Efesios 3:19 - Li Santil hu

¹⁹ Ma̱ jokꞌe ta̱ru̱k takatau ru chi tzꞌakal lix rahom xban nak ma̱cꞌaꞌ rosoꞌjic ut kꞌaxal lokꞌ. Nintzꞌa̱ma chiru li Dios nak tixcꞌut che̱ru nak cꞌajoꞌ nequexra li Cristo, ut chinujak taxak le̱ chꞌo̱l riqꞌuin xnimajcual xcuanquil.

Q'eqchi Bible

¹⁹ Nintz'aama chiru li Yuwa'b'ej naq teenaw li xrahom li Kriist li naxq'ax ru chixjunil li qak'a'uxl, re naq nujenaqaqex rik'in chixjunil li xchaab'ilal li Yos toj taatz'aqloq ru li Kriist eerik'in.

Efesios 3:19 ပူးပေါင်းရင်းမြစ်များ

Efesios 1:23

Li Cristo aꞌan li najolomin ke la̱o aj pa̱banel. Ut la̱o chanchano li rok rukꞌ nak cuanco. Junak li tzꞌejcualej moco tzꞌakal ta re ru cui ma̱cꞌaꞌ lix jolom. Joꞌcan ajcuiꞌ junak li jolomej, cui ma̱cꞌaꞌ li rok rukꞌ incꞌaꞌ tzꞌakal re ru. Joꞌcan nak tento nak li Cristo ta̱jolomi̱nk ke la̱o aj pa̱banel ut la̱o cua̱nko joꞌ li rok rukꞌ li Cristo.

Colosenses 1:10

Nocotijoc che̱rix re nak ti̱cak le̱ yuꞌam xban nak rehex chic li Ka̱cuaꞌ ut sahak saꞌ xchꞌo̱l li Dios e̱riqꞌuin. Junelic cheba̱nuhak li us ut chetauhak ru chi tzꞌakal lix lokꞌal li Dios.

2 Corintios 5:14

Xban nak kꞌaxal nocoxra li Cristo, joꞌcan nak nakaqꞌue kachꞌo̱l chi cꞌanjelac chiru. Nakanau chi tzꞌakal nak li Cristo quicam saꞌ kacꞌabaꞌ la̱o chikajunilo. Ut xban nak quicam aꞌan, chikajunilo camenako chic chiru li ma̱c.

San Juan 1:16

Xban xnimal rusilal, kꞌaxal numtajenak li kosobtesinquil naxqꞌue.

Filipenses 4:7

Ut li Dios ta̱qꞌuehok e̱re li tuktu̱quil usilal. Aꞌan kꞌaxal lokꞌ chiru chixjunil li cꞌaꞌru nakacꞌoxla la̱o. Ut li tuktu̱quil usilal li naxqꞌue li Dios tixcꞌojob le̱ chꞌo̱l ut tixtukub le̱ cꞌaꞌux xban nak junajex chic riqꞌuin li Cristo.

Gálatas 2:20

Li Jesucristo quicam chiru li cruz ut chanchan nak quinqꞌueheꞌ ajcuiꞌ la̱in cuochben. Ma̱cuaꞌ chic la̱in li yoꞌyo̱quin. Aꞌ chic li Cristo cuan cuiqꞌuin. Ut acꞌ chic lin yuꞌam xban nak xinpa̱b li Jesucristo li Ralal li Dios li quirahoc cue ut quixkꞌaxtesi rib chi ca̱mc saꞌ incꞌabaꞌ.

Efesios 5:2

Cherahak e̱rib chi ribil e̱rib joꞌ nak coxra la̱o li Cristo ut quixmayeja rib chiru li cruz re kacolbal. Ut li Dios quisahoꞌ xchꞌo̱l riqꞌuin xban nak chanchan li sununquil ban chiru.

Efesios 3:18

Nintzꞌa̱ma chiru li Dios nak chetauhak taxak ru, joꞌ ajcuiꞌ chixjunileb laj pa̱banel, nak kꞌaxal nim li kara̱bal xban li Cristo. Numtajenak lix rahom li Cristo. Ma̱cꞌaꞌ xbisbal ut ma̱ ani ta̱taꞌok ru lix lokꞌal lix rahom li Cristo.

2 Pedro 3:18

Aꞌ taxak li rusilal li Ka̱cuaꞌ chicꞌutu̱nk saꞌ le̱ yuꞌam ut chesicꞌ chanru nak te̱nau lix ya̱lal li Ka̱cuaꞌ Jesucristo laj Colol ke. Aꞌ taxak li Ka̱cuaꞌ Jesucristo chilokꞌoni̱k anakcuan ut chi junelic toj saꞌ rosoꞌjiqueb li cutan. Joꞌcan taxak.

San Juan 17:3

Li junelic yuꞌam, aꞌan nak teꞌxnau a̱cuu la̱at li junajat chi tzꞌakal Dios ut teꞌxnau ajcuiꞌ cuu la̱in li Jesucristo li quina̱takla chak.

San Mateo 5:6

Us xak reheb li teꞌraj ru xba̱nunquil li ti̱quilal. Chanchan li teꞌtzꞌoca̱k ut teꞌchakik re. Us xak reheb xban nak li Dios ta̱tenkꞌa̱nk reheb chixba̱nunquil li us.

Efesios 5:25

Joꞌcan ajcuiꞌ la̱ex be̱lomej, cherahak le̱ rixakil joꞌ nak li Cristo quixraheb laj pa̱banel nak quixkꞌaxtesi rib chi ca̱mc re xcolbaleb.

Salmos 43:4

Nak tincuulak saꞌ la̱ artal, at inDios, aran tatinlokꞌoni. At inDios, la̱at nacatqꞌuehoc xsahil inchꞌo̱l. Tinbicha̱nk riqꞌuin li arpa re xqꞌuebal a̱lokꞌal, at inDios.

Filipenses 1:7

Xban nak nequeqꞌue e̱chꞌo̱l chi cꞌanjelac chiru li Cristo, joꞌcan nak junelic nequexincꞌoxla ut kꞌaxal sa saꞌ inchꞌo̱l e̱riqꞌuin. La̱ex xextzꞌakon cuochben riqꞌuin li usilal li naxqꞌue li Cristo. Xextzꞌakon ajcuiꞌ cuiqꞌuin riqꞌuin rahil chꞌo̱lej nak cuanquin chi pre̱xil ut xextzꞌakon ajcuiꞌ cuiqꞌuin nak yo̱quin chixchꞌolobanquil xya̱lal li colba-ib reheb li cuanqueb xcuanquil re nak teꞌxnau nak tzꞌakal ya̱l li cꞌaꞌru yo̱co chixchꞌolobanquil.

Salmos 17:15

Aban la̱in xban nak ti̱c inchꞌo̱l, tincuil a̱cuu chi tzꞌakal. Ut ta̱sahokꞌ inchꞌo̱l chi cua̱nc a̱cuiqꞌuin saꞌ choxa.

Romanos 8:35

¿Cꞌaꞌru ta̱ru̱k ta̱isi̱nk ke riqꞌuin li Cristo li narahoc ke? Ma̱cꞌaꞌ. Li ra xi̱cꞌ incꞌaꞌ naru torisi, chi moco li raylal, chi moco li chꞌaꞌajquilal, chi moco li xi̱cꞌ ilecꞌ, chi moco li cueꞌej, chi moco li cua̱nc saꞌ nebaꞌil, chi moco li camsi̱c. Ma̱cꞌaꞌ naru ta̱isi̱nk ke riqꞌuin li Cristo li narahoc ke.

Romanos 8:39

Li cꞌaꞌak re ru cuan takecꞌ, chi moco li cꞌaꞌak re ru cuan takꞌa saꞌ ruchichꞌochꞌ incꞌaꞌ naru torisi riqꞌuin lix rahom li Dios. Chi ya̱l, ma̱cꞌaꞌ naru ta̱isi̱nk ke riqꞌuin lix rahom li Dios. Quixcꞌut chiku nak nocoxra nak quixqꞌue li Jesucristo chi ca̱mc re kacolbal.

1 Pedro 1:8

Nequera li Cristo usta incꞌaꞌ nequeril ru. Nequepa̱b li Cristo, usta incꞌaꞌ e̱rilom ru. Kꞌaxal cuiꞌchic numtajenak xsahil saꞌ e̱chꞌo̱l chixpa̱banquil. Ut incꞌaꞌ nequetau junak a̱tin re xchꞌolobanquil lix sahil e̱chꞌo̱l xban nak kꞌaxal lokꞌ.