Efesios 1:1 - Li Santil hu

¹ La̱in laj Pablo. La̱in x-apóstol li Jesucristo xban nak joꞌcan quiraj li Dios. Yo̱quin chixtzꞌi̱banquil li hu aꞌin e̱riqꞌuin la̱ex laj pa̱banel li cuanquex Éfeso. Yo̱quin chi tzꞌi̱bac e̱riqꞌuin che̱junilex la̱ex li nequeqꞌue e̱chꞌo̱l chixpa̱banquil li Jesucristo.

Q'eqchi Bible

¹ Laa'in laj Pablo, x'apóstol li Kristo Jesus jo' x'alaak sa' xch'ool li Yos, nintz'iib'ak rik'ineb' li sant ut eb' laj paab'anel sa' xk'ab'a' li Kristo Jesus.

Efesios 1:1 ပူးပေါင်းရင်းမြစ်များ

Colosenses 1:2

Yo̱quin chi tzꞌi̱bac e̱riqꞌuin la̱ex li cuanquex aran Colosas. La̱ex ac xepa̱b chi tzꞌakal li Jesucristo. La̱ex chic kech aj pa̱banelil ut rehex chic li Dios. Aꞌ taxak li Dios li kaYucuaꞌ chi-osobtesi̱nk e̱re ut tixqꞌue taxak e̱re li tuktu̱quil usilal.

2 Corintios 1:1

La̱in laj Pablo. Sicꞌbil cuu xban li Dios chokꞌ x-apóstol li Jesucristo xban nak joꞌcan quiraj li Dios. Cuochben laj Timoteo li kech aj pa̱banelil. Yo̱quin chixtzꞌi̱banquil li hu aꞌin e̱riqꞌuin la̱ex aj pa̱banel li cuanquex saꞌ li tenamit Corinto ut reheb ajcuiꞌ chixjunileb laj pa̱banel li cuanqueb saꞌ chixjunil li naꞌajej Acaya.

Gálatas 1:1

La̱in laj Pablo. La̱in x-apóstol li Jesucristo. Moco taklanbilin ta xban cui̱nk, chi moco saꞌ xcꞌabaꞌ junak cui̱nk. Taklanbilin ban xban li Jesucristo ut xban li Acuabej Dios, li quicuaclesin cuiꞌchic re chi yoꞌyo li Jesucristo saꞌ xya̱nkeb li camenak.

Romanos 1:1

La̱in laj Pablo laj cꞌanjel chiru li Ka̱cuaꞌ Jesucristo. Sicꞌbil chak cuu xban li Dios chokꞌ x-apóstol ut taklanbilin chixyebal resilal li colba-ib.

Romanos 1:7

Yo̱quin chi tzꞌi̱bac e̱riqꞌuin la̱ex li cuanquex aran saꞌ li tenamit Roma. Raro̱quex ut bokbilex xban li Dios ut la̱ex aj santil pa̱banel. Li usilal ut li tuktu̱quilal chi cua̱nc e̱riqꞌuin xban li Dios Acuabej ut xban li Ka̱cuaꞌ Jesucristo.

Efesios 6:21

Nincꞌoxla nak te̱raj te̱nau chanru cuanquin ut cꞌaꞌru yo̱quin chixba̱nunquil. Joꞌcan nak yo̱quin chixtaklanquil laj Tíquico e̱riqꞌuin. Aꞌan jun li herma̱n kꞌaxal raro kaban, ut cha̱bil aj cꞌanjel chiru li Dios. Aꞌan tixye e̱re chanru cuanquin.

1 Corintios 4:17

Aꞌan aj e nak xintakla e̱riqꞌuin laj Timoteo. Aꞌan tixjultica e̱re nak li cꞌaꞌru yo̱quin chixchꞌolobanquil chirix li Cristo, aꞌan ajcuiꞌ li yo̱quin chixba̱nunquil. Ninchꞌolob chi tzꞌakal lix ya̱lal yalak bar chiruheb chixjunileb laj pa̱banel. Laj Timoteo chanchan li cualal ut raro inban. Tzꞌakal re ru lix pa̱ba̱l saꞌ xcꞌabaꞌ li Jesucristo.

San Lucas 16:10

Li ani ti̱c xchꞌo̱l chixba̱nunquil li yal caꞌchꞌin, ti̱cak ajcuiꞌ xchꞌo̱l chixba̱nunquil li nabal. Ut li ani incꞌaꞌ ti̱c xchꞌo̱l chixba̱nunquil li yal caꞌchꞌin, incꞌaꞌ ajcuiꞌ ti̱cak xchꞌo̱l chixba̱nunquil li nabal.

Apocalipsis 2:10

Mexxucuac xban li raylal li ta̱cha̱lk saꞌ e̱be̱n. Cuanqueb saꞌ e̱ya̱nk li teꞌqꞌuehekꞌ saꞌ tzꞌalam xbaneb laj cꞌanjel chiru laj tza re xyalbal rix le̱ pa̱ba̱l. Te̱cꞌul raylal, abanan incꞌaꞌ najt te̱cꞌul. Michꞌinan e̱chꞌo̱l. Cauhak ban e̱chꞌo̱l toj chirix le̱ camic ut la̱in tinqꞌue e̱re le̱ kꞌajca̱munquil. Chanchan nak tinqꞌue le̱ corona nak tinqꞌue le̱ yuꞌam chi junelic.

Apocalipsis 17:14

Eb li rey teꞌpletik riqꞌuin li Jun li chanchan carner. Abanan aꞌan ta̱numta̱k saꞌ xbe̱neb xban nak aꞌan li Ka̱cuaꞌ, li kꞌaxal nim xcuanquil saꞌ xbe̱n chixjunil. Ut aꞌan li tzꞌakal rey li nim xcuanquil saꞌ xbe̱neb chixjunileb li cuanqueb xcuanquil saꞌ ruchichꞌochꞌ. Ut li sicꞌbileb ru, li ti̱queb xchꞌo̱l chixta̱kenquil, teꞌnumta̱k ajcuiꞌ saꞌ xbe̱neb li rey, rochbeneb li Jun li chanchan carner.—

Gálatas 3:9

Joꞌcan nak li ani nequeꞌpa̱ban, osobtesinbileb joꞌ nak qui-osobtesi̱c laj Abraham xban nak quixpa̱b li Dios.

Romanos 8:1

Anakcuan ut ma̱cꞌaꞌ chic li tojba ma̱c saꞌ xbe̱neb li nequeꞌpa̱ban re li Cristo, li incꞌaꞌ chic nequeꞌxba̱nu li nequeꞌxrahi ru lix chꞌo̱leb. Nequeꞌxba̱nu ban li naraj li Santil Musikꞌej.

Hechos 16:15

Quixcꞌul li cubi haꞌ rochbeneb chixjunileb li cuanqueb saꞌ rochoch, ut quixye ke: —Cui nequepa̱b nak la̱in xinpa̱b li Ka̱cuaꞌ chi anchal inchꞌo̱l, naru nequexcana chi hila̱nc saꞌ li cuochoch, chan ke. Ut quirelaji ku chi cana̱c.

Apocalipsis 2:13

La̱in ninnau chanru nak cuanquex. La̱in ninnau nak cuan xcuanquil laj tza saꞌ li tenamit li cuanquex cuiꞌ. Abanan la̱ex toj yo̱quex chinlokꞌoninquil. Incꞌaꞌ xecanab inpa̱banquil usta quicamsi̱c laj Antipas xban nak quixye cuesilal aran saꞌ le̱ tenamit li cuan rubel xcuanquil laj tza.

Números 12:7

Aban moco joꞌcan ta ninba̱nu riqꞌuin laj Moisés laj cꞌanjel chicuu. Aꞌan ti̱c xchꞌo̱l ut aꞌan li kꞌaxal naxqꞌue xchꞌo̱l chi cꞌanjelac saꞌ xya̱nkeb lin tenamit Israel.

1 Corintios 4:12

Cau nocotrabajic re xnumsinquil li cutan junju̱nk. Nak nequeꞌxba̱nu ma̱usilal ke, la̱o nakaba̱nu usilal reheb. Ra nequeꞌxba̱nu ke li xicꞌ nequeꞌiloc ke ut nakacuy xnumsinquil li raylal li nequeꞌxba̱nu ke.

Hechos 9:13

Laj Ananías quichakꞌoc ut quixye: —At Ka̱cuaꞌ, nabal queꞌyehoc resil cue nak xicꞌ narileb laj pa̱banel li cui̱nk aꞌan. Cꞌajoꞌ li raylal nalajxba̱nu reheb la̱ cualal a̱cꞌajol li cuanqueb aran Jerusalén.

Hechos 18:19

Nak queꞌcuulac Éfeso laj Pablo quixcanabeb lix Priscila ut laj Aquila ut co̱ saꞌ li cab li nequeꞌxchꞌutub cuiꞌ ribeb laj judío chixchꞌolobanquil lix ya̱lal chiruheb laj judío.

Hechos 18:21

Quixchakꞌrabiheb ban ut quixye reheb: —Tento nak tinxic chixnumsinquil li ninkꞌe Jerusalén xban nak cuulac re xkꞌehil. La̱in tincha̱lk cuiꞌchic e̱riqꞌuin cui joꞌcan naraj li Dios, chan. Ut qui-el aran Éfeso.

Gálatas 3:26

Anakcuan la̱ex chic ralal xcꞌajol li Dios che̱junilex xban nak xepa̱b li Jesucristo.

Gálatas 3:28

Anakcuan ut moco jalan ta chic laj griego chiruheb laj judío, chi moco jalan ta li mo̱s chiru li patrón, chi moco jalan ta li cui̱nk, chi moco jalan ta li ixk. Junaj ban chic ku saꞌ xcꞌabaꞌ li Jesucristo.

Efesios 1:15

La̱in xcuabi resil nak chi anchal e̱chꞌo̱l nequepa̱b li Ka̱cuaꞌ Jesucristo ut xcuabi resil nak nequera le̱ rech aj pa̱banelil.

Efesios 2:6

Li Dios corisi chak saꞌ li najter yuꞌam nak quixcuaclesi chi yoꞌyo li Jesucristo ut coxqꞌue chi tzꞌako̱nc saꞌ lix nimal xlokꞌal saꞌ li santil choxa xban nak reho chic li Cristo.

Efesios 2:10

Li Dios coxyoꞌobtesi ut quixqꞌue ke li acꞌ yuꞌam saꞌ xcꞌabaꞌ li Jesucristo re nak cha̱bilak li kayuꞌam xban nak ac joꞌcan cꞌu̱banbil chak xban li Dios junxil re nak cha̱bilak li kayehom kaba̱nuhom.

Efesios 2:13

Junxil li Dios ma̱cꞌaꞌ e̱riqꞌuin. Abanan anakcuan rehex chic xban nak li Cristo quicam chiru li cruz saꞌ e̱cꞌabaꞌ.