Efesios 1:8 - Li Santil hu

⁸ Li rusilal quixqꞌue ke chi numtajenak xqꞌuial ut quixqꞌue kanaꞌleb re nak takatau ru lix ya̱lal.

Q'eqchi Bible

⁸ li kixhoy chaq sa' qab'een chi yo'oon, rik'in chixjunil qana'leb' ut qak'a'uxl.

Efesios 1:8 ပူးပေါင်းရင်းမြစ်များ

Apocalipsis 5:12

Queꞌxye chi cau xya̱b xcux: Li Jun li chanchan carner li quicamsi̱c, aꞌan xcꞌulub nak ta̱qꞌuehekꞌ xlokꞌal xban nak numtajenak xcuanquil, xbiomal, xnaꞌleb, ut xcacuilal. Ut xcꞌulub nak ta̱qꞌuehekꞌ xlokꞌal, ta̱nima̱k ru ut ta̱lokꞌoni̱k.

Colosenses 2:3

Riqꞌuin li Cristo naru nakatau li kanaꞌleb xban nak caꞌaj cuiꞌ riqꞌuin li Cristo cuan li tzꞌakal ya̱l ut aꞌan naxnau chixjunil.

Efesios 3:10

Li Dios quixba̱nu chi joꞌcaꞌin re xcꞌutbal chiruheb li cuanqueb xcuanquil saꞌ choxa nak numtajenak xnaꞌleb li Dios. Teꞌxnau nak numtajenak xnaꞌleb nak teꞌxqꞌue retal nak quixjunaji ruheb laj judío riqꞌuineb li ma̱cuaꞌeb aj judío chokꞌ ralal xcꞌajol.

Romanos 5:15

Aꞌut li ma̱tan naxqꞌue li Dios moco juntakꞌe̱t ta riqꞌuin li ma̱c quixba̱nu laj Adán li xbe̱n cui̱nk. Li ca̱mc cuan saꞌ xbe̱neb chixjunileb xban nak quikꞌetoc a̱tin laj Adán. Aban saꞌ xcꞌabaꞌ li Jesucristo nabaleb nequeꞌxcꞌul li colba-ib li naxqꞌue li Dios. Ut kꞌaxal cuiꞌchic numtajenak li rusilal naxqꞌue ke.

San Judas 1:25

Lokꞌoninbil taxak li junaj chi Dios, laj Colol ke saꞌ xcꞌabaꞌ li Ka̱cuaꞌ Jesucristo. Aꞌan taxak chinima̱k xcuanquil ut xlokꞌal chalen chak najter kꞌe cutan, ut toj chalen anakcuan ut chi junelic. Joꞌcan taxak.

Efesios 1:11

La̱o aj judío sicꞌbil ku xban li Dios chokꞌ ralal xcꞌajol saꞌ xcꞌabaꞌ li Cristo. Aꞌin qui-uxman xban nak joꞌcan quiraj li Dios ut xban nak aꞌan yal re saꞌ xbe̱n chixjunil.

1 Corintios 2:7

Abanan la̱in ninchꞌolob xya̱lal li naꞌleb li quixqꞌue li Dios. Li naꞌleb aꞌan mukmu nak quicuan chak junxil. Incꞌaꞌ natauman ru nak quicuan. Abanan chalen chak najter kꞌe cutan nak toj ma̱jiꞌ quixyi̱b li ruchichꞌochꞌ ac cuan chak saꞌ xchꞌo̱l li Dios nak tixqꞌue li kalokꞌal ut li kalokꞌal, aꞌan li kacolbal.

Romanos 11:33

Relic chi ya̱l nak kꞌaxal numtajenak li ruxta̱n li Dios. Aꞌan naxnau chixjunil. Numtajenak cuiꞌchic lix naꞌleb. Ma̱ ani nataꞌoc ru chanru nak narakoc a̱tin. Ut ma̱ ani nataꞌoc ru li naxba̱nu.

Isaías 52:13

Li Ka̱cuaꞌ Dios quixye chi joꞌcaꞌin: —Abihomak li oc cue chixyebal e̱re anakcuan. Laj cꞌanjel chicuu us ta̱e̱lk riqꞌuin li cꞌaꞌru tixba̱nu. Nimak xcuanquil ut ta̱qꞌuehekꞌ xnimal xlokꞌal.

Proverbios 8:12

La̱in li cuan innaꞌleb nintau xya̱lal ut ninnau qꞌuehoc cha̱bil naꞌleb.

Salmos 104:24

At Ka̱cuaꞌ, cꞌajoꞌ xlokꞌal li cꞌanjel li quilaja̱ba̱nu. Chixjunil li cꞌanjel aꞌin quilaja̱ba̱nu riqꞌuin la̱ naꞌleb. Li ruchichꞌochꞌ nujenak riqꞌuin chixjunil li us quilaja̱ba̱nu.

San Mateo 11:19

Ut nak xincꞌulun la̱in li Cꞌajolbej, nincuaꞌac ut nin-ucꞌac, ut incꞌaꞌ ajcuiꞌ quineꞌxcꞌul saꞌ xya̱lal. Eb li tenamit nequeꞌxye chicuix, “Li jun cuan arin, junes cuaꞌac ut junes ucꞌac vino naxba̱nu. Aꞌan rami̱gueb laj ma̱c ut eb laj titzꞌol toj”, chanqueb. Aꞌut li naꞌleb li qꞌuebil xban li Dios, xakxo xcuanquil riqꞌuin li xba̱nu laj Juan ut li cꞌaꞌru xinba̱nu la̱in.

Efesios 1:7

Kꞌaxal numtajenak li rusilal li Dios li quixqꞌue ke xban nak riqꞌuin xcamic li Jesucristo, cuan kacolbal ut cuybil sachbil chic li kama̱c.

Efesios 1:9

Ut quixcꞌutbesi chiku li naꞌleb li mukmu nak quicuan chak junxil, aꞌ li qui-ala saꞌ xchꞌo̱l xba̱nunquil nak quixtakla chak li Jesucristo.