqꞌuin xyebal li ra̱tin li Dios.

Santiago 1:6

Ut nak tixtzꞌa̱ma re li Dios, tento nak tixpa̱b nak ta̱qꞌuehekꞌ re xban li Dios. Moco yal ta xcab rix xchꞌo̱l nak tixtzꞌa̱ma. Tixtzꞌa̱ma ban chi anchal xchꞌo̱l. Li ani yal xcab rix xchꞌo̱l tixtzꞌa̱ma li cꞌaꞌru ta̱raj re li Dios, aꞌan chanchan li palau incꞌaꞌ tuktu ru. Lix chꞌo̱l li jun aꞌan chanchan li palau ecꞌasinbil xban li ikꞌ ut nacꞌameꞌ yalak bar.

Efesios 6:11

Joꞌcan ut chetikibak e̱rib riqꞌuin chixjunil lix cꞌanjeleba̱l li Dios re nak xakxo̱kex chi tzꞌakal ut yo̱kex chixcolbal e̱rib chiru laj tza nak yo̱k che̱balakꞌinquil.

San Mateo 24:24

Nabaleb aj balakꞌ teꞌcꞌulu̱nk ut teꞌxye nak aꞌaneb li Cristo. Ut cuan teꞌxye nak aꞌaneb profeta. Nabal li cꞌaꞌak re ru teꞌxcꞌutbesi ut sachba chꞌo̱lej telajeꞌxba̱nu re xyalbal xbalakꞌinquileb li tenamit, joꞌqueb ajcuiꞌ li sicꞌbileb ru xban li Dios.

2 Timoteo 4:3

Tento nak ta̱cꞌut lix ya̱lal chiruheb xban nak ta̱cuulak xkꞌehil nak incꞌaꞌ chic teꞌraj rabinquil li tijleb tzꞌakal ya̱l. Aꞌ chic li jun tu̱beb chi aj tzolonel, aꞌan chic li teꞌxta̱ke re nak ta̱yehekꞌ reheb cꞌaꞌru li teꞌraj rabinquil ut aꞌan chic li teꞌxqꞌue xchꞌo̱l chirabinquil.

San Judas 1:12

Xuta̱nal chokꞌ e̱re nak cuanqueb laj balakꞌ saꞌ e̱ya̱nk nak nequeba̱nu le̱ ninkꞌe re sahil chꞌo̱lej. Eb laj balakꞌ caꞌaj cuiꞌ li numcuaꞌac ut num ucꞌac nequeꞌxba̱nu ut incꞌaꞌ nequeꞌxuta̱nac. Junes xchꞌolaninquileb rib nequeꞌxcꞌoxla. Eb laj balakꞌ aꞌan chanchaneb li chok li ma̱cꞌaꞌ hab chi saꞌ, li nacꞌameꞌ yalak bar xban li ikꞌ. Laj balakꞌ ma̱cꞌaꞌ nequeꞌoc cuiꞌ. Chanchaneb li cheꞌ li incꞌaꞌ nequeꞌu̱chin, li namichꞌman chi junaj cua ut nachakic.

Apocalipsis 19:20

Li joskꞌ aj xul quichapeꞌ xban li Ti̱c Xchꞌo̱l li cuan chirix li cacua̱y sak rix ut quichapeꞌ ajcuiꞌ li profeta aj balakꞌ, li quixba̱nu li sachba chꞌo̱lej saꞌ xcꞌabaꞌ li joskꞌ aj xul. Riqꞌuin li sachba chꞌo̱lej quixba̱nu quixbalakꞌi nabaleb li tenamit chixcꞌulbal li retalil li joskꞌ aj xul ut queꞌxlokꞌoni lix jalam u̱ch. Chi xcabichaleb li joskꞌ aj xul ut li profeta aj balakꞌ queꞌcuteꞌ chi yoꞌyo̱queb saꞌ li xxamlel li azufre li chanchan nimla palau.

Gálatas 3:1

La̱ex aj Galacia, ma̱cꞌaꞌ e̱naꞌleb. ¿Ani xbalakꞌin e̱re nak incꞌaꞌ chic yo̱quex xpa̱banquil lix ya̱lal? Nak xkachꞌolob che̱ru chanru nak quiqꞌueheꞌ li Jesucristo chiru cruz, chanchan nak tzꞌakal yo̱quex chirilbal.

San Mateo 24:11

Ut nabaleb li profeta aj balakꞌ teꞌcha̱lk ut nabaleb teꞌbalakꞌi̱k xbaneb.

1 Juan 2:26

Nintzꞌi̱ba aꞌin e̱riqꞌuin chirixeb li xicꞌ nequeꞌiloc re li Cristo xban nak eb aꞌan teꞌraj e̱balakꞌinquil.

2 Timoteo 3:13

Ut ta̱numta̱k lix ma̱usilaleb laj balakꞌ li incꞌaꞌ useb xnaꞌleb. Yo̱keb chi balakꞌi̱nc ut yo̱k ajcuiꞌ xbalakꞌinquileb aꞌan.

Isaías 28:9

Nequeꞌxcuechꞌi cuix ut nequeꞌxye: —¿Ani li cui̱nk aꞌan nak nachal chixqꞌuebal kanaꞌleb? ¿Ma cuan ta biꞌ xcuanquil nak ta̱cha̱lk chikatijbal? ¿Ma cocꞌalo ta biꞌ la̱o? ¿Ma tojeꞌ ta biꞌ xkacanab tuꞌuc?

2 Corintios 4:2

Nakatzꞌekta̱na chi junaj cua xba̱nunquil li ma̱usilal li moco uxc ta naraj li nequeꞌxba̱nu li jun chꞌol chic. Incꞌaꞌ nocobalakꞌin. Ut incꞌaꞌ nakapoꞌ ru li ra̱tin li Dios. Nakachꞌolob ban chi tzꞌakal lix ya̱lal re nak chixjunileb teꞌxqꞌue retal nak saꞌ xya̱lal cuanco chiru li Dios.

San Mateo 11:7

Ut nak queꞌel eb aꞌan, qui-oc chi a̱tinac li Jesús riqꞌuineb li tenamit chirix laj Juan ut quixye chi joꞌcaꞌin: —¿Cꞌaꞌru coxe̱ril chak saꞌ li chaki chꞌochꞌ? ¿Ma junak cui̱nk nacuiban xchꞌo̱l chanchan li caxlan aj yo̱ recꞌasinquil xban ikꞌ coxe̱ril chak?

1 Corintios 12:2

Nak toj ma̱jiꞌ nequexpa̱ban chak queqꞌue chak xcuanquil li yi̱banbil dios li incꞌaꞌ nequeꞌa̱tinac ut queqꞌue e̱rib chi balakꞌi̱c riqꞌuin xpa̱banquileb.

Hechos 23:21

Ma̱ba̱nu cꞌaꞌru teꞌxye xban nak numenak caꞌcꞌa̱l chi cui̱nk teꞌramok re saꞌ be re xcamsinquil. Eb aꞌan queꞌxcꞌu̱b rib. Queꞌxba̱nu li juramento ut queꞌxye nak incꞌaꞌ teꞌcuaꞌak chi moco teꞌucꞌak cui incꞌaꞌ teꞌxcamsi laj Pablo. Anakcuan yo̱queb chiroybeninquil cꞌaꞌru ta̱ye la̱at, chan li al.

Miqueas 7:2

Ma̱ jun chic li cui̱nk ti̱c xchꞌo̱l saꞌ ruchichꞌochꞌ ut ma̱ ani chic junak cha̱bil. Chixjunileb nequeꞌcamsin ut li junju̱nk nequeꞌxsicꞌ chanru nak ta̱ru̱k teꞌxbalakꞌi li ras ri̱tzꞌin.

Salmos 59:3

Cuanqueb li cui̱nk cuanqueb xcuanquil yo̱queb chixsicꞌbal chanru nak tineꞌxcamsi. La̱in ma̱cꞌaꞌ yo̱quin. Ma̱cꞌaꞌ inma̱c. Abanan, at inDios, teꞌraj incamsinquil.

Salmos 10:9

Chanchaneb li cakcoj nak nequeꞌxmuk rib re roybeninquil ani teꞌxchap ut teꞌxcꞌam.

1 Juan 2:19

Saꞌ kaya̱nk xeꞌel li xicꞌ nequeꞌiloc re li Cristo, abanan moco kech aj pa̱baneleb ta nak xeꞌcuan. Cui ta eb aꞌan kech aj pa̱banelil, cuanqueb raj chi junelic saꞌ kaya̱nk. Abanan xeꞌel saꞌ kaya̱nk re nak ta̱nauma̱nk nak ma̱cuaꞌeb kech aj pa̱banelil.

2 Pedro 2:18

Nequeꞌoc chi yehoc xni̱nkal ru a̱tin saꞌ lix majelal xnaꞌlebeb. Ut riqꞌuin li ma̱c naxrahi li tzꞌejcualej yo̱queb chixkꞌunbesinquileb li cristian li toj queꞌel chak saꞌ xya̱nkeb.

Santiago 3:4

Cheqꞌuehak retal li jucub. Usta kꞌaxal nim ut nacꞌameꞌ xban li cacuil ikꞌ, aban cuan jun chꞌina chꞌi̱chꞌ naberesin re. Ut riqꞌuin li chꞌi̱chꞌ aꞌan laj chꞌeꞌol re naru naxcꞌam li jucub bar naraj xcꞌambal.

1 Timoteo 3:6

Tento nak laj cꞌamol be acak xqꞌui saꞌ lix pa̱ba̱l. Ma̱re anchal tixnimobresi rib ut ta̱tꞌanekꞌ saꞌ li tojbal ma̱c quitꞌaneꞌ cuiꞌ laj tza.

2 Timoteo 1:15

La̱at nacanau nak chixjunileb laj pa̱banel li cuanqueb Asia xineꞌxcanab injunes. Saꞌ xya̱nkeb aꞌan cuanqueb laj Figelo ut laj Hermógenes.

1 Corintios 3:19

Lix naꞌleb li ruchichꞌochꞌ, aꞌan to̱ntil naꞌleb chiru li Dios. Joꞌcaꞌin tzꞌi̱banbil saꞌ li Santil Hu: Li Dios naxcanabeb chixsachbaleb rib xban lix se̱baleb xchꞌo̱l li ani nequeꞌrecꞌa nak cuanqueb xnaꞌleb xjuneseb rib. (Job 5:13)