Efesios 2:10 - Li Santil hu

¹⁰ Li Dios coxyoꞌobtesi ut quixqꞌue ke li acꞌ yuꞌam saꞌ xcꞌabaꞌ li Jesucristo re nak cha̱bilak li kayuꞌam xban nak ac joꞌcan cꞌu̱banbil chak xban li Dios junxil re nak cha̱bilak li kayehom kaba̱nuhom.

Q'eqchi Bible

¹⁰ Relik chi yaal naq laa'o xb'aanuhomo li Yos, yoob'tesinb'ilo sa' xk'ab'a' li Kristo Jesus, re naq tqab'aanu li chaab'il k'anjel teneb'anb'il sa' qab'een, jo' chanru kixk'uub' li Yos chi junxilaj.

Efesios 2:10 ပူးပေါင်းရင်းမြစ်များ

Filipenses 2:13

Li Dios yo̱ chi cꞌanjelac e̱riqꞌuin ut yo̱ che̱tenkꞌanquil re nak saꞌ le̱ chꞌo̱l ta̱ala̱k chak xba̱nunquil li cꞌaꞌru naraj ut aꞌan ajcuiꞌ naqꞌuehoc e̱cuanquil chixba̱nunquil.

Colosenses 1:10

Nocotijoc che̱rix re nak ti̱cak le̱ yuꞌam xban nak rehex chic li Ka̱cuaꞌ ut sahak saꞌ xchꞌo̱l li Dios e̱riqꞌuin. Junelic cheba̱nuhak li us ut chetauhak ru chi tzꞌakal lix lokꞌal li Dios.

Hebreos 13:21

Chicua̱nk taxak li rusilal li Dios e̱riqꞌuin re nak te̱ba̱nu li cꞌaꞌru naraj. Chixba̱nuhak taxak li Dios li cꞌaꞌru naraj e̱riqꞌuin saꞌ xcꞌabaꞌ li Jesucristo. Lokꞌoninbil taxak li Jesucristo chi junelic kꞌe cutan. Joꞌcan taxak.

2 Corintios 5:17

Joꞌcan ut cui junak xpa̱b li Cristo, acꞌobresinbil aꞌan. Lix yuꞌam quicuan junxil xnumeꞌ ut anakcuan acꞌ chic lix yuꞌam.

2 Corintios 9:8

Nim xcuanquil li Dios. Ut aꞌan tixqꞌue e̱re chixjunil re nak junelic ta̱tzꞌaklok e̱re li cꞌaꞌak re ru nacꞌanjelac e̱re ut re ajcuiꞌ nak ta̱ru̱k textenkꞌa̱nk riqꞌuin chixjunil li cha̱bil cꞌanjel.

Efesios 4:24

Acꞌobresinbilak le̱ yuꞌam ut chexcua̱nk taxak joꞌ naraj li Dios. Santakex ut cha̱bilakex xban nak nequenau chic lix ya̱lal.

Filipenses 1:6

Chalen nak xexpa̱ban, li Dios yo̱ chi cꞌanjelac e̱riqꞌuin. Ut ninnau nak junelic textenkꞌa toj ta̱tzꞌaklok ru le̱ pa̱ba̱l saꞌ li cutan nak tol-e̱lk cuiꞌchic li Jesucristo.

2 Timoteo 3:17

Li Santil Hu naxcꞌut chiru li nacꞌanjelac chiru li Dios chanru nak ta̱cua̱nk chi tzꞌakal re ru lix yuꞌam ut naxtenkꞌa aꞌan re nak cauresinbilak chi tzꞌakal re xba̱nunquil chixjunil li cha̱bil cꞌanjel.

Efesios 4:1

La̱in cuanquin chi pre̱xil xban xyebal resil li Ka̱cuaꞌ Jesucristo. La̱in xintijoc che̱rix ut anakcuan nintzꞌa̱ma che̱ru nak cha̱bilak le̱ yuꞌam joꞌ xcꞌulubeb li ralal xcꞌajol li Dios.

2 Timoteo 2:21

Cui junak aj pa̱banel naraj ta̱qꞌuehekꞌ re jun lix cha̱bil cꞌanjel xban li Dios, tento nak li jun aꞌan tixcanab chi junaj cua chixjunil li ma̱usilal. Cui tixba̱nu chi joꞌcan, li jun aꞌan kꞌaxtesinbilak chic chi cꞌanjelac chiru li Ka̱cuaꞌ ut cauresinbilak chic chixba̱nunquil li cha̱bil cꞌanjel.

Salmos 100:3

Chenauhak nak li Ka̱cuaꞌ, aꞌan li tzꞌakal Dios. La̱o li ralal xcꞌajol. Aꞌan li quiyoꞌobtesin ke ut aꞌan ajcuiꞌ li na-iloc ke joꞌ jun li pastor narileb lix carner.

Tito 2:14

Aꞌan quixkꞌaxtesi rib chi ca̱mc saꞌ kacꞌabaꞌ la̱o re nak tocolekꞌ chiru li ma̱usilal. Quixba̱nu aꞌan re xti̱cobresinquil li kachꞌo̱l ut re nak chikaqꞌuehak kachꞌo̱l chixba̱nunquil li us.

Isaías 43:21

Li tenamit aꞌin quinsicꞌ ruheb re teꞌxqꞌue inlokꞌal.

Efesios 1:4

Nak toj ma̱jiꞌ naxyi̱b chak li ruchichꞌochꞌ li Dios, ac sicꞌbil chak ku xban saꞌ xcꞌabaꞌ li Jesucristo, re nak ti̱cak li kayuꞌam ut ma̱cꞌaꞌak chic kama̱c.

1 Timoteo 6:18

Chaye reheb nak cheꞌxba̱nu li us. Chinumta̱k lix cha̱bilaleb. Cheꞌxnauhak sihi̱nc chi nabal ut chi anchaleb xchꞌo̱l.

Tito 3:14

Eb li kech aj pa̱banelil tento nak teꞌxtzol rib xba̱nunquil li usilal ut teꞌxtzol ajcuiꞌ xtenkꞌanquileb li tenkꞌa̱c teꞌraj re nak incꞌaꞌ ta̱cana̱k chi ma̱cꞌaꞌ rajbal lix pa̱ba̱leb.

Hebreos 10:24

Chikasicꞌ chanru takatenkꞌa kib re nak takara kib ut chikaba̱nu usilal chi kibil kib.

Tito 3:8

Li a̱tin aꞌin li xinye a̱cue, aꞌan li tzꞌakal ya̱l. La̱in nacuaj nak ta̱chꞌolob lix ya̱lal aꞌin chiruheb li ac xeꞌxpa̱b li Dios re nak teꞌxqꞌue xchꞌo̱l chi cꞌanjelac saꞌ cha̱bilal. Li xya̱lal aꞌin kꞌaxal cha̱bil ut ta̱cꞌanjelak chiruheb chixjunileb.

Colosenses 3:10

Anakcuan acꞌ chic le̱ yuꞌam. Li Dios, aꞌan li quijaloc re le̱ yuꞌam ut aꞌan ta̱tenkꞌa̱nk e̱re cuulaj cuulaj chixtzolbal e̱rib riqꞌuin re nak te̱tau ru chi tzꞌakal chanru li Dios ut te̱ba̱nu li naraj aꞌan.

Tito 2:7

Ut riqꞌuin chixjunil li cꞌaꞌak re ru ta̱ba̱nu, la̱at tatcꞌamok be chiruheb saꞌ ti̱quilal. Chi anchalak a̱chꞌo̱l ut cha̱bilak la̱ yuꞌam nak ta̱cꞌut lix ya̱lal chiruheb.

1 Corintios 3:9

La̱o kech aj cꞌanjelil kib chiru li Dios. Ut la̱ex chanchanex li chꞌochꞌ li nakacꞌanjela ru. Ut li Dios aꞌan laj e̱chal re li chꞌochꞌ. Ut chanchanex ajcuiꞌ jun li cab yo̱co chixyi̱banquil ut li Dios, aꞌan laj e̱chal re li cab aꞌan.

1 Pedro 2:12

Cha̱bilak taxak le̱ naꞌleb chiruheb li ma̱jiꞌ nequeꞌpa̱ban. Usta yo̱keb chixyebal nak incꞌaꞌ us le̱ naꞌleb, aban cui te̱ba̱nu li us, teꞌxqꞌue retal ut teꞌxnima xlokꞌal li Dios nak ta̱cuulak xkꞌehil li rakba a̱tin.

Tito 3:1

Chajultica ajcuiꞌ chiruheb nak cheꞌpa̱ba̱nk chiru li acuabej. Ut cheꞌpa̱ba̱nk ajcuiꞌ chiruheb chixjunileb li cuanqueb saꞌ xcuanquil. Ut se̱bak xchꞌo̱leb chixba̱nunquil li cha̱bil cꞌanjel.

1 Juan 2:6

Li ani naxye nak re chic li Dios, tento nak junelic cha̱bilak lix yuꞌam joꞌ xyuꞌam li Jesucristo.

Salmos 138:8

At nimajcual Dios, la̱at ta̱ba̱nu li cꞌaꞌru cayechiꞌi ke. Kꞌaxal nim la̱ cuuxta̱n chi junelic saꞌ kabe̱n. Incꞌaꞌ taxak ta̱canab yal chi joꞌcan li cꞌaꞌru catiquib xba̱nunquil.

Isaías 29:23

Nak teꞌril le̱ ralal e̱cꞌajol li cꞌaꞌru xinba̱nu la̱in, teꞌxqꞌue retal nak la̱in santin ut tineꞌxlokꞌoni la̱in lix Dioseb laj Israel, li ralal xcꞌajol laj Jacob. Ut teꞌxxucua cuu.

San Mateo 5:16

Joꞌcan ajcuiꞌ la̱ex. La̱ex lix cutan saken li ruchichꞌochꞌ. Chicꞌutu̱nk biꞌ le̱ cha̱bilal chiruheb le̱ ras e̱ri̱tzꞌin re nak eb aꞌan teꞌxqꞌue retal li us nequeba̱nu ut teꞌxqꞌue xlokꞌal le̱ Yucuaꞌ li cuan saꞌ choxa.

San Juan 3:21

Abanan li ani cuanqueb saꞌ ti̱quilal, nequeꞌcuulac chiru cua̱nc saꞌ xya̱lal re nak ta̱cꞌutu̱nk nak nequeꞌxba̱nu li cꞌaꞌru naraj li Dios, chan li Jesús.

Salmos 51:10

Chajal taxak li cua̱m ut ta̱ti̱cobresi taxak lin chꞌo̱l. Cha-acꞌobresi taxak lin cꞌaꞌux re nak cha̱bilak chic lin naꞌleb.

2 Ts 2:17

Aꞌan ta ajcuiꞌ chicꞌojoba̱nk e̱chꞌo̱l ut chiqꞌuehok e̱cacuilal re xyebal ut re xba̱nunquil li cꞌaꞌru us.

Romanos 8:29

Chalen saꞌ xticlajic li Dios quixnau aniheb li teꞌpa̱ba̱nk re. Joꞌcan nak quixsiqꞌueb ru ut quixcꞌuleb chokꞌ ralal xcꞌajol. Quixxakab li Jesucristo li Ralal re nak aꞌanak li xbe̱n alalbej saꞌ xya̱nkeb li ralal xcꞌajol.

Hechos 9:31

Ut incꞌaꞌ chic queꞌrahobtesi̱c laj pa̱banel li cuanqueb Judea, Galilea, ut Samaria. Yo̱queb chi qꞌui̱c saꞌ xpa̱ba̱leb. Nequeꞌxxucua ru li Ka̱cuaꞌ. Ut li Santil Musikꞌej yo̱ chixqꞌuebal xcacuilal xchꞌo̱leb. Cꞌajoꞌ nak yo̱queb chi ta̱mc.

Jeremías 31:33

Li acꞌ contrato tinba̱nu riqꞌuineb laj Israel nak ta̱cuulak xkꞌehil, aꞌan aꞌin: Tinqꞌue chi cua̱nc lin chakꞌrab saꞌ li ra̱meb ut tinqꞌue chi cua̱nc saꞌ lix chꞌo̱leb. La̱inak lix Dioseb ut aꞌanakeb lin tenamit.

Isaías 60:21

Chixjunileb li tenamit ti̱cakeb chic xchꞌo̱leb. Eb aꞌan teꞌre̱chani chi junelic lix naꞌajeb li quinqꞌue reheb. Chanchanakeb jun li cheꞌ aubil aran. Aꞌaneb li cualal incꞌajol li quebinyi̱b chak re nak teꞌxcꞌutbesi lin lokꞌal.

2 Corintios 5:5

Aꞌ li Dios aꞌan li coxcauresi re nak naru takacꞌul li katzꞌejcual saꞌ choxa. Ut quixqꞌue ke li Santil Musikꞌej re nak takanau chi tzꞌakal nak takacꞌul li cꞌaꞌru naxyechiꞌi ke.

Isaías 44:21

Li Ka̱cuaꞌ quixye: —La̱ex aj Israel, la̱ex ralal xcꞌajol laj Jacob. Chijulticokꞌ taxak e̱re li naꞌleb aꞌin. La̱ex aj cꞌanjel chicuu. La̱in quinyoꞌobtesin e̱re. La̱ex aj Israel, incꞌaꞌ taxak tinsachk saꞌ e̱chꞌo̱l.

1 Timoteo 5:25

Ut cuan ajcuiꞌ li nequeꞌba̱nun re li cha̱bilal. Cuan nak nacꞌutun li cha̱bilal nequeꞌxba̱nu ut cuan nak incꞌaꞌ nacꞌutun. Abanan, toj mokon chic ta̱cꞌutu̱nk li us nequeꞌxba̱nu.

1 Timoteo 2:10

Li ixk li napa̱ban re li Dios, moco riqꞌuin ta xtikibanquil rib cuan xchꞌinaꞌusal. Riqꞌuin ban lix ti̱quilal xchꞌo̱l.

Deuteronomio 5:33

Cheba̱nu chixjunil li naxye e̱re li Ka̱cuaꞌ le̱ Dios re nak cua̱nk le̱ yuꞌam ut us tex-e̱lk riqꞌuin li cꞌaꞌru te̱ba̱nu ut re ajcuiꞌ nak najt texcua̱nk saꞌ li naꞌajej li quixqꞌue e̱re li Ka̱cuaꞌ re te̱re̱chani.

1 Timoteo 5:10

Tento ajcuiꞌ nak li xma̱lcaꞌan naꞌno̱k ru riqꞌuin li cha̱bilal ac xba̱nu. Ac xqꞌuiresiheb lix cocꞌal saꞌ xya̱lal. Quixcꞌul li rulaꞌ saꞌ xya̱lal nak queꞌcuulac saꞌ rochoch. Quixchꞌaj li rokeb li rech aj pa̱banelil. Quixtenkꞌaheb li yo̱queb chixcꞌulbal li raylal. Cui cha̱bil li cꞌanjel quixba̱nu, naru tixcꞌul lix tenkꞌanquil.

1 Juan 1:7

Ut cui nakaba̱nu li cꞌaꞌru naraj li Dios, joꞌ naxcꞌutbesi chiku li Cristo, cuanco chic chi sum a̱tin chi kibil kib. Ut lix quiqꞌuel li Jesucristo li Ralal li Dios naxchꞌajobresi li ka̱m ut narisi chixjunil li kama̱c.

Hechos 9:36

Ut quicuan aran Jope jun li ixk aj pa̱banel xTabita xcꞌabaꞌ. Chi jalbil ru naraj naxye Dorcas. Junelic yo̱ chixba̱nunquil usilal reheb li ras ri̱tzꞌin ut naxtenkꞌaheb li nebaꞌ.

Isaías 61:3

Quinixtakla chixqꞌuebal li sahil chꞌo̱lejil reheb li teꞌya̱bak aran Sión re nak incꞌaꞌ chic rahak saꞌ xchꞌo̱leb. Tinqꞌueheb xlokꞌal chokꞌ re̱kaj li cha. Tinqꞌue li sahil chꞌo̱lejil chokꞌ re̱kaj li rahil chꞌo̱lejil. Tebinqꞌue chi bicha̱nc chokꞌ re̱kaj li ya̱bac. Chanchanakeb li cheꞌ li kꞌaxal cau xban nak chꞌolaninbileb xban li Ka̱cuaꞌ ut teꞌxba̱nu li ti̱quilal. Ut li Ka̱cuaꞌ ta̱qꞌuehekꞌ xlokꞌal riqꞌuin li teꞌxba̱nu.

Isaías 19:25

Ut osobtesinbilakeb xban li nimajcual Dios. Li Dios tixye reheb: —Osobtesinbilex inban, la̱ex aj Egipto, lin tenamit. Ut la̱ex aj Asiria, li yoꞌobtesinbilex inban, osobtesinbilex ajcuiꞌ inban. Ut osobtesinbilex la̱ex aj Israel, li sicꞌbil e̱ru inban, chaꞌak li Dios.

Salmos 119:3

Eb aꞌan incꞌaꞌ nequeꞌxba̱nu li ma̱usilal. Nequeꞌxba̱nu ban li cꞌaꞌru naraj li Dios.

Salmos 81:13

Cui ta eb lin tenamit xeꞌabin chicuu, ut cui ta xeꞌxba̱nu li cꞌaꞌru xinye,

Gálatas 6:15

Usta takacꞌul li circuncisión, usta incꞌaꞌ, ma̱cꞌaꞌ chic na-oc cuiꞌ chiku xban nak reho chic li Jesucristo. Li kꞌaxal lokꞌ aꞌan li acꞌ yuꞌam li naxqꞌue ke li Dios.

Romanos 8:1

Anakcuan ut ma̱cꞌaꞌ chic li tojba ma̱c saꞌ xbe̱neb li nequeꞌpa̱ban re li Cristo, li incꞌaꞌ chic nequeꞌxba̱nu li nequeꞌxrahi ru lix chꞌo̱leb. Nequeꞌxba̱nu ban li naraj li Santil Musikꞌej.

Deuteronomio 32:6

¿Ma joꞌcaꞌin nak te̱qꞌue re̱kaj li usilal li naxba̱nu li Ka̱cuaꞌ? Incꞌaꞌ us le̱ naꞌleb. Incꞌaꞌ nequetau xya̱lal. ¿Ma ma̱cuaꞌ ta biꞌ aꞌan li Ka̱cuaꞌ le̱ Dios li quiqꞌuehoc e̱yuꞌam? Aꞌan quiyoꞌobtesin e̱re ut quexxakab saꞌ le̱ naꞌaj.

Efesios 2:2

Xeba̱nu chak li ma̱usilal saꞌ ruchichꞌochꞌ ut xeqꞌue e̱rib chi takla̱c xban laj tza li nataklan saꞌ xbe̱neb li ma̱us aj musikꞌej. Aꞌan li nataklan saꞌ xbe̱neb li nequeꞌkꞌetoc ra̱tin li Dios.

Isaías 43:7

Aꞌaneb lin tenamit. La̱in quinyoꞌobtesin reheb ut quinqꞌue incꞌabaꞌ reheb re nak teꞌxqꞌue inlokꞌal, chan li Ka̱cuaꞌ.

Efesios 1:1

La̱in laj Pablo. La̱in x-apóstol li Jesucristo xban nak joꞌcan quiraj li Dios. Yo̱quin chixtzꞌi̱banquil li hu aꞌin e̱riqꞌuin la̱ex laj pa̱banel li cuanquex Éfeso. Yo̱quin chi tzꞌi̱bac e̱riqꞌuin che̱junilex la̱ex li nequeqꞌue e̱chꞌo̱l chixpa̱banquil li Jesucristo.

Efesios 2:6

Li Dios corisi chak saꞌ li najter yuꞌam nak quixcuaclesi chi yoꞌyo li Jesucristo ut coxqꞌue chi tzꞌako̱nc saꞌ lix nimal xlokꞌal saꞌ li santil choxa xban nak reho chic li Cristo.

Efesios 2:13

Junxil li Dios ma̱cꞌaꞌ e̱riqꞌuin. Abanan anakcuan rehex chic xban nak li Cristo quicam chiru li cruz saꞌ e̱cꞌabaꞌ.

Efesios 2:15

Xban nak quixkꞌaxtesi rib chi ca̱mc, li Cristo quirisi xcuanquil li najter chakꞌrab. Quixba̱nu aꞌan re nak tixjunajiheb ru laj judío riqꞌuin li ma̱cuaꞌeb aj judío ut junajakeb chic riqꞌuin li Cristo ut cua̱nkeb chic saꞌ xya̱lal chi ribileb rib.