Eclesiastés 8:8 - Li Santil hu

⁸ Ma̱ ani junak nacuan xcuanquil saꞌ xbe̱n lix musikꞌ li junju̱nk. Moco ta̱ru̱k ta tixye nak toj ta̱cua̱nk lix yuꞌam xban nak ma̱cuaꞌ aꞌan yal re saꞌ xbe̱n lix yuꞌam. Chi moco cuan junak cuan xcuanquil saꞌ xbe̱n li ca̱mc xban nak ma̱ ani naru nacoleꞌ chiru li ca̱mc. Li incꞌaꞌ us xnaꞌleb incꞌaꞌ ta̱colekꞌ xban li ma̱usilal naxba̱nu.

Q'eqchi Bible

⁸ Maa'ani junaq wank xwankil sa' xb'een li iq' re naq tixtz'ap, chi moko wank xwankil sa' xb'een xkutankil li kamk malaj sa' xb'een xq'ehil li yalok. Ut ink'a' naru naq taakole'q li ink'a' us xna'leb' xb'aan li maa'usilal xb'aanu.

Eclesiastés 8:8 ပူးပေါင်းရင်းမြစ်များ

Salmos 89:48

Chikajunilo toca̱mk. Ma̱ ani naru ta̱colekꞌ chiru li ca̱mc. Toca̱mk ban chikajunilo.

Li xHu LAJ JOB 14:5

Ac chꞌolchꞌo cha̱cuu joꞌ najtil teꞌcua̱nk xyuꞌam li cristian saꞌ ruchichꞌochꞌ. Ut li cꞌaꞌru nacaye la̱at, ma̱ ani naru ta̱jalok re.

Hebreos 9:27

Chixjunil li tenamit jun sut ajcuiꞌ teꞌca̱mk ut li Ka̱cuaꞌ Dios ta̱rakok a̱tin saꞌ xbe̱neb.

Isaías 28:15

La̱ex nequeye: —La̱o xkaba̱nu jun li contrato riqꞌuin li ca̱mc ut riqꞌuin lix naꞌajeb li camenak. La̱o incꞌaꞌ takacꞌul li raylal saꞌ eb li cutan nak nachal. Xkacꞌojob kachꞌo̱l riqꞌuin li balakꞌi̱nc ut li ticꞌtiꞌic, chanquex.

Eclesiastés 3:21

¿Ma cuan ta biꞌ junak nanaꞌoc re chi tzꞌakal nak lix musikꞌeb li cristian nequeꞌxic saꞌ choxa ut lix musikꞌ li xul nequeꞌosoꞌ rubel chꞌochꞌ?

Proverbios 14:32

Li ani incꞌaꞌ useb xnaꞌleb, aꞌ ajcuiꞌ lix ma̱usilaleb nasachoc reheb. Ut eb li ti̱c xchꞌo̱leb incꞌaꞌ nequeꞌxxucua ru li ca̱mc xban nak cuan li cꞌaꞌru nequeꞌroybeni.

Salmos 9:17

Chixjunileb li incꞌaꞌ useb xnaꞌleb teꞌtakla̱k saꞌ xbalba xban nak nequeꞌxtzꞌekta̱na li Dios.

2 Corintios 13:4

Cubenak xcuanquil li Cristo nak quicamsi̱c chiru li cruz. Abanan quicuaclesi̱c cuiꞌchic saꞌ xya̱nkeb li camenak chi yoꞌyo xban xcuanquil li Dios. Joꞌ nak quixcubsi xcuanquil li Cristo, joꞌcan ajcuiꞌ takacubsi kacuanquil la̱o. Abanan yoꞌyo̱co xban xcuanquil li Dios ut qꞌuebil ke li kacuanquil xban li Dios re xkꞌusbaleb li nequeꞌxba̱nu li incꞌaꞌ us.

1 Corintios 15:43

Nak namukeꞌ junak camenak ma̱cꞌaꞌ xcacuilal chi moco xlokꞌal. Abanan nak ta̱cuacli̱k cuiꞌchic chi yoꞌyo, kꞌaxal nimak xlokꞌal ut cua̱nk chic xcuanquil.

Isaías 28:18

Ta̱sachekꞌ xcuanquil li contrato li queba̱nu riqꞌuin li ca̱mc joꞌ ajcuiꞌ li contrato li queba̱nu riqꞌuin lix naꞌajeb li camenak. Kꞌaxal ra te̱cꞌul nak ta̱cha̱lk li raylal saꞌ e̱be̱n.

Li xHu LAJ JOB 34:14

Cui li Dios ta̱risiheb lix musikꞌeb li cristian,

2 Samuel 14:14

Chikajunilo toca̱mk. Chanchano li haꞌ hoybil saꞌ chꞌochꞌ. Incꞌaꞌ chic naru xxocbal. Li Ka̱cuaꞌ Dios ma̱ ani narisi xyuꞌam. Naxsicꞌ ban xya̱lal chanru nak ta̱sukꞌi̱k cuiꞌchic riqꞌuin li najt cuan riqꞌuin.

2 Reyes 7:15

Queꞌco̱eb ut queꞌcuulac toj saꞌ li nimaꞌ Jordán. Ut queꞌxqꞌue retal nak yalak bar natꞌanaxin li rakꞌeb ut li cꞌaꞌru reheb laj Siria li queꞌxtzꞌek nak yo̱queb chi e̱lelic. Queꞌsukꞌi cuiꞌchic riqꞌuin li rey ut queꞌxye re cꞌaꞌru queꞌril chak.

Eclesiastés 8:13

Ac chꞌolchꞌo nak eb li nequeꞌxba̱nu li ma̱usilal incꞌaꞌ us teꞌxcꞌul xban nak yal nequeꞌxnumsi lix yuꞌameb chi ma̱cꞌaꞌ rajbal. Incꞌaꞌ nequeꞌxqꞌue xlokꞌal li Dios ut incꞌaꞌ nequeꞌxxucua ru.

Proverbios 12:3

Ma̱ ani naru naxcꞌojob xchꞌo̱l saꞌ xbe̱n li ma̱usilal. Abanan li ti̱queb xchꞌo̱l cꞌojcꞌo̱queb xchꞌo̱l saꞌ xbe̱n li ti̱quilal.

Eclesiastés 9:12

Li cui̱nk incꞌaꞌ naxnau jokꞌe tixcꞌul junak chꞌaꞌajquilal. Chanchaneb li car li nequeꞌchapeꞌ riqꞌuin yoy. Ut chanchaneb li xul li nequeꞌchapeꞌ riqꞌuin raꞌal. Joꞌcan ajcuiꞌ nequeꞌxcꞌul li cui̱nk. Eb aꞌan nequeꞌxcꞌul li chꞌaꞌajquilal chi ma̱cꞌaꞌeb saꞌ xchꞌo̱l nak nacuulac xkꞌehil.

Isaías 47:10

Xecꞌojob e̱chꞌo̱l riqꞌuin li ma̱usilal xeba̱nu ut xeye, “Ma̱ ani na-iloc ke,” chanquex. Xebalakꞌi e̱rib xban nak xecꞌoxla nak cuan e̱naꞌleb ut xeye, “La̱o kꞌaxal cuan kacuanquil. Ma̱ jun chic cuan xcuanquil joꞌ la̱o,” chanquex.