Eclesiastés 9:18 - Li Santil hu

¹⁸ Kꞌaxal us nak cua̱nk kanaꞌleb chiru nak cua̱nk kacꞌanjeleba̱l re pletic. Li ani incꞌaꞌ us xnaꞌleb naxpoꞌ ru li us.

Q'eqchi Bible

¹⁸ Q'axal us li choxahil na'leb' chiruheb' li ch'iich' neke'k'anjelak re yalok; ab'anan naq naluktaak junaq poyanam, nasache'k chixjunil li chaab'ilal.

Eclesiastés 9:18 ပူးပေါင်းရင်းမြစ်များ

Josué 7:5

Queꞌcamsi̱c cuaklaju xcaꞌcꞌa̱l (36) eb laj Israel. Ut eb lix comoneb queꞌe̱lelic. Queꞌxtiquib ra̱linanquileb saꞌ li tenamit Hai. Queꞌcuulac cuan cuiꞌ li cubsi̱nc li nequeꞌisin cuiꞌ pec ut aran queꞌnumta saꞌ xbe̱neb. Joꞌcan nak eb laj Israel queꞌchꞌinan xchꞌo̱l. Incꞌaꞌ chic queꞌcacuu xchꞌo̱leb chi pletic.

Josué 7:1

Jun li cui̱nk aj Acán xcꞌabaꞌ, xcomoneb li ralal xcꞌajol laj Judá, quixxoc chokꞌ re li cꞌaꞌru ac kꞌaxtesinbil xban li Dios re sachecꞌ. Laj Acán, aꞌan li ralal laj Carmi. Laj Carmi, aꞌan li ralal laj Zabdi ut laj Zabdi, aꞌan li ralal laj Zera. Li ma̱c quixba̱nu laj Acán, li Dios quixqꞌue saꞌ xbe̱neb chixjunileb li ralal xcꞌajol laj Israel, ut cꞌajoꞌ nak quijoskꞌoꞌ saꞌ xbe̱neb.

Eclesiastés 9:16

Nak ninqꞌue retal aꞌin la̱in ninye nak kꞌaxal us nak cua̱nk kanaꞌleb chiru nak cauhak kib. Abanan eb aꞌan queꞌxtzꞌekta̱na lix naꞌleb li cui̱nk aꞌan yal xban nak nebaꞌ ut incꞌaꞌ queꞌrabi li cꞌaꞌru quixye.

2 Timoteo 3:8

Eb a cui̱nk aꞌan yo̱queb chixba̱nunquil joꞌ queꞌxba̱nu laj Janes ut laj Jambres nak queꞌxcuechꞌi rix laj Moisés. Nequeꞌxtzꞌekta̱na li ya̱l. Incꞌaꞌ useb lix naꞌlebeb ut ma̱cꞌaꞌ nequeꞌoc cuiꞌ xban nak tzꞌekta̱nanbil li pa̱ba̱l xbaneb.

Josué 22:20

Chijulticokꞌ e̱re nak laj Acán li ralal laj Zera quima̱cob riqꞌuin xchapbal li ta̱cꞌanjelak chiru li Dios ut riqꞌuin xchapbal li ac kꞌaxtesinbil re sachecꞌ. Xban li ma̱c li quixba̱nu, li Ka̱cuaꞌ quijoskꞌoꞌ saꞌ kabe̱n chikajunilo ut moco caꞌaj cuiꞌ ta aꞌan quicam xban li ma̱c li quixba̱nu, chanqueb.

2 Reyes 21:2

Laj Manasés quima̱cob chiru li Dios xban nak quixba̱nu li ma̱usilal li queꞌxba̱nu li tenamit li queꞌisi̱c saꞌ li naꞌajej aꞌan xban li Dios nak queꞌoc laj Israel.

Eclesiastés 2:13

La̱in xinqꞌue retal nak kꞌaxal us li cha̱bil naꞌleb chiru li naꞌleb ma̱cꞌaꞌ na-oc cuiꞌ, joꞌ li cutan kꞌaxal us chiru li kꞌojyi̱n.

Eclesiastés 7:12

Li naꞌleb naxtenkꞌa li junju̱nk. Joꞌcan ajcuiꞌ li tumin naxtenkꞌa li junju̱nk. Abanan li ani cuan xnaꞌleb naxnau xcolbal rix lix yuꞌam.

1 Samuel 14:30

Us raj cui ta eb li kasoldados queꞌxtzaca li tzacae̱mk li queꞌre̱chani riqꞌuineb laj filisteo. Kꞌaxal raj cuiꞌchic nabaleb laj filisteo xeꞌkacamsi, chan.

Li xHu LAJ JOB 35:8

Cui la̱at cha̱bilat, aꞌaneb ajcuiꞌ la̱ cuas a̱cui̱tzꞌin li teꞌcꞌuluk re li usilal. Ut cui la̱at tatma̱cobk, aꞌan eb ajcuiꞌ la̱ cuas a̱cui̱tzꞌin li teꞌcꞌuluk re li raylal.

Eclesiastés 7:19

Li ani cuan xnaꞌleb naqꞌueheꞌ xcacuilal xban lix naꞌleb ut cau rib chiru laje̱b chi cui̱nk li cuanqueb xcuanquil.

Eclesiastés 10:1

Li camenak raxya̱t naxpoꞌ li sununquil ban ut nachuhoꞌ. Joꞌcan ajcuiꞌ li to̱ntil naꞌleb naru tixpoꞌ ru li naꞌleb li kꞌaxal lokꞌ.

Eclesiastés 10:10

Cui li ma̱l na-el li xkꞌesnal re, ut cui incꞌaꞌ ta̱qꞌue xkꞌesnal, tento nak tatyocꞌok chi cau. Joꞌcan nak kꞌaxal us nak cua̱nk a̱naꞌleb chixcꞌoxlanquil chanru ta̱ba̱nu re nak ta̱ba̱nu chi us li cꞌaꞌak re ru.