Efesios 3:1 - Li Santil hu

¹ La̱in laj Pablo. Cuanquin chi pre̱xil xban nak nincꞌanjelac chiru li Cristo, ut xban nak ninye resil li colba-ib e̱re la̱ex li ma̱cuaꞌex aj judío.

Q'eqchi Bible

¹ Jo'kan naq laa'in laj Pablo wankin chi preexil sa' xk'ab'a' li Kriist xb'aan eeraab'al laa'ex li maawa'ex aj Judiiy.

Efesios 3:1 ပူးပေါင်းရင်းမြစ်များ

Colosenses 1:24

La̱in nasahoꞌ saꞌ inchꞌo̱l nak yo̱quin chixcꞌulbal li raylal saꞌ e̱cꞌabaꞌ. Li Cristo quixye nak teꞌxcꞌul li raylal li ralal xcꞌajol. Joꞌcan nak nasahoꞌ saꞌ inchꞌo̱l nak yo̱quin chi tzꞌako̱nc riqꞌuin li raylal joꞌ quixcꞌul li Cristo saꞌ xcꞌabaꞌeb chixjunileb li nequeꞌpa̱ban re.

Efesios 4:1

La̱in cuanquin chi pre̱xil xban xyebal resil li Ka̱cuaꞌ Jesucristo. La̱in xintijoc che̱rix ut anakcuan nintzꞌa̱ma che̱ru nak cha̱bilak le̱ yuꞌam joꞌ xcꞌulubeb li ralal xcꞌajol li Dios.

2 Timoteo 1:8

Joꞌcan ut nak matxuta̱nac chixchꞌolobanquil resil li Ka̱cuaꞌ Jesucristo chi moco tatxuta̱na̱k inban la̱in xban nak cuanquin chi pre̱xil xban xyebal resil li Ka̱cuaꞌ. Chaqꞌue ban a̱cuib chi tzꞌako̱nc riqꞌuin li raylal nacꞌulman saꞌ xcꞌabaꞌ li evangelio. Ut li Dios ta̱qꞌuehok a̱cuanquil chixcuybal.

Efesios 6:20

Taklanbilin xban li Dios chixyebal li resilal aꞌan. Ut xban xyebal resil li colba-ib nak cuanquin chi pre̱xil anakcuan. Chextijok chicuix re nak tinchꞌolob xya̱lal li colba-ib chi cau inchꞌo̱l joꞌ qꞌuebil cue xba̱nunquil xban li Dios.

Filemón 1:9

Abanan incꞌaꞌ tinmin a̱cuu chixba̱nunquil. Tintzꞌa̱ma ban li usilal cha̱cuu xban nak nakara kib. La̱in ac xinti̱x ut cuanquin chi pre̱xil saꞌ xcꞌabaꞌ li Cristo.

Filipenses 1:7

Xban nak nequeqꞌue e̱chꞌo̱l chi cꞌanjelac chiru li Cristo, joꞌcan nak junelic nequexincꞌoxla ut kꞌaxal sa saꞌ inchꞌo̱l e̱riqꞌuin. La̱ex xextzꞌakon cuochben riqꞌuin li usilal li naxqꞌue li Cristo. Xextzꞌakon ajcuiꞌ cuiqꞌuin riqꞌuin rahil chꞌo̱lej nak cuanquin chi pre̱xil ut xextzꞌakon ajcuiꞌ cuiqꞌuin nak yo̱quin chixchꞌolobanquil xya̱lal li colba-ib reheb li cuanqueb xcuanquil re nak teꞌxnau nak tzꞌakal ya̱l li cꞌaꞌru yo̱co chixchꞌolobanquil.

Filemón 1:1

La̱in laj Pablo. Cuanquin chi pre̱xil saꞌ xcꞌabaꞌ li Jesucristo. Cuochben li kaherma̱n Timoteo yo̱quin chixtzꞌi̱banquil li hu aꞌin, at Filemón. La̱at kech aj cꞌanjelil chiru li Cristo ut raro̱cat kaban.

Hechos 23:18

Ut li capitán quixcꞌam li al riqꞌuin li coronel ut quixye: —Laj Pablo li pre̱x xinixbok ut xtzꞌa̱ma chicuu nak tincꞌam chak a̱cuiqꞌuin li al aꞌin. Cuan cꞌaꞌru tixye a̱cue, chan.

San Lucas 21:12

Abanan nak toj ma̱jiꞌ nacꞌulman chixjunil li cꞌaꞌak re ru aꞌin, texchapekꞌ ut texrahobtesi̱k. Texcꞌamekꞌ saꞌ li cab li nequeꞌxchꞌutub cuiꞌ ribeb laj judío ut texcꞌamekꞌ saꞌ tzꞌalam. Texcꞌamekꞌ chiruheb li rey ut eb laj rakol a̱tin saꞌ incꞌabaꞌ la̱in.

Filemón 1:23

Laj Epafras cuochben chi pre̱xil saꞌ xcꞌabaꞌ li Jesucristo. Aꞌan naxtakla ajcuiꞌ xsahil a̱chꞌo̱l.

Hechos 26:29

Ut laj Pablo quixye: —Xqꞌue taxak a̱cue li Dios nak tatpa̱ba̱nk la̱at joꞌ eb ajcuiꞌ chixjunileb li yo̱queb chi abi̱nc cue anakcuan. Usta chꞌaꞌaj che̱ru, usta incꞌaꞌ, texpa̱ba̱nk taxak joꞌ nak xinpa̱ban la̱in, abanan incꞌaꞌ raj texbaqꞌuekꞌ riqꞌuin cadena, joꞌ nak bacꞌbo̱quin la̱in, chan.

2 Timoteo 1:16

Caꞌaj chic laj Onesíforo qꞌuila sut colinril saꞌ tzꞌalam ut quixcꞌojob inchꞌo̱l ut incꞌaꞌ quixuta̱nac xban nak bacꞌbo̱quin chi cadena. Aꞌ taxak li Ka̱cuaꞌ Dios chi-osobtesi̱nk re li jun cabal aꞌan.

Colosenses 4:18

La̱in laj Pablo. Riqꞌuin cuukꞌ yo̱quin chixtzꞌi̱banquil li cuib oxib chi a̱tin aꞌin re xqꞌuebal xsahil saꞌ e̱chꞌo̱l. Nintzꞌa̱ma che̱ru nak misach saꞌ e̱chꞌo̱l nak cuanquin chi pre̱xil. Aꞌ taxak li Ka̱cuaꞌ Dios chi-osobtesi̱nk e̱re. Joꞌcan taxak.

Colosenses 4:3

Ut nak yo̱kex chi tijoc, chextijok ajcuiꞌ chak chikix la̱o re nak tixqꞌue ke li Dios xyebal resil li colba-ib saꞌ xcꞌabaꞌ li Cristo. Li xya̱lal li colba-ib, aꞌin mukmu nak quicuan chak. La̱ex nequenau nak cuanquin chi pre̱xil xban xyebal resil li colba-ib.

2 Corintios 11:23

Tinnimobresi caꞌchꞌinak cuib anakcuan ut tina̱tinak joꞌ nequeꞌxba̱nu li ma̱cꞌaꞌeb xnaꞌleb. Nequeꞌxye nak aj cꞌanjeleb chiru li Cristo. ¿Ma aꞌaneb ta biꞌ li kꞌaxal aj cꞌanjel chiru li Cristo chicuu la̱in? Incꞌaꞌ, xban nak la̱in tzꞌakalin x-apóstol li Jesucristo. Nabal li raylal nincꞌul saꞌ xcꞌabaꞌ li Cristo. Nintacuasi cuib chi cꞌanjelac. Nabal sut xinqꞌueheꞌ saꞌ tzꞌalam. Nabal sut xinsaqꞌueꞌ ut cuanqueb li nequeꞌraj incamsinquil.

2 Corintios 10:1

Anakcuan cuan cꞌaꞌak re ru nacuaj xyebal e̱re chirixeb li nequeꞌa̱tinac chicuix. Cuan li nequeꞌyehoc chi joꞌcaꞌin: Laj Pablo tu̱lan nak cuan e̱riqꞌuin; abanan nak ma̱ ani saꞌ e̱ya̱nk jalan chic lix naꞌleb ut nak natzꞌi̱bac chak e̱riqꞌuin, kꞌaxal cau naa̱tinac, chanqueb chicuix. Ut la̱in nintzꞌa̱ma che̱ru nak chexcꞌoxlak bayak chirix li Jesucristo. Aꞌan tu̱lan ut kꞌun xchꞌo̱l.

Hechos 21:33

Ut li coronel quixchap laj Pablo. Quixtakla xbacꞌbal riqꞌuin cuib chi cadena. Ut quixpatzꞌ ani aꞌan ut cꞌaꞌru xma̱c.

Apocalipsis 2:10

Mexxucuac xban li raylal li ta̱cha̱lk saꞌ e̱be̱n. Cuanqueb saꞌ e̱ya̱nk li teꞌqꞌuehekꞌ saꞌ tzꞌalam xbaneb laj cꞌanjel chiru laj tza re xyalbal rix le̱ pa̱ba̱l. Te̱cꞌul raylal, abanan incꞌaꞌ najt te̱cꞌul. Michꞌinan e̱chꞌo̱l. Cauhak ban e̱chꞌo̱l toj chirix le̱ camic ut la̱in tinqꞌue e̱re le̱ kꞌajca̱munquil. Chanchan nak tinqꞌue le̱ corona nak tinqꞌue le̱ yuꞌam chi junelic.

Efesios 3:13

Joꞌcan nak nintzꞌa̱ma che̱ru nak incꞌaꞌ ta̱chꞌina̱nk e̱chꞌo̱l xban nak yo̱quin chixcꞌulbal li raylal xban xyebal e̱re xya̱lal li colba-ib. Chisahokꞌ ban e̱chꞌo̱l xban nak re e̱tenkꞌanquil xincꞌul li raylal.

Gálatas 5:11

Cui ta toj yo̱quin chixjulticanquil nak tento xcꞌulbal li circuncisión incꞌaꞌ raj chic tineꞌxrahobtesi. Cui ta toj yo̱quin chixba̱nunquil aꞌan, yo̱quin raj risinquil xcuanquil xcamic li Cristo chiru li cruz ut incꞌaꞌ raj chic teꞌjoskꞌokꞌ saꞌ inbe̱n.

Gálatas 5:2

La̱in laj Pablo. Qꞌuehomak retal li yo̱quin chixyebal e̱re. Cui toj nequecꞌul li circuncisión re nak ta̱ti̱cobresi̱k e̱chꞌo̱l, aꞌan naraj naxye nak ma̱cꞌaꞌ na-oc cuiꞌ che̱ru li Cristo.

Hechos 9:15

Ut li Ka̱cuaꞌ quixye re: —Ayu xban nak li cui̱nk aꞌan sicꞌbil ru inban re xyebal resil li colba-ib saꞌ incꞌabaꞌ la̱in reheb li cuanqueb saꞌ xcuanquil ut reheb ajcuiꞌ li ma̱cuaꞌeb aj judío joꞌqueb ajcuiꞌ li ralal xcꞌajol laj Israel.

2 Corintios 1:6

La̱o nocorahobtesi̱c re nak la̱ex texcolekꞌ ut ta̱cꞌojoba̱k e̱chꞌo̱l. Naxcꞌojob kachꞌo̱l li Dios re nak la̱o takacꞌojob e̱chꞌo̱l la̱ex nak yo̱quex chixcuybal xnumsinquil li raylal joꞌ li nakacuy la̱o.

Gálatas 5:24

Li ani re chic li Jesucristo, chanchan nak quiqꞌueheꞌ chiru cruz lix najter naꞌleb xban nak ac xcanab xba̱nunquil chi junaj cua li najter naꞌleb li quixrahi ru xba̱nunquil junxil.

Efesios 3:8

La̱in li kꞌaxal cubenak incuanquil saꞌ xya̱nkeb chixjunileb li ralal xcꞌajol li Dios. Abanan yal xban lix nimal ruxta̱n li Dios quixqꞌue cue li cꞌanjel aꞌin re xchꞌolobanquil che̱ru lix ya̱lal chirix lix nimal ruxta̱n li Cristo ut li lokꞌlaj colba-ib saꞌ xcꞌabaꞌ aꞌan.

Efesios 3:11

Ac cꞌu̱banbil chak junxil chi joꞌcaꞌin xban li Dios nak li Ka̱cuaꞌ Jesucristo tixjunajiheb ru li ralal xcꞌajol.