Efesios 3:5 - Li Santil hu

⁵ Junxil ma̱ ani nataꞌoc ru lix ya̱lal li mukmu nak quicuan chak. Abanan anakcuan li Santil Musikꞌej quixcꞌut lix ya̱lal chiruheb li profeta ut chiku ajcuiꞌ la̱o lix apóstol.

Q'eqchi Bible

⁵ Sa'eb' li kutan ke'numje'k chaq ink'a' kik'utb'esiik chiruheb' li tenamit jo' naq xk'utb'esiik anaqwan chiruheb' li xsantil apóstol li Yos ut eb' li propeet, xb'aan li Musiq'ej.

Efesios 3:5 ပူးပေါင်းရင်းမြစ်များ

San Judas 1:17

Ut la̱ex ex inherma̱n, tento nak ta̱cua̱nk saꞌ e̱chꞌo̱l eb li a̱tin li queꞌxye chak lix apóstol li Ka̱cuaꞌ Jesucristo.

2 Pedro 3:2

Chijulticokꞌ e̱re li ra̱tineb li santil profeta tzꞌi̱banbil chak najter kꞌe cutan. Ut chijulticokꞌ e̱re lix chakꞌrab li Ka̱cuaꞌ Jesucristo laj Colol ke, kꞌaxtesinbil e̱re kaban la̱o lix apóstol li Jesucristo.

Efesios 2:20

La̱o aj pa̱banel chanchano li rochoch li Dios. Chanchano li pec li na-oc saꞌ xbe̱n li cimiento. Ut li cimiento, aꞌaneb li apóstol ut li profeta. Abanan li tzꞌakal xakxo cuiꞌ li cab, aꞌan li Jesucristo.

Efesios 3:9

Joꞌcan nak tento tinchꞌolob yalak bar lix ya̱lal li naꞌleb li mukmu nak quicuan chak junxil. Chalen chak saꞌ xticlajic chixjunil li naꞌleb aꞌin mukmu chak xban li Dios li quiyi̱ban re chixjunil.

Hechos 10:28

Laj Pedro quixye reheb: —La̱ex nequenau nak lix chakꞌrabeb laj judío naxye nak incꞌaꞌ naru takajunaji kib riqꞌuineb li ma̱cuaꞌeb aj judío chi moco ta̱ru̱k to-oc saꞌ rochocheb. Abanan xcꞌut chicuu li Ka̱cuaꞌ Dios nak ma̱ jun li cristian tintzꞌekta̱na chi moco tinye nak incꞌaꞌ us a̱tinac riqꞌuineb.

San Lucas 10:24

La̱in tinye e̱re nak nabaleb li profeta ut nabaleb li rey queꞌraj raj rilbal li cꞌaꞌru yo̱quex chirilbal la̱ex, abanan incꞌaꞌ queꞌru rilbal. Ut queꞌraj raj rabinquil li cꞌaꞌru yo̱quex chirabinquil la̱ex, abanan incꞌaꞌ queꞌru rabinquil, chan li Jesús reheb.

San Juan 14:26

Li Santil Musikꞌej li tixtakla chak li Yucuaꞌbej chokꞌ cuu̱chil, aꞌan ta̱tenkꞌa̱nk e̱re ut aꞌan ta̱cꞌutuk che̱ru chixjunil li cꞌaꞌak re ru li incꞌaꞌ nequetau ru. Ut aꞌan tixjultica e̱re chixjunil li cꞌaꞌru xinye e̱re.

San Mateo 13:17

Relic chi ya̱l tinye e̱re nak nabaleb li profeta ut nabaleb li ti̱queb xchꞌo̱l queꞌraj rilbal li cꞌaꞌru yo̱quex chirilbal ut incꞌaꞌ queꞌril. Ut queꞌraj rabinquil li cꞌaꞌru yo̱quex chirabinquil ut incꞌaꞌ queꞌrabi.

Romanos 16:25

Chikalokꞌonihak taxak li Ka̱cuaꞌ Dios, li cuan xcuanquil re xqꞌuebal xcacuilal kachꞌo̱l saꞌ li kapa̱ba̱l. Ninchꞌolob xya̱lal che̱ru chirix li colba-ib saꞌ xcꞌabaꞌ li Jesucristo. Najter kꞌe cutan mukmu chak lix ya̱lal chiku; aban anakcuan cꞌutbesinbil chic lix ya̱lal chiku.

San Juan 16:13

Abanan nak ta̱cha̱lk li Santil Musikꞌej, aꞌan tixcꞌut che̱ru chixjunil lix ya̱lal. Incꞌaꞌ ta̱a̱tinak yal xjunes. Tixye ban e̱re chixjunil li cꞌaꞌru ta̱rabi riqꞌuin li Dios ut tixchꞌolob che̱ru li cꞌaꞌru ta̱cha̱lk mokon.

San Mateo 23:34

La̱in tintaklaheb e̱riqꞌuin li profeta ut li cuanqueb xnaꞌleb ut eb laj tzolonel. Abanan la̱ex incꞌaꞌ te̱rabi. Ut saꞌ xya̱nkeb aꞌan, cuan te̱camsiheb, cuan te̱qꞌueheb chiru cruz, ut cuan cuiꞌchic li te̱rahobtesiheb saꞌ li cab li nequechꞌutub cuiꞌ e̱rib chixtzolbal ra̱tin li Dios. Ut cuan cuiꞌchic te̱ta̱keheb saꞌ li junju̱nk chi tenamit re xchapbaleb.

San Lucas 11:49

Li Dios, aꞌan cuan xnaꞌleb. Joꞌcan nak quixye, “La̱in tintaklaheb li profeta ut eb li apóstol riqꞌuineb. Saꞌ xya̱nkeb aꞌan cuan te̱camsiheb, ut cuan ajcuiꞌ te̱ta̱keheb re xchapbaleb.”

Isaías 52:15

Abanan nabaleb li tenamit teꞌsach xchꞌo̱leb xban ut li nequeꞌtaklan saꞌ ruchichꞌochꞌ mem teꞌcana̱k nak teꞌril li ma̱ jun sut rilomeb ut nak teꞌxtau ru lix ya̱lal li ma̱ jun sut rabiomeb, chan li Dios.

1 Corintios 2:10

Aban li Dios quixcꞌutbesi chiku li naꞌleb aꞌin xban li Santil Musikꞌej. Li Santil Musikꞌej naxnau chixjunil lix naꞌleb li Dios li kꞌaxal chꞌaꞌaj xtaubal ru.

San Mateo 20:7

Queꞌchakꞌoc li cui̱nk ut queꞌxye re: —Xban nak ma̱ ani naqꞌuehoc kacꞌanjel.— Ut li patrón quixye reheb: —¿Ma incꞌaꞌ xeraj cꞌanjelac la̱ex saꞌ li cuacui̱mk? chan reheb.