Eclesiastés 9:9 - Li Santil hu

⁹ Chanumsi la̱ yuꞌam chi sa saꞌ a̱chꞌo̱l riqꞌuin li ixk li nacara. Chanumsihak chi us la̱ yuꞌam li ma̱cꞌaꞌ na-oc cuiꞌ li quiqꞌueheꞌ a̱cue saꞌ ruchichꞌochꞌ, xban nak caꞌaj cuiꞌ aꞌan li naru ta̱ba̱nu re xyalbal xsahil la̱ cꞌanjel.

Q'eqchi Bible

⁹ Wanqat rik'in li ixq nakara jo' najtil roq laayu'am k'eeb'il aawe xb'aan li Yos. Chanumsi chi us laayu'am li maak'a' na'ok wi'. Ka'ajwi' a'an naru taab'aanu, xb'aan naq q'axal kaw yookat chi xtawasinkil aawib' sa' li ruuchich'och' a'in.

Eclesiastés 9:9 ပူးပေါင်းရင်းမြစ်များ

Eclesiastés 2:10

Chixjunil li sahil chꞌo̱lej li quicuaj, quinba̱nu. Ma̱ jun sut incꞌaꞌ ta quinba̱nu li cꞌaꞌru quinrahi ru. Ut quisahoꞌ saꞌ inchꞌo̱l riqꞌuin lin cꞌanjel li quinba̱nu. Li sahil chꞌo̱lej quincꞌul, aꞌan re̱kaj li cꞌanjel quinba̱nu.

Malaquías 2:15

¿Ma ma̱cuaꞌ ta biꞌ li Ka̱cuaꞌ xba̱nun re nak junajakeb chic ru li jun sumal chi cristian? ¿Cꞌaꞌut nak joꞌcan xba̱nu li Dios? ¿Ma ma̱cuaꞌ ta biꞌ re nak teꞌcua̱nk li ralal xcꞌajoleb ut ti̱cakeb xchꞌo̱l? Joꞌcan nak chenauhak xra̱bal le̱ yuꞌam ut canabomak xbalakꞌinquil le̱ rixakil li quexsumla cuiꞌ saꞌ e̱sa̱jilal.

Eclesiastés 6:12

¿Ma cuan ta biꞌ junak nanaꞌoc re cꞌaꞌru li us chokꞌ re li cui̱nk nak cuan arin saꞌ ruchichꞌochꞌ? Lix yuꞌam nanumeꞌ saꞌ junpa̱t chi ma̱cꞌaꞌ rajbal. Ut, ¿ma cuan ta biꞌ junak ta̱yehok re cꞌaꞌru ta̱cꞌulma̱nk nak acak xcam?

Eclesiastés 3:13

Ut ninnau ajcuiꞌ nak yal kama̱tan xban li Dios nak nococuaꞌac ut noco-ucꞌac ut nakayal xsahil li cꞌaꞌru nakacꞌanjela.

Eclesiastés 7:15

Usta ma̱cꞌaꞌ na-oc cuiꞌ lin yuꞌam, abanan xinqꞌue retal li cuib chi naꞌleb aꞌin: Cuan nak eb li ti̱queb xchꞌo̱l nequeꞌcam nak toj sa̱jeb. Ut cuan nak eb li incꞌaꞌ useb xnaꞌleb najt nequeꞌcuan saꞌ ruchichꞌochꞌ.

Eclesiastés 5:18

Riqꞌuin chixjunil aꞌin la̱in xinqꞌue retal nak li cꞌaꞌru us tixba̱nu li cui̱nk, aꞌan cuaꞌac ut ucꞌac ut xyalbal xsahil li quixcꞌanjela ru nak cuan arin saꞌ ruchichꞌochꞌ. Lix yuꞌam quiqꞌueheꞌ re xban li Dios. Tento ta̱cꞌanjelak xban nak ac tenebanbil saꞌ xbe̱n.

Eclesiastés 3:22

Riqꞌuin aꞌin ninqꞌue retal nak li us tixba̱nu li cui̱nk, aꞌan nak ta̱sahokꞌ saꞌ xchꞌo̱l riqꞌuin lix cꞌanjel xban nak aꞌan li tento tixba̱nu. Ut ma̱ ani ta̱ru̱k ta̱cꞌamok chak re chi rilbal li cꞌaꞌru ta̱cꞌulma̱nk mokon xban nak ac camenak chic.

Eclesiastés 2:24

Li cꞌaꞌru us tixba̱nu li cui̱nk, aꞌan cuaꞌac ut ucꞌac ut xyalbal xsahil li cꞌaꞌru tixcꞌanjela. Ut la̱in xinqꞌue retal nak chixjunil li cꞌaꞌru cuan ke li Dios naqꞌuehoc re.

Proverbios 19:14

Riqꞌuineb li naꞌbej yucuaꞌbej naru nakacꞌul kajun cablal ut kabiomal. Abanan junak li cha̱bil ixakilbej, caꞌaj cuiꞌ li Dios naru naqꞌuehoc re.

Proverbios 18:22

Li ani naxtau rixakil naxtau li us. Ut naxtau ajcuiꞌ rusilal li Dios.

Salmos 144:4

Li cui̱nk ma̱cꞌaꞌ na-oc cuiꞌ. Incꞌaꞌ najt nacuan xyuꞌam. Chanchan li ikꞌ li nanumeꞌ chi junpa̱t.

Salmos 39:5

Cha̱cuu la̱at caꞌchꞌin ajcuiꞌ lin yuꞌam arin saꞌ ruchichꞌochꞌ. Lin yuꞌam chanchan li ma̱cꞌaꞌ cha̱cuu. Jun jikꞌoc ajcuiꞌ. Moco nim ta cuan cuiꞌ lin yuꞌam.

Génesis 26:8

Ac xnumeꞌ chic nabal cutan nak laj Abimelec yo̱ chi iloc saꞌ ventana. Quiril nak laj Isaac yo̱ chixkꞌalunquil lix Rebeca.