Efesios 4:12 - Li Santil hu

¹² Quiqꞌueheꞌ xma̱taneb re nak tzꞌakalakeb ru saꞌ xpa̱ba̱leb ut re nak teꞌcꞌanjelak chiru li Dios ut re nak teꞌxtenkꞌaheb laj pa̱banel chi qꞌui̱c saꞌ xpa̱ba̱leb.

Q'eqchi Bible

¹² Chi jo'kan kixk'uub' chi chaab'il eb' laj santil paab'anel cho'q re li k'anjel teneb'anb'il sa' xb'eeneb', re xkab'lankil li xtz'ejwal li Kriist,

Efesios 4:12 ပူးပေါင်းရင်းမြစ်များ

Efesios 4:16

Li Cristo, aꞌan najolomin ke la̱o aj pa̱banel ut la̱o joꞌ li rok rukꞌ. Li Cristo, aꞌan nacꞌamoc be chiku ut junajo chic. Chikajunilo chikatenkꞌa kib chi kibil kib re nak toqꞌui̱k saꞌ li kapa̱ba̱l xban nak nakara kib chi kibil kib.

1 Corintios 12:27

Joꞌcan ajcuiꞌ la̱o aj pa̱banel. Junajo chi tzꞌejcualej riqꞌuin li Cristo. Chikaju̱nkalo la̱o rok rukꞌ li Cristo ut li junju̱nk cuan xcꞌanjel chiru li Dios.

Romanos 15:14

Ex herma̱n, la̱in ninnau nak cha̱bilex ut nequenau lix ya̱lal ut nequeqꞌue ajcuiꞌ e̱naꞌleb chi ribil e̱rib.

1 Corintios 14:26

Ex herma̱n, aꞌan aꞌin li nacuaj xyebal e̱re. Nak te̱chꞌutub e̱rib chixlokꞌoninquil li Dios, jalan jala̱nk te̱ba̱nu che̱ju̱nkalex. Cuan tixcꞌam chak junak bich; cuan li ta̱qꞌuehok naꞌleb; cuan li ta̱yehok re li quicꞌuteꞌ chiru xban li Dios; cuan li ta̱yehok junak naꞌleb riqꞌuin jalanil a̱tin ut cuan ajcuiꞌ li ta̱jalok ru li ta̱yema̱nk saꞌ li jalanil a̱tin. Abanan chixjunil li te̱ba̱nu, cheba̱nuhak re xtenkꞌanquileb laj pa̱banel chi qꞌui̱c saꞌ lix pa̱ba̱leb.

Romanos 14:19

Joꞌcan nak chikaqꞌuehak kachꞌo̱l chi cua̱nc saꞌ tuktu̱quil usilal riqꞌuineb li kas ki̱tzꞌin. Ut chikatenkꞌa kib chi kibil kib re nak toqꞌui̱k saꞌ li kapa̱ba̱l.

1 Timoteo 1:12

Ninbantioxi chiru li Ka̱cuaꞌ Jesucristo xban nak aꞌan xcꞌojob xchꞌo̱l saꞌ inbe̱n ut xinixxakab chi cꞌanjelac chiru. Ut aꞌan naqꞌuehoc incuanquil chixba̱nunquil.

1 Corintios 14:12

La̱ex nequeraj xcꞌulbal li ma̱tan naxqꞌue li Santil Musikꞌej. Abanan la̱in ninye e̱re chesicꞌak li ma̱tan li natenkꞌan reheb chixjunileb laj pa̱banel.

Hebreos 13:17

Chex-abi̱nk chiruheb laj cꞌamol be che̱ru, ut cheba̱nuhak li cꞌaꞌru nequeꞌxye e̱re xban nak eb aꞌan nequeꞌtenkꞌan e̱re saꞌ le̱ pa̱ba̱l. Aꞌaneb li teꞌxkꞌaxtesi xcue̱nt che̱rix chiru li Dios. Chetenkꞌaheb re nak sahakeb saꞌ xchꞌo̱l saꞌ lix cꞌanjeleb xban nak cui rahakeb saꞌ xchꞌo̱l, rahak ajcuiꞌ chokꞌ e̱re la̱ex.

Hebreos 6:1

Joꞌcan nak incꞌaꞌ yo̱kex chi cꞌoxlac junes chirix li xetzol chak saꞌ xticlajic le̱ pa̱ba̱l. Toj cuan ban nabal te̱tzol chirix li Cristo re nak texqꞌui̱k saꞌ le̱ pa̱ba̱l. Ac nequenau nak ma̱cuaꞌ riqꞌuin kayehom kaba̱nuhom natauman li colba-ib. Riqꞌuin ban xpa̱banquil li Dios.

2 Corintios 6:3

La̱o incꞌaꞌ nakaj xba̱nunquil li cꞌaꞌak re ru li ta̱ramok re chiruheb li ani teꞌraj pa̱ba̱nc re nak ma̱ ani ta̱cuechꞌok rix li cꞌanjel li yo̱co chixba̱nunquil.

2 Corintios 5:18

Chixjunil aꞌin xkama̱tani riqꞌuin li Dios ut aꞌan ajcuiꞌ li quicꞌamoc ke saꞌ usilal riqꞌuin saꞌ xcꞌabaꞌ li Jesucristo. Ut aꞌan ajcuiꞌ li quixakaban ke chixchꞌolobanquil xya̱lal li colba-ib re nak cuan li teꞌpa̱ba̱nk ut teꞌcua̱nk saꞌ usilal riqꞌuin li Dios.

San Lucas 22:32

Abanan la̱in xintijoc cha̱cuix re nak incꞌaꞌ ta̱canab la̱ pa̱ba̱l. Ut nak tatsukꞌi̱k cuiꞌchic cuiqꞌuin, ta̱qꞌue xcacuilal xchꞌo̱leb la̱ cuech aj pa̱banelil, chan li Jesús.

2 Timoteo 4:5

Aꞌut la̱at, Timoteo, chaqꞌuehak retal chi us li cꞌaꞌru ta̱ba̱nu. Chacuyak xnumsinquil li raylal ut chajultica̱k resil li santil evangelio ut chaba̱nuhak la̱ cꞌanjel chi tzꞌakal.

Colosenses 4:17

Ut cheyehak ajcuiꞌ re laj Arquipo nak chixqꞌuehak xchꞌo̱l chixba̱nunquil li cꞌanjel li quiqꞌueheꞌ re xban li Ka̱cuaꞌ Dios.

Colosenses 1:28

Aꞌ li Cristo, aꞌan li nakachꞌolob xya̱lal. Nakaqꞌue xnaꞌlebeb chixjunil ut nakacꞌut xya̱lal chiruheb chi anchal li kachꞌo̱l ut chi anchal li kacꞌaꞌux re nak tzꞌakalak ru lix pa̱ba̱leb saꞌ xcꞌabaꞌ li Jesucristo.

Colosenses 1:24

La̱in nasahoꞌ saꞌ inchꞌo̱l nak yo̱quin chixcꞌulbal li raylal saꞌ e̱cꞌabaꞌ. Li Cristo quixye nak teꞌxcꞌul li raylal li ralal xcꞌajol. Joꞌcan nak nasahoꞌ saꞌ inchꞌo̱l nak yo̱quin chi tzꞌako̱nc riqꞌuin li raylal joꞌ quixcꞌul li Cristo saꞌ xcꞌabaꞌeb chixjunileb li nequeꞌpa̱ban re.

Efesios 1:23

Li Cristo aꞌan li najolomin ke la̱o aj pa̱banel. Ut la̱o chanchano li rok rukꞌ nak cuanco. Junak li tzꞌejcualej moco tzꞌakal ta re ru cui ma̱cꞌaꞌ lix jolom. Joꞌcan ajcuiꞌ junak li jolomej, cui ma̱cꞌaꞌ li rok rukꞌ incꞌaꞌ tzꞌakal re ru. Joꞌcan nak tento nak li Cristo ta̱jolomi̱nk ke la̱o aj pa̱banel ut la̱o cua̱nko joꞌ li rok rukꞌ li Cristo.

2 Corintios 12:19

Ma̱re yal re xcolbal cuib che̱ru nak nequecꞌoxla. Abanan moco joꞌcan ta. Li Dios naxnau chi tzꞌakal nak saꞌ xcꞌabaꞌ li Cristo nina̱tinac. Ex inherma̱n, chixjunil li ninba̱nu, aꞌan re e̱tenkꞌanquil re nak texqꞌui̱k saꞌ le̱ pa̱ba̱l.

2 Corintios 7:1

Joꞌcan ut ex inherma̱n, chixjunil aꞌin yechiꞌinbil ke la̱o. Joꞌcan nak chikacanabak chixjunil li ma̱usilal li namuxuc ru li katibel ut li ka̱m. Xban nak nakaxucua ru li Dios chikaqꞌue kachꞌo̱l chi cua̱nc saꞌ santilal.

2 Corintios 4:1

Yal xban rusilal li Dios nak quixqꞌue ke li cꞌanjel aꞌin re xchꞌolobanquil xya̱lal li acꞌ contrato. Joꞌcan nak incꞌaꞌ nachꞌinan kachꞌo̱l.

2 Corintios 3:8

Abanan kꞌaxal numtajenak cuiꞌchic xlokꞌal li cꞌanjel li naxba̱nu kiqꞌuin li Santil Musikꞌej.

1 Corintios 14:14

Cui la̱in tintijok saꞌ jalanil a̱tin lin musikꞌ ta̱tijok ut la̱in incꞌaꞌ nintau ru li cꞌaꞌru tinye chi moco tixtenkꞌaheb li cuech aj pa̱banelil.

Romanos 15:29

Nak tincuulak e̱riqꞌuin, ninnau nak numtajenak li kosobtesinquil takacꞌul xban li Cristo.

Romanos 15:2

Tento takaba̱nu li us reheb li kech aj pa̱banelil re nak teꞌqꞌui̱k saꞌ lix pa̱ba̱l ut re nak sahak saꞌ xchꞌo̱leb.

Romanos 12:7

Li ani qꞌuebil xma̱tan re tenkꞌa̱nc, chitenkꞌa̱nk chi sa saꞌ xchꞌo̱l. Li ani qꞌuebil xma̱tan chixtzolbaleb li ras ri̱tzꞌin, chixtzolakeb saꞌ xya̱lal.

Hechos 20:28

Joꞌcan nak ilomak e̱rib chi us la̱ex ut ilomakeb laj pa̱banel li xeꞌqꞌueheꞌ cheril xban li Santil Musikꞌej, li quixlokꞌeb riqꞌuin lix lokꞌlaj quiqꞌuel. Cherilak laj pa̱banel joꞌ nak naril chi us lix carner li pastor.

Hechos 20:24

Abanan la̱in ma̱cꞌaꞌ ninxucua, chi moco ninra lin yuꞌam chokꞌ cue injunes. Abanan nacuaj nak tinchoy lin cꞌanjel chi sa saꞌ inchꞌo̱l. Ut ninnau nak taklanbilin xban li Ka̱cuaꞌ Jesús chixyebal resil li evangelio li quixqꞌue li Dios xban li rusilal.

Hechos 11:23

Nak quicuulac laj Bernabé quixqꞌue retal nak li Dios yo̱ chirosobtesinquileb laj pa̱banel li cuanqueb aran. Quixqꞌue xcacuilal xchꞌo̱leb ut quixye ajcuiꞌ reheb nak cheꞌxqꞌuehak xchꞌo̱leb chixpa̱banquil li Ka̱cuaꞌ.

Hechos 9:31

Ut incꞌaꞌ chic queꞌrahobtesi̱c laj pa̱banel li cuanqueb Judea, Galilea, ut Samaria. Yo̱queb chi qꞌui̱c saꞌ xpa̱ba̱leb. Nequeꞌxxucua ru li Ka̱cuaꞌ. Ut li Santil Musikꞌej yo̱ chixqꞌuebal xcacuilal xchꞌo̱leb. Cꞌajoꞌ nak yo̱queb chi ta̱mc.

Hechos 1:25

Aꞌan tixcꞌul xcuanquil chi cꞌanjelac chokꞌ apóstol. Tixba̱nu li cꞌanjel li quixtzꞌekta̱na laj Judas xban li incꞌaꞌ us quixba̱nu. Laj Judas co̱ saꞌ li naꞌajej chixtojbal xma̱c bar xcꞌulub cuiꞌ xic, chanqueb.

Hechos 1:17

Laj Judas, aꞌan raj jun saꞌ kaya̱nk saꞌ li cꞌanjel aꞌin.

2 Timoteo 4:11

Chixjunileb li nequeꞌtenkꞌan cue ma̱ aniheb chic. Caꞌaj chic laj Lucas cuan cuiqꞌuin. Joꞌcan nak nintzꞌa̱ma cha̱cuu nak ta̱numeꞌbok chak laj Marcos ut ta̱cꞌam chak cha̱cuix nak tatcha̱lk. Aꞌan tinixtenkꞌa chi cha̱bil saꞌ li cꞌanjel.

Efesios 4:29

Mex-a̱tinac yibru aj a̱tin. Riqꞌuin ban cha̱bil a̱tin tex-a̱tinak re nak teꞌxqꞌue retal li ani yo̱quex cuiꞌ chi a̱tinac ut te̱tenkꞌaheb.

Efesios 4:4

La̱o li ralal xcꞌajol li Dios chanchan nak jun chi tzꞌejcualej nak cuanco ut jun ajcuiꞌ li Santil Musikꞌej naberesin ke. Jun ajcuiꞌ li kama̱tan li nakayoꞌoni saꞌ comonil, la̱o li sicꞌbil ku.

2 Corintios 13:9

Joꞌcan nak kꞌaxal raj ta̱sahokꞌ saꞌ inchꞌo̱l nak tincuulak e̱riqꞌuin cui cha̱bilak chic le̱ yuꞌam re nak incꞌaꞌ tento tincꞌut che̱ru nak cuan incuanquil re e̱kꞌusbal. Nintijoc che̱rix re nak tzꞌakalak re ru le̱ yuꞌam saꞌ le̱ pa̱ba̱l.

1 Corintios 12:7

Riqꞌuin li ma̱tan qꞌuebil re li junju̱nk nacꞌutun nak cuan li Santil Musikꞌej riqꞌuin, ut li ma̱tan aꞌan qꞌuebil re, re xtenkꞌanquileb chixjunileb laj pa̱banel.

Romanos 12:5

Joꞌcan ajcuiꞌ la̱o aj pa̱banel. Junajo chi tzꞌejcualej nak cuanco riqꞌuin li Cristo. Nabalo, abanan junajo saꞌ li kapa̱ba̱l. Ut chikajunilo kachaꞌal kib chi kibil kib.

2 Corintios 13:11

Anakcuan ex inherma̱n, texinchakꞌrabi riqꞌuin a a̱tin aꞌin: Jalomak le̱ cꞌaꞌux re nak tzꞌakalak e̱re e̱ru. Cheqꞌuehak retal li joꞌ qꞌuial xinye e̱re. Junajak taxak le̱ cꞌaꞌux ut chexcua̱nk saꞌ xya̱lal chi ribil e̱rib. Ut cua̱nk e̱riqꞌuin li Dios li narahoc ke ut naxqꞌue ke li tuktu̱quil usilal.