Efesios 1:13 - Li Santil hu

¹³ Ut joꞌcan ajcuiꞌ la̱ex li ma̱cuaꞌex aj judío. Nak xerabi lix ya̱lal li colba-ib, la̱ex xepa̱b li Cristo ut xecꞌul li Santil Musikꞌej, li quiyechiꞌi̱c e̱re chokꞌ retalil nak la̱ex chic li ralal xcꞌajol.

Q'eqchi Bible

¹³ Sa' xk'ab'a' A'an laa'ex li xerab'i ut xepaab' li Aatin re li yaal, a' li xChaab'il Esil leekolb'al, xexkaaxtiik ajwi' cho'q reechanihom li Yos, rik'in li Santil Musiq'ej yeechi'inb'il chaq:

Efesios 1:13 ပူးပေါင်းရင်းမြစ်များ

2 Corintios 1:22

Ut li Dios quixtakla chak li Santil Musikꞌej chi cua̱nc kiqꞌuin chokꞌ retalil nak reho chic. Xban nak li Santil Musikꞌej cuan kiqꞌuin, nakanau chi ya̱l nak takacꞌul chixjunil li quixyechiꞌi ke.

Efesios 4:30

Me̱ba̱nu chic li incꞌaꞌ us re nak incꞌaꞌ ta̱rahokꞌ xchꞌo̱l li Santil Musikꞌej e̱ban. Li Dios quixqꞌue e̱re li Santil Musikꞌej chokꞌ e̱retalil nak rehex chic aꞌan toj saꞌ li cutan nak tixtzꞌakobresi le̱ colbal.

2 Timoteo 2:19

Abanan lix ya̱lal qꞌuebil ke xban li Dios incꞌaꞌ naru najalman ru. Joꞌcaꞌin tzꞌi̱banbil saꞌ li Santil Hu: li Dios naxnau ruheb li ralal xcꞌajol, ut chixjunileb li teꞌxcꞌabaꞌin xcꞌabaꞌ li Ka̱cuaꞌ, tento nak teꞌxcanab chi junaj cua li ma̱usilal.

1 Ts 2:13

Junelic nakabantioxi chiru li Dios nak quepa̱b li ra̱tin li Dios li xkachꞌolob che̱ru. Moco ra̱tin cui̱nk ta quepa̱b. Ra̱tin li Dios ban quepa̱b. Ut ya̱l ajcuiꞌ nak aꞌan ra̱tin li Dios. Ut aꞌan li yo̱ chi jaloc re le̱ yuꞌam la̱ex aj pa̱banel.

Romanos 4:11

Mokon chic laj Abraham quixcꞌul li circuncisión joꞌ retalil nak aꞌan jun cui̱nk ti̱c xchꞌo̱l chiru li Dios xban lix pa̱ba̱l. Laj Abraham quixpa̱b li Dios nak ma̱jiꞌ naxcꞌul li circuncisión. Joꞌcan nak nayeman nak laj Abraham aꞌan xyucuaꞌeb chixjunileb li nequeꞌxpa̱b li Dios ut nequeꞌqꞌueheꞌ saꞌ ajl saꞌ xya̱nkeb li ti̱queb xchꞌo̱l usta incꞌaꞌ nequeꞌxcꞌul li circuncisión.

Tito 2:11

Li Dios quixcꞌutbesi lix nimal ruxta̱n re xcolbaleb chixjunileb li cuanqueb jun sut rubel choxa.

Gálatas 3:14

Li Jesucristo quixtoj rix li kama̱c nak quicam chiru li cruz re nak saꞌ xcꞌabaꞌ aꞌan li ma̱cuaꞌeb aj judío teꞌxcꞌul li rosobtesinquil riqꞌuin li Dios joꞌ li quixcꞌul laj Abraham ut re ajcuiꞌ nak riqꞌuin xpa̱banquil li Jesucristo takacꞌul li Santil Musikꞌej li quiyechiꞌi̱c ke xban li Dios.

Joel 2:28

Ut nak ac xnumeꞌ chixjunil li cꞌaꞌak re ru aꞌin, la̱in tinqꞌue lin musikꞌ chi cua̱nc riqꞌuineb chixjunileb li tenamit. Ut eb le̱ ralal e̱cꞌajol teꞌyehok ra̱tin profeta. Ut tincꞌut lix ya̱lal chiruheb li ti̱xil cui̱nk saꞌ xmatqꞌueb ut tincꞌuteb li visión chiruheb li sa̱j cui̱nk.

Romanos 1:16

Incꞌaꞌ ninxuta̱nac chixchꞌolobanquil xya̱lal li colba-ib xban nak aꞌan lix nimal xcuanquil li Dios re xcolbal chixjunil li teꞌpa̱ba̱nk re. Li colba-ib xbe̱n cua qꞌuebil reheb laj judío ut qꞌuebil ajcuiꞌ reheb li ma̱cuaꞌeb aj judío.

Hechos 2:33

Quicꞌameꞌ xban li Dios re nak ta̱cꞌojla̱k saꞌ lix nim ukꞌ ut quiqꞌueheꞌ xcuanquil. Ut quiqꞌueheꞌ li Santil Musikꞌej re xban li Dios. Ut quixqꞌue ajcuiꞌ ke la̱o li Santil Musikꞌej joꞌ quiyechiꞌi̱c ke. Aꞌan aꞌin li yo̱quex chirilbal ut chirabinquil anakcuan.

San Juan 14:26

Li Santil Musikꞌej li tixtakla chak li Yucuaꞌbej chokꞌ cuu̱chil, aꞌan ta̱tenkꞌa̱nk e̱re ut aꞌan ta̱cꞌutuk che̱ru chixjunil li cꞌaꞌak re ru li incꞌaꞌ nequetau ru. Ut aꞌan tixjultica e̱re chixjunil li cꞌaꞌru xinye e̱re.

San Juan 1:17

Li Dios quixqꞌue li chakꞌrab re laj Moisés re nak tixcꞌut chiku. Aban lix ya̱lal chirix li Dios ut li rusilal quixcꞌutbesi chiku li Jesucristo.

San Lucas 24:49

Ut la̱in tintakla chak e̱re le̱ ma̱tan li quixyechiꞌi lin Yucuaꞌ. Abanan cana̱kex arin saꞌ li tenamit Jerusalén toj te̱cꞌul le̱ cuanquil li ta̱cha̱lk saꞌ choxa, chan li Jesús reheb.

Salmos 119:43

Incꞌaꞌ taxak tincanab xyebal la̱ cua̱tin. Junelic taxak tinye resil xban nak aꞌan li ya̱l ut junes riqꞌuin aꞌan cau inchꞌo̱l.

1 Pedro 2:10

Junxil ma̱cuaꞌex ralal xcꞌajol li Dios. Aban anakcuan la̱ex chic ralal xcꞌajol. Junxil incꞌaꞌ nequenau lix nimal ruxta̱n li Dios. Aban anakcuan nequenau chic.

Romanos 6:17

Junxil cuanquex rubel xcuanquil li ma̱c. Aꞌut anakcuan, bantiox re li Dios, chi anchal e̱chꞌo̱l nequepa̱b li tijleb li xekꞌaxtesi cuiꞌ e̱rib.

Hechos 1:4

Nak toj cuan saꞌ xya̱nkeb li Jesús quixye reheb chi joꞌcaꞌin: —Incꞌaꞌ texxic saꞌ jalan naꞌajej. Texcana̱k ban Jerusalén roybeninquil li Santil Musikꞌej li yechiꞌinbil e̱re xban li Dios Acuabej, li ac xinye e̱re la̱in.

San Juan 15:26

Nak ta̱cha̱lk li Santil Musikꞌej, laj Cꞌojobanel Chꞌo̱l, e̱riqꞌuin aꞌan tixcꞌut chi tzꞌakal lix ya̱lal che̱ru chicuix la̱in. La̱in tintakla chak e̱riqꞌuin li Santil Musikꞌej li nachal riqꞌuin lin Yucuaꞌ.

Hechos 13:26

Ex kas ki̱tzꞌin, la̱ex ralal xcꞌajol laj Abraham, ut la̱ex li ma̱cuaꞌex aj judío li nequexucua ru li Dios, taklanbil chak chokꞌ e̱re laj Colonel.

San Juan 6:27

Mixic e̱chꞌo̱l caꞌaj cuiꞌ riqꞌuin xsicꞌbal li tzacae̱mk li na-osoꞌ. Cheqꞌuehak ban e̱chꞌo̱l chixsicꞌbal li tzacae̱mk li incꞌaꞌ nalaj na-osoꞌ. Aꞌan li junelic yuꞌam li ninqꞌue la̱in li Cꞌajolbej. Aꞌan aj e nak quixqꞌue incuanquil ut quinixtakla chak li Yucuaꞌbej, chan li Jesús.

San Lucas 11:13

Cui la̱ex li moco cha̱bilex ta nequenau xqꞌuebal li cꞌaꞌru cha̱bil re le̱ ralal e̱cꞌajol, ¿ma tojaꞌ ta chic le̱ yucuaꞌ cuan saꞌ choxa incꞌaꞌ tixqꞌue li Santil Musikꞌej re li ani tixtzꞌa̱ma chiru? chan li Jesús reheb.

Apocalipsis 7:2

Ut quicuil jun chic li ángel yo̱ chak chi cha̱lc na-el cuiꞌ chak li sakꞌe. Cuan chak lix sello li yoꞌyo̱quil Dios riqꞌuin. Ut quia̱tinac chi cau xya̱b xcux riqꞌuineb li ca̱hib chi ángel li ac qꞌuebileb xcuanquil re xba̱nunquil raylal reheb li cuanqueb saꞌ ruchichꞌochꞌ, joꞌqueb ajcuiꞌ li cuanqueb saꞌ li palau.

Santiago 1:18

Xban nak joꞌcan quiraj li Dios, joꞌcan nak quixye nak chiru li Dios chanchano li xbe̱n ru li racui̱mk li quixyoꞌobtesi chak.

Hebreos 2:3

Cui eb aꞌan queꞌxcꞌul xtojbal xma̱c, ¿chan put ru nak tocolekꞌ la̱o chiru li tojba ma̱c cui nakatzꞌekta̱na li lokꞌlaj colba-ib li quixyechiꞌi ke li Ka̱cuaꞌ Jesucristo? Li Jesucristo quixyechiꞌi ke li kacolbal kꞌaxal lokꞌ. Ut chirix aꞌan, eb li queꞌabin re li ra̱tin, aꞌan eb ajcuiꞌ queꞌchꞌoloban lix ya̱lal chiku.

2 Timoteo 3:15

Chalen chak toj saꞌ a̱caꞌchꞌinal ac nacanau xsaꞌ li Santil Hu. Nacanau nak aꞌan li nacꞌutuc lix ya̱lal chiku nak li colba-ib natauman riqꞌuin xpa̱banquil li Jesucristo.

2 Timoteo 2:15

Chaqꞌuehak a̱chꞌo̱l chi cꞌanjelac chiru li Dios joꞌ junak tzꞌakal aj cꞌanjel ma̱cꞌaꞌ cꞌaꞌru ta̱xuta̱na̱k cuiꞌ. Chachꞌolobak chi tzꞌakal resil li colba-ib chiruheb.

Efesios 4:21

La̱ex xerabi li quixye li Cristo ut xetzol lix ya̱lal li quixcꞌut che̱ru.

2 Corintios 6:7

Nakachꞌolob lix ya̱lal che̱ru. Chixjunil li nakaba̱nu, nakaba̱nu riqꞌuin lix cuanquil li Dios. Junak li soldado cuan xchꞌi̱chꞌ re pletic saꞌ lix nim ukꞌ ut cuan xchꞌi̱chꞌ saꞌ lix tzꞌe re xcolbal rib. Ut li kachꞌi̱chꞌ la̱o, aꞌan xti̱quilal li kachꞌo̱l.

San Juan 3:33

Abanan li ani naxpa̱b li cꞌaꞌru naxye, riqꞌuin aꞌan naxcꞌut nak naxpa̱b nak tzꞌakal ya̱l li cꞌaꞌru yebil xban li Dios.

Santiago 1:21

Joꞌcan ut nak checanabak xba̱nunquil li cꞌaꞌru incꞌaꞌ us ut chixjunil li ma̱usilal. Ut checꞌulak saꞌ xya̱lal li ra̱tin li Dios li qꞌuebil e̱re. Chicana̱k saꞌ e̱chꞌo̱l xban nak li ra̱tin cuan xcuanquil re e̱colbal.