Eclesiastés 9:8 - Li Santil hu

⁸ Ta̱qꞌue saki akꞌ cha̱bil cha̱cuix ut ta̱qꞌue rajlal li sununquil ban saꞌ a̱jolom.

Q'eqchi Bible

⁸ Tiqib' aawib' chi chaab'il chi junelik ut b'on aawib' chi us wulaj wulaj.

Eclesiastés 9:8 ပူးပေါင်းရင်းမြစ်များ

Apocalipsis 19:14

Nabaleb li cuanqueb saꞌ choxa yo̱queb chi ta̱ke̱nc re. Tikto̱queb riqꞌuin li saki tꞌicr lino ut sak ru. Yo̱queb chi xic chirix li cacua̱y sakeb rix.

Apocalipsis 19:8

Quiqꞌueheꞌ li cha̱bil lino re xtikibanquil rib. Sak ru li rakꞌ ut nalemtzꞌun. Li saki lino aꞌan retalil lix ti̱quilal xchꞌo̱leb li ralal xcꞌajol li Dios.

Apocalipsis 7:9

Ut chirix aꞌan, quicuil ajcuiꞌ nabaleb chi tenamit xakxo̱queb chiru li cꞌojcꞌo saꞌ lix lokꞌlaj cꞌojariba̱l ut chiru li Jun li chanchan carner. Incꞌaꞌ naru rajlanquileb xban xqꞌuialeb. Cuanqueb aran aꞌ yal ani xte̱paleb xxeꞌto̱nil xyucuaꞌeb ut aꞌ yal bar xtenamiteb ut aꞌ yal chanru li ra̱tinoba̱leb. Tikibanbileb riqꞌuin saki akꞌ ut cuan chak saꞌ rukꞌeb li rukꞌ cheꞌ palma.

Apocalipsis 16:15

Ut la̱in quicuabi nak li Ka̱cuaꞌ quixye: —La̱in tincha̱lk chi ma̱cꞌaꞌ saꞌ xchꞌo̱leb li tenamit joꞌ nak nachal laj e̱lkꞌ. Us xak re li ani nayoꞌlec re cuoybeninquil ut incꞌaꞌ nachꞌinan xchꞌo̱l saꞌ xpa̱ba̱l. Aꞌan incꞌaꞌ ta̱xuta̱na̱k chicuu nak tincꞌulu̱nk xban nak ti̱c xchꞌo̱l, chan.

Daniel 10:3

Chiru li oxib xama̱n aꞌan incꞌaꞌ xintzaca li sahil echej chi moco xinyal li vino, chi moco li tib, ut incꞌaꞌ quicuocsi li sununquil ban re xyi̱banquil cuib toj quinumeꞌ li oxib xama̱n aꞌan.

Salmos 23:5

Niquina̱qꞌue chi cuaꞌac chiruheb li xicꞌ nequeꞌiloc cue. Nacaqꞌue li sununquil ban saꞌ lin jolom. Kꞌaxal numtajenak xsahil inchꞌo̱l nacaqꞌue. Chanchan nak yo̱ chi hoyecꞌ lin secꞌ xban xnujenakil.

Ester 8:15

Nak laj Mardoqueo qui-el riqꞌuin li rey cuan chirix li cha̱bil akꞌ joꞌ narocsi li rey, rax ut sak. Cuan saꞌ xjolom jun nimla corona oro. Ut cuan li tꞌicr saꞌ xbe̱n li rakꞌ. Li tꞌicr aꞌan yi̱banbil riqꞌuin cha̱bil tꞌicr lino morado. Nak queꞌril laj Mardoqueo, cꞌajoꞌ nak queꞌsahoꞌ xchꞌo̱l li cuanqueb saꞌ li tenamit Susa.

2 Samuel 19:24

Laj Mefi-boset, li ri laj Saúl, co̱ ajcuiꞌ chixcꞌulbal li rey. Chalen nak co̱ li rey incꞌaꞌ quixchꞌaj li rok, chi moco quixjo lix mach, chi moco quixpuchꞌ li rakꞌ toj retal nak quisukꞌi chak chi sa saꞌ xchꞌo̱l.

Li xHu LIX RUT 3:3

Ba̱nu li cꞌaꞌru tinye a̱cue. Tat-ati̱nk ut ta̱qꞌue a̱sununquil ban. Ta̱tikib a̱cuib chi cha̱bil ut tatxic aran. Abanan ma̱cꞌut a̱cuib chiru laj Booz nak toj ma̱jiꞌ narakeꞌ chi cuaꞌac ut chi ucꞌac.

San Mateo 6:17

Aꞌut la̱ex nak te̱ba̱nu le̱ ayu̱n, te̱chꞌaj le̱ ru ut te̱yi̱b e̱rib chi us,

Amós 6:6

Ni̱nki secꞌ nequerucꞌ cuiꞌ le̱ vino. Ut nequerocsi li sununquil ban li kꞌaxal terto xtzꞌak. Abanan incꞌaꞌ nayotꞌeꞌ e̱chꞌo̱l xban li raylal li yo̱queb chixcꞌulbal le̱ ras e̱ri̱tzꞌin la̱ex laj Israel.

2 Samuel 14:2

Quixtakla xcꞌambal jun li ixk cuan aran Tecoa. Li ixk aꞌan cuan xnaꞌleb chixba̱nunquil cꞌaꞌak re ru chi naꞌlebil. Nak li ixk quicuulac riqꞌuin, quixye re: —Ba̱nu a̱cuib joꞌ nak ra saꞌ a̱chꞌo̱l chirix xcamic jun la̱ cuechꞌalal. Qꞌue cha̱cuix li tꞌicr li naxcꞌut nak ra saꞌ a̱chꞌo̱l. Ma̱qꞌue li sununquil ban. Ba̱nu chi joꞌcan re nak ta̱cꞌutu̱nk nak ac junxil na-oc xrahil a̱chꞌo̱l.

San Lucas 7:46

La̱at incꞌaꞌ xaqꞌue li aceite saꞌ lin jolom joꞌ cꞌaynako xba̱nunquil, abanan li ixk aꞌin xyuli li cuok saꞌ sununquil ban.