Efesios 3:12 - Li Santil hu

¹² Xban nak ac xkapa̱b li Cristo, junajo chic riqꞌuin. Joꞌcan nak nakanau chi tzꞌakal nak naru chic tocua̱nk chi sum a̱tin riqꞌuin li Dios.

Q'eqchi Bible

¹² Qochb'een li Kriist ut rik'in xpaab'ankil A'an kaw qach'ool chi ok rik'in li Yos chi maak'a' qaxiw.

Efesios 3:12 ပူးပေါင်းရင်းမြစ်များ

Efesios 2:18

Anakcuan chikajunilo, usta la̱o aj judío usta ma̱cuaꞌo aj judío, naru nococuan chi sum a̱tin riqꞌuin li Yucuaꞌbej Dios saꞌ xcꞌabaꞌ li Cristo. Ut li junaj chi Santil Musikꞌej natenkꞌan ke.

Romanos 5:2

Xban nak nakapa̱b li Jesucristo nakacꞌul lix nimal rusilal li Dios. Joꞌcan nak cau kachꞌo̱l saꞌ li kapa̱ba̱l. Ut nasahoꞌ kachꞌo̱l xban nak nakanau nak totzꞌako̱nk ajcuiꞌ saꞌ lix nimal xlokꞌal li Dios.

San Juan 14:6

Li Jesús quixye re: —La̱in aj cꞌamol be che̱ru. La̱in ninchꞌolob lix ya̱lal li Dios ut la̱in ninqꞌuehoc junelic yuꞌam. Ma̱ ani ta̱ru̱k ta̱oc riqꞌuin lin Yucuaꞌ cui incꞌaꞌ tinixpa̱b la̱in.

2 Corintios 3:4

Naru nakaye aꞌin xban nak cau kachꞌo̱l riqꞌuin li Dios saꞌ xcꞌabaꞌ li Jesucristo.

Romanos 3:22

Ta̱ti̱cobresi̱k ban li kachꞌo̱l chiru li Dios riqꞌuin xpa̱banquil li Ka̱cuaꞌ Jesucristo. Chixjunileb li teꞌpa̱ba̱nk re, li Dios tixti̱cobresi lix chꞌo̱leb. Moco jalan ta li junju̱nk chiru li Dios.

Hebreos 3:6

Aban li Ka̱cuaꞌ Jesucristo, aꞌan tzꞌakal Ralal li Dios ut cuan xcuanquil chi takla̱nc saꞌ xbe̱neb li ralal xcꞌajol li Dios. La̱o li ralal xcꞌajol li Dios cui caꞌaj cuiꞌ riqꞌuin li Dios nocoyoꞌonin ut cauhak kachꞌo̱l saꞌ li kapa̱ba̱l toj saꞌ rosoꞌjic li cutan.

Hebreos 10:35

Joꞌcan nak cauhak taxak e̱chꞌo̱l saꞌ le̱ pa̱ba̱l ut riqꞌuin aꞌan cuan e̱kꞌajca̱munquil.

1 Pedro 3:18

Li Cristo quixcꞌul ajcuiꞌ li raylal chi ma̱cꞌaꞌ xma̱c. Aꞌan ti̱c xchꞌo̱l abanan quicamsi̱c re xtojbal rix lix ma̱queb li incꞌaꞌ useb xnaꞌleb. Jun sut ajcuiꞌ quicam ut riqꞌuin aꞌan quitzꞌakloc ru. Ut xban xcamic li Jesucristo, naru toxcol li Dios. Ya̱l nak queꞌxcamsi li Cristo. Abanan incꞌaꞌ quicam lix musikꞌ.

1 Juan 2:28

Ut anakcuan, ex herma̱n, ninye cuiꞌchic e̱re nak chexcua̱nk chi sum a̱tin riqꞌuin li Jesucristo re nak ma̱cꞌaꞌak le̱ xiu nak tol-e̱lk cuiꞌchic li Ka̱cuaꞌ Jesucristo. Sahak ban saꞌ kachꞌo̱l chixcꞌulbal chi ma̱cꞌaꞌak kaxuta̱n.

1 Juan 3:21

Cui incꞌaꞌ nakecꞌa saꞌ kachꞌo̱l nak incꞌaꞌ us yo̱co, incꞌaꞌ nocoxucuac chiru li Dios.