Eclesiastés 9:6 - Li Santil hu

⁶ Li ac camenakeb chic incꞌaꞌ chic nequeꞌrahoc, chi moco xicꞌ chic nequeꞌiloc ut incꞌaꞌ chic nequeꞌcakalin, chi moco teꞌoque̱nk chic riqꞌuin li cꞌaꞌru na-uxman saꞌ ruchichꞌochꞌ.

Q'eqchi Bible

⁶ Ink'a' chik neke'rahok chi moko xik' neke'ilok, ink'a' chik neke'kaqalink chi moko neke'okenk chik rik'in li na'uxmank arin sa' ruuchich'och'. Ak xraqe'k chixjunil a'an!

Eclesiastés 9:6 ပူးပေါင်းရင်းမြစ်များ

San Mateo 2:20

Ut quixye re: —Cuaclin. Cꞌam li cꞌulaꞌal joꞌ cuiꞌ li naꞌbej ut texxic cuiꞌchic saꞌ li tenamit Israel xban nak xeꞌcam li queꞌajoc re xcamsinquil li cꞌulaꞌal, chan.

Eclesiastés 6:12

¿Ma cuan ta biꞌ junak nanaꞌoc re cꞌaꞌru li us chokꞌ re li cui̱nk nak cuan arin saꞌ ruchichꞌochꞌ? Lix yuꞌam nanumeꞌ saꞌ junpa̱t chi ma̱cꞌaꞌ rajbal. Ut, ¿ma cuan ta biꞌ junak ta̱yehok re cꞌaꞌru ta̱cꞌulma̱nk nak acak xcam?

Proverbios 10:28

Eb li ti̱queb xchꞌo̱l sahil chꞌo̱lej nequeꞌroybeni. Abanan eb li nequeꞌxba̱nu ma̱usilal, ma̱cꞌaꞌ nequeꞌroybeni.

Éxodo 1:8

Saꞌ li tenamit Egipto quijala li acuabej. Li acuabej aꞌan incꞌaꞌ quixnau chanru nak quicuan laj José.

Eclesiastés 2:10

Chixjunil li sahil chꞌo̱lej li quicuaj, quinba̱nu. Ma̱ jun sut incꞌaꞌ ta quinba̱nu li cꞌaꞌru quinrahi ru. Ut quisahoꞌ saꞌ inchꞌo̱l riqꞌuin lin cꞌanjel li quinba̱nu. Li sahil chꞌo̱lej quincꞌul, aꞌan re̱kaj li cꞌanjel quinba̱nu.

Eclesiastés 3:22

Riqꞌuin aꞌin ninqꞌue retal nak li us tixba̱nu li cui̱nk, aꞌan nak ta̱sahokꞌ saꞌ xchꞌo̱l riqꞌuin lix cꞌanjel xban nak aꞌan li tento tixba̱nu. Ut ma̱ ani ta̱ru̱k ta̱cꞌamok chak re chi rilbal li cꞌaꞌru ta̱cꞌulma̱nk mokon xban nak ac camenak chic.

Eclesiastés 9:1

Relic chi ya̱l la̱in quinqꞌue inchꞌo̱l chixtzolbal rix chixjunil li cꞌaꞌak re ru aꞌin. Ut quinqꞌue retal nak li ti̱queb xchꞌo̱l ut li cuanqueb xnaꞌleb cuanqueb saꞌ rukꞌ li Dios, joꞌ ajcuiꞌ li cꞌaꞌru nequeꞌxba̱nu. Ma̱ ani naxnau ma nequeꞌraheꞌ malaj ut xicꞌ nequeꞌileꞌ. Ut incꞌaꞌ nequeꞌxnau cꞌaꞌru teꞌxcꞌul mokon.

Isaías 38:11

La̱in quincꞌoxla nak incꞌaꞌ chic tincuil lix lokꞌal li Ka̱cuaꞌ arin saꞌ ruchichꞌochꞌ, chi moco teꞌcuil chic ru li cristian li toj yoꞌyo̱queb.