Eclesiastés 9:11 - Li Santil hu

¹¹ Cuan jun chic xinqꞌue retal saꞌ ruchichꞌochꞌ nak ma̱cuaꞌeb li kꞌaxal se̱beb li nequeꞌe̱chanin re li ma̱tan saꞌ li a̱linac, chi moco eb li cauheb rib li nequeꞌnumta saꞌ li ple̱t. Ut eb li cuanqueb xnaꞌleb incꞌaꞌ nequeꞌxtau xtzacae̱mkeb yal xban nak cuanqueb xnaꞌleb. Ut eb li se̱beb xchꞌo̱l incꞌaꞌ nequeꞌbiomoꞌ yal xban nak se̱beb xchꞌo̱l. Ut eb li tzolbileb moco rajlal ta nequeꞌcꞌuleꞌ saꞌ usilal. Chixjunil aꞌin moco nequeꞌxnau ta jokꞌe teꞌxcꞌul li chꞌaꞌajquilal.

Q'eqchi Bible

¹¹ Wank jun chik xwil laa'in sa' ruuchich'och': naq maawa' li jwal seeb'eb' neke'eechanink re li maatan sa' li aanilak, chi moko li q'axal kaweb' rib' neke'q'axok u sa' li yalok. Wan naq li wankeb' xna'leb' ink'a' neke'xtaw xtzekemqeb'; wan naq li seeb'eb' xk'a'uxl ink'a' neke'b'ihomo'k, ut eb' li tzolb'ileb' chi us ink'a' neke'k'ule'k chi chaab'il. Xb'aan naq xtaw xhonal xk'ulb'al li ch'a'ajkilal cho'q reheb'.

Eclesiastés 9:11 ပူးပေါင်းရင်းမြစ်များ

Jeremías 9:23

Li Ka̱cuaꞌ quixye: —Li ani cuan xnaꞌleb mixnimobresi rib xban nak cuan xnaꞌleb, chi moco li cau rib tixnimobresi rib xban nak cau rib. Ut li biom incꞌaꞌ tixnimobresi rib xban nak cuan xbiomal.

Eclesiastés 3:17

Joꞌcan nak quinye saꞌ inchꞌo̱l: —Li ani ti̱c xchꞌo̱l ta̱rakekꞌ a̱tin saꞌ xbe̱n xban li Dios, ut ta̱rakekꞌ ajcuiꞌ a̱tin saꞌ xbe̱n li naxba̱nu ma̱usilal xban nak ac xakabanbil li ho̱nal aꞌan xban li Dios nak ta̱rakekꞌ a̱tin saꞌ kabe̱n riqꞌuin li cꞌaꞌru nakaba̱nu ut riqꞌuin li cꞌaꞌru nakacꞌul.—

Eclesiastés 3:14

Ut ninqꞌue ajcuiꞌ retal nak chixjunil li naxba̱nu li Dios ta̱cua̱nk chi junelic. Chixjunil li cꞌaꞌru quixba̱nu incꞌaꞌ naru xqꞌuebal xtzꞌakob chi moco naru xjepbal. Li Dios quixba̱nu chi joꞌcaꞌin re nak chixjunileb teꞌxxucua ru.

Efesios 1:11

La̱o aj judío sicꞌbil ku xban li Dios chokꞌ ralal xcꞌajol saꞌ xcꞌabaꞌ li Cristo. Aꞌin qui-uxman xban nak joꞌcan quiraj li Dios ut xban nak aꞌan yal re saꞌ xbe̱n chixjunil.

2 Crónicas 20:15

Laj Jahaziel quixye reheb: —Chacuabihak, at rey Josafat. Ut cherabihak ajcuiꞌ la̱ex li cuanquex Judá ut Jerusalén. Li Ka̱cuaꞌ yo̱ chixyebal e̱re chi joꞌcaꞌin, “Mexxucuac, chi moco chi-oc e̱cꞌaꞌux chirilbal li qꞌuila tenamit li xeꞌchal chi pletic e̱riqꞌuin xban nak ma̱cuaꞌ la̱ex texpletik. Li Dios ban ta̱pletik riqꞌuineb.”

Deuteronomio 8:18

Chinak ban saꞌ e̱chꞌo̱l nak li Ka̱cuaꞌ, aꞌan li naqꞌuehoc le̱ cuanquil chi biomocꞌ. Naxba̱nu aꞌan re nak ta̱tzꞌaklok ru li contrato li quixba̱nu riqꞌuineb le̱ xeꞌto̱nil yucuaꞌ joꞌ yo̱ chixba̱nunquil e̱re anakcuan.

Eclesiastés 4:4

Ut quinqꞌue ajcuiꞌ retal nak li ani nacꞌanjelac chi cha̱bil ut chi cau, aꞌan nacakali̱c. Ut chixjunil aꞌin ma̱cꞌaꞌ na-oc cuiꞌ. Junes raylal naxqꞌue.

Jeremías 46:6

Eb li nequeꞌa̱linac chi cau incꞌaꞌ naru teꞌe̱lelik, chi moco li cauheb rib. Saꞌ li norte chire li nimaꞌ Éufrates xeꞌxtich li rokeb ut xeꞌtꞌaneꞌ.

Eclesiastés 7:13

Cheqꞌuehak retal li cꞌaꞌru naxba̱nu li Dios. ¿Ma cuan ta biꞌ junak naru tixti̱cobresi rix junak li cꞌaꞌak re ru li ac xyi̱b li Dios chi yocos rix?

Eclesiastés 4:1

Ut quinqꞌue ajcuiꞌ retal chixjunil li ra xi̱cꞌ li nequeꞌxba̱nu saꞌ ruchichꞌochꞌ. Eb li rahobtesinbileb yo̱queb chi ya̱bac xban li raylal nequeꞌxcꞌul. Ut ma̱ ani nacꞌojoban xchꞌo̱leb. Eb li nequeꞌrahobtesin reheb cuanqueb xcuanquil saꞌ xbe̱neb. Ut ma̱ ani natenkꞌan reheb li yo̱queb chi cꞌuluc raylal.

Eclesiastés 2:12

Chirix aꞌin quin-oc chi cꞌoxlac chirix li naꞌleb li cha̱bil ut chirix li naꞌleb li incꞌaꞌ us, li ma̱cꞌaꞌ na-oc cuiꞌ. ¿Cꞌaꞌru tixba̱nu li rey li ta̱oc nak ma̱ anihakin chic la̱in? Ma̱cꞌaꞌ. Tixba̱nu joꞌ xinba̱nu la̱in.

Li xHu LAJ JOB 34:29

Cui li Dios incꞌaꞌ tixqꞌueheb chixtojbal xma̱queb, ¿ani ta biꞌ chic ta̱ru̱k ta̱ba̱nu̱nk re? Ut cui incꞌaꞌ ta̱ril li cꞌaꞌru yo̱queb chixba̱nunquil, ¿ani ta biꞌ chic ta̱ilok re? Aꞌan na-iloc reheb li tenamit joꞌ eb ajcuiꞌ li cristian,

2 Samuel 17:14

Laj Absalón ut chixjunileb li cuanqueb rochben queꞌxye: —Kꞌaxal us li naꞌleb li xqꞌue laj Husai chiru li xqꞌue laj Ahitofel, chanqueb. Queꞌxye nak us xban nak ac cuan saꞌ xchꞌo̱l li Dios nak ta̱poꞌekꞌ ru li naꞌleb li quixqꞌue laj Ahitofel ut nak laj Absalón tixcꞌul li raylal.

Malaquías 3:18

Toj aran te̱qꞌue retal li ani quixba̱nu li us ut li ani incꞌaꞌ quixba̱nu li us. Te̱qꞌue retal lix jalanil riqꞌuineb li ani queꞌcꞌanjelac chicuu ut li ani incꞌaꞌ queꞌcꞌanjelac chicuu, chan li Ka̱cuaꞌ.

1 Samuel 17:50

Joꞌcaꞌin nak quixcamsi laj Goliat laj David, usta ma̱cꞌaꞌ xchꞌi̱chꞌ riqꞌuin. Quixcamsi ban riqꞌuin rantꞌin ut pec.

Daniel 4:35

Chixjunileb li cuanqueb saꞌ ruchichꞌochꞌ ma̱cꞌaꞌeb xcuanquil chiru aꞌan. Li Ka̱cuaꞌ kꞌaxal nim xcuanquil saꞌ xbe̱neb li cuanqueb saꞌ choxa joꞌ ajcuiꞌ saꞌ ruchichꞌochꞌ. Naxba̱nu li cꞌaꞌru naraj aꞌan ut ma̱ ani naru naa̱tinac chirix.

2 Samuel 17:23

Laj Ahitofel quixqꞌue retal nak incꞌaꞌ queꞌxba̱nu li cꞌaꞌru quixye reheb. Joꞌcan nak quixyi̱b rix lix bu̱r ut quitakeꞌ chirix ut quisukꞌi saꞌ xtenamit. Quixyi̱b ru li cꞌaꞌru re saꞌ li rochoch. Ut chirix aꞌan quixyatzꞌ rib. Joꞌcaꞌin nak quicam laj Ahitofel. Quimukeꞌ saꞌ li mukleba̱l li quimukeꞌ cuiꞌ lix yucuaꞌ.

Deuteronomio 8:17

Incꞌaꞌ taxak te̱cꞌoxla nak riqꞌuin le̱ cuanquil ut riqꞌuin le̱ metzꞌe̱u cuan chixjunil li cꞌaꞌru e̱re.

1 Samuel 6:9

Te̱qꞌue retal cui eb li ba̱c teꞌoc chi xic saꞌ li be li naxic saꞌ li tenamit Bet-semes, lix naꞌajeb laj Israel. Cui aran teꞌxic, te̱nau nak lix Dioseb laj Israel, aꞌan li quiqꞌuehoc chak re li raylal aꞌin saꞌ kabe̱n. Cui ut incꞌaꞌ teꞌxic aran, riqꞌuin aꞌan te̱qꞌue retal nak moco aꞌan ta li quiqꞌuehoc re li raylal aꞌin saꞌ kabe̱n. Yal xkacꞌul ban, chanqueb.

Salmos 76:5

Eb li cauheb raj rib queꞌmakꞌeꞌ chiruheb li cꞌaꞌru reheb. Quilajeꞌcam ut ma̱ jun reheb li cauheb rib queꞌsumen.

Proverbios 1:5

Li ani cuan xnaꞌleb ut se̱b xchꞌo̱l chixqꞌuehak retal li a̱tin aꞌin re nak tixtau xtzꞌakob lix naꞌleb.

Eclesiastés 9:2

Chixjunileb juntakꞌe̱t teꞌxcꞌul. Juntakꞌe̱t teꞌxcꞌul li ti̱queb xchꞌo̱l riqꞌuineb li incꞌaꞌ ti̱queb xchꞌo̱l. Juntakꞌe̱t teꞌxcꞌul li cha̱bileb xnaꞌleb riqꞌuineb li incꞌaꞌ useb xnaꞌleb. Juntakꞌe̱t teꞌxcꞌul li nequeꞌxba̱nu li us riqꞌuineb li nequeꞌxba̱nu ma̱usilal. Juntakꞌe̱t teꞌxcꞌul li nequeꞌxqꞌue lix cꞌatbil mayej riqꞌuineb li incꞌaꞌ nequeꞌxqꞌue lix cꞌatbil mayej. Juntakꞌe̱t teꞌxcꞌul li ma̱cꞌaꞌeb xma̱c riqꞌuineb li cuanqueb xma̱c. Juntakꞌe̱t teꞌxcꞌul li nequeꞌyechiꞌin cꞌaꞌak re ru riqꞌuin juramento riqꞌuineb li incꞌaꞌ nequeꞌxba̱nu li juramento.

Zacarías 4:6

Lix ángel li Ka̱cuaꞌ quichakꞌoc ut quixye cue: —Aꞌan aꞌin li quixye li Ka̱cuaꞌ re laj Zorobabel: Moco riqꞌuin ta e̱metzꞌe̱u chi moco riqꞌuin ta e̱cuanquil te̱ba̱nu li cꞌanjel aꞌin. Riqꞌuin ban lix cuanquil lin Santil Musikꞌ li tinqꞌue e̱re, chan li nimajcual Dios.

Eclesiastés 9:3

Li cꞌaꞌru incꞌaꞌ us ninqꞌue retal, aꞌan nak juntakꞌe̱t nequeꞌxcꞌul chixjunileb li cuanqueb saꞌ ruchichꞌochꞌ. Junes ma̱usilal ut to̱ntil naꞌleb nequeꞌxcꞌoxla xba̱nunquil joꞌ najtil nequeꞌcuan saꞌ ruchichꞌochꞌ. Ut chirix aꞌan nequeꞌcam.

Jeremías 48:14

La̱ex aj Moab, ¿cꞌaꞌut nak nequeye nak la̱ex cha̱bil soldados ut cau e̱rib chi pletic?