Efesios 1:7 - Li Santil hu

⁷ Kꞌaxal numtajenak li rusilal li Dios li quixqꞌue ke xban nak riqꞌuin xcamic li Jesucristo, cuan kacolbal ut cuybil sachbil chic li kama̱c.

Q'eqchi Bible

⁷ Sa' xk'ab'a' A'an wank qakolb'al xb'aan li xkik'el, wank xkuyb'al xsachb'al qamaak, sa' xk'ab'a' li xnimal rusilal

Efesios 1:7 ပူးပေါင်းရင်းမြစ်များ

1 Pedro 2:24

Relic chi ya̱l nak li Cristo, aꞌan li quixcꞌul li raylal nak quicam chiru li cruz re xtojbal rix li kama̱c la̱o. Aꞌan aj e nak quicam re nak incꞌaꞌ chic texma̱cobk. Texcua̱nk ban saꞌ ti̱quilal. Li Cristo quixcꞌul li yoqꞌuecꞌ saꞌ kacꞌabaꞌ la̱o aj ma̱c. Ut riqꞌuin li raylal li quixcꞌul xexqꞌuirtesi̱c.

Romanos 3:24

Ut xban li rusilal li Dios, chixjunileb li nequeꞌpa̱ban, nequeꞌxma̱tani xti̱quilal xchꞌo̱leb saꞌ xcꞌabaꞌ li Ka̱cuaꞌ Jesucristo laj Colonel.

Colosenses 1:14

Li Ralal li Dios quicam chiru li cruz re kacolbal ut quixcuy quixsach li kama̱c.

Hebreos 9:22

Joꞌ tzꞌi̱banbil saꞌ li chakꞌrab, tento xsantobresinquil riqꞌuin quicꞌ chixjunil li quicꞌanjelac chiruheb. Ma̱cꞌaꞌ xcuybal li ma̱c cui incꞌaꞌ ta̱hoyekꞌ li quicꞌ.

San Mateo 26:28

xban nak aꞌan aꞌin lin quiqꞌuel li ta̱hoyekꞌ re nak ta̱cuyekꞌ xma̱queb nabal chi tenamit. Ut aꞌan ta̱xakaba̱nk xcuanquil li Acꞌ Contrato.

Apocalipsis 5:9

Queꞌxbicha jun li acꞌ bich ut queꞌxye: A̱cꞌulub xchapbal li botbil hu ut xtebal li sello xban nak la̱at catcamsi̱c. Riqꞌuin la̱ quiqꞌuel xalokꞌeb nabal re nak teꞌoc chokꞌ ralal xcꞌajol li Dios. Yalak ani xacoleb aꞌ yal ani xte̱paleb xxeꞌto̱nil yucuaꞌeb, ut aꞌ yal bar xtenamiteb ut aꞌ yal chanru li ra̱tinoba̱leb.

1 Juan 2:12

Nintzꞌi̱bac e̱riqꞌuin, ex herma̱n, xban nak cuybil sachbil chic le̱ ma̱c xban li Dios saꞌ xcꞌabaꞌ li Jesucristo.

Filipenses 4:19

Lin Dios, aꞌan aj e̱chal re chixjunil ut kꞌaxal nim lix lokꞌal. Tixqꞌue e̱re chixjunil li napaltoꞌ e̱re saꞌ xcꞌabaꞌ li Jesucristo.

Efesios 2:7

Chixjunil li usilal aꞌin quilajxba̱nu ke saꞌ xcꞌabaꞌ li Jesucristo re nak ta̱cꞌutu̱nk chi junelic kꞌe cutan nak kꞌaxal nim li ruxta̱n.

1 Corintios 1:30

Yal xban rusilal li Dios nak junajex chic riqꞌuin li Jesucristo. Li Jesucristo quixakaba̱c xban li Dios re xqꞌuebal kanaꞌleb. Quixakaba̱c chixti̱cobresinquil li kachꞌo̱l chiru li Dios ut chikasantobresinquil. Ut saꞌ xcꞌabaꞌ li Cristo cuybil sachbil li kama̱c.

Salmos 130:7

Ex aj Israel, chex-oybeni̱nk riqꞌuin li nimajcual Dios xban nak aꞌan na-uxta̱nan u ut aꞌan nacoloc chi tzꞌakal.

Efesios 3:16

Kꞌaxal nim li rusilal li Dios. Joꞌcan nak nintzꞌa̱ma chiru nak li Santil Musikꞌej chiqꞌuehok e̱cuanquilal ut xcacuilal e̱chꞌo̱l saꞌ le̱ pa̱ba̱l.

2 Corintios 8:9

La̱ex ac nequenau nak kꞌaxal nim li rusilal li Ka̱cuaꞌ Jesucristo. Aꞌan quixcanab chak lix biomal saꞌ choxa ut quicuan saꞌ nebaꞌil arin saꞌ ruchichꞌochꞌ yal e̱ban la̱ex. Quixba̱nu chi joꞌcaꞌin yal re nak la̱ex te̱cꞌul li biomal li naxqꞌue li Dios.

Romanos 2:4

¿Ma ta̱tzꞌekta̱na lix nimal ruxta̱n li Dios? ¿Ma ta̱tzꞌekta̱na lix cuyum ut lix kꞌunil xchꞌo̱l? ¿Ma incꞌaꞌ nacaqꞌue retal nak xban lix nimal rusilal li Dios naraj nak ta̱yotꞌ a̱chꞌo̱l ta̱jal a̱cꞌaꞌux?

Miqueas 7:18

Ma̱ jun chic li Dios cuan. Caꞌaj cuiꞌ la̱at. La̱at nacatcuyuc ma̱c ut nasach saꞌ a̱chꞌo̱l lix ma̱queb la̱ tenamit Israel, li joꞌ qꞌuial chic li incꞌaꞌ queꞌsacheꞌ. La̱at incꞌaꞌ nacatjoskꞌoꞌ chi junaj cua. Nasahoꞌ ban saꞌ a̱chꞌo̱l chi uxta̱na̱nc u.

1 Juan 2:2

Li Jesucristo quicam re xtojbal rix li kama̱c. Moco caꞌaj ta cuiꞌ xban li kama̱c la̱o. Quicam aj ban cuiꞌ re xtojbal rix xma̱queb chixjunileb li cuanqueb saꞌ ruchichꞌochꞌ.

Tito 2:14

Aꞌan quixkꞌaxtesi rib chi ca̱mc saꞌ kacꞌabaꞌ la̱o re nak tocolekꞌ chiru li ma̱usilal. Quixba̱nu aꞌan re xti̱cobresinquil li kachꞌo̱l ut re nak chikaqꞌuehak kachꞌo̱l chixba̱nunquil li us.

Hechos 2:38

Laj Pedro quichakꞌoc ut quixye reheb: —Chiyotꞌekꞌ e̱chꞌo̱l ut jalomak e̱cꞌaꞌux ut ta̱cubsi̱k e̱haꞌ chi junju̱nkalex saꞌ xcꞌabaꞌ li Jesucristo re nak tixcuy e̱ma̱c li Dios ut tixqꞌue e̱re li Santil Musikꞌej.

San Mateo 20:28

La̱in li Cꞌajolbej. Abanan incꞌaꞌ xinchal re nak teꞌxcꞌanjela cuu. Xinchal ban re tincꞌanjelak chiruheb chixjunil ut re xqꞌuebal lin yuꞌam re xtojbal rix lix ma̱queb chixjunileb.—

Daniel 9:9

At Ka̱cuaꞌ, at kaDios, la̱at nacat-uxta̱nan ku ut la̱at nacatcuyuc re li kama̱c usta ac xkakꞌet la̱ cua̱tin.

Li xHu LAJ JOB 33:24

Tixye raj re li cui̱nk, “Li Dios xril xtokꞌoba̱l a̱cuu. Aꞌan xcoloc a̱cue chiru li ca̱mc. Ac xtau ani ta̱tojok rix la̱ ma̱c.”

1 Juan 4:10

Li tzꞌakal rahoc, aꞌan aꞌin: ma̱cuaꞌo la̱o xorahoc re li Dios. Aꞌan ban quirahoc ke la̱o xban nak quixtakla chak li Ralal chi ca̱mc re xtojbal rix li kama̱c.

Hechos 20:28

Joꞌcan nak ilomak e̱rib chi us la̱ex ut ilomakeb laj pa̱banel li xeꞌqꞌueheꞌ cheril xban li Santil Musikꞌej, li quixlokꞌeb riqꞌuin lix lokꞌlaj quiqꞌuel. Cherilak laj pa̱banel joꞌ nak naril chi us lix carner li pastor.

Daniel 9:19

Choa̱cuabi, at Ka̱cuaꞌ. Chacuy taxak li kama̱c, at kaDios. At Ka̱cuaꞌ, chasume taxak li katij. Matbay taxak chixsumenquil li cꞌaꞌru xkatzꞌa̱ma a̱cue saꞌ xcꞌabaꞌ lix nimal la̱ rahom. La̱o nakaya̱ba la̱ cꞌabaꞌ saꞌ xbe̱n li tenamit aꞌin ut saꞌ xbe̱neb la̱ cualal a̱cꞌajol, chanquin re li Ka̱cuaꞌ.

Jeremías 31:34

Moco tento ta nak toj teꞌxye re li ras ri̱tzꞌin “¿Ma nacanau ani li tzꞌakal Dios?” xban nak chixjunileb, joꞌ cocꞌ joꞌ ni̱nk, teꞌxnau nak la̱in li Ka̱cuaꞌ Dios. Ut la̱in tincuyeb tinsacheb lix ma̱queb ut incꞌaꞌ chic ta̱nak saꞌ inchꞌo̱l lix ma̱usilaleb, chan li Ka̱cuaꞌ.

Salmos 86:5

At Ka̱cuaꞌ, kꞌaxal cha̱bilat ut nacatcuyuc ma̱c. Kꞌaxal nim la̱ cuusilal saꞌ xbe̱neb chixjunileb li nequeꞌxtzꞌa̱ma xtenkꞌanquileb a̱cue.

1 Pedro 3:18

Li Cristo quixcꞌul ajcuiꞌ li raylal chi ma̱cꞌaꞌ xma̱c. Aꞌan ti̱c xchꞌo̱l abanan quicamsi̱c re xtojbal rix lix ma̱queb li incꞌaꞌ useb xnaꞌleb. Jun sut ajcuiꞌ quicam ut riqꞌuin aꞌan quitzꞌakloc ru. Ut xban xcamic li Jesucristo, naru toxcol li Dios. Ya̱l nak queꞌxcamsi li Cristo. Abanan incꞌaꞌ quicam lix musikꞌ.

Efesios 3:8

La̱in li kꞌaxal cubenak incuanquil saꞌ xya̱nkeb chixjunileb li ralal xcꞌajol li Dios. Abanan yal xban lix nimal ruxta̱n li Dios quixqꞌue cue li cꞌanjel aꞌin re xchꞌolobanquil che̱ru lix ya̱lal chirix lix nimal ruxta̱n li Cristo ut li lokꞌlaj colba-ib saꞌ xcꞌabaꞌ aꞌan.

Hechos 10:43

Aꞌan aꞌin li Jesús li queꞌxye chak resil chixjunileb li profeta junxil. Queꞌxye nak saꞌ xcꞌabaꞌ aꞌan ta̱cuyekꞌ xma̱queb chixjunileb li nequeꞌpa̱ban re.—

San Juan 20:23

Li ani te̱cuy xma̱c la̱ex, ta̱cuyekꞌ ajcuiꞌ xma̱c xban li Dios. Ut li ani incꞌaꞌ te̱cuy xma̱c la̱ex, incꞌaꞌ ajcuiꞌ ta̱cuyekꞌ xma̱c xban li Dios, chan li Jesús.

San Marcos 14:24

Ut li Jesús quixye reheb: —Aꞌan aꞌin lin quiqꞌuel li ta̱hoyekꞌ saꞌ xcꞌabaꞌeb chixjunileb ut aꞌan ta̱xakaba̱nk xcuanquil li Acꞌ Contrato.

Zacarías 13:7

Li nimajcual Dios quixye: —Tincanab chi camsi̱c laj ilol reheb li carner. Tinkꞌaxtesi re ca̱mc li natenkꞌan cue. Ta̱camsi̱k laj ilol reheb li carner ut eb li carner teꞌxchaꞌchaꞌi ribeb. Ut tincꞌut injoskꞌil chiruheb li carner.

Zacarías 13:1

Saꞌ eb li cutan aꞌan, ta̱yoꞌla̱k jun li Yuꞌam Haꞌ. Ut li Haꞌ aꞌan ta̱chꞌajok re lix ma̱queb ut lix ma̱usilaleb li ralal xcꞌajol laj David joꞌqueb ajcuiꞌ li cuanqueb Jerusalén.

Tito 3:6

Xban nak li Jesucristo quicam re kacolbal, numtajenak li kosobtesinquil xban li Dios nak quixqꞌue chak li Santil Musikꞌej chi cua̱nc kiqꞌuin.

1 Timoteo 2:6

Ut aꞌan ajcuiꞌ li quixqꞌue rib chi ca̱mc saꞌ kacꞌabaꞌ la̱o re nak ta̱ru̱k tocolekꞌ chikajunilo. Ut nak quicuulac xkꞌehil, li Cristo quixcꞌutbesi chiku lix ya̱lal aꞌin nak quicam chiru li cruz.

Colosenses 2:13

Junxil camenakex nak quexcuan chak xban li ma̱c ut xban nak ma̱jiꞌ isinbil saꞌ le̱ chꞌo̱l lix rahinquil ru li ma̱usilal. Aban anakcuan yoꞌyo̱quex chic. Li Dios quicuaclesin cuiꞌchic re li Jesucristo chi yoꞌyo. Ut joꞌcan ajcuiꞌ la̱ex, yoꞌyo̱quex chic xban nak acꞌ chic le̱ yuꞌam qꞌuebil e̱re xban li Dios ut cuybil sachbil chixjunil le̱ ma̱c.

Colosenses 2:2

Ut nintzꞌa̱ma ajcuiꞌ chiru li Dios nak cauhak le̱ chꞌo̱l saꞌ le̱ pa̱ba̱l. Cherahak taxak e̱rib che̱ribil e̱rib re nak junajak e̱chꞌo̱l. Lix naubal li naꞌleb aꞌin naxqꞌue xcacuilal le̱ chꞌo̱l. Chetauhak taxak ru chi tzꞌakal lix ya̱lal li mukmu nak quicuan chak. Li xya̱lal li mukmu nak quicuan chak, aꞌan nak li Cristo cuan e̱riqꞌuin.

Colosenses 1:27

Li Dios quiraj nak la̱ex li ma̱cuaꞌex aj judío, te̱nau nak e̱re ajcuiꞌ li colba-ib. Li resil aꞌan mukmu nak quicuan chak. Abanan anakcuan nanauman nak lix ya̱lal li lokꞌlaj esil, aꞌan aꞌin: Nak li Cristo cuan e̱riqꞌuin ut saꞌ xcꞌabaꞌ aꞌan textzꞌako̱nk riqꞌuin lix nimal xlokꞌal li Dios.

Efesios 2:4

Abanan kꞌaxal nim li ruxta̱n li Dios saꞌ kabe̱n xban nak kꞌaxal nocoxra.

Romanos 9:23

Ut riqꞌuin lix nimal rusilal quiruxta̱na ku ut quixcꞌut chiku lix lokꞌal. Junxil sicꞌbil chak ku xban re nak totzꞌako̱nk saꞌ lix lokꞌal.

Hechos 3:19

Joꞌcan ut nak yotꞌomak e̱chꞌo̱l ut jalomak e̱cꞌaꞌux ut sicꞌomak li Ka̱cuaꞌ re nak aꞌan tixcuy tixsach le̱ ma̱c. Ut li Ka̱cuaꞌ tixqꞌue xcacuilal ut xsaylal e̱chꞌo̱l.

San Lucas 24:47

Tzꞌi̱banbil ajcuiꞌ retalil nak ta̱julticama̱nk chiruheb chixjunileb li tenamit nak tento teꞌxyotꞌ xchꞌo̱leb ut teꞌxjal xcꞌaꞌuxeb re ta̱cuyma̱nk ta̱sachma̱nk lix ma̱queb saꞌ xcꞌabaꞌ aꞌan. Ta̱ticla̱k xchꞌolobanquil arin Jerusalén.

San Lucas 1:77

Ta̱cꞌut chiruheb li tenamit chanru nak teꞌcuyekꞌ teꞌsachekꞌ lix ma̱queb ut teꞌcolekꞌ.

Zacarías 9:11

Joꞌcaꞌin quixye li Ka̱cuaꞌ: —La̱ex aj Jerusalén, xeqꞌue xcuanquil li contrato riqꞌuin xquiqꞌuel li xul li xemayeja. Joꞌcaꞌin nak la̱in texincol chiru li raylal. Chanchan nak texcuisi saꞌ jun li chamal jul li ma̱cꞌaꞌ haꞌ chi saꞌ.

Isaías 43:25

Abanan la̱in li Ka̱cuaꞌ Dios. La̱in nincuyuc re le̱ ma̱c. Ninba̱nu aꞌan xban nak la̱in li Dios. La̱in tincuy le̱ ma̱c ut incꞌaꞌ chic ta̱julticokꞌ cue.

Éxodo 34:7

La̱in chi qꞌuila okꞌob li cristian nacuuxta̱naheb ru. Nincuy li qꞌuila ma̱c li nequeꞌxba̱nu. Eb li nequeꞌma̱cob teꞌxtoj rix lix ma̱c. Ninrahobtesiheb li alal cꞌajolbej riqꞌuin lix ma̱queb lix naꞌ xyucuaꞌeb toj saꞌ rox saꞌ xca̱ xtasalil li ralal xcꞌajoleb, chan li Dios.

Apocalipsis 14:4

Aꞌaneb aꞌin li queꞌpa̱ban re li Jun li chanchan carner, li queꞌta̱ken re yalak bar, li incꞌaꞌ queꞌxmux ribeb riqꞌuin ixk chi incꞌaꞌ sumsu̱queb. Aꞌineb li xbe̱n queꞌcoleꞌ saꞌ xya̱nkeb li cuanqueb saꞌ ruchichꞌochꞌ re nak teꞌoc chokꞌ ralal xcꞌajol li Dios ut chokꞌ ralal xcꞌajol li Jun li chanchan carner.

Efesios 1:6

Joꞌcan nak chikalokꞌonihak ru li Dios xban nak yal chi ma̱tan quiruxta̱na ku nak quixtakla chak li Ralal li kꞌaxal raro xban.

Jonás 4:2

Joꞌcan nak quitijoc chiru li Dios ut quixye re: —At Ka̱cuaꞌ, ¿ma ma̱cuaꞌ ta biꞌ aꞌin quincꞌoxla nak toj cuanquin chak saꞌ lin tenamit? Joꞌcan nak quine̱lelic raj cha̱cuu ut co̱in raj Tarsis. Ninnau nak la̱at jun Dios nim a̱cuyum. Nacat-uxta̱nan u ut nacattokꞌoban u. Elajic nacatjoskꞌoꞌ ut incꞌaꞌ nacaba̱nu li raylal li nacacꞌoxla xba̱nunquil.

Salmos 130:4

Abanan la̱at nacacuy nacasach li kama̱c. Joꞌcan nak tento nak takaqꞌue a̱lokꞌal.

San Mateo 6:12

Ut chacuy chasach ta li kama̱c joꞌ nak nakacuyeb xma̱c li nequeꞌma̱cob chiku.

Romanos 3:25

Li Dios quixtakla chak li Ka̱cuaꞌ Jesucristo chi ca̱mc re xcuybal xma̱queb li teꞌpa̱ba̱nk re. Riqꞌuin li quixba̱nu quicꞌutun lix ti̱quilal xchꞌo̱l li Dios. Xban lix nimal xcuyum, incꞌaꞌ quixqꞌue saꞌ xchꞌo̱l lix ma̱queb li tenamit li queꞌma̱cob chak junxil.

Efesios 1:8

Li rusilal quixqꞌue ke chi numtajenak xqꞌuial ut quixqꞌue kanaꞌleb re nak takatau ru lix ya̱lal.

Efesios 1:14

Li Santil Musikꞌej quiqꞌueheꞌ ke chokꞌ retalil nak takacꞌul chixjunil li yechiꞌinbil ke xban li Dios ut ta̱tzꞌaklok ru li kacolbal. Joꞌcan nak lokꞌoninbilak ru riqꞌuin lix nimal xcuanquilal.

Efesios 1:18

Nintzꞌa̱ma chiru li Dios nak tixqꞌue e̱naꞌleb re nak te̱tau ru cꞌaꞌru le̱ lokꞌlaj ma̱tan li yo̱quex chiroybeninquil xban nak sicꞌbil e̱ru xban li Dios. Te̱cꞌul le̱ ma̱tan e̱rochbeneb chixjunileb laj pa̱banel.