Efesios 3:8 - Li Santil hu

⁸ La̱in li kꞌaxal cubenak incuanquil saꞌ xya̱nkeb chixjunileb li ralal xcꞌajol li Dios. Abanan yal xban lix nimal ruxta̱n li Dios quixqꞌue cue li cꞌanjel aꞌin re xchꞌolobanquil che̱ru lix ya̱lal chirix lix nimal ruxta̱n li Cristo ut li lokꞌlaj colba-ib saꞌ xcꞌabaꞌ aꞌan.

Q'eqchi Bible

⁸ Laa'in, li q'axal kub'enaq inwankil chiruheb' chixjunil laj santil paab'anel, xinmaatani li k'anjel a'in: xpuktesinkil resil li xchamal xsasal li xb'ihomal li Kriist reheb' li maawa'eb' aj Judiiy,

Efesios 3:8 ပူးပေါင်းရင်းမြစ်များ

Colosenses 1:27

Li Dios quiraj nak la̱ex li ma̱cuaꞌex aj judío, te̱nau nak e̱re ajcuiꞌ li colba-ib. Li resil aꞌan mukmu nak quicuan chak. Abanan anakcuan nanauman nak lix ya̱lal li lokꞌlaj esil, aꞌan aꞌin: Nak li Cristo cuan e̱riqꞌuin ut saꞌ xcꞌabaꞌ aꞌan textzꞌako̱nk riqꞌuin lix nimal xlokꞌal li Dios.

1 Corintios 15:9

La̱in cubenak incuanquil chiruheb chixjunileb li apóstol ut ma̱cuaꞌ raj incꞌulub nak la̱inak apóstol xban nak la̱in xinrahobtesiheb chak laj pa̱banel.

Efesios 3:16

Kꞌaxal nim li rusilal li Dios. Joꞌcan nak nintzꞌa̱ma chiru nak li Santil Musikꞌej chiqꞌuehok e̱cuanquilal ut xcacuilal e̱chꞌo̱l saꞌ le̱ pa̱ba̱l.

Efesios 2:7

Chixjunil li usilal aꞌin quilajxba̱nu ke saꞌ xcꞌabaꞌ li Jesucristo re nak ta̱cꞌutu̱nk chi junelic kꞌe cutan nak kꞌaxal nim li ruxta̱n.

1 Timoteo 2:7

Ut la̱in li taklanbilin xban li Dios chixyebal resil lix ya̱lal aꞌin chiruheb li ma̱cuaꞌeb aj judío. Taklanbilin chixyebal resil re nak teꞌxnau cꞌaꞌru li ya̱l ut teꞌpa̱ba̱nk. Moco ticꞌtiꞌ ta li yo̱quin chixyebal. Tzꞌakal ya̱l nak xakabanbilin chixyebal li resilal reheb.

1 Timoteo 1:13

Quixqꞌue cue li cꞌanjel aꞌin usta ac xinmajecua li Jesucristo ut xinrahobtesi eb laj pa̱banel ut xinhobeb. Abanan li Jesucristo quiruxta̱na cuu xban nak toj ma̱jiꞌ ninnau bar cuan li tzꞌakal ya̱l ut toj ma̱jiꞌ ninpa̱ban.

Gálatas 1:16

Ut nak li Dios quiraj xcꞌutbesinquil li Ralal chicuu re nak tinchꞌolob resil chiruheb li ma̱cuaꞌeb aj judío, incꞌaꞌ xinpatzꞌ innaꞌleb re junak cui̱nk.

Romanos 11:33

Relic chi ya̱l nak kꞌaxal numtajenak li ruxta̱n li Dios. Aꞌan naxnau chixjunil. Numtajenak cuiꞌchic lix naꞌleb. Ma̱ ani nataꞌoc ru chanru nak narakoc a̱tin. Ut ma̱ ani nataꞌoc ru li naxba̱nu.

Romanos 2:4

¿Ma ta̱tzꞌekta̱na lix nimal ruxta̱n li Dios? ¿Ma ta̱tzꞌekta̱na lix cuyum ut lix kꞌunil xchꞌo̱l? ¿Ma incꞌaꞌ nacaqꞌue retal nak xban lix nimal rusilal li Dios naraj nak ta̱yotꞌ a̱chꞌo̱l ta̱jal a̱cꞌaꞌux?

2 Timoteo 1:11

Li Dios quixakaban cue chi cꞌanjelac chokꞌ apóstol ut chokꞌ aj tzolol reheb li ma̱cuaꞌeb aj judío re nak tinye resil li colba-ib reheb.

Efesios 3:19

Ma̱ jokꞌe ta̱ru̱k takatau ru chi tzꞌakal lix rahom xban nak ma̱cꞌaꞌ rosoꞌjic ut kꞌaxal lokꞌ. Nintzꞌa̱ma chiru li Dios nak tixcꞌut che̱ru nak cꞌajoꞌ nequexra li Cristo, ut chinujak taxak le̱ chꞌo̱l riqꞌuin xnimajcual xcuanquil.

1 Corintios 2:9

Joꞌcaꞌin tzꞌi̱banbil saꞌ li Santil Hu chirix li kalokꞌal: Li incꞌaꞌ na-ilman ru chi moco na-abi̱c chi moco nacꞌoxla̱c xbaneb li cui̱nk, aꞌan li quixcꞌu̱b li Dios chokꞌ reheb li nequeꞌrahoc re. (Isa. 64:4; 65:17)

Romanos 12:10

Cherahak e̱rib chi ribil e̱rib chi anchal e̱chꞌo̱l xban nak e̱comon e̱rib saꞌ le̱ pa̱ba̱l. Ut che-oxlokꞌi e̱rib chi ribil e̱rib.

Hechos 5:41

Ut eb li apóstol queꞌel chiruheb chi kꞌaxal sa saꞌ xchꞌo̱leb xban nak chiruheb aꞌan lokꞌ xcꞌulbal li raylal saꞌ xcꞌabaꞌ li Jesús.

Apocalipsis 3:18

Joꞌcan nak ninye e̱re: Lokꞌomak e̱-oro cuiqꞌuin li ac numsinbil saꞌ xam ut isinbil xtzꞌajnil. Lokꞌomak le̱ saki tꞌicr cuiqꞌuin re te̱tikib e̱rib ut incꞌaꞌ te̱cꞌut e̱xuta̱n nak tꞌustꞌu̱quex. Lokꞌomak xbanol li xnakꞌ e̱ru cuiqꞌuin re nak tex-ilok.

1 Timoteo 1:15

Nakanau nak tzꞌakal ya̱l ut xcꞌulub nak takapa̱b chi anchal li kachꞌo̱l nak li Cristo Jesús quicꞌulun saꞌ ruchichꞌochꞌ chixcolbaleb laj ma̱c. Ut la̱in li kꞌaxal numtajenak inma̱c saꞌ xya̱nkeb chixjunileb nak quincuan.

Hechos 9:15

Ut li Ka̱cuaꞌ quixye re: —Ayu xban nak li cui̱nk aꞌan sicꞌbil ru inban re xyebal resil li colba-ib saꞌ incꞌabaꞌ la̱in reheb li cuanqueb saꞌ xcuanquil ut reheb ajcuiꞌ li ma̱cuaꞌeb aj judío joꞌqueb ajcuiꞌ li ralal xcꞌajol laj Israel.

Filipenses 4:19

Lin Dios, aꞌan aj e̱chal re chixjunil ut kꞌaxal nim lix lokꞌal. Tixqꞌue e̱re chixjunil li napaltoꞌ e̱re saꞌ xcꞌabaꞌ li Jesucristo.

Gálatas 2:8

Li Dios quixsicꞌ cuu chokꞌ apóstol re tincꞌanjelak saꞌ xya̱nkeb li ma̱cuaꞌeb aj judío joꞌ nak quixsicꞌ ru laj Pedro re ta̱cꞌanjelak saꞌ xya̱nkeb laj judío.

Salmos 31:19

At Ka̱cuaꞌ, kꞌaxal nim la̱ cuusilal saꞌ xbe̱neb li nequeꞌlokꞌonin a̱cue. Nacꞌutun chiruheb chixjunileb nak cha̱bilat riqꞌuineb li nequeꞌqꞌuehoc a̱lokꞌal.

Filipenses 2:3

Incꞌaꞌ te̱ba̱nu cꞌaꞌak re ru yal xban nak cuan li cꞌaꞌru te̱ra, chi moco te̱ba̱nu yal re xnimobresinquil e̱rib. Checubsihak ban e̱rib. Me̱cꞌoxla nak kꞌaxal nim e̱cuanquil chiruheb le̱ ras e̱ri̱tzꞌin.

Efesios 3:2

Ac xerabi ta na resil nak tenebanbil saꞌ inbe̱n xban li Dios xyebal e̱re nak li ruxta̱n li Dios e̱re ajcuiꞌ la̱ex li ma̱cuaꞌex aj judío.

1 Corintios 1:30

Yal xban rusilal li Dios nak junajex chic riqꞌuin li Jesucristo. Li Jesucristo quixakaba̱c xban li Dios re xqꞌuebal kanaꞌleb. Quixakaba̱c chixti̱cobresinquil li kachꞌo̱l chiru li Dios ut chikasantobresinquil. Ut saꞌ xcꞌabaꞌ li Cristo cuybil sachbil li kama̱c.

San Juan 1:16

Xban xnimal rusilal, kꞌaxal numtajenak li kosobtesinquil naxqꞌue.

1 Crónicas 17:16

Tojoꞌnak li rey David qui-oc saꞌ li muheba̱l ut quitijoc ut quixye: —At Ka̱cuaꞌ, at nimajcual Dios, ¿anihin la̱in ut aniheb li cualal incꞌajol nak xaqꞌue li usilal aꞌin ke?

Efesios 3:1

La̱in laj Pablo. Cuanquin chi pre̱xil xban nak nincꞌanjelac chiru li Cristo, ut xban nak ninye resil li colba-ib e̱re la̱ex li ma̱cuaꞌex aj judío.

San Lucas 14:22

Co̱ li mo̱s ut quixba̱nu joꞌ quiyeheꞌ re. Nak quisukꞌi chak quixye re lix patrón: —Ka̱cuaꞌ, xinba̱nu joꞌ xaye cue ut toj cuan nabal li naꞌajej, chan.