Efesios 4:10 - Li Santil hu

¹⁰ Quicube saꞌ ruchichꞌochꞌ ut quitakeꞌ ajcuiꞌ toj saꞌ li Santil Choxa re nak ta̱cua̱nk xcuanquil saꞌ xbe̱n chixjunil saꞌ choxa joꞌ ajcuiꞌ saꞌ ruchichꞌochꞌ.

Q'eqchi Bible

¹⁰ Li kikub'e chaq, a'an ajwi' li kitaqe'k sa' xb'een chixjunil sa' choxa re xnujob'resinkil chixjunil.

Efesios 4:10 ပူးပေါင်းရင်းမြစ်များ

Hebreos 7:26

Li Ka̱cuaꞌ Jesucristo, aꞌan li tzꞌakal xyucuaꞌil aj tij. Ut aꞌan li natenkꞌan ke chi tzꞌakal. Moco juntakꞌe̱t ta lix yuꞌam riqꞌuineb laj ma̱c. Li Jesucristo santo ut ma̱cꞌaꞌ xma̱c. Aꞌan co̱ saꞌ choxa ut aran quiqꞌueheꞌ xnimal xlokꞌal.

Hebreos 4:14

Li Ka̱cuaꞌ Jesucristo, li Ralal li Dios, aꞌan lix yucuaꞌil aj tij chokꞌ ke. Quitakeꞌ saꞌ choxa ut cuan chak riqꞌuin li Dios Acuabej. Yo̱ chak chi oque̱nc chikix chiru li Dios. Joꞌcan nak cauhak taxak kachꞌo̱l saꞌ li kapa̱ba̱l.

Colosenses 2:9

Me̱qꞌue e̱rib chi balakꞌi̱c xbaneb aꞌan. Nakanau nak chixjunil lix lokꞌal li Dios ut lix cuanquil cuan riqꞌuin li Cristo. Lix lokꞌal ut lix cuanquilal quixcꞌutbesi nak quicꞌulun saꞌ ruchichꞌochꞌ.

Colosenses 1:19

Li Jesucristo, aꞌan tzꞌakal Dios ut riqꞌuin aꞌan cuan chixjunil li cuanquilal xban nak joꞌcan quiraj li Acuabej Dios.

San Mateo 24:34

Relic chi ya̱l tinye e̱re nak toj talajeꞌcꞌulma̱nk chixjunil li cꞌaꞌak re ru aꞌin chi toj ma̱jiꞌ nequeꞌosoꞌ li tenamit aꞌin.

1 Timoteo 3:16

Relic chi ya̱l kꞌaxal lokꞌ li katijbal li quixcꞌut chiku li Dios. Naxcꞌut chiku lix ya̱lal li kapa̱ba̱l saꞌ xcꞌabaꞌ li Jesucristo. Li xya̱lal aꞌan aꞌin: Li Cristo quitzꞌejcualoꞌ nak quicꞌulun saꞌ ruchichꞌochꞌ. Xakabanbil xcuanquil xban li Santil Musikꞌej. Qui-ileꞌ ru xbaneb li ángel. Ut aꞌan li chꞌolobanbil resil saꞌ chixjunil li ruchichꞌochꞌ. Ut nabaleb li queꞌpa̱ban re saꞌ ruchichꞌochꞌ. Ut quicꞌameꞌ saꞌ choxa riqꞌuin xnimal xlokꞌal.

Efesios 3:19

Ma̱ jokꞌe ta̱ru̱k takatau ru chi tzꞌakal lix rahom xban nak ma̱cꞌaꞌ rosoꞌjic ut kꞌaxal lokꞌ. Nintzꞌa̱ma chiru li Dios nak tixcꞌut che̱ru nak cꞌajoꞌ nequexra li Cristo, ut chinujak taxak le̱ chꞌo̱l riqꞌuin xnimajcual xcuanquil.

Hechos 1:9

Nak quirakeꞌ xyebal chixjunil aꞌin quicꞌameꞌ saꞌ choxa li Jesús xban li Dios. Yo̱queb chirilbal nak quichal jun li chok ut quimukun saꞌ li chok. Ut incꞌaꞌ chic queꞌril ru.

Hebreos 8:1

Aꞌan aꞌin xya̱lal li yo̱co chixyebal e̱re: ya̱l nak cuan jun tzꞌakal xyucuaꞌil aj tij nacꞌanjelac chikix. Aꞌan li Jesucristo li cꞌojcꞌo chak saꞌ xnim ukꞌ li Dios saꞌ lix nimajcual xcuanquilal saꞌ choxa.

Hechos 3:18

Riqꞌuin aꞌin quitzꞌakloc ru li queꞌxye chak li profeta najter nak queꞌxye nak tento tixcꞌul li rahobtesi̱c li Cristo li Mesías, xban nak joꞌcan quixye li Dios.

Hechos 2:33

Quicꞌameꞌ xban li Dios re nak ta̱cꞌojla̱k saꞌ lix nim ukꞌ ut quiqꞌueheꞌ xcuanquil. Ut quiqꞌueheꞌ li Santil Musikꞌej re xban li Dios. Ut quixqꞌue ajcuiꞌ ke la̱o li Santil Musikꞌej joꞌ quiyechiꞌi̱c ke. Aꞌan aꞌin li yo̱quex chirilbal ut chirabinquil anakcuan.

Hechos 1:11

Ut queꞌxye reheb: —Ex cui̱nk aj Galilea, ¿Cꞌaꞌut nak yo̱quex chi iloc saꞌ choxa? Li Jesús li xcuan saꞌ e̱ya̱nk ut xcꞌameꞌ saꞌ choxa, aꞌan ta̱cha̱lk cuiꞌchic. Chanru nak xeril chi xic saꞌ choxa, joꞌcan cuiꞌchic nak te̱ril nak yo̱k chi cha̱lc, chanqueb reheb.

San Juan 19:36

Quicꞌulman chi joꞌcan re nak ta̱tzꞌaklok ru li tzꞌi̱banbil saꞌ li Santil Hu: Ma̱ jun lix bakel ta̱tokma̱nk. (Ex. 12:46)

San Juan 19:28

Chirix chic aꞌan quixnau li Jesús nak ac xtzꞌakloc ru chixjunil. Re nak ta̱tzꞌaklok ru li tzꞌi̱banbil saꞌ li Santil Hu, li Jesús quixye: —Ta̱chakik cue, chan.

San Juan 19:24

Queꞌxye chi ribileb rib: —Incꞌaꞌ takapeji. Us takabu̱li rix re rilbal ani ta̱e̱chani̱nk re, chanqueb. Joꞌcan queꞌxba̱nu re nak ta̱tzꞌaklok ru li tzꞌi̱banbil saꞌ li Santil Hu li naxye chi joꞌcaꞌin: Queꞌxjeqꞌui chirixeb lin tꞌicr ut queꞌxbu̱li rix li cuakꞌ. (Sal. 22:18)

San Juan 1:16

Xban xnimal rusilal, kꞌaxal numtajenak li kosobtesinquil naxqꞌue.

San Lucas 24:44

Ut quixye reheb: —Li cꞌaꞌru xincꞌul, aꞌan ajcuiꞌ li quinserakꞌi chak e̱re nak toj cuanquin chak saꞌ e̱ya̱nk. Tento nak ta̱tzꞌaklok ru chixjunil li tzꞌi̱banbil chak retalil chicuix saꞌ lix chakꞌrab laj Moisés, joꞌ ajcuiꞌ saꞌ lix hu eb li profeta ut saꞌ ajcuiꞌ li Salmos, chan reheb.

2 Corintios 12:2

Ca̱laju chihab anakcuan nak quincꞌameꞌ toj saꞌ li rox tasal li choxa. Incꞌaꞌ ninnau ma matqꞌuenbil quinba̱nu malaj quincꞌameꞌ chi tzꞌakal. Caꞌaj cuiꞌ li Dios naxnau.