Efesios 1:3 - Li Santil hu

³ Lokꞌoninbil taxak li Dios lix Yucuaꞌ li Ka̱cuaꞌ Jesucristo. Xban nak junajo chic riqꞌuin li Cristo, li Dios naxqꞌue chak ke chixjunil li kosobtesinquil li nachal chak saꞌ choxa.

Q'eqchi Bible

³ Usilaatinanb'il taxaq li Yos, xYuwa' li Qaawa' Jesukriist, li ki'osob'tesink qe sa' xk'ab'a' li Kriist rik'in chixjunil rosob'tesihom li Musiq'ej toj sa' choxa.

Efesios 1:3 ပူးပေါင်းရင်းမြစ်များ

1 Pedro 1:3

Lokꞌoninbil taxak li Dios Acuabej, lix Yucuaꞌ li Ka̱cuaꞌ Jesucristo. Saꞌ xcꞌabaꞌ lix nimal ruxta̱n, coyoꞌla cuiꞌchic xcaꞌ cua. Xban nak li Jesucristo quicuacli cuiꞌchic chi yoꞌyo saꞌ xya̱nkeb li camenak, nakayoꞌoni li acꞌ yuꞌam li ma̱cꞌaꞌ rosoꞌjic.

2 Corintios 1:3

Lokꞌoninbil taxak li Dios lix Yucuaꞌ li Ka̱cuaꞌ Jesucristo. Li Dios, aꞌan li kaYucuaꞌ ut junelic naruxta̱na ku ut naxcꞌojob kachꞌo̱l.

Efesios 2:6

Li Dios corisi chak saꞌ li najter yuꞌam nak quixcuaclesi chi yoꞌyo li Jesucristo ut coxqꞌue chi tzꞌako̱nc saꞌ lix nimal xlokꞌal saꞌ li santil choxa xban nak reho chic li Cristo.

Génesis 22:18

Xban nak xapa̱b li cua̱tin, chixjunileb li tenamit saꞌ ruchichꞌochꞌ teꞌxcꞌul li usilal saꞌ xcꞌabaꞌeb la̱ cualal a̱cꞌajol, chan.

Efesios 1:20

Ut aꞌan ajcuiꞌ lix nimal xcuanquil li quicuaclesin re li Cristo chi yoꞌyo saꞌ xya̱nkeb li camenak ut quixcꞌojob saꞌ xnim ukꞌ li Dios aran saꞌ li santil choxa ut quixqꞌue xcuanquil.

Salmos 72:19

Lokꞌoninbil taxak xcꞌabaꞌ chi junelic kꞌe cutan. Ut chixjunileb taxak li cuanqueb saꞌ ruchichꞌochꞌ teꞌxqꞌue xlokꞌal. Joꞌcan taxak.

Efesios 6:12

Moco yo̱co ta chixyalbal kakꞌe riqꞌuin cui̱nk. Yo̱co ban chi pletic riqꞌuin qꞌuila pa̱y ru chi ma̱us aj musikꞌej li cuanqueb xcuanquil saꞌ eb li cutan aꞌin, li nequeꞌtaklan saꞌ ikꞌ ut saꞌ li ruchichꞌochꞌ li cuan saꞌ xkꞌojyi̱nal ru li ma̱c.

Efesios 3:10

Li Dios quixba̱nu chi joꞌcaꞌin re xcꞌutbal chiruheb li cuanqueb xcuanquil saꞌ choxa nak numtajenak xnaꞌleb li Dios. Teꞌxnau nak numtajenak xnaꞌleb nak teꞌxqꞌue retal nak quixjunaji ruheb laj judío riqꞌuineb li ma̱cuaꞌeb aj judío chokꞌ ralal xcꞌajol.

Gálatas 3:9

Joꞌcan nak li ani nequeꞌpa̱ban, osobtesinbileb joꞌ nak qui-osobtesi̱c laj Abraham xban nak quixpa̱b li Dios.

1 Crónicas 4:10

Laj Jabes quitijoc chiru li Ka̱cuaꞌ lix Dioseb laj Israel ut quixye: —At Ka̱cuaꞌ, china̱cuosobtesi. Ta̱qꞌue taxak cue nabal li chꞌochꞌ. Chatcua̱nk taxak cuiqꞌuin ut china̱col chiru li ma̱usilal li tixbok chak raylal saꞌ inbe̱n, chan. Ut li Ka̱cuaꞌ quirabi lix tij ut quixba̱nu joꞌ quixtzꞌa̱ma chiru.

Isaías 61:9

Ut eb li ralal xcꞌajol lin tenamit naꞌno̱keb chic ruheb xbaneb li jalan tenamit. Chixjunileb li teꞌilok ruheb teꞌxnau nak aꞌaneb li cualal incꞌajol ut osobtesinbileb inban, chan li Ka̱cuaꞌ.

Salmos 134:3

Aꞌ taxak li nimajcual Dios li cuan Sión chi-osobtesi̱nk e̱re. Aꞌ taxak li Ka̱cuaꞌ li quiyi̱ban re li choxa ut li ruchichꞌochꞌ chi-osobtesi̱nk e̱re.

San Juan 17:21

At inYucuaꞌ, li cꞌaꞌru nintzꞌa̱ma cha̱cuu, aꞌan nak junajak taxak ruheb. Cheꞌcua̱nk kiqꞌuin joꞌ nak cuanquin la̱in a̱cuiqꞌuin ut la̱at cuancat cuiqꞌuin. Junajak taxak ruheb re nak li cuanqueb saꞌ ruchichꞌochꞌ teꞌxpa̱b nak la̱at xattaklan chak cue.

Salmos 72:17

Chicua̱nk ta xyuꞌam li rey chi junelic ut naꞌno̱k taxak ru chi junelic joꞌ najtil ta̱cua̱nk li sakꞌe saꞌ xbe̱n li ruchichꞌochꞌ. Cheꞌosobtesi̱k taxak chixjunileb li tenamit xban aꞌan. Ut chixjunileb taxak li tenamit teꞌyehok re: Us xak re aꞌan.

1 Crónicas 29:20

Chirix aꞌan laj David quixye reheb chixjunileb li tenamit li chꞌutchꞌu̱queb aran: —Lokꞌonihomak li Ka̱cuaꞌ li kaDios, chan. Ut chixjunileb queꞌxlokꞌoni li Ka̱cuaꞌ, lix Dioseb lix xeꞌto̱nil yucuaꞌ. Queꞌxcuikꞌib ribeb saꞌ chꞌochꞌ chiru li Ka̱cuaꞌ ut chiru ajcuiꞌ li rey.

Efesios 1:17

Nintijoc chiru li nimajcual Dios, lix yucuaꞌ li Ka̱cuaꞌ Jesucristo, ut nintzꞌa̱ma chiru nak tixqꞌue e̱naꞌleb re nak te̱tau ru chi tzꞌakal lix naꞌleb li Dios ut re nak te̱tau ru lix ya̱lal chi us.

2 Corintios 11:31

Li Acuabej Dios, lix Yucuaꞌ li Ka̱cuaꞌ Jesucristo naxnau nak incꞌaꞌ ninticꞌtiꞌic. Lokꞌoninbil taxak li Dios chi junelic kꞌe cutan.

2 Corintios 5:21

Li Jesucristo ma̱ jun sut quima̱cob. Abanan li Dios quixqꞌue li kama̱c saꞌ xbe̱n li Cristo re nak saꞌ xcꞌabaꞌ aꞌan, la̱o takatau lix ti̱quilal kachꞌo̱l li naxqꞌue li Dios.

Génesis 14:20

Lokꞌoninbil taxak li Ka̱cuaꞌ Dios li kꞌaxal nim xcuanquil. Aꞌan xkꞌaxtesi saꞌ a̱cuukꞌ li xicꞌ nequeꞌiloc a̱cue, chan. Laj Abram quixsi re laj Melquisedec li junju̱nk saꞌ xlaje̱tkil re chixjunil li cꞌaꞌru quire̱chani chak.

1 Corintios 12:12

Li jun chi tzꞌejcualej tzꞌakal re ru. Cuan rok rukꞌ. Cuan chixjunil. Usta jalan jala̱nk lix chaꞌal cuan, abanan jun ajcuiꞌ chi tzꞌejcualej nak cuan. Joꞌcan ajcuiꞌ la̱o aj pa̱banel. Nabalo, abanan junajo chi tzꞌejcualej riqꞌuin li Cristo.

Romanos 12:5

Joꞌcan ajcuiꞌ la̱o aj pa̱banel. Junajo chi tzꞌejcualej nak cuanco riqꞌuin li Cristo. Nabalo, abanan junajo saꞌ li kapa̱ba̱l. Ut chikajunilo kachaꞌal kib chi kibil kib.

Daniel 4:34

—Nak ac xnumeꞌ li cuukub chihab, chan li rey Nabucodonosor, la̱in quin-iloc saꞌ choxa ut quiqꞌueheꞌ cuiꞌchic cue lin naꞌleb. Ut la̱in quinlokꞌoni li nimajcual Dios. Quinqꞌue xlokꞌal li Ka̱cuaꞌ li yoꞌyo chi junelic. Aꞌan li cuan xcuanquil chi junelic kꞌe cutan.

Efesios 1:10

Ta̱cuulak xkꞌehil nak ta̱tzꞌaklok ru chixjunil joꞌ naraj li Dios. Tixjunaji chixjunil li cꞌaꞌru cuan joꞌ saꞌ choxa joꞌ saꞌ ruchichꞌochꞌ. Ut aꞌ chic li Cristo ta̱jolomi̱nk re chixjunil.

2 Corintios 5:17

Joꞌcan ut cui junak xpa̱b li Cristo, acꞌobresinbil aꞌan. Lix yuꞌam quicuan junxil xnumeꞌ ut anakcuan acꞌ chic lix yuꞌam.

Romanos 15:6

Li Dios chitenkꞌa̱nk e̱re re nak junajak le̱ chꞌo̱l nak te̱lokꞌoni li Acuabej Dios, lix Yucuaꞌ li Jesucristo.

Nehemías 9:5

Laj Jesúa, laj Cadmiel, laj Bani, laj Hasabnías, laj Serebías, laj Hodías, laj Sebanías, ut laj Petaías queꞌxye reheb li tenamit: —Cuaclinkex. Qꞌuehomak xlokꞌal li Ka̱cuaꞌ li kaDios, li kꞌaxal nim xcuanquil. Qꞌuehomak xlokꞌal chi junelic. Chiqꞌuehekꞌ taxak xlokꞌal lix lokꞌlaj cꞌabaꞌ ut chinima̱k taxak ru chi junelic kꞌe cutan.—

Hebreos 8:5

Li cꞌaꞌru nequeꞌxba̱nu eb laj tij yal jun retalil li na-uxman saꞌ li choxa. Nakanau nak yal retalil xban li cꞌaꞌru quiyeheꞌ re laj Moisés nak oc re chixyi̱banquil li tabernáculo. Li Dios quixye re: Chaqꞌue retal ut chaba̱nu chixjunil joꞌ li retalil quincꞌut cha̱cuu saꞌ xbe̱n li tzu̱l Sinaí. (Ex. 25:40)

Filipenses 2:11

Li Dios quixqꞌue xlokꞌal li Jesucristo re nak chixjunileb teꞌxchꞌolob xya̱lal riqꞌuin xtzꞌu̱mal re nak li Jesucristo, aꞌan li Ka̱cuaꞌ ut teꞌxqꞌue xlokꞌal li Acuabej Dios.

1 Corintios 1:30

Yal xban rusilal li Dios nak junajex chic riqꞌuin li Jesucristo. Li Jesucristo quixakaba̱c xban li Dios re xqꞌuebal kanaꞌleb. Quixakaba̱c chixti̱cobresinquil li kachꞌo̱l chiru li Dios ut chikasantobresinquil. Ut saꞌ xcꞌabaꞌ li Cristo cuybil sachbil li kama̱c.

Hebreos 9:23

Joꞌcan nak tento nak queꞌxrachrachi lix quiqꞌuel li xul chiru li tabernáculo joꞌ ajcuiꞌ chiruheb li cꞌaꞌ re ru cuan chi saꞌ re xsantobresinquileb. Li tabernáculo yal retalil li choxa. Ut li choxa santobresinbil riqꞌuin jun mayej kꞌaxal cuiꞌchic lokꞌ. Aꞌan lix lokꞌlaj quiqꞌuel li Ka̱cuaꞌ Jesucristo.

San Juan 20:17

Li Jesús quixye re: —Mina̱bay. Canabin chi xic. Tento nak tinxic riqꞌuin lin Yucuaꞌ. Ayu ut ye reheb lin herma̱n nak xic cue riqꞌuin lin Yucuaꞌ. Aꞌan ajcuiꞌ le̱ yucuaꞌ la̱ex. Aꞌan lin Dios ut aꞌan ajcuiꞌ le̱ Dios la̱ex, chan li Jesús.

San Juan 14:20

Toj saꞌ li cutan aꞌan la̱ex te̱qꞌue retal nak li Yucuaꞌbej cuan cuiqꞌuin ut la̱in cuanquin riqꞌuin aꞌan. Junaj ku chi kibil kib. Ut la̱ex cua̱nkex cuiqꞌuin ut la̱in cua̱nkin e̱riqꞌuin.

San Lucas 2:28

Ut laj Simeón quixkꞌalu li Jesús, quixqꞌue xlokꞌal li Ka̱cuaꞌ ut quixye:

2 Crónicas 31:8

Nak laj Ezequías ut eb li nequeꞌtenkꞌan re queꞌril chixjunil li mayej tu̱btu aran, queꞌxlokꞌoni li Ka̱cuaꞌ ut queꞌxbantioxi chiruheb laj Israel lix tenamit.