Efesios 1:11 - Li Santil hu

¹¹ La̱o aj judío sicꞌbil ku xban li Dios chokꞌ ralal xcꞌajol saꞌ xcꞌabaꞌ li Cristo. Aꞌin qui-uxman xban nak joꞌcan quiraj li Dios ut xban nak aꞌan yal re saꞌ xbe̱n chixjunil.

Q'eqchi Bible

¹¹ Sa' xk'ab'a' ajwi' li Kriist kooxaqab'aak chaq chi eechanink, sik'b'il chaq qu chi junxilaj jo' chanru ki'alaak sa' xch'ool li Yos li nab'aanunk re chixjunil, a' yaal chanru li xk'a'uxl ut li rajom,

Efesios 1:11 ပူးပေါင်းရင်းမြစ်များ

Romanos 8:28

Li Dios naxsukꞌisi chokꞌ usilal chixjunil li cꞌaꞌak re ru nequeꞌxcꞌul li nequeꞌrahoc re li Dios, aꞌ li bokbileb chixba̱nunquil li cꞌaꞌru naraj li Dios.

1 Pedro 1:4

Yo̱co chixyoꞌoninquil li kama̱tan li tixqꞌue ke li Dios. Li ma̱tan aꞌin incꞌaꞌ nalaj incꞌaꞌ na-osoꞌ. Cꞌu̱lanbil saꞌ choxa. Aran ma̱cꞌaꞌ ta̱muxuk ru ut ma̱ jaruj ta̱osokꞌ.

Efesios 1:14

Li Santil Musikꞌej quiqꞌueheꞌ ke chokꞌ retalil nak takacꞌul chixjunil li yechiꞌinbil ke xban li Dios ut ta̱tzꞌaklok ru li kacolbal. Joꞌcan nak lokꞌoninbilak ru riqꞌuin lix nimal xcuanquilal.

Efesios 3:11

Ac cꞌu̱banbil chak junxil chi joꞌcaꞌin xban li Dios nak li Ka̱cuaꞌ Jesucristo tixjunajiheb ru li ralal xcꞌajol.

Efesios 1:5

Xban nak nocoxra, joꞌcan nak quixsicꞌ chak ku re nak la̱ako chic li ralal xcꞌajol saꞌ xcꞌabaꞌ li Jesucristo. Quixba̱nu chi joꞌcan xban nak joꞌcan quiraj.

Gálatas 3:18

Cui ta naru xcꞌulbal li colba-ib riqꞌuin xba̱nunquil li naxye li chakꞌrab, ma̱cꞌaꞌ raj rajbal li quiyechiꞌi̱c re laj Abraham xban li Dios. Abanan li cꞌaꞌru quixyechiꞌi li Dios re laj Abraham, aꞌan yal chi ma̱tan quixqꞌue.

Hebreos 6:17

Joꞌcan nak li Dios quixyechiꞌi li ma̱tan riqꞌuin juramento. Quiraj xcꞌutbal chiruheb li teꞌe̱chani̱nk re nak tzꞌakal ya̱l li yo̱ chixyebal. Ut incꞌaꞌ tixjal ru li ra̱tin.

Tito 3:7

Joꞌcaꞌin quixba̱nu re nak ta̱ti̱cokꞌ li kachꞌo̱l xban xnimal rusilal li Dios ut take̱chani li junelic yuꞌam li yo̱co chiroybeninquil.

Romanos 8:17

Ut xban nak la̱o ralal xcꞌajol li Dios, kochben li Cristo nak take̱chani chixjunil li quixyechiꞌi ke li Dios. Cui totzꞌako̱nk riqꞌuin li raylal li quixcꞌul li Cristo, joꞌcan nak toxotzꞌako̱nk ajcuiꞌ kochben saꞌ lix nimal xlokꞌal.

Colosenses 1:12

Chebantioxi chiru li Acuabej Dios li quiqꞌuehoc ke chitzꞌako̱nk riqꞌuin li sahil chꞌo̱lejil kochbeneb laj pa̱banel li ac xeꞌxtau xya̱lal.

Colosenses 3:24

Joꞌcan cheba̱nu xban nak la̱ex ac nequenau nak li Ka̱cuaꞌ Dios ta̱qꞌuehok le̱ kꞌajca̱munquil li yechiꞌinbil e̱re xban nak li Ka̱cuaꞌ Jesucristo, aꞌan li tzꞌakal patrón saꞌ e̱be̱n ut yo̱quex chi cꞌanjelac chiru.

Hechos 26:18

Chanchan nak ta̱teo̱nk li xnakꞌ ruheb nak ta̱chꞌolob lix ya̱lal chiruheb. Chanchan nak teꞌe̱lk saꞌ li kꞌojyi̱n ut teꞌoc saꞌ cutan nak teꞌxtau ru lix ya̱lal. Teꞌe̱lk rubel xcuanquil laj tza ut teꞌoc rubel xcuanquil li Dios. Riqꞌuin inpa̱banquil la̱in, ta̱cuyekꞌ ta̱sachekꞌ lix ma̱queb, ut ta̱cua̱nk xnaꞌajeb saꞌ xya̱nkeb li sicꞌbileb ru xban li Dios,” chan cue li Ka̱cuaꞌ.

Hechos 20:32

Anakcuan ut ex herma̱n, texinkꞌaxtesi saꞌ rukꞌ li Dios ut li ra̱tin li quixqꞌue chak e̱re xban lix rahom chitenkꞌa̱nk e̱re chi qꞌui̱c saꞌ le̱ pa̱ba̱l. Ut aꞌan ajcuiꞌ ta̱qꞌuehok e̱naꞌaj saꞌ xya̱nkeb li sicꞌbileb ru xban li Dios.

Hechos 2:23

Li Jesús quikꞌaxtesi̱c saꞌ e̱rukꞌ la̱ex xban nak ac joꞌcan chak saꞌ xchꞌo̱l li Dios nak joꞌcan tixcꞌul. Ut la̱ex quechap ut quekꞌaxtesi saꞌ rukꞌeb li cui̱nk li incꞌaꞌ useb xnaꞌleb. Ut eb aꞌan queꞌxcamsi chiru cruz.

Hechos 20:27

xban nak ac xinchꞌolob chi tzꞌakal re ru li naꞌleb li taklanbilin cuiꞌ xban li Dios.

Hechos 4:28

Joꞌcaꞌin queꞌxba̱nu xban nak ac joꞌcan chak saꞌ a̱chꞌo̱l la̱at. Ut ac yebil chak a̱ban nak joꞌcan ta̱cꞌulma̱nk.

Jeremías 32:19

Kꞌaxal lokꞌ li nacacꞌu̱b ru ut sachba chꞌo̱lej li nacaba̱nu riqꞌuin xnimal la̱ cuanquil. La̱at nacacuil chixjunil li nequeꞌxba̱nu li cristian. Ut nacaqꞌue xkꞌajca̱munquil li junju̱nk aꞌ ya̱l chanru lix yehom xba̱nuhom.

Salmos 37:18

Li Ka̱cuaꞌ naxnau joꞌ najtil teꞌcua̱nk saꞌ ruchichꞌochꞌ li ti̱queb xchꞌo̱l ut li cꞌaꞌru teꞌre̱chani, aꞌan cua̱nk chi junelic.

1 Pedro 3:9

Nak teꞌxba̱nu ma̱usilal e̱re, incꞌaꞌ te̱sume ru riqꞌuin ma̱usilal. Nak texhobekꞌ, me̱sume ru riqꞌuin hoboc. Cheba̱nuhak ban usilal reheb li nequeꞌba̱nun ma̱usilal e̱re. La̱ex bokbilex chak xban li Dios re nak te̱re̱chani le̱ rosobtesinquil.

Romanos 11:34

Joꞌcaꞌin tzꞌi̱banbil saꞌ li Santil Hu: Ma̱ ani nanaꞌoc re xcꞌaꞌux li Ka̱cuaꞌ. Ma̱ ani naru naqꞌuehoc xnaꞌleb. (Isa. 40:13-14)

Zacarías 6:13

Aꞌan ta̱yi̱ba̱nk re lix templo li Ka̱cuaꞌ ut aꞌan ta̱qꞌuehekꞌ xlokꞌal. Aꞌan ta̱cꞌojla̱k saꞌ lix cꞌojariba̱l ut aꞌan chic ta̱takla̱nk saꞌ xbe̱n li ruchichꞌochꞌ. Aꞌanak li tzꞌakal Rey ut aꞌanak ajcuiꞌ li tzꞌakal aj tij. Ma̱cꞌaꞌak chꞌaꞌajquilal saꞌ li cuib chi cꞌanjel li tixba̱nu. Us ta̱e̱lk lix cꞌanjel chiru.

Jeremías 23:18

Abanan, ¿Ma cuan ta biꞌ junak naxnau cꞌaꞌru cuan saꞌ xchꞌo̱l li Ka̱cuaꞌ? ¿Ma cuan ta biꞌ junak quiril ut quirabi nak yo̱ chi a̱tinac? ¿Ma queꞌraj ta biꞌ rabinquil li ra̱tin li Ka̱cuaꞌ? ¿Ma queꞌxba̱nu ta biꞌ li cꞌaꞌru quixye?

Isaías 28:29

Chixjunil li naꞌleb aꞌin qꞌuebil re xban li nimajcual Dios. Kꞌaxal cha̱bil li naꞌleb li naxqꞌue li Dios ut chixjunil na-el chi us.

Isaías 5:19

La̱ex li nequexyehoc re: —Chiba̱nuha̱k chi junpa̱t li cꞌaꞌru naraj li Dios re takil. Kilak nak lix Santil Dioseb laj Israel tixba̱nu chi junpa̱t li cꞌaꞌru naxye nak tixba̱nu.—

Deuteronomio 4:20

Abanan la̱ex sicꞌbil e̱ru xban li Ka̱cuaꞌ. Aꞌan qui-isin chak e̱re saꞌ li naꞌajej Egipto, li chanchan tikcual xam xban li raylal li quecꞌul. Quexrisi chak re nak texcua̱nk chokꞌ xtenamit. Ut relic chi ya̱l nak la̱ex chic lix tenamit anakcuan.

Proverbios 8:14

La̱in ninnau cꞌoxlac chi us. La̱in ninqꞌuehoc naꞌleb ut la̱in ninxakaban reheb saꞌ xcuanquil. Ut la̱in ajcuiꞌ ninqꞌuehoc se̱bal chꞌo̱lej.

Santiago 2:5

Ex inherma̱n, raro̱quex inban. Abihomak li tinye e̱re. Li Dios quisicꞌoc ruheb li nebaꞌ saꞌ ruchichꞌochꞌ. Abanan li nebaꞌ biomeb chiru li Dios xban nak nequeꞌxpa̱b li Cristo ut teꞌxcꞌul lix nimal xcuanquil li quixyechiꞌi li Dios reheb li nequeꞌrahoc re.

Efesios 1:8

Li rusilal quixqꞌue ke chi numtajenak xqꞌuial ut quixqꞌue kanaꞌleb re nak takatau ru lix ya̱lal.

Li xHu LAJ JOB 12:13

Abanan li Dios kꞌaxal numtajenak cuiꞌchic lix naꞌleb ut lix cuanquil. Li cꞌaꞌru naraj xba̱nunquil, naxba̱nu.

Li xHu LAJ JOB 33:29

Nabal sut naxba̱nu li Dios chi joꞌcaꞌin riqꞌuineb li cui̱nk re xcolbaleb.

Isaías 25:1

At Ka̱cuaꞌ, la̱at lin Dios. Tinqꞌue a̱lokꞌal ut tinnima la̱ cꞌabaꞌ. Xban nak ti̱c a̱chꞌo̱l, xaba̱nu li sachba chꞌo̱lej li xacꞌu̱b chak ru xba̱nunquil najter.

Hechos 13:48

Nak queꞌrabi li cꞌaꞌru quixye laj Pablo, li ma̱cuaꞌeb aj judío queꞌsahoꞌ saꞌ xchꞌo̱leb ut queꞌxqꞌue xcuanquil li ra̱tin li Dios. Queꞌpa̱ban li joꞌ qꞌuial li quixye li Dios nak ta̱cua̱nk xyuꞌameb chi junelic.

Romanos 8:29

Chalen saꞌ xticlajic li Dios quixnau aniheb li teꞌpa̱ba̱nk re. Joꞌcan nak quixsiqꞌueb ru ut quixcꞌuleb chokꞌ ralal xcꞌajol. Quixxakab li Jesucristo li Ralal re nak aꞌanak li xbe̱n alalbej saꞌ xya̱nkeb li ralal xcꞌajol.

Romanos 8:30

Najter chak kꞌe cutan li Dios ac cuan saꞌ xchꞌo̱l ani li sicꞌbileb ru xban, ut li sicꞌbileb ru aꞌan li quixbokeb; ut li quixbokeb, quixti̱cobresi lix chꞌo̱leb ut naxqꞌueheb ajcuiꞌ xlokꞌal.

Romanos 9:11

Toj ma̱jiꞌ nequeꞌyoꞌla lix cocꞌal lix Rebeca nak quisiqꞌueꞌ ru li jun xban li Dios. Moco riqꞌuin ta lix yehom xba̱nuhom nak quisiqꞌueꞌ ru xban nak ma̱jiꞌ nequeꞌxba̱nu li us chi moco li incꞌaꞌ us. Riqꞌuin aꞌan nakanau nak li Dios incꞌaꞌ naxsicꞌ ru junak riqꞌuin lix yehom xba̱nuhom. Naxsicꞌ ban ru joꞌ naraj aꞌan.

Efesios 1:9

Ut quixcꞌutbesi chiku li naꞌleb li mukmu nak quicuan chak junxil, aꞌ li qui-ala saꞌ xchꞌo̱l xba̱nunquil nak quixtakla chak li Jesucristo.

Efesios 1:18

Nintzꞌa̱ma chiru li Dios nak tixqꞌue e̱naꞌleb re nak te̱tau ru cꞌaꞌru le̱ lokꞌlaj ma̱tan li yo̱quex chiroybeninquil xban nak sicꞌbil e̱ru xban li Dios. Te̱cꞌul le̱ ma̱tan e̱rochbeneb chixjunileb laj pa̱banel.

Tito 2:14

Aꞌan quixkꞌaxtesi rib chi ca̱mc saꞌ kacꞌabaꞌ la̱o re nak tocolekꞌ chiru li ma̱usilal. Quixba̱nu aꞌan re xti̱cobresinquil li kachꞌo̱l ut re nak chikaqꞌuehak kachꞌo̱l chixba̱nunquil li us.