Efesios 3:4 - Li Santil hu

⁴ Nak te̱ril xsaꞌ li hu li xintzꞌi̱ba e̱riqꞌuin, te̱nau nak ninnau chi tzꞌakal lix ya̱lal chirix li Cristo, li mukmu nak quicuan.

Q'eqchi Bible

⁴ Rik'in rilb'al xsa' li xintz'iib'a, teetaw xyaalal li k'aru ninnaw chirix li muqmuukil na'leb' a'an, li kitz'aqlok ru rik'in li Kriist.

Efesios 3:4 ပူးပေါင်းရင်းမြစ်များ

Colosenses 4:3

Ut nak yo̱kex chi tijoc, chextijok ajcuiꞌ chak chikix la̱o re nak tixqꞌue ke li Dios xyebal resil li colba-ib saꞌ xcꞌabaꞌ li Cristo. Li xya̱lal li colba-ib, aꞌin mukmu nak quicuan chak. La̱ex nequenau nak cuanquin chi pre̱xil xban xyebal resil li colba-ib.

1 Corintios 4:1

Joꞌcan nak chenauhak nak la̱o yal aj cꞌanjelo chiru li Cristo ut qꞌuebil saꞌ kabe̱n xchꞌolobanquil lix ya̱lal li colba-ib li quiqꞌueheꞌ ke xban li Dios. Li xya̱lal aꞌin mukmu nak quicuan chak junxil.

2 Corintios 11:6

Ma̱re incꞌaꞌ ninnau a̱tinac chi cha̱bil, abanan ninnau chi tzꞌakal lix ya̱lal li ra̱tin li Dios. Ut junelic nincꞌut che̱ru chi tzꞌakal lix ya̱lal.

1 Timoteo 3:16

Relic chi ya̱l kꞌaxal lokꞌ li katijbal li quixcꞌut chiku li Dios. Naxcꞌut chiku lix ya̱lal li kapa̱ba̱l saꞌ xcꞌabaꞌ li Jesucristo. Li xya̱lal aꞌan aꞌin: Li Cristo quitzꞌejcualoꞌ nak quicꞌulun saꞌ ruchichꞌochꞌ. Xakabanbil xcuanquil xban li Santil Musikꞌej. Qui-ileꞌ ru xbaneb li ángel. Ut aꞌan li chꞌolobanbil resil saꞌ chixjunil li ruchichꞌochꞌ. Ut nabaleb li queꞌpa̱ban re saꞌ ruchichꞌochꞌ. Ut quicꞌameꞌ saꞌ choxa riqꞌuin xnimal xlokꞌal.

Colosenses 2:2

Ut nintzꞌa̱ma ajcuiꞌ chiru li Dios nak cauhak le̱ chꞌo̱l saꞌ le̱ pa̱ba̱l. Cherahak taxak e̱rib che̱ribil e̱rib re nak junajak e̱chꞌo̱l. Lix naubal li naꞌleb aꞌin naxqꞌue xcacuilal le̱ chꞌo̱l. Chetauhak taxak ru chi tzꞌakal lix ya̱lal li mukmu nak quicuan chak. Li xya̱lal li mukmu nak quicuan chak, aꞌan nak li Cristo cuan e̱riqꞌuin.

Efesios 6:19

Ut chextijok ajcuiꞌ chicuix la̱in re nak chixqꞌue taxak cua̱tin li Dios re xyebal resil li colba-ib ut chixqꞌue taxak xcacuilal inchꞌo̱l chixyebal resil nak li colba-ib reheb ajcuiꞌ li ma̱cuaꞌeb aj judío.

Efesios 5:32

Kꞌaxal lokꞌ lix ya̱lal li naꞌleb aꞌin. Abanan la̱in ninye e̱re nak naxcꞌut ajcuiꞌ chiku nak la̱o aj pa̱banel junajo chic riqꞌuin li Cristo.

Efesios 1:9

Ut quixcꞌutbesi chiku li naꞌleb li mukmu nak quicuan chak junxil, aꞌ li qui-ala saꞌ xchꞌo̱l xba̱nunquil nak quixtakla chak li Jesucristo.

San Lucas 8:10

Quichakꞌoc li Jesús ut quixye reheb: —La̱ex qꞌuebil e̱re xnaubal xya̱lal li mukmu̱quil naꞌleb chirix lix nimajcual cuanquilal li Dios. Aꞌut li jun chꞌol chic li incꞌaꞌ nequeꞌpa̱ban, riqꞌuin jaljo̱quil ru a̱tin ta̱yema̱nk reheb. Usta yo̱queb chi iloc, abanan incꞌaꞌ teꞌxqꞌue retal. Usta yo̱queb chi abi̱nc, abanan incꞌaꞌ teꞌxtau xya̱lal.

1 Timoteo 3:9

Ma̱cꞌaꞌ ta̱chꞌiꞌchꞌiꞌi̱nk reheb saꞌ lix cꞌaꞌuxeb ut teꞌxqꞌue xcuanquil li kalokꞌlaj pa̱ba̱l li cꞌutbesinbil chiku xban li Dios.

1 Corintios 13:2

Ut cui ta qꞌuebil inma̱tan xban li Dios chixyebal li naxcꞌut chicuu, ut cui ta ninnau chixjunil li cꞌaꞌak re ru ut cui ta nintau ru lix ya̱lal, abanan cui incꞌaꞌ ninraheb li cuas cui̱tzꞌin ma̱cꞌaꞌ nin-oc cuiꞌ. Ut cui ta cuan tzꞌakal inpa̱ba̱l re nak ta̱jalekꞌ xnaꞌaj junak li tzu̱l, abanan cui incꞌaꞌ ninraheb li cuas cui̱tzꞌin, ma̱cꞌaꞌ nin-oc cuiꞌ.

San Mateo 13:11

Li Jesús quichakꞌoc ut quixye reheb: —Qꞌuebil e̱re la̱ex re nak te̱nau xya̱lal li mukmu̱quil naꞌleb chirix lix nimajcual cuanquilal li Dios. Aban eb aꞌan incꞌaꞌ qꞌuebil reheb re teꞌxnau li naꞌleb aꞌan.

Romanos 11:25

Ex herma̱n, nacuaj nak te̱nau jun li naꞌleb mukmu nak quicuan, li quicꞌutbesi̱c chak xya̱lal chicuu. Cui te̱nau aꞌin incꞌaꞌ te̱nimobresi e̱rib riqꞌuin xcꞌoxlanquil nak cuan e̱naꞌleb. Eb laj judío li incꞌaꞌ queꞌpa̱ban queꞌcacuubresi̱c lix chꞌo̱leb. Abanan eb aꞌan teꞌpa̱ba̱nk ajcuiꞌ nak talajeꞌpa̱ba̱nk lix qꞌuialeb li ma̱cuaꞌeb aj judío.

Romanos 16:25

Chikalokꞌonihak taxak li Ka̱cuaꞌ Dios, li cuan xcuanquil re xqꞌuebal xcacuilal kachꞌo̱l saꞌ li kapa̱ba̱l. Ninchꞌolob xya̱lal che̱ru chirix li colba-ib saꞌ xcꞌabaꞌ li Jesucristo. Najter kꞌe cutan mukmu chak lix ya̱lal chiku; aban anakcuan cꞌutbesinbil chic lix ya̱lal chiku.

Efesios 3:3

Li Dios, aꞌan quicꞌutuc re chicuu li naꞌleb aꞌan, li mukmu nak quicuan chak junxil. Ac xintzꞌi̱ba caꞌchꞌin resil e̱re chirix li naꞌleb aꞌin.

Efesios 3:9

Joꞌcan nak tento tinchꞌolob yalak bar lix ya̱lal li naꞌleb li mukmu nak quicuan chak junxil. Chalen chak saꞌ xticlajic chixjunil li naꞌleb aꞌin mukmu chak xban li Dios li quiyi̱ban re chixjunil.

Colosenses 1:26

Li xya̱lal aꞌan mukmu chiruheb chixjunileb nak quicuan chak junxil. Abanan anakcuan moco mukmu ta chic. Li Dios yo̱ chixcꞌutbesinquil chiruheb li nequeꞌpa̱ban re.