Efesios 2:15 - Li Santil hu

¹⁵ Xban nak quixkꞌaxtesi rib chi ca̱mc, li Cristo quirisi xcuanquil li najter chakꞌrab. Quixba̱nu aꞌan re nak tixjunajiheb ru laj judío riqꞌuin li ma̱cuaꞌeb aj judío ut junajakeb chic riqꞌuin li Cristo ut cua̱nkeb chic saꞌ xya̱lal chi ribileb rib.

Q'eqchi Bible

¹⁵ Li Kriist kixsach xwankil li Najter Chaq'rab' rik'in chixjunileb' li xtaqlahom ut xyehom, ut rik'in li wiib' chi tenamit kixk'uub' ru sa' li xjunxaqalil jun Ak' Winqilal. Chi jo'kan kiroksi li tuqtuukilal.

Efesios 2:15 ပူးပေါင်းရင်းမြစ်များ

Colosenses 2:14

Cuan tojba ma̱c saꞌ kabe̱n xban nak xkakꞌet li chakꞌrab tzꞌi̱banbil chak najter. Abanan li Dios quixye nak tojbil chic rix chixjunil li kama̱c xban nak li Jesucristo quicam chiru li cruz saꞌ kacꞌabaꞌ la̱o.

Gálatas 3:10

Chixjunileb li nequeꞌxsicꞌ xti̱quilal xchꞌo̱l riqꞌuin xba̱nunquil li naxye saꞌ li najter chakꞌrab, tenebanbil li tojba ma̱c saꞌ xbe̱neb xban nak joꞌcaꞌin tzꞌi̱banbil saꞌ li Santil Hu: Tenebanbil li tojba ma̱c saꞌ xbe̱neb li ani incꞌaꞌ nequeꞌxba̱nu chixjunil li tzꞌi̱banbil retalil saꞌ li chakꞌrab. (Deut. 27:26)

Hebreos 8:13

Nak li Dios quixye nak tixba̱nu jun chic li acꞌ contrato aꞌan naraj naxye nak li najter contrato yo̱ chi sachc xcuanquil ut ma̱cꞌaꞌ chic xcꞌanjel ta̱cana̱k.

Colosenses 3:10

Anakcuan acꞌ chic le̱ yuꞌam. Li Dios, aꞌan li quijaloc re le̱ yuꞌam ut aꞌan ta̱tenkꞌa̱nk e̱re cuulaj cuulaj chixtzolbal e̱rib riqꞌuin re nak te̱tau ru chi tzꞌakal chanru li Dios ut te̱ba̱nu li naraj aꞌan.

Colosenses 2:20

Chanchan nak quexcam e̱rochben li Cristo nak xexpa̱ban. Acꞌ chic le̱ yuꞌam ut li cꞌaꞌru tzolbilex cuiꞌ chak junxil saꞌ ruchichꞌochꞌ ma̱cꞌaꞌ chic xcuanquil saꞌ e̱be̱n. ¿Cꞌaꞌut nak toj nequeqꞌue e̱rib chi balakꞌi̱c ut chixba̱nunquil le̱ najter naꞌleb?

Gálatas 6:15

Usta takacꞌul li circuncisión, usta incꞌaꞌ, ma̱cꞌaꞌ chic na-oc cuiꞌ chiku xban nak reho chic li Jesucristo. Li kꞌaxal lokꞌ aꞌan li acꞌ yuꞌam li naxqꞌue ke li Dios.

Gálatas 3:28

Anakcuan ut moco jalan ta chic laj griego chiruheb laj judío, chi moco jalan ta li mo̱s chiru li patrón, chi moco jalan ta li cui̱nk, chi moco jalan ta li ixk. Junaj ban chic ku saꞌ xcꞌabaꞌ li Jesucristo.

Efesios 4:16

Li Cristo, aꞌan najolomin ke la̱o aj pa̱banel ut la̱o joꞌ li rok rukꞌ. Li Cristo, aꞌan nacꞌamoc be chiku ut junajo chic. Chikajunilo chikatenkꞌa kib chi kibil kib re nak toqꞌui̱k saꞌ li kapa̱ba̱l xban nak nakara kib chi kibil kib.

2 Corintios 5:17

Joꞌcan ut cui junak xpa̱b li Cristo, acꞌobresinbil aꞌan. Lix yuꞌam quicuan junxil xnumeꞌ ut anakcuan acꞌ chic lix yuꞌam.

Hebreos 7:16

Li Jesucristo incꞌaꞌ quixakaba̱c chokꞌ aj tij joꞌ quixye li chakꞌrab. Xakabanbil ban chokꞌ aj tij xban nak nim xcuanquil ut yoꞌyo chi junelic.

Hebreos 9:23

Joꞌcan nak tento nak queꞌxrachrachi lix quiqꞌuel li xul chiru li tabernáculo joꞌ ajcuiꞌ chiruheb li cꞌaꞌ re ru cuan chi saꞌ re xsantobresinquileb. Li tabernáculo yal retalil li choxa. Ut li choxa santobresinbil riqꞌuin jun mayej kꞌaxal cuiꞌchic lokꞌ. Aꞌan lix lokꞌlaj quiqꞌuel li Ka̱cuaꞌ Jesucristo.

Isaías 9:6

Jun li cꞌulaꞌal xyoꞌla chokꞌ ke. Li Cꞌajolbej xqꞌueheꞌ ke xban li Dios. Ut saꞌ rukꞌ aꞌan cua̱nk li cuanquilal. Ut aꞌan aꞌin li tixcꞌabaꞌin: aj ba̱nuhom sachba chꞌo̱lej, aj qꞌuehol naꞌleb, li nimajcual Dios, li Acuabej Dios chi junelic kꞌe cutan ut aj qꞌuehol tuktu̱quil usilal.

Efesios 2:10

Li Dios coxyoꞌobtesi ut quixqꞌue ke li acꞌ yuꞌam saꞌ xcꞌabaꞌ li Jesucristo re nak cha̱bilak li kayuꞌam xban nak ac joꞌcan cꞌu̱banbil chak xban li Dios junxil re nak cha̱bilak li kayehom kaba̱nuhom.

Efesios 2:14

Li Cristo, aꞌan li naqꞌuehoc ke li tuktu̱quil usilal. Xban li Cristo junaj chic ku la̱o aj judío e̱riqꞌuin la̱ex li ma̱cuaꞌex aj judío. Xban nak quixmayeja rib saꞌ kacꞌabaꞌ, li Cristo quirisi li kajoskꞌil li naramoc re chiku li cua̱nc saꞌ xya̱lal chi kibil kib.

Efesios 2:16

Riqꞌuin lix camic chiru li cruz li Cristo quirisi lix joskꞌinquil kib chi kibil kib ut coxcꞌam cuiꞌchic saꞌ usilal riqꞌuin li Dios ut junaj chic ku.

Colosenses 3:11

La̱o aj pa̱banel juntakꞌe̱to chiru li Dios xban nak junajo saꞌ li acꞌ yuꞌam. Moco jalaneb ta laj griego chiruheb laj judío. Moco jalaneb ta li tzolbileb chiruheb li incꞌaꞌ tzolbileb. Moco jalaneb ta li xeꞌxba̱nu li circuncisión chiruheb li incꞌaꞌ xeꞌxba̱nu. Moco jalan ta li junju̱nk usta jalan xtenamit. Moco jalaneb ta li cuanqueb xpatrón chiruheb li ma̱cꞌaꞌeb xpatrón. Li kꞌaxal lokꞌ xcꞌoxlanquil aꞌan aꞌin: Li Jesucristo cuan riqꞌuineb li junju̱nk li nequeꞌpa̱ban re ut junajo chic saꞌ xcꞌabaꞌ li Jesucristo.

Colosenses 3:15

Junajakex taxak saꞌ le̱ pa̱ba̱l xban nak sicꞌbil e̱ru xban li Dios. Chicua̱nk li tuktu̱quilal saꞌ le̱ chꞌo̱l li naxqꞌue li Cristo re nak texcua̱nk saꞌ xya̱lal. Ut junelic chebantioxi chiru li Dios li usilal xba̱nu e̱re.