Efesios 4:11 - Li Santil hu

¹¹ ¿Cꞌaꞌru xya̱lal nak tzꞌi̱banbil nak quixqꞌue xma̱taneb li ralal xcꞌajol li Dios? Naraj naxye nak cuan li quiqꞌueheꞌ xma̱taneb chi cꞌanjelac joꞌ apóstol. Cuan li quiqꞌueheꞌ xma̱taneb chi cꞌanjelac joꞌ profeta. Cuan li quiqꞌueheꞌ xma̱taneb chixyebal resil li colba-ib. Cuan li quiqꞌueheꞌ xma̱taneb chi cꞌamoc be chiruheb laj pa̱banel ut cuan ajcuiꞌ li quiqꞌueheꞌ xma̱taneb chixcꞌutbal lix ya̱lal chiruheb laj pa̱banel.

Q'eqchi Bible

¹¹ Ut A'an wan ajwi' kixxaqab'eb' cho'q apóstol; wankeb' cho'q propeet; wankeb' cho'q aj puktesinel li Chaab'il Esilal; wankeb' chik cho'q aj k'aak'alenel ut aj tzolonel.

Efesios 4:11 ပူးပေါင်းရင်းမြစ်များ

Jeremías 3:15

La̱in tinxakabeb li ani teꞌilok e̱re. Eb aꞌan cua̱nkeb xnaꞌleb chi cꞌamoc be che̱ru joꞌ li nacuaj la̱in, chan li Dios.

Efesios 2:20

La̱o aj pa̱banel chanchano li rochoch li Dios. Chanchano li pec li na-oc saꞌ xbe̱n li cimiento. Ut li cimiento, aꞌaneb li apóstol ut li profeta. Abanan li tzꞌakal xakxo cuiꞌ li cab, aꞌan li Jesucristo.

2 Timoteo 4:5

Aꞌut la̱at, Timoteo, chaqꞌuehak retal chi us li cꞌaꞌru ta̱ba̱nu. Chacuyak xnumsinquil li raylal ut chajultica̱k resil li santil evangelio ut chaba̱nuhak la̱ cꞌanjel chi tzꞌakal.

San Mateo 28:20

Te̱cꞌut chiruheb xpa̱banquil chixjunil li xinye chak e̱re. Chenauhak nak la̱in cua̱nkin e̱riqꞌuin chixjunil li cutan chalen toj saꞌ rosoꞌjic li ruchichꞌochꞌ.— Joꞌcan taxak.

Hechos 20:28

Joꞌcan nak ilomak e̱rib chi us la̱ex ut ilomakeb laj pa̱banel li xeꞌqꞌueheꞌ cheril xban li Santil Musikꞌej, li quixlokꞌeb riqꞌuin lix lokꞌlaj quiqꞌuel. Cherilak laj pa̱banel joꞌ nak naril chi us lix carner li pastor.

Efesios 4:8

Aꞌin qui-uxman joꞌ tzꞌi̱banbil saꞌ li Santil Hu, li naxye chi joꞌcaꞌin: Nak quitakeꞌ saꞌ choxa li Ka̱cuaꞌ, quixcꞌutbesi nak aꞌan kꞌaxal nim xcuanquil saꞌ xbe̱n laj tza joꞌ ajcuiꞌ saꞌ xbe̱neb li nequeꞌcꞌanjelac chiru. Ut li Ka̱cuaꞌ quixqꞌue xma̱taneb li ralal xcꞌajol. (Sal. 68:18)

Efesios 3:5

Junxil ma̱ ani nataꞌoc ru lix ya̱lal li mukmu nak quicuan chak. Abanan anakcuan li Santil Musikꞌej quixcꞌut lix ya̱lal chiruheb li profeta ut chiku ajcuiꞌ la̱o lix apóstol.

Romanos 12:7

Li ani qꞌuebil xma̱tan re tenkꞌa̱nc, chitenkꞌa̱nk chi sa saꞌ xchꞌo̱l. Li ani qꞌuebil xma̱tan chixtzolbaleb li ras ri̱tzꞌin, chixtzolakeb saꞌ xya̱lal.

2 Crónicas 15:3

Najt queꞌcuan laj Israel chi incꞌaꞌ yo̱queb chixlokꞌoninquil li tzꞌakal Dios. Ma̱cꞌaꞌeb laj tij chixcꞌutbal lix ya̱lal chiruheb ut ma̱cꞌaꞌ lix chakꞌrab li Dios riqꞌuineb.

Hebreos 5:12

Anakcuan la̱ex raj chic aj tzolonel xban nak ac junxil nequexpa̱ban. Abanan ta̱raj toj ta̱cꞌutekꞌ cuiꞌchic che̱ru li ac xetzol chak junxil nak xepa̱b chak li Dios. Chanchanex chic li cꞌulaꞌal li toj natuꞌuc li toj ma̱jiꞌ natzacan.

Apocalipsis 18:20

Chisahokꞌ saꞌ e̱chꞌo̱l la̱ex li cuanquex saꞌ choxa. La̱ex laj pa̱banel, la̱ex profeta ut la̱ex apóstol, chisahokꞌ taxak saꞌ e̱chꞌo̱l xban nak li Dios xrakoc a̱tin saꞌ xbe̱neb saꞌ e̱cꞌabaꞌ la̱ex, chan li yo̱ chak chi a̱tinac saꞌ choxa.

Hechos 21:8

Joꞌ cuulajak chic co̱o Cesarea. Nak cocuulac aran, co̱o saꞌ rochoch laj Felipe laj yehol resil li colba-ib. Aꞌan jun reheb li cuukub li queꞌsiqꞌueꞌ ruheb Jerusalén re teꞌxtenkꞌaheb li apóstol.

Hechos 13:1

Saꞌ xya̱nkeb laj pa̱banel aran Antioquía cuanqueb profeta ut cuanqueb aj tzolonel. Aꞌaneb aꞌin: laj Bernabé, laj Simón li nequeꞌxye Niger re, laj Lucio Cirene xtenamit, laj Manaén li quiqꞌuiresi̱c riqꞌuin laj Herodes li acuabej, ut laj Saulo.

Apocalipsis 21:14

Cablaju li pec li qui-oc chokꞌ xcimiento li tzꞌac li sutsu cuiꞌ li tenamit. Ut chiruheb aꞌan tzꞌi̱banbil retalileb lix cꞌabaꞌeb li cablaju chi apóstol li queꞌcꞌanjelac chiru li Jun li chanchan carner.

San Judas 1:17

Ut la̱ex ex inherma̱n, tento nak ta̱cua̱nk saꞌ e̱chꞌo̱l eb li a̱tin li queꞌxye chak lix apóstol li Ka̱cuaꞌ Jesucristo.

1 Corintios 12:4

Jalan jala̱nk li kama̱tan naxqꞌue ke li Santil Musikꞌej re nak tocꞌanjelak chiru li Ka̱cuaꞌ. Abanan li Santil Musikꞌej jun ajcuiꞌ ut aꞌan naqꞌuehoc re chixjunil.