Eclesiastés 8:6 - Li Santil hu

⁶ Cuan jun li ho̱nal re xba̱nunquil chixjunil li cꞌaꞌak re ru ut cuan ajcuiꞌ li naꞌleb re xcꞌoxlanquil chanru xba̱nunquil. Abanan cuan jun li chꞌaꞌajquilal saꞌ xbe̱n li junju̱nk,

Q'eqchi Bible

⁶ Wank xhonalil xb'aanunkil chixjunil ut wank li na'leb' re xk'oxlankil chanru xb'aanunkil; ab'an li qach'a'ajkilal a'an a'in:

Eclesiastés 8:6 ပူးပေါင်းရင်းမြစ်များ

Eclesiastés 3:1

Cuan li ho̱nal nak nacꞌulman chixjunil li cꞌaꞌak re ru saꞌ li ruchichꞌochꞌ aꞌin.

Eclesiastés 3:17

Joꞌcan nak quinye saꞌ inchꞌo̱l: —Li ani ti̱c xchꞌo̱l ta̱rakekꞌ a̱tin saꞌ xbe̱n xban li Dios, ut ta̱rakekꞌ ajcuiꞌ a̱tin saꞌ xbe̱n li naxba̱nu ma̱usilal xban nak ac xakabanbil li ho̱nal aꞌan xban li Dios nak ta̱rakekꞌ a̱tin saꞌ kabe̱n riqꞌuin li cꞌaꞌru nakaba̱nu ut riqꞌuin li cꞌaꞌru nakacꞌul.—

Eclesiastés 3:11

Li Dios naxyi̱b chixjunil chi cha̱bil saꞌ xkꞌehil joꞌ naraj aꞌan. Xqꞌue saꞌ li kachꞌo̱l xra̱bal ru xnaubal li cꞌaꞌru ta̱cꞌulma̱nk. Abanan incꞌaꞌ nakatau ru chixjunil li cꞌaꞌru quixba̱nu chak li Dios saꞌ xticlajic toj chalen saꞌ rosoꞌjic.

San Lucas 13:25

Nak acak xtzꞌap li oqueba̱l laj e̱chal re li cab, la̱ex texcana̱k chirix cab ut te̱tochꞌ raj chic li puerta ut te̱ye, “Ka̱cuaꞌ, Ka̱cuaꞌ, te li puerta chiku”, chaꞌkex. Abanan aꞌan ta̱chakꞌok ut tixye e̱re, “Incꞌaꞌ ninnau e̱ru bar xexchal chak”, chaꞌak.

Eclesiastés 11:9

La̱ex, li toj sa̱jex, cheyalak xsahil le̱ sa̱jilal. Cheba̱nuhak li cꞌaꞌru te̱ra ru ut li cꞌaꞌru nacuulac che̱ru. Abanan, tento nak te̱qꞌue retal nak saꞌ jun cutan ta̱rakok a̱tin li Dios saꞌ e̱be̱n.

Li xHu LAJ JOB 10:13

Abanan la̱in ninqꞌue retal nak cuan chak jun a̱cꞌaꞌux chicuix chi mukmu.

Li xHu LAJ JOB 33:17

Naxye reheb nak teꞌxcanab xba̱nunquil li incꞌaꞌ us. Ut naxye ajcuiꞌ reheb nak incꞌaꞌ teꞌxnimobresi ribeb.

Li xHu LAJ JOB 33:19

Cuan nak naxkꞌuseb riqꞌuin yajel ut riqꞌuin xrahil lix tibeleb.