Efesios 3:20 - Li Santil hu

²⁰ Lokꞌoninbil taxak li Dios li kꞌaxal nim xcuanquil chixba̱nunquil nabal chiru li nakatzꞌa̱ma. Riqꞌuin xnimal xcuanquil nacꞌanjelac saꞌ li ka̱m ut kꞌaxal nim xcuanquil chixba̱nunquil nabal chiru li nakoybeni.

Q'eqchi Bible

²⁰ Li Yos li wank xwankil re xb'aanunkil chixjunil chi numtajenaq chik chiru li naqatz'aama malaj naqak'oxla, jo' chanru li xkawilal yo wi' chi k'anjelak qik'in,

Efesios 3:20 ပူးပေါင်းရင်းမြစ်များ

2 Corintios 9:8

Nim xcuanquil li Dios. Ut aꞌan tixqꞌue e̱re chixjunil re nak junelic ta̱tzꞌaklok e̱re li cꞌaꞌak re ru nacꞌanjelac e̱re ut re ajcuiꞌ nak ta̱ru̱k textenkꞌa̱nk riqꞌuin chixjunil li cha̱bil cꞌanjel.

Romanos 4:21

Laj Abraham quixpa̱b chi anchal xchꞌo̱l nak li Dios kꞌaxal nim xcuanquil ut tixqꞌue li cꞌaꞌru naxyechiꞌi.

Jeremías 32:27

—Abi li cꞌaꞌru tinye a̱cue. La̱in li Ka̱cuaꞌ lix Dioseb chixjunileb li cuanqueb saꞌ ruchichꞌochꞌ. Ut chicuu la̱in ma̱cꞌaꞌ chꞌaꞌaj xba̱nunquil.

San Judas 1:24

Ut anakcuan lokꞌoninbil taxak li nimajcual Dios. Aꞌan kꞌaxal nim xcuanquil che̱colbal re nak incꞌaꞌ texma̱cobk. Nim ajcuiꞌ xcuanquil che̱kꞌaxtesinquil saꞌ xnimal xlokꞌal li Dios chi ma̱cꞌaꞌak e̱ma̱c ut chi sa saꞌ e̱chꞌo̱l.

1 Corintios 2:9

Joꞌcaꞌin tzꞌi̱banbil saꞌ li Santil Hu chirix li kalokꞌal: Li incꞌaꞌ na-ilman ru chi moco na-abi̱c chi moco nacꞌoxla̱c xbaneb li cui̱nk, aꞌan li quixcꞌu̱b li Dios chokꞌ reheb li nequeꞌrahoc re. (Isa. 64:4; 65:17)

Efesios 1:19

Ut nintzꞌa̱ma ajcuiꞌ chiru li Dios nak tixqꞌue e̱naꞌleb re nak te̱nau nak kꞌaxal nim lix cuanquil saꞌ kabe̱n la̱o li nocopa̱ban re.

Jeremías 32:17

—At Ka̱cuaꞌ, at nimajcual Dios, kꞌaxal nim la̱ cuanquil. La̱at catyi̱ban re li choxa ut li ruchichꞌochꞌ riqꞌuin xnimal a̱cuanquil. Ma̱cꞌaꞌ chꞌaꞌaj cha̱cuu la̱at.

Hebreos 7:25

Li Jesucristo aꞌan tzꞌakal ta̱colok reheb chixjunileb li nequeꞌpa̱ban re li Dios saꞌ xcꞌabaꞌ aꞌan. Li Jesucristo yoꞌyo chi junelic ut naa̱tinac chirixeb chiru li Dios.

Efesios 3:7

Yal rusilal li Dios nak quixqꞌue saꞌ inbe̱n xyebal resil li colba-ib ut quixqꞌue incuanquil re tinba̱nu lix cꞌanjel.

Romanos 16:25

Chikalokꞌonihak taxak li Ka̱cuaꞌ Dios, li cuan xcuanquil re xqꞌuebal xcacuilal kachꞌo̱l saꞌ li kapa̱ba̱l. Ninchꞌolob xya̱lal che̱ru chirix li colba-ib saꞌ xcꞌabaꞌ li Jesucristo. Najter kꞌe cutan mukmu chak lix ya̱lal chiku; aban anakcuan cꞌutbesinbil chic lix ya̱lal chiku.

1 Reyes 3:13

Tinqꞌue a̱lokꞌal ut tinqꞌue a̱biomal usta incꞌaꞌ xatzꞌa̱ma chicuu. Ma̱ jun chic rey ta̱cua̱nk joꞌ la̱at joꞌ najtil yoꞌyo̱kat saꞌ ruchichꞌochꞌ.

Génesis 17:1

Nak ac bele̱laju roꞌcꞌa̱l (99) chihab cuan re laj Abram, li Ka̱cuaꞌ Dios quixcꞌutbesi rib chiru ut quixye re: —La̱in li Ka̱cuaꞌ Dios li kꞌaxal nim incuanquil. Chatcua̱nk saꞌ xya̱lal chicuu ut ti̱cak a̱chꞌo̱l.

Daniel 3:17

Li kaDios li nakalokꞌoni naru toxcol chiru li xam li kꞌaxal tik ut naru ajcuiꞌ nocoxcol saꞌ a̱cuukꞌ la̱at.

Colosenses 1:29

Joꞌcan nak ninyal inkꞌe chi cꞌanjelac chi anchal inchꞌo̱l ut li Cristo naqꞌuehoc incacuilal chixba̱nunquil lin cꞌanjel chiru li Dios.

2 Crónicas 25:9

Laj Amasías quixye re: —¿Cꞌaꞌru ta̱cana̱k cuiꞌ li oxlaju xca̱cꞌa̱l quintal li plata li xinqꞌue reheb li soldado aꞌin? chan. Ut li profeta quixye re: —Li Dios naru tixqꞌue a̱cue nabal chic chiru aꞌan, chan.

San Juan 10:10

Laj e̱lkꞌ nachal chi elkꞌac ut chi camsi̱nc ut chi sachoc. La̱in xinchal re nak ta̱cua̱nk e̱yuꞌam chi tzꞌakal. Ta̱cua̱nk e̱yuꞌam chi junelic.

Éxodo 34:6

Li Dios quinumeꞌ chiru laj Moisés ut quixye re: —La̱in li Ka̱cuaꞌ Dios. La̱in li nimajcual Dios. La̱in li nintokꞌoban u ut la̱in ajcuiꞌ nin-uxta̱nan u. La̱in incꞌaꞌ ninjoskꞌoꞌ chi junpa̱t. Numtajenak lin rahom. Ma̱ jaruj ninpaltoꞌ. Cuanquin chi junelic.

Santiago 4:12

Jun ajcuiꞌ li quiqꞌuehoc re li chakꞌrab ut caꞌaj cuiꞌ aꞌan naru narakoc a̱tin. Aꞌan li nacoloc ut aꞌan ajcuiꞌ li nasachoc. Joꞌcan nak la̱at incꞌaꞌ naru nacatrakoc a̱tin saꞌ xbe̱n la̱ cuas a̱cui̱tzꞌin.

1 Timoteo 1:14

Ut li Ka̱cuaꞌ Jesucristo numtajenak cuiꞌchic li cuosobtesinquil quixqꞌue. Quixqꞌue inpa̱ba̱l ut quixqꞌue cue li rahoc li nakatau nak junajo chic riqꞌuin li Cristo.

Daniel 6:20

Nak yo̱ chi nachꞌoc aran, chi ra saꞌ xchꞌo̱l, li rey quixbok laj Daniel ut quixye re: —At Daniel, la̱at aj cꞌanjel chiru li yoꞌyo̱quil Dios. ¿Ma xatxcol la̱ Dios li junelic nacacꞌanjela ru? ¿Ma xatxcol chiruheb li cakcoj? chan re.

Hebreos 11:19

Cui ta quicam laj Isaac, laj Abraham ac naxnau nak nim xcuanquil li Dios re xcuaclesinquil cuiꞌchic chi yoꞌyo saꞌ xya̱nkeb li camenak. Naru xyebal nak chanchan aꞌan quixba̱nu li Dios xban nak laj Abraham quixkꞌaxtesi li ralal re ca̱mc. Aban quikꞌaxtesi̱c cuiꞌchic re chi yoꞌyo xban li Dios.

Isaías 55:7

Ut eb li incꞌaꞌ useb xnaꞌleb cheꞌxcanabak xba̱nunquil li ma̱usilal. Cheꞌxjal lix cꞌaꞌuxeb ut cheꞌcha̱lk riqꞌuin li Ka̱cuaꞌ ut ta̱uxta̱na̱k ruheb xban. Cheꞌcha̱lk riqꞌuin li kaDios li kꞌaxal nim xcuyum chixcuybal li ma̱c.

2 Pedro 1:11

Ut naru chic tex-oc chokꞌ ralal xcꞌajol li Dios. Ut tex-oc ajcuiꞌ saꞌ lix nimajcual xcuanquilal li Ka̱cuaꞌ Jesucristo laj Colol ke.

Isaías 35:2

Li chaki chꞌochꞌ ta̱bicha̱nk xban xsahil xchꞌo̱l. Cꞌajoꞌak xchꞌinaꞌusal. Chanchanak li tzu̱l li cuanqueb Líbano ut kꞌaxal cha̱bilak chic li chꞌochꞌ. Chanchanak li chꞌochꞌ li cuan Carmelo ut chanchanak li chꞌochꞌ li cuan Sarón. Ut chixjunileb teꞌril li quilajxba̱nu li Dios ut teꞌxqꞌue retal lix lokꞌal ut lix cuanquilal.

San Mateo 3:9

Me̱cꞌoxla nak incꞌaꞌ te̱cꞌul xjoskꞌil li Dios yal xban nak la̱ex ralal xcꞌajol laj Abraham. La̱in tinye e̱re nak li Dios ta̱ru̱k tixyoꞌobtesi li pec aꞌin chokꞌ ralal xcꞌajol laj Abraham.

2 Samuel 7:19

At Ka̱cuaꞌ Dios, cha̱cuu la̱at toj ma̱jiꞌ tzꞌakal li xaye xban nak xaye ajcuiꞌ nak junelic xakxo̱k xcuanquileb li cualal incꞌajol li teꞌcua̱nk mokon. Ma̱ jun cui̱nk naba̱nun re li nacaba̱nu la̱at, at Ka̱cuaꞌ, at nimajcual Dios.

Cantares 5:1

At xsum cua̱m, la̱in nacatinra. La̱in xin-oc saꞌ lix naꞌaj li cuacui̱mk. Yo̱quin chixsicꞌbal li mirra ut li sununquil ban. Yo̱quin chixloubal li xyaꞌal cab ut yo̱quin chirucꞌbal li vino ut li leche. Cuaꞌinkex, ex kas ki̱tzꞌin, ut ucꞌankex, la̱ex li nequexkara. Tzacahomak li joꞌ qꞌuial te̱raj.

Génesis 18:4

Tintakla xcꞌambal caꞌchꞌinak li haꞌ re te̱chꞌaj le̱ rok. Chexhila̱nk rubel xmu li cheꞌ.

2 Crónicas 9:12

Li rey Salomón quixsi re li reina re Sabá li joꞌ qꞌuial li quiraj. Ut quixqꞌue ajcuiꞌ re chixjunil li joꞌ qꞌuial quixpatzꞌ re. Kꞌaxal cuiꞌchic nabal li quixcꞌam li reina chiru li quixsi re laj Salomón. Chirix aꞌan li reina quisukꞌi saꞌ lix tenamit rochbeneb lix mo̱s.