Efesios 2:8 - Li Santil hu

⁸ Ya̱l nak xepa̱b li Jesucristo ut colbilex chic. Abanan yal xban rusilal li Dios nak colbilex. Ma̱cuaꞌ xban e̱yehom e̱ba̱nuhom. Yal e̱ma̱tan ban xban li Dios.

Q'eqchi Bible

⁸ Chek'e reetal, kolb'ilex xb'aan li rusilal li Yos, sa' xk'ab'a' li paab'aal; ut a'in moko eena'leb' ta laa'ex, yal eemaatan xb'aan li Yos.

Efesios 2:8 ပူးပေါင်းရင်းမြစ်များ

Efesios 2:5

Nak toj camenako chak saꞌ li kama̱c, riqꞌuin lix cuaclijic cuiꞌchic chi yoꞌyo li Cristo, li Dios quixqꞌue ke jun acꞌ yuꞌam. Yal xban rusilal li Dios nak colbilo.

Romanos 4:16

Xban nak cuan xpa̱ba̱l laj Abraham, li Dios quixyechiꞌi li ma̱tan re xban xnimal rusilal. Ut quixyechiꞌi ajcuiꞌ reheb chixjunileb li ralal xcꞌajol. Li yechiꞌinbil ma̱cuaꞌ caꞌaj cuiꞌ reheb li cuanqueb rubel xcuanquil li chakꞌrab. Reheb aj ban cuiꞌ chixjunileb li nequeꞌpa̱ban joꞌ nak quipa̱ban laj Abraham. Joꞌcan nak nayeman nak laj Abraham aꞌan li kayucuaꞌ chikajunilo xban nak aꞌan laj cꞌamol be chiku saꞌ li kapa̱ba̱l.

Romanos 10:17

Joꞌcan nak li pa̱ba̱l natauman riqꞌuin rabinquil resil li Jesucristo.

Hechos 16:31

Eb aꞌan queꞌxye: —Pa̱b li Ka̱cuaꞌ Jesucristo. Tatcolekꞌ la̱at joꞌqueb ajcuiꞌ li cuanqueb saꞌ la̱ cuochoch, chan laj Pablo.

San Juan 6:37

Chixjunileb li tixkꞌaxtesi cue li Yucuaꞌbej, tineꞌxpa̱b. Ut li ani napa̱ban cue, la̱in incꞌaꞌ tintzꞌekta̱na.

San Juan 5:24

Relic chi ya̱l ninye e̱re nak li ani na-abin re li cꞌaꞌru ninye ut naxpa̱b li Dios li quitaklan chak cue, li jun aꞌan cuan xyuꞌam chi junelic. Incꞌaꞌ ta̱xic saꞌ tojba ma̱c xban nak incꞌaꞌ chic tenebanbil li ca̱mc saꞌ xbe̱n. Cua̱nk ban chic xyuꞌam chi junelic.

San Juan 4:10

Li Jesús quixye re: —Cui ta nacanau cꞌaꞌru li ma̱tan li naxqꞌue li Dios, ut cui ta nacanau anihin la̱in li yo̱quin chixtzꞌa̱manquil cuucꞌa a̱cue, la̱at ta̱tzꞌa̱ma raj a̱cuucꞌa cuiqꞌuin ut tinqꞌue raj a̱cue li haꞌ li naqꞌuehoc junelic yuꞌam, chan li Jesús.

San Lucas 7:50

Ut li Jesús quixye cuiꞌchic re li ixk: —Xban nak cuan a̱pa̱ba̱l, xatcoleꞌ. Joꞌcan nak ayu chi sa saꞌ a̱chꞌo̱l, chan re.

San Marcos 16:16

Li ani ta̱pa̱ba̱nk ut ta̱cube̱k xhaꞌ, aꞌan ta̱colekꞌ; aꞌut li ani incꞌaꞌ ta̱pa̱ba̱nk, aꞌan ta̱xic saꞌ tojba ma̱c.

San Juan 3:36

Li ani napa̱ban re li Cꞌajolbej cuan xyuꞌam chi junelic. Ut li ani incꞌaꞌ napa̱ban re li Cꞌajolbej incꞌaꞌ ta̱cua̱nk xyuꞌam chi junelic. Cuan ban li tojba ma̱c saꞌ xbe̱n, chan laj Juan.

Romanos 4:5

Aban li colba-ib incꞌaꞌ natojman rix. Aꞌan yal jun ma̱tan naxqꞌue li Dios reheb laj ma̱c li nequeꞌpa̱ban re. Xban nak nequeꞌpa̱ban, ti̱cobresinbileb xchꞌo̱l xban li Dios.

Efesios 2:10

Li Dios coxyoꞌobtesi ut quixqꞌue ke li acꞌ yuꞌam saꞌ xcꞌabaꞌ li Jesucristo re nak cha̱bilak li kayuꞌam xban nak ac joꞌcan cꞌu̱banbil chak xban li Dios junxil re nak cha̱bilak li kayehom kaba̱nuhom.

Gálatas 3:22

Li Santil Hu naxye nak chixjunil li ruchichꞌochꞌ cuan rubel xcuanquil li ma̱c re nak chixjunileb li teꞌpa̱ba̱nk re li Ka̱cuaꞌ Jesucristo teꞌxcꞌul ajcuiꞌ li colba-ib li quiyechiꞌi̱c xban li Dios.

Hechos 13:39

Incꞌaꞌ quiti̱cobresi̱c xchꞌo̱leb li kaxeꞌto̱nil yucuaꞌ riqꞌuin xba̱nunquil li naxye saꞌ lix chakꞌrab laj Moisés, abanan anakcuan naru chic ta̱ti̱cobresi̱k kachꞌo̱l riqꞌuin xpa̱banquil li Jesús.

Gálatas 3:14

Li Jesucristo quixtoj rix li kama̱c nak quicam chiru li cruz re nak saꞌ xcꞌabaꞌ aꞌan li ma̱cuaꞌeb aj judío teꞌxcꞌul li rosobtesinquil riqꞌuin li Dios joꞌ li quixcꞌul laj Abraham ut re ajcuiꞌ nak riqꞌuin xpa̱banquil li Jesucristo takacꞌul li Santil Musikꞌej li quiyechiꞌi̱c ke xban li Dios.

San Juan 6:40

Li Yucuaꞌbej li quitaklan chak cue, aꞌan naraj nak chixjunileb li teꞌxqꞌue retal nak la̱in li Cꞌajolbej ut tineꞌxpa̱b ta̱cua̱nk xyuꞌameb chi junelic. Ut la̱in tincuaclesiheb ut tinqꞌue xyuꞌameb saꞌ rosoꞌjiqueb li cutan, chan li Jesús.

San Juan 6:35

Li Jesús quixye reheb: —La̱in li cua aꞌan. La̱in ninqꞌuehoc junelic yuꞌam. Li ani napa̱ban cue ta̱cꞌojoba̱k xchꞌo̱l. Incꞌaꞌ chic ta̱tzꞌoca̱k ut incꞌaꞌ chic ta̱chakik re. Chanchan nak ac xrakeꞌ chi tzaca̱nc.

Efesios 1:19

Ut nintzꞌa̱ma ajcuiꞌ chiru li Dios nak tixqꞌue e̱naꞌleb re nak te̱nau nak kꞌaxal nim lix cuanquil saꞌ kabe̱n la̱o li nocopa̱ban re.

Hechos 14:27

Nak queꞌcuulac Antioquía queꞌxchꞌutub chixjunileb laj pa̱banel ut queꞌxserakꞌi reheb chixjunil li quixba̱nu li Ka̱cuaꞌ reheb. Queꞌxserakꞌi ajcuiꞌ reheb chanru nak li Dios quixqꞌue li evangelio reheb li ma̱cuaꞌeb aj judío.

San Juan 6:65

Ut quixye ajcuiꞌ li Jesús reheb: —Joꞌcan nak xinye e̱re nak ma̱ ani ta̱ru̱k ta̱pa̱ba̱nk cue cui incꞌaꞌ ta kꞌaxtesinbil cue xban li Yucuaꞌbej, chan.

Colosenses 2:12

Nak xecꞌul li cubi haꞌ chanchan nak quexmukeꞌ e̱rochben li Cristo ut quexcuacli cuiꞌchic chi yoꞌyo xban nak acꞌ chic le̱ yuꞌam nak xepa̱b li nimajcual Dios li quicuaclesin cuiꞌchic re li Jesucristo chi yoꞌyo saꞌ xya̱nkeb li camenak.

San Juan 6:44

Ma̱ ani naru ta̱pa̱ba̱nk cue cui incꞌaꞌ ta kꞌaxtesinbil cue xban li Yucuaꞌbej li quitaklan chak cue. Li nequeꞌpa̱ban cue, la̱in tincuaclesiheb cuiꞌchic chi yoꞌyo saꞌ rosoꞌjiqueb li cutan.

1 Pedro 1:5

Xban nak nocopa̱ban, li Dios li kꞌaxal nim xcuanquil nocoril chi junelic re nak tocolekꞌ. Li colba-ib aꞌin ta̱cꞌutbesi̱k chi tzꞌakal re ru saꞌ rosoꞌjic li cutan.

Filipenses 1:29

Qꞌuebil e̱re le̱ ma̱tan xban li Dios re xpa̱banquil li Cristo. Ut moco caꞌaj cuiꞌ ta te̱cꞌul li rusilal re xpa̱banquil. Usilal aj ban cuiꞌ nak qꞌuebil e̱re xcꞌulbal li raylal saꞌ xcꞌabaꞌ li Cristo.

Romanos 10:14

Abanan ¿chanru nak teꞌxya̱ba xcꞌabaꞌ li Ka̱cuaꞌ cui toj ma̱jiꞌ nequeꞌxpa̱b? Ut, ¿chanru nak teꞌxpa̱b cui toj ma̱jiꞌ nequeꞌrabi resil? Ut, ¿chanru nak teꞌrabi resil li Ka̱cuaꞌ cui ma̱ ani nachꞌoloban xya̱lal chiruheb?

San Mateo 16:17

Tojoꞌnak quichakꞌoc li Jesús ut quixye re: —Us xak a̱cue, at Simón, ralalat laj Jonás, xban nak moco cui̱nk ta xcꞌutbesin cha̱cuu lix ya̱lal aꞌin. Lin Yucuaꞌ cuan saꞌ choxa, aꞌan ban li xcꞌutbesin cha̱cuu.

Hechos 16:14

Jun reheb li ixk aꞌan xLidia xcꞌabaꞌ. Tiatira xtenamit. Aꞌan nacꞌayin cha̱bil tꞌicr. Naxpa̱b li Dios ut yo̱ chi abi̱nc xban nak li Dios quixcꞌut chiru nak tixqꞌue retal li yo̱ chixyebal laj Pablo.

2 Ts 1:9

Lix tojbal rixeb lix ma̱c li tixqꞌue, aꞌan li sachc chi junelic nak teꞌisi̱k chiru li Ka̱cuaꞌ Jesucristo ut chiru lix nimal xlokꞌal ut lix cuanquilal.

Hechos 15:11

Yal xban rusilal li Ka̱cuaꞌ Jesús nak xopa̱ban ut xocoleꞌ joꞌ eb ajcuiꞌ aꞌan, chan laj Pedro.

Romanos 9:16

Li sicꞌbil ruheb moco sicꞌbileb ta ru xban nak joꞌcan nequeꞌraj eb aꞌan chi moco riqꞌuin ta xyehom xba̱nuhomeb. Yal riqꞌuin ban xnimal ruxta̱n li Dios nak sicꞌbil ruheb.

Hebreos 6:4

Cuanqueb li ac xeꞌxtau xya̱lal. Xeꞌxcꞌul li rusilal li Dios. Xeꞌxcꞌul li Santil Musikꞌej.

San Mateo 20:9

Ut nak queꞌchal, jun denario queꞌtojeꞌ cuiꞌ li junju̱nk li queꞌoc chi cꞌanjelac saꞌ o̱b o̱r.